和田日本料理 (已結業)

先前幾次同男友尼,次次都好滿意,因此我放心交餐國慶餐俾佢.環境:一般般,比起中環既放題係冇咁窄,但個地板十分冇水都係十分"扇".service:可能國慶比較忙,你叫人會好快有人serve你,但野食就好耐先尼食物:三文魚,馬刀貝-三文魚勁厚切,馬刀貝雖然細細塊但係十分新鮮爽口.天婦羅-蝦好新鮮,但係粉厚左d(無傷大雅),媽咪聲稱炸香蕉好食,encore數次枝豆-好入味,但係略嫌大份鐵板牛肉-因為encore會太飽先冇再叫,牛肉燒得唔乾好juicy炸物-燒得有少少乾身,雞肉/腎串對我地尼講咸左少少雪糕-芝麻雪糕好有芝麻香,豆腐雪糕夠滑,但香味唔太重總括而言,encore得最多係sashimi.以呢個價錢食左咁多靚三文魚,我覺得值回票價

刺生 有三文魚,吞拿魚 , 希靈魚,北寄貝,墨魚,馬刀貝,劍魚,八爪魚, 但唔新鮮, 比十蚊三件好少少咋。北寄貝、希靈魚,就ok。壽司飯夠細件。 鐵板牛肉好咸、牛肉粒冇味, 份量太多。炸蝦同炸香蕉真係好食, 叫左3次,又香又脆。串燒大多都ok....好難燒得唔食既。芝麻雪榚 很麻，我都很喜歡。綠茶雪榚: 沒什麼綠茶味。但我看人地食評d相刺生都新鮮, 唔知係咪lunch 放題會咁。如果食日本放題刺生、壽司都唔得, 其他野點好都冇用啦。

今天和女朋友慶祝生日，聽朋友說這裡不錯，所以遠少少都走過來試下刺生三文魚都很肥美，但劍魚就有雪味，馬刀具都幾好天婦羅海蝦真不錯，很脆燒雞皮串值得一試，可惜加單又漏單鐵板牛肉 沒有牛味，份量也太多了芝麻雪榚 很麻，女朋友話放了成碗芝麻糊咁，我都很喜歡綠茶雪榚: 沒什麼綠茶味，可以不吃

終於去左1直都好想去既放題, 因為之前係openrice 見到個個都話和田d野好食, 所以對佢都好有期待.我早1日book 左545-745, 因為呢個時段比較平, only 148 一個人. 我地1坐地就叫野飲, 不過唔建議叫汽水, 因為會好容易飽. 我地叫左麥茶and 菜蜜都OK.我地叫左刺身: 三文魚,吞拿魚 , 希靈魚,北寄貝,墨魚,馬刀貝,劍魚,八爪魚。三文魚同八爪魚都好大塊好身鮮, 而希靈魚都好爽. 而吞拿魚and 北寄貝就偏細塊. 師父係擺放刺身都有落足心機.壽司:甜蝦,帶子. 不過不失天婦羅: 所有既天婦羅都熱辣辣, 好脆好好食, 尤其係炸蝦同炸香蕉, 超級好食.鐵板牛肉都OK, 唔算太老.串燒就普普通通, 不過燒粟米就好好食, 好香牛油味, 但又唔太林, 食到1粒粒既粟米.芝士焗薯角 放題食呢個就有D飽, 不過都做得OK 鐵板牛肉, 炒雜菜, 涼拌XX 都OK咁既價錢同食物質素我覺得抵過好多日本放題, eg 松X我發現周圍都穩唔到和田放題價錢既資料, 要打去問侍應每個時段既價錢好鬼麻煩, 所以打出黎放便大家 時段

女兒上星期五生日, 我們去了和田日本料理食飯.任飲有日本啤酒、罐裝汽水、菜蜜和日本麥茶.刺身有三文魚、吞拿魚、劍魚、希靈魚、北寄貝、馬刀貝、八爪魚和墨魚。手握壽司有三文魚、火焰三文魚、甜蝦、帶子、吞拿魚、玉子、加州卷…手卷 - 紫菜鬆脆, 但料較少.我最欣賞佢地既天婦羅,炸出來熱辣辣,首選天婦羅蝦,蕃薯..日式海鮮鍋 – 很好吃蟹籽沙律 - 不錯串燒～做得比較差鐵板牛肉 – 麻麻地還有拉麵、烏冬、炒飯、粥、金菇牛肉卷、炒物、鍋物....生日月份有蛋糕送 – (要六人惠顧及兩日前預訂)整體上食物是 OK , 但服務就稍遜.

