和処 酒肴 (已結業)

愛上Omakasa非是因為時興風尚，卻是緣於在天后大坑裡一次驚為天人的享受。在生日時節，要慶生便揀了Omakasa。既然小的對大坑的「鮨辰」回味無窮，何解不選擇再度重臨而要往外尋找？緣於小的人馬座貪新鮮的性情難改，能成為經常光顧之食堂，必須在地利上佔上優勢，而且當然要價性比高，服務又好。Omakasa這些尊貴的殊遇非是小的此等卑微角色所能每每享受，唯有在沾上邊兒或藉隆重節慶時偶爾涉獵。難得有幸，當然想嚐新，而且此趟由友人發辦，在此以前小的對餐廳聞所未聞。來到尖沙咀寧靜的窄巷小街漆咸圍，一家全不起眼的店子，裡頭便孕育出驚心動魄之隱世美食。「和処酒肴」這招牌只是個小小的黑底透光燈箱，舖面是石屎牆與木門，這種全然密封式的神袐雖然夠穩世，卻似極劏羊牯的黑p心店。然而看看餐牌，廚師發辦的三款上、中、下價由700多到1300不等，比之大坑「鮨辰」的定價還要低。投入舖子，自家經營之小店氣息洋溢。只能容納十人的吧檯上置有傳統的和風紙藝，隨了精巧的飛龍猛獸，小的更在檯面發現自己的名字。女接待為咱們安排座椅，奉上熱茶。當咱們選擇餐食以後，卻見她走到吧檯後廚師的位置開始作業。不是說日本人好傳統，又話女人手熱

今日見到open  rice  個個都話好食😭😭😭自問經常吃omakase🍣🍱  。這間係最差一間。完全唔新鮮冇創意。魚有魚骨，咖喱飯凍😖😖仲要$1300 一位💧感覺去左一間比普通更普通一間一日本餐睇相就知，魚生超級差💔💔💔💔💔💔💔💔

這「和処 酒肴」位於金巴利道於柯士甸路交界的漆咸圍，門面以淨色淺灰牆搭配淺啡色木門，簡單顯出日系風格，但低調得有點不起眼。主打高級日式Omakase(廚師發辦)，價錢分別是$880及$1,300，而我今晚吃的就是$880/位的套餐。今晚八時許，訂座的客人已坐滿bar枱，食客能近距離觀看日本廚師的功藝，但切記，請預先致電餐廳預約。先是前菜七款，當中包括南蠻漬魚、黑松露蛋卷、三文魚明太子、芝士夾醃蘿蔔及燒枝豆等等。其中，蛋卷香滑，富松露香，甚為美味；而熟三文魚肉加明太子這組合也不錯，鮮甜Juicy；而右方白色的芝士富奶香，質感奶滑，內含少量醃蘿蔔粒，出奇地搭配。刺身：左口魚、立魚、間八，左口魚肉質潔白晶瑩，魚味甘香；而立魚及間八的肉質均相當爽脆，味道鮮甜。溫物是「蒲燒鰻魚茶碗蒸」，蒸蛋質感幼滑，有微微蛋香，蒲燒汁使其變得香甜，醬汁搭配而沒有違和感，簡單而美味。壽司分別是馬鮫魚、深海池魚、火灸花魚、鰈魚、平政魚、油甘魚、金目鯛，以及海膽三文魚籽：深海池魚肉質爽實，魚味較為鮮甜濃郁，向來是omakase必有的一款；花魚以火灸方式處理，魚油香更為突出，有種刺身在口中慢慢融化的感覺；而金目鯛亦是高

今次係我生日，朋友同我去慶祝，呃我話book左大喜屋，點知去到係omakase.好開心阿。去到環境都清幽，整潔，環境不大，當時只有兩台客，望望餐牌，有$880同$1300。就揀左$1300。師傅係正宗日本人，另有兩位侍應第一道，前菜，待應講得太快，都聽唔太清楚乜野黎第二道 刺身 新鮮第三道 生蠔，無乜海水味，味較淡，大隻第四道第五道 饅魚蒸蛋 足料 朋友勁like 食到依到我已經好飽第6道 係有8件壽司，可以叫佢少D醬汁，因為有少少掩蓋左海鮮嘅鮮味第7道 係海膽BB第八道 因為已經太飽，將咖哩飯變迷你版最後一道一定要食 桃雪葩 好正 濃郁嘅桃味

