影片
港鐵石門站 C 出口, 步行約7分鐘
繼續閱讀
電話號碼
97316980
營業時間
今日營業
06:00 - 16:30
星期一至六
06:00 - 16:30
星期日
全日休息
以上資料只供參考, 請與餐廳確認詳情
上星期老闆ED話噚日(22-9-2023 Fri)請我哋食下午茶慶中秋,佢揀咗呢間,吓?!唔好啩?上次食過都唔食(評係2023年7月25日刊登嘅呢篇: https://www.openrice.com/zh/hongkong/review/%E8%A9%A6%E5%91%A2%E9%96%93-e4909212),冇辦法啦,老闆揀,睇返呢個食評,熱奶茶同奶油脆豬都唔掂,今次改要第二啲喇,要咗$36.00炸雞髀配雜果沙律,要紅豆冰.點知預早兩日落單時話冇紅豆冰,咁改要凍檸水啦.到噚日佢哋準時送嚟喇,由於人多,同事分派都要時間,所以我杯凍檸水嘅冰都早已溶晒,不過甜度啱啱好,檸檬都幾靚.味道:5分咁我就只食雜果沙律先,打開睇,唔係我諗嘅罐頭雜果沙律,反而大部份都係紅蘿蔔,菠蘿,有少量薯仔同雜果,食落,紅蘿蔔未熟透未腍晒,仍有啲硬,菠蘿冇問題,薯仔冇乜薯味,沙律醬就唔太酸,ok嘅.味道:2.25分 炸雞髀我就拎返屋企食嘅,咁啱,呢晚老公去教會,唔喺屋企食飯,就我,爸爸同亞姨食,我切開佢食,都依然食到啲脆口應,呢個有醃係正常,佢係鹹咗少少,雞髀肉係熟透,嚡都係在所難免,不過有啲位都沛juicy嘅.味道:2.7分抵食係2.5分
繼續閱讀
回到沙田石門工作，首要的任務，就是要去重新發掘這小區內有咩好食抵食，然後鎖定一、兩間，做日常的午餐飯堂。闊別了差不多一年，發現許多的工廠飯堂都執晒。令我覺得，真係真係需要慢慢搵，搵返一間啱口味既午餐地點。然而，就近公司棟大樓，有一間名叫《咀留香》的飯堂，望落去好似好好，吃了一次之後，我就可以鎖定，這兒是我的午餐首選。這《咀留香》是好典型的工廠飯堂。門口沒有招牌，應該是那種只招待本廈工友的飲食牌照。但無礙此店天天聚集為數不少的食客。我每次來到，這間飯堂都是坐無虛席的，而且門口亦有為數不少的打工仔同學生在等外賣。《咀留香》的午餐，絕對可以用抵食夾大件來形容。因為這兒的午餐，是有湯有飯有飲品的傳統 3 course。而且，次次來的老火例湯都有不同。平日冇乜湯水的我，好喜歡在中午時間飲碗湯。我唔理佢有沒有放味精了，總之能令我感覺心舒暢就是一碗好湯。第一次來，就已經讓我點上了一個 "我最喜歡" 了。我最喜歡，幾乎次次都來食的，就是咖喱薯仔焗雞扒飯。咖喱很濃很香，在內混合了芝士，令香口感再升華多一個層次。原件的連皮雞扒香滑，薯仔焗得香，再加上蛋炒飯既飯底，味道滿分。改日來，就試試另一個人氣焗飯，葡汁焗司華力腸雞扒飯。吃慣了重口味的咖喱飯，淡口少少的葡汁飯吃起來就有點不慣。但飯內有大大條的司華力腸及大大件的雞扒，再加上同樣是炒飯的，也是香味十足。然後，這已經成為我時常來的餐廳之一。開始慢慢試午餐 menu 上有既其他野食。其中一個是豉椒牛肉炒麵。出來的，是酒樓水準，有香脆的炸麵底及濃濃香香的豉椒牛肉。之不過，之後的日子就冇再推出這炒麵了。我曾經也想散點，但廚房回應，中午太忙，炒粉麵不做。有一次，我看見搭檯的哥哥正在 enjoy 一隻炸雞髀。於是，我也要一份蔥油生炸雞髀太陽蛋飯。這算是一份邪惡午餐吧。看得見的邪惡，就是因為這巨形的炸雞髀，夠大，夠好肉，豐富而且飽到上心口。最後介紹的，是他們的無骨海南雞飯。香嫩的雞，香口的油飯，單是這兩樣對雞同對飯既形容，已經可以說是無得彈。而且，我一試就愛上了，又嫩又滑的海南雞，的確是沒法擋的風情。餐飲，我唔理佢好不好啦。好唔好飲都好，只有熱奶茶才能配得起茶餐。這兒的奶茶味道濃了少少，苦了少少......算吧，我都係鍾情熱奶茶，來了多次，我好似冇特別去試其他的飲品。來了多次，覺得這《咀留香食堂》同上一手的食堂一樣，都是大件夾抵食。以前，我沒有多來這兒，是因為這店的出品普通，而且當年的石門有更好的工廠飯堂選擇。到了今時今日，石門的工廠飯堂已經買少見少了，這兒成為了少數的佬地方。再加上，出品真係好好啊，吸引到我同一眾工友，多來、常來。
繼續閱讀