呼吸咖啡茶館 (已結業)

呼吸咖啡茶館應該係好多人嘅舊回憶，歷久常新，屹立在繁華鬧市中嘅一處淨土。每次去都要搵下係邊條巷仔入先上到去😂同朋友慶祝生日，叫咗蕃茄芝士肉腸薄餅、玫瑰朱古力沙冰、檸檬汁煙三文魚冷麵、蜜糖焗雞翼、英式啤酒炸魚薯條、黑椒薯仔牛柳粒同煙鴨胸飯。我覺得玫瑰朱古力沙冰係必點！少不免都要叫件cake慶祝下嘅我覺得餐廳改名改得好好，顧名思義係比你「呼吸」一下，係到放鬆下。地方揀得好，自成一角，間唔時就想去幫襯下

我們二個女仔，搵地方傾計，咁岩上到黎依間，裝修行古舊風，都幾好feel,叫左一個主菜，素肉溫泉蛋carbonara意粉，點知黎左個煙肉carbonara...😓😓我朋友係素食者，那就尷尬了😂😂因為一個意粉都等左10-15分鐘，雖然好食，但的確有d奈😂一路傾一路等都ok,但要等多次就……不要不要了😂Pizza就一般般，個餅底濕濕地，好似未焗熟咁，但上面d料同芝士係足既，最後原來一個人最低消費一杯野飲😂之後又坐多半小時😂

平時諗起咖啡一定會係去咗高氏大廈。今日個friend話帶我去食好西，又去談下心於是就帶我去咗呢度，自從返工之後就好少去Cafe，估唔到都有驚喜，叫左一個意粉同一個飯，兩個都係內外兼顧，外表靚仔，又好好食，而且啲枱嘅setting好好，枱與抬嘅距離唔會聽到大家講嘢，呢一點係非常好！其實仲有戶外枱可以坐，不過可能因為最近嘅關係，暫時淨係開放戶外兩張枱，一樣咁好feel，唔覺唔覺傾吓講吓坐左兩個幾鐘，每人消費都係百零蚊，又唔使限時限刻😏又多個好地方可以見朋友😊

自舊年23條、蒙面法及武肺疫情影響下，就算有幾好食嘅餐廳，根本無心情去寫食評！！！😩😞2020.7.1 立國安法第一天大日子，當然要響應去行街食飯啦！行足幾個鐘，最後同朋友走去旺角揾到尼間樓上cafe，真係堅正又好hea，坐足3粒鐘都唔趕👍👍 最緊要係個fd啱傾，次次都講唔停😁😁今日太攰但唔太餓，叫咗2個tea set1）牛柳粒薯角+蜜瓜綠茶2）瑞士雞翼+蜜桃蘋果綠茶（這杯忘記影相😜）牛柳粒煮得剛好唔嚡，焦糖化嘅洋蔥同薯角加埋蜜糖好夾好正，食唔停😋😋瑞士雞翼好入咪肉都好嫩生果綠茶好清新唔太甜還有果肉綠茶太好飲唔夠喉想再叫，最終每人再加多杯咖啡先滿足😬😬Mocha 有我最愛又邪惡嘅忌廉，第一啖感覺有點甜，但冰溶後就會好些。而面啡色果粒係咖啡冰（只此一粒），冰溶都唔會太淡，喜歡Mocha 可以試吓👍朋友果杯日式熱Mocha 都不太甜尼度仲有室外可以吸煙，啱哂一班有/冇吸煙嘅朋友一齊hea😎😎差啲忘記咗室外嘅馬賽克枱超靚好有特式，太攰忘記打卡😅😅

平時都去開唔同嘅Cafe，呢間就比較特別啲其實近油麻地地鐵站，5分鐘路程就到。間野幾隱蔽，喺平時經過開嘅暗行仔裏邊。 入到去成個環境都唔錯，好寧靜同埋好適合傾偈，環境亦都好闊落，入去其實係食個環境嘅。 至於食物略貴，但個辣肉醬意粉雖然細碟，但個醬汁好惹味，而且都幾足料，有蘑菇雞肉煙肉。叫左個薯條份量足夠，大條熱辣辣。雖然佢冇配上沙律同湯，但個奶凍布甸真係幾吸引我，都幾大碗同重奶味。 最後飲品方面就有啲失望，咖啡太過酸，睇返網上比較多人推薦係飲朱古力味冰，下次再嚟實會叫番杯，變返個完美嘅晚餐。

