和味餐室 (已結業)

和味餐室食過好幾次一直覺得佢地燒味做得唔錯所以幾乎次次黎親都係點燒味下午茶唔算特別平.. 不過見坐得舒服就算啦其實十二點先食完LUNCH .. 陪朋友下午茶就A餐叉燒瀨算賣相唔錯 叉燒夠原汁原味我覺得燒味做得好過太興上次食過雙拼飯又係幾正架太興有時都會失手但食過幾次和味都KEEP到水準下午茶份量唔算多剛剛好瀨粉爽滑 熱奶茶正常野 滿意！提外話餐廳係可以八達通比錢架有次真係銀包無CASH幫左我個大忙 😂👍🏻

野食平均得黎唔錯，價錢中上。燒味加價後無之前咁抵食，但仲叫物有所值。燒味之外，都係其他茶餐廳食物。比其他茶餐廳貴少少，但野食又好過其他茶餐廳少少。但服務態度就差過其他茶記好多好多。食物推介，一定係燒肉食。未加價錢，會撘條菜。加價後，連菜都無埋。我唔知咁啱無定真係加左價之後無。如果燒肉質素仲keep 到，咁呢個價錢都仲係合理。餐廳門口附近冷氣經常滴水，而燒味部就係隔離，出餐就要經過。所以堂食肚唔肚痛就睇彩數。但一入門口就滴水係好煩擾。服務就係一個字：差。好似恃住好生意想扮澳牛咁。未夠指明早餐時間就話無。收銀個阿姐服務尤其最差。

深水埗多野食係人都知，今日食呢間茶餐廳都唔錯，係門口見到佢個 招牌滑蛋叉燒飯，好吸引一入去就叫 招牌滑蛋叉燒飯同抺茶紅豆冰，滑蛋叉燒飯好正蛋真係好滑，叉燒夠淋，可能因為本身餐廳自己都有燒味部，杯抺茶紅豆冰就差左啲，冇咩抺茶味，紅豆硬生生

香港的茶記有如便利店,總有一間在左近 ~ 自從有次誤打誤撞食過和味餐室的叉燒瀨做下午茶，覺得幾和味, 於是間中都會走過黎幫櫬。餐廳都新淨闊落, 價錢經濟公道。下午茶D選擇唔係傳統嘅炒粉麵飯.. 而係輕食唔怕食唔落晚飯~由於第一次試叉燒瀨粉覺得OK於是最近幾次都點返A餐 🙈 叉燒唔會韌, 瀨粉夠爽滑, 有幾條菜都有良心喔.. 份量預左下午茶size 就唔要求太多啦。 $38一碗貴唔貴就見仁見智, 味道唔錯嘅, 好一餐唔好一餐。

我地公司員工加埋學生每日由早到晚叫你外買都起碼幾次！今日叫一個，你咁串同我講唔送？我唔知你地請左新人聽電話定點，拜託你唔送，就咪話布得叫外賣！嬲到我你地既外賣紙撕爛晒！祝福你地！

喺深水埗買完皮革物料後就搵地方食嘢醫肚，經過呢間見佢門面光亮明淨，唔似一般舊區的舖頭陳舊，於是坐低試吓啦。以深水埗舊區嚟講，下午茶的價錢略嫌有點貴，希望食物的質素可以搭救。百搭雙拼粉麵餐叫咗個沙爹牛肉拼漢堡扒米粉配熱檸茶，沙爹汁香而不辣，牛肉淋滑而無渣而且有口，不似一般的一喺有渣，一喺就用鬆肉粉醃到淋曬無咬口，牛肉做得唔錯，而最驚喜的是竟然有兩塊漢堡扒，通常都是少少牛肉加一塊漢堡扒就算，但呢間的餸份量都算多，湯底都唔錯，米粉是幼身而軟滑易消化的，檸檬茶底香而不澀口，35元有咁嘅質素都算有驚喜

