和味

營業中

休息中

超級勁垃圾 🤬🤬乾炒牛河 唔入味 收$78蚊仲未計加一🤬🤬🤬份量超級勁少 🤬食幾啖沒喇 。❌❌雞粒辣豆腐煲 收我 88蚊💸💵💵仲要唔包飯 🤬😡 頂！要飯 另加 15蚊 先得果碗仔 🍚🍚辣豆腐一啲都唔辣 得個咸字🤬🤬雞好唔得 搞唔掂一杯凍奶茶 又要28蚊 全部都未計加一係咩事😰😰🤬😡😡雖然係响尖沙咀姐 都唔係咁既價錢食依d野出面是但一家都好過佢喇 價錢同品質份量 。完全不能接愛勁嬲！！ 沒下次 🤬🤬🤬😡😡

服務超差，尤其個有白髮既阿叔。呢個阿叔為左要客人走，叫兩個等位既老人家企係個兩個就黎食完但未食完野既客人旁邊，然後大大聲話：「呢度埋有位囉都食完！」搞到個兩個客人不好意思就走了。等個客人走左又寸人話幫親三百幾佢都唔夠交租咁講。到我叫餐問呢個阿叔飲品點計，佢話：「送俾你囉！」我天真以為叫碗牛河有嘢飲送，點知一埋單。杯凍奶茶$28，仲要加一。本身牛河已經唔好食除了咸咩味道都冇，咁差態度其實已經係呃人亂up話送飲品仲要加一！唔好問點解無人留港消費，咁差既服務又貴又唔好食邊個會想貼錢買難受！呢d從業員老闆唔反省一下無人會幫佢地！

第一次寫食評，因為實在太嬲 簡直影衰 香港美食之都招牌燒味 最揾笨 例牌叉燒 可以少過 碟叉燒飯仲要好似餸頭餸尾 甘擺埋一碟 瘦到食柴皮甘 招牌菜都甘，其他我都唔多講 收甘既價，出品甘劣質太過份完全貨不對版

星期二，戲院有票價優惠，到尖沙嘴iSquare 英皇戲院看港產片，散場剛好是下午茶時間，就在附近找吃的。走到漢口道，看到和味茶餐廳，walk in。點了自選兩餸湯麵茶餐，定價48元，尖沙嘴地段，可以接受。兩餸選了沙嗲牛肉和火腿，配公仔麵，竟然有驚喜！牛肉是鮮牛肉，質感似潮汕火鍋的手切牛，肉質滑，有咬口，好味！沙嗲湯惹味又不會過鹹，加了兩條菜芯，加分！公仔麵(不是出前一丁)軟硬剛好，我喜歡！熱奶茶也是出乎意料的好味(印象中，沒有在遊客區的茶餐廳，喝到好的奶茶)，紅茶、淡奶的比例，很合我的口味！終於在遊客區吃到高水平茶廳下午茶！

星期二行過找野食。 見到這間，下午茶時段。服務員態度非常不錯，也見到他們很照顧剛到香港的旅客。雖然不是你們要的5星級美食6星級體驗，但說真的，這才是香港本地人平時會到的餐廳。要200字才有得評分，所以寫下我吃了什麼：香茅豬扒湯河，豬扒即叫即煎，另上在碟上，不會被湯汁浸濕變軟。 讚豬扒味道很好，入味，而且不會太乾，也有香茅的香！ 4/5分！飲品我叫了奶茶，一般般，不是我喜歡的奶茶，茶味太濃！最後，廚房會播出經典廣東金曲！ 非常之地道！ 喜歡

叫外賣時講咗幾次阿姐都聽唔到客人想要什麼， 最後仲帶質疑嘅語氣批評我講漏咗個「飯」字，講真我已經講得好大聲。 佢驚死我之後實會催佢咁，話定「要等好耐㗎」。 之後我真係等足十五分鐘， 等嘅期間聽到佢不滿一台食客，話「好定唔好唔關我事，唔好賴我啦好冇呀」 成枱食客即刻面有難色。 好在奉上外賣的哥哥好有禮，食物味道也算可以。

泰式越式加港式的餐廳，茶餐廳的擺位，坐位不會過窄，從前晚上來吃過他的燒味，回味。午餐包餐茶，餐牌上餐湯沒寫有，但坐下每枱客人也送中湯。（西洋菜湯），沒味精，唔錯。套餐「梅菜扣肉飯」$62五花腩不會太肥，夠腍入味，梅菜墊底，鹹中帶少甜，食得晒，米飯軟硬度合我。「蝦餅併肉碎飯」$56煎蝦餅，彈牙，肉碎微辣，帶多點汁更好，米飯一大碗，友人說像港式飯多過泰式，味道OK。「三寶湯河」$60三寶是生牛肉，豬肉丸與雞絲，河粉是幼身哪種，湯頭可以，正正常常的湯粉。老闆很好客，問我們需否點菜，不點就免費送你們，我們沒點呀，他竟真的拿了過來，（油菜心）還彼嫩口。餐飲正常。

今日午餐時間，為了趕時間，叫咗個四寶飯，等左15分鐘都未得；問啊姐得未、佢 check 都冇 check 就話1分鐘、再等多5分鐘問另一個啊叔，佢答了解一下。之後等多3分鐘個飯就由另一個啊姐拎左出嚟。忍約聽到啊姐話盒飯放左埋一邊、冇人睇到（唔怪得之唔使煮、叫現成既飯都呆等左咁耐☹️☹️☹️）返到公司打開個飯盒，四寶欠了鹹蛋😢😢😢打電話去講番件事，啊姐淨係答哦哦，咁呀？少左呀？完全冇 say sorry; 又冇提議下次補番😡😡😡

