和味餐室 (已結業)

星期日經過深水埗和味冰室，適逢晚餐時間，見環境不錯，就同女友入去醫下肚！ 餐廳感覺乾，裝修懷舊，坐位充足，以4人檯為主！餐廳有提供燒味飯，茶餐，小炒等，以茶餐廳嚟講，價錢屬於中上，我哋就叫左兩個晚餐嚟食下！第一個嚟既小炒係東瓜豆卜火腩，東瓜略嫌不夠稔同入味，如果東瓜同豆卜可以再煮稔多少少會更理想！火腩以較肥既燒肉為主，相信事前沒有特別炒過，所以沒有鑊氣的感覺，味道相對平時食既火腩比較淡一點！另一個蝦醬通菜炒牛肉相對火腩煲好一點，蝦醬惹味，鑊氣夠，通菜爽口，略嫌牛肉有不夠嫩滑，仍算一個不錯的小炒！加埋兩杯餐飲，埋單$136, 呢個價錢嚟講，食物唔算出色，表現不過不失！