我好少食omakase, 因為我鐘意食既魚唔多，成日覺得食omakase好浪費錢。但係今次試完真係不同凡響，原來壽司可以做到咁出神入化既。我同老公叫埋同一個set, 一開始係9道頭盤。哇～超靚，好精美，師父會詳細介紹每一道菜；全部我都覺得好好食，好開胃。之後刺身有𩶘魚、鱆紅魚同蠔。我第一次食呢d魚，原來都好鮮甜，好好味。不過個蠔我最深刻，蠔味重到不得了，肉身又脆口。之後有個海鮮錫紙燒。雖然佢係燒物，但係唔會太濃味，食得番d海鮮既鮮味。唔錯到左壽司，師父安排左油甘魚、牛尾魚、黑曹以、石鯛、綠側、北寄貝、金目鯛同三文魚子加海膽。完全改變我對壽司既睇法，每件魚同壽司飯溶為一體，每件都有唔同既質感同鮮味。壽司由淡味到濃味，非常細心。完左壽司就食左個咖哩飯，佢加左黃梅醬，酸酸甜甜加埋惹味既咖哩，好特別，我幾鐘意。呢一次omakase真係令我大開眼界，原來omakase食既野係咁全面！樣樣都好好食！

這是一間位於尖沙咀的日本居酒屋，門面平平無奇，很不起眼，不會留意到這裡有一間餐廳，推開門時，日本藉的老板走出來熱情招待，一看，已有3個人坐著用餐了，其實有點驚訝，因為當天是7月22號，很多人聽完謠言，都唔敢出街，食到一半既時候，基本上整間餐廳已坐無虛席，估佢唔到！餐廳只有一個主廚，一個副廚及一名侍應，人少少，但每個客人也招呼周道，值得一讚！選了$880一位的套餐。前菜前菜有6樣，非常豐富，分別有南蠻漬魚，三文魚明太子，黑松露蛋卷，芝士醃蘿蔔等等，每樣都很有特色，而且味道也很好！白魚刺身 - 左口魚，立魚，間八三款刺身外表為淡紅，肉質爽口、鮮美甘甜，各具獨特的清爽口感。鰻魚茶碗蒸由於加了鰻魚及其醬汁，整個蒸蛋變得非常不平凡，食落很香甜，而且相當滑溜！而鰻魚也很肥美這個壽司盤非常霸氣！左起是馬鮫魚，深海池魚，花魚，鰈魚，平政魚，油甘魚，金目鯛，每款壽司都很大件，而且各具特色，基本上食到呢到，已經好飽了。這些刺身都很新鮮，當中，個人比較鐘情深海池魚及金目鯛，比較肥美甘香，亦嘗試了幾款以前未試過的魚，不禁感歎魚刺身真係太多款，總是試唔完。海膽＋三文魚籽這也是壽司的一款，下面便是飯，三文魚籽大粒

人生總有起起落落，在失落時候能有朋友互相扶持也算幸運，難得好友相伴到和処 酒肴 來一個廚師拍板，把所有壓力以食來宣洩Omakase就只有兩款，跟朋友各點一份每次吃廚師拍板除了品嗜味覺上的味道，更是視覺上的享受，既可欣賞藝術作品，更可看到對每樣食材的認真每點不多卻十分多樣化有黑茶豆，凍粟米湯十分香濃/薯仔蟹肉/芝士魚-濃郁芝士彈牙肉質/黑松露蛋卷鰻魚蒸蛋蒸蛋超級滑溜，配上鰻魚令味道更有層次刺身更是當造的，不鮮不食左口魚(前) 䲞魚(中) 鰤魚(後) 吞拿魚眼三文魚普遍比較多機會食，但吞拿魚眼還是第一次，除去下顎的骨，餘下就是滿滿的骨膠，味道十分鮮甜，這餐飯也把皮膚一起進補漬物特別欣賞青瓜漬帶有紫蘇葉的味道，看似簡單，但卻有另一番味道油金魚壽司 肉滑鮮甜目張魚壽司 肉質嫩滑、實淨魚味淡口鬼笠子壽司 用柚子吊出了魚的鮮味平政魚壽司 肉嫩味濃鱸魚壽司 用了用了青檸皮 帶出了清新的味兒火炙金目鯛壽司 用火炙帶出了金目鯛的油脂，令人感到滿足甜蝦壽司  有蝦子on top, 帶出鮮甜味兒吞拿魚粒配三文魚籽大大粒十分飽滿的魚籽，十分鮮味，而友人配上的更是海膽，鮮甜無比，友人也讚口不絕，說

