味王日本料理

營業中

休息中

上了open rice 數年，第一次咁有勇氣申請個account寫食評，因為真的不忍心見到這食店坐落的商場其他食店有不錯評分時，味王竟然負分，不可思議加不能接受！正題：這裡menu平均價錢十分大眾化，五十五元一個便當屬極高性價比，一碟小但味道不錯的前菜，有兩個主食加三片魚生，加多杯飲品，仲想點？！真正正題：這裡的天婦羅我夠膽講，係一流，咁嘅快餐式日本料理有咁高水準的天婦羅，離奇！雜錦天婦羅有茄子南瓜芋頭蕃薯加隻蝦，每一次都炸得好有誠意，火候控制得啱啱好，金黃色，一點沒有過份油膩，亦食得看得出不是萬年油，粉漿也厚薄適中，不太厚但夠口感，南瓜跟茄子是我的最愛，外脆內軟~老實説大部分連鎖店也不是他的對手！PS正題：晚上來吃二人晚餐，真係抵到冇人有！前菜加湯加六片刺身加三個主食加兩杯野飲加四粒雪米糍（主食必要點天婦羅！！）價錢唔到百六蚊冇加一！真的不能抵食更多~

咁既出品都叫自己做日本料理，咁 7-eleven 可以係米芝連三星多國菜食府 ﹗街口間車仔麵加條蟹柳咪係日式拉麵 ﹗罐頭、即食、翻熱、即食麵、翻炸，平價食材，嚇死日本人料理。如果唔係個客想試一試，我真係唔會幫襯。食一次都厭多，無下次，飽晒。中華沙律、香辣螺頭，唔洗講都知係買返黎即食貨啦，無咩好講，差差差。前菜份量少，一篤仔海藻又唔夠凍，螺頭仲係腍劈劈添，都唔知食緊咩，兩者都只有調味料及醬汁味道，救命呀 ﹗甜蝦刺生，三文魚刺生，OK 啦，無咩大問題，街邊貨色。硬實燒鰻魚配照燒醬，仲乾爭爭，咩事呀？炒什菜，咩黎架？味精湯浸菜？炒菜咁架咩？無野講，劣劣劣。海鮮拉麵？﹗值 HKD38 蚊，最初諗住叫餃子釀雞翼拉麵，想睇吓到底點樣將餃子釀係雞中翼裡面。不過驚驚地，都係叫啲普通野安全啲，但都係中招。見個配搭都係第一次，少量昆布、一湯羹粟米粒、半條斜切平價蟹柳、酥炸橙色假帶子、迷你芝麻八爪魚一隻、日式魚蛋一片、硬實魷魚翼四份一片、天婦羅炸蝦，佢層皮厚得出奇，不過浸完湯就甩皮，十足成個套咁，可以套返落隻蝦度，搞笑 ﹗試埋您個拉麵，即食味精拉麵，係咁多 ﹗叫住走蔥，都係無既，落單時個四眼肥仔完全唔尊心聽

是日, 去了維港中心辦點事. 事成後來了了這個冇乜人既商場搵野食. 除了門口的老麥, UCC,及樓上兩間茶樓外. 此商場, 大就夠大, 2樓幾乎全吉. 而其他小食肆, 只有三小間. 在沒什麼可選擇後, 選擇了這一間港式的日式食肆.此店於午市, 只有定食套餐. 看過便當完全不吸引. 本想要一個釀雞翼餃子湯麵. 侍認回覆沒有釀雞翼餃子後, 便改叫一個鰻魚飯.點下了定食, 首先來了一小綴中華沙律. 作為餐前開胃小點, 這小小的確是剛剛好. 不過, 是落了麻油的, 但完全唔覺得佢香. 只是一小口份量, 不多要求.鰻魚飯, 其實一看店子, 已經沒有對呢度既食物作出任何期望. 燒汁, 好像不夠, 剛好夠沾魚, 但唔夠撈飯. 而且鰻魚飯製作非常有營, 多菜, 少肉, 絕對不是你係比較比宗既日本料理中食到既配搭. 幸好, 米是用了珍珠米, 都似似地.跟餐仲有奶茶, 不過好重奶茶粉味. 一定不是用茶葉沖出的. 我個人不大喜歡. 而味噌汁, 就算是稱得上是OK, 若下次再黎開呢一頭, 旁邊的茶餐廳, 應該更啱食.

[]盛 載 麵 豉 湯 器 皿 勁 大 漂 白 水 味 !!!!! 2010年1月13日 一行三人到此吃lunch食品是好味的, 但那加料麵豉湯就絶對是差差差, 食肆常用洗潔精加漂白水洗碗碟是常見的, 但未過清水就拿來使用 ????!!!!!!同待應講完之後, 便換來第二碗, 但已喝不下去, 叫他拿走, 幸好set lunch 及飲品之器皿沒有漂白水味.

呢間鋪開咗好幾年但係竟然一個食評都無都幾怪.昨日經過見無乜人,諗著悠閒D食個午飯,入去至發現原來佢以居酒屋自居,但又好似無酒賣,又一個奇怪.午餐款式唔少($38 - $48)包熱飲,大部份都係拉麵或飯定食,食咗薑汁牛肉拉麵($38),牛肉唔少,味道一般但都好過吉野家,拉麵都算OK,湯底用豬骨湯,味道都幾好,唔係好多味精,其實有地獄同麵豉湯揀,另外又食咗個牛肉,餃子定食,有飯同兩件寿司仲有麵豉湯($48),份量唔少,都幾好食.呢度D奶茶咖啡只有熱無凍,又係怪怪地,味道好似超市賣嘅日本午後紅茶.食食吓突然好多人,外賣又多,原來隔籬工廠區放工食晏,拿拿林走至得.