星期六唔駛返工，又要去深水埗買電腦，中午時份到深水埗，見大部份電腦鋪都未開，所以先去搵個地方食個午餐，食飽再逛，諗住求其搵間茶記，見到門口整得幾靚，又夠新，就入去搵個位睇下餐牌，星期六午餐精選就揀左甜酸五柳石班飯，＄45一碟飯跟埋餐飲，價錢合理飯未到就先來碗例湯，青紅蘿蔔豬骨湯，味道都幾清甜，再加上個湯夠晒熱，唔似其他地方例湯通常都係暖，接著碟飯就到，份量都幾多，見到都有好多件班塊，但係個酸甜汁就麻麻，酸味又唔夠，而魚塊本身已經無乜味，酸甜汁又唔掂，唔要求只係飽肚都ok

本身住深水埗，附近都不乏餐廳，當中更有啲係幾出名。最近更加開多咗好多新嘅餐廳例如冰室，好似呢一間，開咗唔係幾耐，但係今次都係第一次試，見佢裝修幾靚，入邊都有唔少人，於是入去食早餐。佢個餐牌都幾特別，好少早餐可以選擇淨係要麵唔要多士，佢可以佢將個早餐拆散，令到本身唔肚餓嘅人都可以用平嘅價錢食早餐，算係細心。我就叫左大路嘅早餐，沙嗲牛通粉，炒蛋餐肉，加多少少錢要奶油朱。沙嗲毆幾入味，個奶油豬都幾硊，唔會太硬，炒蛋都有一定水準。價錢都係＄30左右，以早餐來計雖然唔算平，但係佢嘅質素比起普通茶餐廳算中上，下次等我試吓午餐。

第一次試呢間野就已經唔想再黎。坦白講味道OK; 姐姐態度都OK。叫左西炒飯+星洲炒米，炒飯少到呢⋯⋯（疑似1碟變2碟）因為後期有人再叫係多一半份量。（坐近出餐位，所以容易見到）；星洲炒米等左30分鐘仲未黎！第一次問姐姐係唔係漏左（遲坐低隔離檯既干炒牛河都黎埋）；決定起身走人取消個米同俾番杯野飲錢；我個米終於到啦！俾姐姐叫番轉到話黎左😂姐姐好好人問左我幾次個米係唔係未到？🙇🏼‍♀️西炒飯$38； 星洲炒米$42；凍飲+$3。以上純屬個人意見！

早幾天下雨 晚上經過深水埗這間和味餐室 看見門口企理乾淨 就入去跟朋友一起試試 門口收銀女仔好笑容有禮貌 招呼我們入去坐 問幾多位 有斟茶遞水 我們不懂 還介紹我們吃什麼好吃 出來的餐 幾個小菜也很好味 果然沒介紹錯 ～在現在的香港 很少有 這些有禮貌有顧客情的員工👍🏻～我不知道她叫什麼名字 只記得她穿白色T恤 短頭髮 在收銀櫃臺收錢 臨走的時候她還提我們記得拿雨傘 我們也差點遺忘了⋯⋯真的很窩心多謝您的提醒 不然我們幾位也變落湯雞 ""真是一次很愉快的香港茶餐廳體驗""

平時好少來深水埗區 晚上約左朋友來買電話卡（聽講鴨寮街最平）買完就搵野食 行左成條汝洲街 哩間最吸引 就入左去我最愛既滑蛋叉燒飯估唔到竟然深水埗有😍入去見到有幾檯都食緊 外賣有人一次過叫3盒 應該唔差。結果無令我失望 好好食啊 好有蛋香汝洲街咁多間茶記哩間最特別 深水埗區來講哩度既裝修好唔錯 坐得好舒服😌有d懷舊香港feel 睇得出有設計 有管理 聽面都乾淨齊理價錢來講一般般 可以接受 46$ 單拼燒味 其實唔貴啦 太興都60幾服務還可以 我個人唔太挑剔 茶記我無咩特別要求 走既時候發現原來超近地鐵站 深水埗A出口行1分鐘就到