今日約左朋友共6位去晚餐，服務食物都差到爆。首先上到2樓入坐，但叫我地去4樓量體溫，再落返2樓，點解唔係2樓整部量體溫器？之後坐低一本menu都冇，不停叫人都冇理，仲要自己左搵右搵先有menu睇下。落單又係叫極都冇人理，我同其他3位朋友叫同一款意粉，8點落order，9點先黎野食都算，都明白點同一款野通常會一次過煮，但黎到份量真係少得可憐（相片果碟已經係最大碟），而且完全係hea整，雞扒意粉一舊雞扒都冇，有果碟都係得細細舊，但就收成130蚊一碟？！味道算係普普通通，但服務同性價比就真係史冇前例咁低，強烈唔建議朋友去，自己亦都唔會再去。

.早幾日同佢朋友諗住見下，所以就揀咗呢間Café Shop 一邊傾吓計一邊食嘢。嗰度有分室內室外，環境真係超靚，拍拖談心簡直係一流。諗唔到地方拍拖嘅話，真心個到可以一試。-《紅酒牛尾飯》$80呢個飯嘅牛尾加咗紅蘿蔔、洋蔥同埋紅酒落去煮。雖然冇乜紅酒味但係食落個口感一啲都，有種入口即溶嘅感覺。啲汁同埋牛尾配埋個白飯食，真係好好味。個飯側邊仲有少少配菜，啱晒晏晝未食嘢嘅你用嚟開胃。.《雞扒冷麵》$77呢個雞扒冷麵嘅雞扒，炸得好鬆脆，啲肉仲要好嫩滑。而個冷麵呢，亦煮得啱啱好唔算好淋但係又唔係好硬。將個熱辣辣嘅雞扒配埋個凍冰冰冷麵食簡直係一流。-《凍荔枝綠茶》$47呢杯野入面會放一粒荔枝用嚟裝飾。粒荔枝食落都幾甜，茶味亦都幾濃，茶底又唔算好甜，個賣相仲要幾靚。啱晒想打卡嘅女士們用嚟影相呀！👅味道：8/10🍱賣相：8/10 🏠環境：9/10店舖唔係好大，座位亦唔係好多，但有分室外室內，而室外嘅環境會更加適合影相。.⭐️總評分：8.5/10其實店舖入邊仲有免費wifi ，可以俾你坐係入面溫下書同做下野。雖然性價比比較低，可以一試！

我一直都係 Full Cup Cafe 的 fans , 去親旺角都一定會去食， 貪佢坐得舒服，同朋友吹下水咁，野食有番咁上下水準，正正常常。今次同朋友去食晚飯，去左二樓坐，有點失望。 環境迫左好多， 再看看餐牌，變左新野。價錢好似差不多， 叫左個 紅酒燴牛尾飯，花茶。等左陣，個飯來左，一食落去：「嘩，個飯好硬」 再試試牛肉，還好，但太淡。最後兩人埋單$300 幾蚊，這質素覺得有點貴了。

每次約人傾野，都會呢間cafe。地點走腳之餘，仲任坐唔嬲野食價錢都唔錯，最鍾意飲佢啲花茶，可以不斷添任，就唔怕同人傾計傾到口水乾了。而且地方乾淨衞生，店員服務都好好。

由讀書到而家出哩做左咁多年野 每次喺旺角行到攰又好想搵地方傾計好 一定會諗起旺角呢一間呼吸Cafe呼吸cafe有度好有室內 有室外 環境氣氛又唔錯 佢忙碌嘅都市中 有一間咁舒服嘅咖啡店 畀我哋有一個好好嘅呼吸空間今次係食飽嘢先過嚟主要係搵個地方傾計所以叫咗件cake嗌咗杯咖啡埋單$186

