咀留香食堂

營業中

休息中

上星期老闆ED話噚日(22-9-2023 Fri)請我哋食下午茶慶中秋,佢揀咗呢間,吓?!唔好啩?上次食過都唔食(評係2023年7月25日刊登嘅呢篇: https://www.openrice.com/zh/hongkong/review/%E8%A9%A6%E5%91%A2%E9%96%93-e4909212),冇辦法啦,老闆揀,睇返呢個食評,熱奶茶同奶油脆豬都唔掂,今次改要第二啲喇,要咗$36.00炸雞髀配雜果沙律,要紅豆冰.點知預早兩日落單時話冇紅豆冰,咁改要凍檸水啦.到噚日佢哋準時送嚟喇,由於人多,同事分派都要時間,所以我杯凍檸水嘅冰都早已溶晒,不過甜度啱啱好,檸檬都幾靚.味道:5分咁我就只食雜果沙律先,打開睇,唔係我諗嘅罐頭雜果沙律,反而大部份都係紅蘿蔔,菠蘿,有少量薯仔同雜果,食落,紅蘿蔔未熟透未腍晒,仍有啲硬,菠蘿冇問題,薯仔冇乜薯味,沙律醬就唔太酸,ok嘅.味道:2.25分 炸雞髀我就拎返屋企食嘅,咁啱,呢晚老公去教會,唔喺屋企食飯,就我,爸爸同亞姨食,我切開佢食,都依然食到啲脆口應,呢個有醃係正常,佢係鹹咗少少,雞髀肉係熟透,嚡都係在所難免,不過有啲位都沛juicy嘅

回到沙田石門工作，首要的任務，就是要去重新發掘這小區內有咩好食抵食，然後鎖定一、兩間，做日常的午餐飯堂。闊別了差不多一年，發現許多的工廠飯堂都執晒。令我覺得，真係真係需要慢慢搵，搵返一間啱口味既午餐地點。然而，就近公司棟大樓，有一間名叫《咀留香》的飯堂，望落去好似好好，吃了一次之後，我就可以鎖定，這兒是我的午餐首選。這《咀留香》是好典型的工廠飯堂。門口沒有招牌，應該是那種只招待本廈工友的飲食牌照。但無礙此店天天聚集為數不少的食客。我每次來到，這間飯堂都是坐無虛席的，而且門口亦有為數不少的打工仔同學生在等外賣。《咀留香》的午餐，絕對可以用抵食夾大件來形容。因為這兒的午餐，是有湯有飯有飲品的傳統 3 course。而且，次次來的老火例湯都有不同。平日冇乜湯水的我，好喜歡在中午時間飲碗湯。我唔理佢有沒有放味精了，總之能令我感覺心舒暢就是一碗好湯。第一次來，就已經讓我點上了一個 "我最喜歡" 了。我最喜歡，幾乎次次都來食的，就是咖喱薯仔焗雞扒飯。咖喱很濃很香，在內混合了芝士，令香口感再升華多一個層次。原件的連皮雞扒香滑，薯仔焗得香，再加上蛋炒飯既飯底，味道滿分。改日來，就試試另一個人氣焗飯，葡

11-7-2023 (Tue)我請三個同事食下午茶,而我哋未試過呢間,於是就試吓, 佢哋接受whatsapp落單,我哋要咗兩個$26.00嘅,一個$28.00同一個$33.00嘅下午茶餐.就係奶油脆豬,奶醬脆豬,西多士,雪菜肉絲米,一杯熱檸水同三杯熱奶茶.whatsapp咗後,對方同我講冇晒雪菜,可唔可以改炸菜,咁女同事C冇問題,就咁決定.佢哋準時送到嚟,我分好後就開餐喇.我嘅奶油脆豬大大個,係烘脆咗,但有啲過咗龍,奶油份量啱啱好.味道:2.8分而食奶醬脆豬嘅女同事SL話唔好食,因為個包唔煙韌,只係乾.而熱奶茶呢?好深色,味道亦似中藥,係我第二次飲到呢隻味,重勁過喺光榮飲到嘅(食評係2023年6月14日刊登嘅呢篇:https://www.openrice.com/zh/hongkong/review/yeah-%E5%8A%A0%E5%92%97%E5%83%B9-e4857053),我落兩包糖都唔掂,飲得幾啖,我同SL都係成杯倒咗.味道:0.2分而所有嘢都好夠熱,炸菜肉絲米就分開湯同米放.價錢:Total係$121.00,因每份外賣加$2.00.