經過見倒新開茶餐廳，唸住食個下午茶，喺門口見入面得2枱客，已經驚驚地，點知食完真係中晒伏⋯⋯⋯⋯⋯⋯⋯我地左個奶油多，黎到竟然係凍既！個麵包好似隔左夜咁⋯仲要果陣時全店只有兩枱客，但都可以整出黎係凍，真係o晒咀。好啦，再黎埋個炸雞翼薯條，我簡直眼都突埋，未見過咁既炸雞翼，d粉厚到加零一，好少茶餐廳既炸雞翼會用粉炸，好似食緊厚粉天婦羅一樣，可惜我無影相=_=⋯⋯呢間野真無下不違例，唔會再黎⋯⋯⋯⋯⋯

平時係尖沙咀返工，有日同同事OT過後，就搵左泥間餐廳醫下肚。.坐低後，店員主動拿餐湯給我們，是日餐湯是合掌瓜排骨，感覺鮮甜沒有味精。.蜜汁叉燒飯(HK$68)叉燒肥瘦均勻，肉質鬆化軟淋，又不覺油膩。叉燒甜甜的，充滿蜜汁味道，邊位還有少少焦味，配白飯一流。記住半肥瘦叉燒才是最好吃的！.咖喱牛腩鍋 (HK$108)這個咖喱牛腩是用熱鍋呈上的，一直滾住來吃，熱辣辣，正！ 咖喱牛腩味道濃郁，這是港式咖喱，味道帶甜甜的，十分出色。牛腩鍋不只是牛腩，還帶有少量牛筋，加配上薯仔，配白飯亦是一流。.紅青椒炒牛肉 (HK$88)紅青椒炒牛肉鑊氣味重，顏色豐富，經青蔥及青椒爆香後，牛肉味道更香口。

其實近排在疫情和自由行銳減底下，尖沙咀真係比以前少左好多人，所以今晚都出來尖沙咀走一走，路經漢口道見到這間燒味餐廳，價錢亦不貴，便入來試試看，看見門外的餐牌以為只是一間普通的燒味茶餐廳，打開主菜單便發覺這裏除了一般茶餐廳可見的飯麵之外還有越南泰國等東南亞菜式。先來燒鵝，燒得肥美，最重要是他的皮是很薄很脆，下面的肥膏邪惡得來又美味，如果不喜歡太肥的你可以輕輕刮去肥膏，脆皮和肉一齊吃，亦是十分滋味。雞肉串燒的份量比我們想像中大，味道亦都不足，不過如果能夠做到香味再濃一點就更好，始終香味對串燒是很重要的。牛肉河做出有水準，雖然不是最頂級的越南牛肉河，但是在這裏一邊吃燒鵝一邊有吃這樣的越式河粉，亦是相當有趣呢。

今日喺尖沙咀行街，行到肚餓，就開OpenRice睇吓有咩食啦，見到呢間好評都幾多就去試吓。點知真係仲晒伏。。。叫咗幾個下午茶set都麻麻哋，見圖都覺得唔好。。呢個係豬扒包，嗰塊麵包皮唔係脆啊，係好硬。。好dry，賣相都好差呢個雞翼都係極品😂😂😂究竟係用咩炸皮，可以炸到咁樣，雞翼根本冇味。炒金邊粉算咁多個餐入邊最好嗰個，起碼有啲味道。另外，餐廳嘅環境唔算好好，有時都會見到一兩隻蚊飛來飛去，是員工都係行行企企，叫佢幫手拎啲醬料都冇乜反應。。。

和味同女朋友渣車去到尖沙嘴發現新開了一間小菜王，門外貼滿招牌小菜就諗住入去試下！燒鵝髀下莊餐廳每日自己燒，數量有限。燒鵝較為大隻且肉質結實，燒鵝皮脆卜卜，吃落非常之甘香，燒鵝肉好吃, 很肥不乾, 皮脆肉嫩, 燒鵝啖啖肉，無得頂呀正！河內札肉湯河札肉都好多片，賣相幾好，湯都好入味，河粉好滑，而且份量超多，滿滿一大碗。馬拉盞通菜不會太油，炒得唔老又入味，個人推介必點。下次會再幫襯

是有港式風味的餐廳, 餐牌上有很多款菜式供選擇, 港式、越式、泰式也有。建議點一些小菜, 然後和朋友一起分享。如果單點粉麵類, 還可以半價選擇飲品, 幾抵吃的呢~ 鮮茄炒蛋 - 是我會推薦的菜式炒蛋充滿蛋香, 甜甜的, 有蛋汁, 炒蛋很滑溜; 蕃茄夠鮮甜, 炒得一點兒也不乾身, 可以配白飯吃。炒蛋大大件, 有口感。蒜蓉炒涼瓜 - 以蒜蓉調味, 炒涼瓜味道不會太苦。越式炒金邊粉 - 裏面有芽菜、香蔥、炒蛋、肉碎等等, 炒得幾惹味的。香茅串燒牛肉 - 是泰式串燒的味道。

行完尖沙咀，到了食晚餐時間經過，就隨意食左一餐，又幾好食。點左2個一人套餐同小菜，上菜速度快！1人套餐：蜜汁叉燒飯+春卷+熱奶茶 $88有齊小食，主菜同飲品，抵食呀。大大碟飯，新鮮出爐叉燒。1人套餐：生牛肉湯粉+菜心+柚子蜜 $88見到餐牌標明秘製湯底，就試試係咪咁勁啦。河粉同牛肉都好足料，牛肉幾嫩，落左唔多香料，其實口味偏向港式，湯底未見有好大驚喜。即炸越式春卷，香脆好味。肉碎茄子煲 $88夠鑊氣，茄子炒得入味，哩個煲送飯一流。值得一讚仲有哩度既員工態度好，食得開心。