和將居酒小廚 (已結業)

日日食良美食廣場個邊既商場多左好多餐廳 最近呢間日本菜岩岩開始營運,晚市至930PM最平70蚊起,有日式飯麵選擇A係牛柳配吉列炸蝦配蛋,湯或白飯B係滑蛋鰻魚飯或烏冬C係照燒春雞配飯或烏冬,另外3款係煎扒或意大利麵,或燒汁三文魚扒選擇上好豐富 ,所有食品都係即製,水準出色先黎沙律菜,跟餐包埋飲品與前菜,夠清新,帶點醋酸香開胃日式串燒都唔錯,幾出色,燒得香口惹味,有帶子或北海道豚肉或雞肉雞肉嫩滑多肉汁,和豚肥嫩甘香鮮味!另有日式小吃,炸雞件,日式餃子,十蚊一份追加價,試業內免收加一服務平均消費$100評分8/10和將居酒小廚 將軍澳唐俊街18號The Parkside Mall地下G02B & G05A號舖

今晚在將軍澳吃飯，餐廳位於空地停車場旁邊，位置算便利。餐廳有兩間店舖，裝修簡單，木製桌椅，掛上一些日本風情畫，多了人氣。晚上有套餐選擇，提供日式串燒、小食和主食。我們先點了幾款串燒和兩款主食。⭐️日式餃子長形的餃子炸得卜卜脆，內餡是菜肉餡，味道香淡脆口。⭐️鹽燒北海道和豚腩豬肉串燒非常惹味，加上鹽調味，又脆又香。⭐️鹽燒雞肉鹽燒雞肉口味會重一些，雞肉嫩滑。⭐️酥炸雞槌炸得很香脆，很久沒吃過這麼脆口的雞翼。⭐️滑蛋鰻魚叉燒配湯烏冬$70非常豐富的套餐，有兩塊鰻魚、叉燒和清湯烏冬，還有炒蛋，絕對飽腹。⭐️半隻照燒春雞配帆立貝配白飯$90同樣豐富套餐，有兩隻燒春雞和帆立貝，吃得非常飽足。

大約8:30去到，好快就有位晚市menu最平$75 今日叫左setF $145 配前菜同飲品 飲品有得揀咖啡 同特色汽水 都👌🏻首先上咗沙律 冇也特別 用咗柚子汁 甜甜酸酸 幾開胃😗熱鮮奶咖啡 唔係好識咖啡 只可以講唔算好苦🤣加咗$18 醬燒雞肉同$30鹽燒北海道和豚腩雞肉都幾滑同juicy 配上日式照燒汁 和豚都可以 個人覺得調味偏咸 同有少少乾 不過$30有啲貴🥲主菜加拿大豬鞍扒配薯格及西蘭花苗🥦塊豬扒都幾厚 份量都幾足 女仔嚟講食得幾飽 沙律菜都係頭先前菜嗰隻柚子汁☺️薯格炸到好脆不過成個set略嫌有啲乾 希望可以加番個汁俾佢🤨Set F 定價偏貴 如果可以送甜品或者多個小食就好啦😆

試新野，見價錢合理即管一試。點了滑旦鰻魚叉燒飯70元。一送上來，以為點了隔夜餸，叉燒感覺翻煎了幾次，其實係3小塊肥豬肉。再試鰻魚，感覺係燒定咗好耐然後叮返熱。再食滑旦，一啲味都冇，冇旦味，又好淡口，茶餐廳的滑旦好得多。基本上唔會再試！

屋企附近又有新開既鋪頭，做白老鼠黎試一試先。用餐環境：簡約既裝潢，光猛整潔，但二人枱有啲迫狹，當兩份餐點到齊時，根本無乜位可以再放小食⋯餐點選擇：可能依然係試業期間，日式食物方面選擇唔算多，有d西式fusion既感覺，所以會有薯條沙律意粉呢d揀⋯另外，建議餐牌可以有實物圖片，餐點名稱太長，就咁睇文字實在唔太吸引⋯餐點質素：擺盤算ok，餐具顏色幾靚。我點左一份烏冬，友人點左一份豬肋骨。烏冬湯底應該係鰹魚清湯之類，而配既牛柳粒有d過熟，所以比較難咬。溏心蛋做到半熟，但外層明顯未浸夠時間，我覺得比較淡⋯炸蝦我一向都麻麻，所以就唔作評價。友人點既豬肋骨，我地一致覺得唔係難食，不過又未至於好味果種，豬肋骨有啲位如果無汁點住食就比較乾⋯薯條值得讚，夠熱夠脆。芝麻雞翼，套餐可加10蚊/隻，炸得夠脆，但有一隻就燶左小小⋯雞翼有醃過，味道ok。服務算ok，見我地張枱唔夠位放食物，店員主動提議將收據放去另一張台，騰出位置繼續用餐。價錢方面：暫時無加一，套餐叫做包野飲同有個餐前小食。唔係貴，但唔算好抵食一定要試果種。暫時唔會有衝動再試第二次。套餐包埋既。呢個好似80蚊定85蚊。呢個唔記得左係80幾定90幾蚊