係香港食過唔少omakasae,質素都唔錯，呢間都唔例外，但係對呢間既印象係特別深刻，因為佢唔止刺身壽司做得好，連熱食都係驚喜之作！我地首先食左個頭盤前菜，非常精美，靚到唔係好捨得食。我最鐘意係黑松露蛋卷，濃濃既黑松露加埋綿綿既蛋卷，超好食。之後黎左個刺身拼盤— 生蠔、𩶘魚、鱆紅魚。刺身刀功好好，睇得出係一刀過，乾淨利落。生蠔最出色，重蠔味，蠔身鮮甜爽口。之後係海鮮錫紙燒，熱辣辣，同刺身形成強烈對比，好惹味！主角黎啦！壽司8貫——油甘魚、牛尾魚、黑曹以、石鯛、綠側、北寄貝、金目鯛。魚鮮甜就不在話下，壽司飯唔鬆散，實淨！飯加左赤醋令鮮味提升！非常之優秀。而最後一道三文魚文+海膽就令我最深刻，海膽非常鮮甜同甘香，加埋三文魚子，真係不得了。諗住食哂壽司就接近尾聲，原來之後黎既咖哩飯同樣出色，一d都唔馬虎，咖哩超香，辣度適中。加埋黃梅醬，真係食指大動，幾下就食哂成碗咖哩飯。食埋甜品就完滿結束。所有細節都做得好完美，無可挑剔既一餐omakase, 唔止刺身壽司出色，咖哩飯錫紙燒都非常精彩！

食魚生壽司最怕唔新鮮，所以多會選擇遊日時才食，而且香港夏天又熱又濕中伏指數真係極高。不過推介我去食過唔小好嘢嘅為食首領就訓示我食埋曬啲平嘢梗係唔掂啦，一於帶我啲邨姑去見下世面。老饕識途包無伏，唔跟住去即係捉到鹿都唔識脫角。餐廳座落漆咸圍角落，店面走簡約低調風格，私房菜風味十足，啱鍾意高私隱度嘅食客。走入店內，菜牌延續精簡風，本地譯作 大廚發板 (おまかせ) 的餐牌上只有兩個套餐可選；一人一份啱啱好。第一份前菜其實係一個美術表演，因不少日本本料理以精美擺放方式呈現於客人面前。是次前菜由碟子至完成整份前菜，恰似觀賞住一個雕塑家如何將石頭變出雕像一樣。一份美感十足嘅前菜可以睇住點樣由無至有出現响你面前 整個過程已經係一個美學嘅展現。整碟前菜大約有十多樣食材，包括 黑茶豆、粟米湯、薯仔蟹肉、芝士魚餅、黑松露蛋卷、三文明太子、海參菜加海菠蘿、松煎漬、希靈魚籽海帶、昆布捲、薯仔沙律、螢光魷魚。樣樣鮮甜美味，當中薯仔蟹肉及芝士魚餅最得個人歡心。接住落係一隻大大隻嘅北海道生蠔，海水味重，蠔肉厚身大大隻一啖食唔晒，過後有金屬味道，吞嚥過後回甘味慢慢從舌頭出返嚟，超級正斗。享受生蠔嘅同時，眼見師父開始展現

來到我最愛的生日月六月，男朋友說要帶我吃好一點，試試大家人生中第一次的OMAKASE！而香港能吃到OMAKASE的餐廳不多，今次就選了尖沙咀的日式餐廳<和処酒肴>餐廳環境清幽，播著柔和的日本純音樂，而座位亦不多，相信是方便食客跟日本師傅作交流，另外餐廳的服務員都穿上日式和服，整體感覺就像來到了日本！Menu上主要分兩款，分別有潮USHIO($880+10%)及酒肴SAKANA($1300+10%)。男朋友胃口較大，所以點了酒肴set，而我就點了潮set。前菜有枝豆，昆布卷，魚乾，日式叉燒，黑松露蛋捲同魚餅等，而男友的款式較多，多了螢光魷魚及希靈魚，每款食材都看得出師傅的細心安排，吃到滿滿的幸福感！前菜完成後，餐廳便端上了刺身，刺身有三款，分別為左口魚，𩶘魚及鱒魚。這幾款都是極為矜貴罕有，只有在高級日本料理餐廳才有機會吃到！而刺身的味道非常鮮甜，餐廳職員更會指導我們食刺身的先後次序，非常專業認真。另外，男友的餐更附上新鮮生蠔，配合上秘製的檸檬汁，味道更容易入口，我只是眨了一下眼，一隻生蠔便從男友的口中消失了接下來餐廳分別送上了漬物鹽燒𩶘魚及茶碗蒸。個人非常喜愛它的黑松露蒸

