影片
營業時間
星期一至日
07:00 - 20:00
以上資料只供參考, 請與餐廳確認詳情
🔥味源📍天水圍天瑞路71-77號天澤街市地下11號海南雞脾飯連可樂 $55嫩滑既雞脾肉配新鮮既青瓜，最後個薑黃飯都好香，唔會好淋亦唔硬身，一啖飯一啖肉再掂埋個汁，算唔錯啦小編簡外賣原因係堂食地下比較細小，會食得幾唔自在，價錢都算抵食
繼續閱讀
喇沙海鮮湯飯(可轉米線、烏冬、米粉)喇沙湯底濃香，有淡淡嘅椰香，用料十足，有魷魚仔、蟹柳、魚腐、魚塊、蝦、青口、螺片？配菜有燈籠椒、芽菜、豆卜、白魚蛋、洋蔥、粟米粒等。係啲米線有少少碎，如果再硬番啲咁多就好。招牌口水雞飯 鍾意佢個口水汁夠辣夠惹味，啲雞更加唔洗講，因為味源啲雞一向有信心保證，鮮嫩、滑、雞味重。 熱奶茶、熱檸水今次嘅奶茶澀左啲，冇乜奶味，番到屋企自行加奶。(奶茶一向都ok，可能今次失手)檸水就正正常常。米線&飯:
繼續閱讀
是日唔想食飯，想食啲濕濕地，又唔想有湯嘅野，食撈米線就啱曬。喺熊貓外賣平台叫左個-海南雞撈米線(口水醬) $41.6^佢地嘅雞一向都做得非常出色，嫩滑而且好香雞味。口水醬好惹味，辣度十足，亦都俾得好豪爽，足夠令每條米線都能夠沾上口水醬。略嫌米線唔夠彈牙，下次試佢嘅撈烏冬。-凍檸檬水(少甜)$1.6^檸檬新鮮，竟然有四片咁多，唔似有時去啲餐廳飲嘅檸檬水/檸檬茶，啲檸檬係甜嘅。^以上價錢為外賣自取八折，並非正價。
繼續閱讀
今次就喺街市度買咗個海南雞飯外賣，諗住拎返嚟屋企試吓，總共試咗兩款食物。-1.海南雞飯首先個飯嘅薑黃味充足，而且有椰香味，軟硬度適中，飯亦都唔會太散，都幾有泰式風味，今次就食雞髀位，肉質都幾嫩滑，而且份量都幾夠多，個雞皮都幾爽彈，佢所提供嘅姜蓉都幾夠，可以攞嚟點海南雞嚟食，令到個雞嘅層次升級左。-2.咖喱牛腩飯首先咖喱嘅色澤都幾重，因此個飯都幾香濃，充滿咖喱嘅香味，而且啲牛腩都幾入味，幾索汁，蚊得都林，唔會太過韌，一咬即斷。-總括嚟講價錢都幾算親民，如果係街坊不妨一試。
繼續閱讀