今日去深水埗買野，順便食個下午茶經過呢間和味餐室，因為天氣實在太熱所以二話不說就入左去坐低啦！下午茶時間已到👏🏻 同朋友一人叫一個餐難得放假緊係要食得放肆一點!佢地下午茶menu都幾多選擇既🍞粒粒西多士配自家製芒果醬 $28呢個combination 係第一次見！而家西多士通常都係呢款大磚的出奇地幾夾，減低左平時用糖漿的油膩感👏🏻🐷日式豬扒炒烏冬 $42不過不失，一般餐廳廳水準，我都無expect太多豬扒質素正常，都夠穫氣既！份量偏少，男仔未必夠飽另外特登+$6叫左杯 🌹熱情果玫瑰花茶同埋 +$6 叫左杯 紅豆奶茶🍼花茶只有熱情果味，無玫瑰味😣 可以唔洗試紅豆奶茶還好！其實成餐飯本身好地地☹️最尾去比錢嗰陣，收銀員(or老闆娘？)態度勁差極級趕客！ 係不禮貌地示意叫我地比錢同找錢雖然話係茶記姐，基本尊重都要掛😞

用openrice咁多年未打過評論，第一篇送比尼間。話說今日晚上9點幾，叫左個乾炒牛河外賣自取，拎翻屋企比我媽媽食，去到整好左放左係收銀，比錢時同佢講，要個辣椒油唔該，收銀𡃁妹居然一路玩住電話同我講，一早唔講？！好啦當我唔岩我都冇岀聲繼續拎錢比佢，佢收完錢繼續玩電話，我企係度望住佢10秒左右先問佢，我要辣椒油喎？佢先放低電話嘻皮笑臉咁去拎。好啦拎到翻屋企，我媽打開準備食，一開已經見到啲河粉好碎，我媽夾起少少焦左嘅放一邊，咁都小問題姐，一食點知一陣焦臭味，我自己都試左，我咁大個人絕對未試過啲野係難食到要拎翻去退，但因為真係食唔到超過5啖。最後落去個老啲嘅丫姐仲話換其他，我堅決唔換，廚房有問題點換都係咁架啦，之後去左隔離食🙄原來再之前，我媽落去食過蟲草花蒸雞，食到成條橡筋，員工態度都好似見怪不怪咁，有圖，想睇留言。以前成日嗌尼間外賣，堂食員工態度都好好熟晒，宜家愈做愈差，樓面轉晒人，啲野難食左勁多，以後唔會再食

個肚有啲肚餓，於是見到呢間和美餐室撞入去試吓，點知出乎意料,啲燒味好食過太興!!!而且平過太興好多！其他碟頭飯我就冇食過，不過相信都唔會差得去邊，所以我會推介呢間和味餐室。

星期日經過深水埗和味冰室，適逢晚餐時間，見環境不錯，就同女友入去醫下肚！ 餐廳感覺乾，裝修懷舊，坐位充足，以4人檯為主！餐廳有提供燒味飯，茶餐，小炒等，以茶餐廳嚟講，價錢屬於中上，我哋就叫左兩個晚餐嚟食下！第一個嚟既小炒係東瓜豆卜火腩，東瓜略嫌不夠稔同入味，如果東瓜同豆卜可以再煮稔多少少會更理想！火腩以較肥既燒肉為主，相信事前沒有特別炒過，所以沒有鑊氣的感覺，味道相對平時食既火腩比較淡一點！另一個蝦醬通菜炒牛肉相對火腩煲好一點，蝦醬惹味，鑊氣夠，通菜爽口，略嫌牛肉有不夠嫩滑，仍算一個不錯的小炒！加埋兩杯餐飲，埋單$136, 呢個價錢嚟講，食物唔算出色，表現不過不失！