1️⃣蜂巢蜂蜜咖啡 ($46):依加餐廳最出名係咖啡，試完的確覺得咖啡好飲。 咖啡好香醇，甘甜帶點酸，口感圓潤順口。仲要配一舊蜂巢蜂蜜你，成舊浸晒落去都唔會好甜，可能係真蜂蜜，冇混好多糖製。平時唔太鐘意咖啡都被佢入口順滑既口感吸引，會再飲🤤2️⃣綠茶冰淇淋窩夫($76):一開始我地想些士多啤梨窩夫，但餐廳停售。綠茶雪糕偏甜，冇咩茶香味，但口感都順滑，食唔到好多冰。窩夫好失望，可能餐廳人手嚴重不足，窩夫整完都冇人得閒送到黎，所以我地食既時候窩夫都凍晒😭然後外皮偏硬，用咗好多麵粉溝窩夫醬，完全冇蛋香味，好失望。本身睇圖仲以為佢係好似咖啡弄既窩夫咁，厚身有口感！3️⃣黑帶子海鮮忌廉汁墨魚意粉($96):帶子新解爽口冇雪味，但意粉偏硬身，同埋食既時候都係凍凍地，唔似係即叫即整。忌廉汁偏咸，汁同意粉溶唔到一體，可能意粉同汁唔係一齊整，汁都做得偏稀身。4️⃣薄荷雪糕拿鐵冰咖啡($59):上面都講咗佢既咖啡係做得出色，所以冰咖啡都冇令我失望，入口順口，飲唔停口。雪糕仲好大個🤤整體來講，去chill傾計係幾岩，推薦試咖啡，但主食就麻麻，仲令我失望。同埋食物黎得好慢，黎到都凍晒，得咖啡係即整完就到，如果哩點改善，可能會

同朋友8點3上到黎，好肚餓諗住嗌野食傾計，8點半落單叫左個dinner set同pizza，朋友個dinner set都算快黎，大概15分鐘左右。點知我個pizza等到9點半到未到，朋友都已經食完飲晒野，問waiter佢一開頭話漏左單，跟住又等左15分鐘，之後再問第2個waiter又話無漏單整緊，姐係我等左1個幾鐘先同我講話d單好多仲未整，仲要有個態度勁差既阿叔話一係就等一係就cancel單，仲叫我地唔中意就轉場，其實個問題係我唔係等15分鐘就催單，係我等左1個半鐘未有得食之餘仲要俾人鬧，我都真係第1次去食野俾人咁樣對待。我自己做過餐飲都唔會咁樣對d客，更何況我做過餐飲更加會尊重番提供服務既人，因為深知辛苦，但係我都真係第1次見有人係會咁對d客，姐係我落左單就算等3個鐘都係應該，仲要唔應該催單，態度毫無悔意，真心唔會再黎食，野食野飲都係好普通，仲要好貴，真心貼錢買難受，祝生意興隆

今日岩岩在旺角附近要做完野，好想搵朋友飲杯野傾下計，即興約朋友食下午茶 ，上網搵下有咩cafe 可以5個女仔一齊食下野傾下計，大家工作各有各忙 平時都好難約到， 見到有一間叫呼吸cafe 我哋見到在附近上一上。我哋上到4樓登記，4樓是有in /on door 因為我們5個人indoor 無位，我哋坐出面，其實都沒有所謂 反正宜家天氣都比較舒服，我哋五個女仔一人一飲野 ，有朋友話想食個小食決定叫薯條。環境都可以 幾個人傾下計 坐左兩個中走人

今日打電話去book位，一接聽個男人語氣勁差，勁冇禮貌，話曬都七個人黎食野，book位時可唔可以俾番d服務態度？話曬都係客，咁既服務態度真係會趕走曬d客。再睇睇open rice差評，先知我唔係唯一一個覺得佢服務態度唔好，d staff特別臭串，野食一般般，係旺角一堆樓上cafe，完全冇必要去呢間cafe 受氣。其實冇心做，係人都feel到，冇心就唔好開cafe la。一句講曬，幫襯呢間cafe完全係搵罪受，去之前請三思。

旺角老地方，由中學開始去的咖啡店。幾年來人流一如以往。仍然是一間非常適合閒聊消遣的地方，沒有限時、有戶外座位。食物和飲品選擇算多。昏暗的燈光，70年代的擺設。五層樓的咖啡店樓層，有某些樓層間中會有live band show.點了三個主食。星星鴨肉雞蛋薄餅味道可以接受，但薄餅餅底有點硬。有點難咬。煎帶子海鮮忌廉汁墨魚意粉帶子沒有煎香。忌廉汁加墨魚意粉味道搭配不錯，也不會滿口墨汁。但油脂感蠻重。檸檬汁煙三文魚冷麵必食之選— 帶帶酸味的醬汁非常開胃，三文魚砌成玫瑰花令賣相加分。冷麵亦不算太乾身。甜品 叫了心太軟味道和品質都中上。心太軟配雲厘拿雪糕是經典和永遠不會過時。飲品好像是桃子xx果茶。總結，服務質素是比已往下降了。但是這裡還是一個聊天的好地方。