今天跟洋蔥玩遊戲讓在下想起Sakana的咖喱飯雖然是餐裡最後一道食物當它出現時其實已經飽到上心口但不得不讚更不得不吃因為在下知道師傅花了多少時間灌注了多少愛心在食物中咖哩裡滲出各種蔬菜的清甜能感受得到的蔬菜水份咀嚼到紅蘿蔔的爽爽口感略略帶出蒜頭的香氣多款清澈有層次的味道被細心處理過的雞肉沒有了肉的醒臭味有的被切得比免治更加細膩滑溜同時混合了小塊雞肉不同大小的肉塊對咖哩汁的吸收程度亦為不一單單在一塊雞肉裡也能品嚐到很多的不一樣除了菜和肉涵以外咖哩汁也十分講究用了超過五種的咖哩有辛口，甘口，介乎中間的師傅更挑選了專屬菜和專屬雞肉調味的咖哩把不同的風味分開煮成再合一細火慢煮三小時至它們完全地溶和再以三天熟成讓味道更深更濃一碟看似平凡卻一點都不平凡更不簡單的咖哩飯經過那麼多的過程和時間後熱騰騰地出現在我們眼前我們怎可錯過❤️

香港既Omakase一般都要2000蚊以上 但就比我發現到呢間1000蚊樓下高質之選廚師係日本人 不過英文就可以溝通到 而同場都有香港人侍應前菜有5種不同小食 枝豆 黑松露蛋 魚餅 芝士魚糕 同魚乾 每種都好特別 食得出係用心之作全晚最期待既就當然係壽司 師傅會用當日新鮮既魚做材料 我地今日食既就有 油甘魚 喉黑魚 紅衫魚 雞魚 帶子 金目魚 目張魚 最估唔到係我無唸過可以做壽司既紅衫魚係咁好食 魚油好香食完都已經飽左9成 但係見到個海膽三文魚子迷你丼都要食下 海膽唔腥又鮮甜 三文魚子唔會太咸 兩者十分之夾估唔到Omakase 都有咖哩飯食 咖哩比一般既辣 但都比一般既香 絕對要一試呢餐Omakase 坻食之餘性價比仲十分之高呀！

6月17日 - 要紀念這一天。這是我們人生第一次吃Omakase (廚師發辦)因為今次係一個好好既體驗, 所以想係到真誠同大家分享一下我地既感想1. 首先, 餐廳位置係尖沙咀, 出名既韓國街附近, 打開Google map就好容易搵到餐廳位置, 但是要留意返, 餐廳門口沒有什麼大招牌, 比較容易看漏眼, 而且餐廳需要預早訂位, 所以去食既朋友要注意返2. 廚師是日本人, 不懂中文, 但說得一口流利英語, 餐廳有兩位笑容可菊的女將。服務非常好, 首先 斟茶係從不間斷, 其次, 每次上菜既時候, 佢地都非常耐心地解釋這些是什麼, 要如何食? 進食次序等等3.來到食物方面, 餐廳有兩種價錢 - 一個是HKD880 再加一; 另一個是HKD1300 再加一今次我同女朋友各叫了一個880 和一個1300今天的頭盤有數種海鮮加黑松露蛋捲- 抱歉實在想不起魚名,因為食材大部分都是稀有品種 - 只係記得有希靈魚同螢光魷魚, 日式叉燒無容置疑, 很好味。平同貴既分別就係多幾款食物頭盤過後就是刺身- 而女將會話俾你知刺身如何食法, 順序又如何。只能說幸福來得太突然, 這些稀有品種的魚都非常好吃1300的餐

失望的现在搜寻美食大部分都是来自各种app。以前看评论基本没有踩过雷这是第一次。前菜超级咸…后续的鱼生毫无惊喜。寿司也都是生鱼片普通…毫无吃omakase的感觉。最后一个海胆三文鱼籽…海胆比较腥三文鱼籽过于咸这是我第一次居然没有把海胆和三文鱼籽吃完（好浪费）平时最爱的就是海胆。之后还有咖喱饭都没有要了，对出品不报期望…就最后一个雪糕球算是整晚最满意的了。平时也是很懒的写评论。这次实在太不满意了，才表达出来。

今日決定帶男朋友食好西 就食豪d 去食Omakase我地唔算太餓 就揀左個平d既餐前菜: 有枝豆 芝士魚餅 薯仔沙律 昆布卷 魚乾 每一樣都好好食 食得出係廚師用心之作 一d都唔馬虎刺身方面有3種 入面最出色一定係魷魚 香港食既魷魚好多都無乜味 係呢到食既係真係有魚既鮮味之後就到重頭戲 壽司啦！呢八件壽司同我地平時食既好唔同 有d魚係聽都未聽過 有雞魚 喉黑魚 目張魚 最意想不到係紅三魚竟然都可以用黎做壽司 迷利海膽三文魚子丼好鮮甜 每粒魚子都好有鮮味又唔會腥之後仲有黑松露蒸蛋 咖哩飯 食到好飽既一餐Omakase呀