呢間野服務就冇乜啦... BOOK左台一搭車立上去... 搵個人都冇 等左十分鐘先有人理但係食物水準係好既大大塊厚切三文魚 正天婦羅蝦都好食!! 炸得幾好 ~不過個牛肉鍋冇味既! 得D菜 !!手卷D料就少D囉..串燒同雞皮係正! D雞亦都係!!個芝士薯仔好好好好食呀!!!!最鐘意佢有北寄貝食~ 仲有希靈魚!! 咁架價錢 低啦~~D飲品係罐裝! 唔洗飲汽水機汽水 VERY GOOD!

朋友介紹呢間餐廳～一心都係試下～一到達時～～人不多～～但坐下坐下‵～勁快爆場～～食物ｏｋ～品種多～個人喜愛：刺身～天婦蘿～芝麻雪糕～做得比較差既只有～～串燒～（建議不要點）不過整體都算ｏｋ～因為份量大～選擇又多～我一定會再到呢間野食多次～～

都黎過呢間好幾次啦,遲左小寫食評;最初係睇到報紙介紹,行開北角咪試下咯!先黎點飲品,嘩....有日本beer,罐裝汽水,跟住梗係刺身,種類唔算多,有我鍾意食三文魚北寄貝,希靈魚,劍魚....壽司:三文魚,甜蝦,炙三文魚,鰻魚,包片,帶子....呢度填單可以每客15件,絕不古寒...仲好肥美....我都試過食好多任食啦,有時會簡貴精不貴多,我簡鍾意食既野,黎任食不是任嘥....我最欣賞佢地既天婦羅,炸出來熱辣辣,首選天婦羅蝦,南瓜,冬菇...串燒有好種類:串燒牛柳,雞軟骨,雞腎,串燒蝦,串燒豬利,雞翼,翠玉瓜幾特別...前菜:蟹子沙律(用青瓜絲做夠正宗)螺肉,中華沙律,八爪魚,枝豆...嘩,寫寫下原來都好有多野食架,仲有火鍋,蟹粥,日式炒烏冬,鐵板牛柳,鐵板焗薯皮...呢d我好小叫,因為食刺身已經回本,哈哈哈....大眾化價錢,值得一試~

燒雞皮：乾到．．．好似食柴咁天婦羅蝦：第一round ok，然後全部係食粉炸雞軟骨：硬、冇味... 燒既ok d牛扒：美心快餐 比粉 "那" 過既薄薄一塊 疑似牛既東東beer冇得揀。乜野都係失望。其實我諗唔倒好既野連服務都好差，waiter 將飲筒係 "拋" 落枱面比我同男朋友。

聽到朋友介紹好, 睇食評話無咩人, 夠清靜, 但去到全場full晒, 好彩有訂位.食物種類同味道都唔錯, 推介:魚生, 天婦羅, 串燒, 牛扒, 炒飯, 綠茶雪糕, 種類都係大眾化為主. 5個人食左八百幾, overall唔覺得特別抵, 因為我地唔係好"擦"得~ 推薦"擦"得之人去食!

上兩星期看到報紙的廣告, 剛好朋友約吃飯, 同朋友2人便到這家店試吓, 入到去已經覺有啲問題. 因為當時大約8:00pm, 店內都只得幾台客, 個waiter帶我哋座在靠近廚房出口的2人枱, 我哋即時要求換張中間啲的枱, 但個著黑色西裝的waiter(可能係部長)即話其他枱已book, 不能更換, 我同朋友只好開始order食物, 食物都算幾快就送到, 但即發覺啲魚生重夾住啲雪, (可以保持新鮮). 其他食物就一般, 算可以接受. 食到中途開始漏單, 但當時都唔係好多枱客, 只得7-8枱, 我哋即call waiter 幫手跟跟, 點知個waiter哦咗声後, 就走去同啲同事講嘢, 完全唔理我哋, 直到我哋見有其他waiter經過再要求跟單, 先入去廚房問, 出到來只係叫我哋重新入單. 入單後依然無嘢出, 經多次吹單先至有嘢食, 啲咁服務態度, 做幾多廣告都冇用. 希望佢哋啲管理層可以認真改善吓.食物方面都算幾多款, 質量就一般般, 以每人差不多$200連加一計, 就好多地方都食到啦. 重有, 至到我哋買單走人都冇客, 個waiter分明講大話, 怕麻煩, 唔同我哋換枱.

尋晚(5-5-2009 Tue)同男友o係北角食完小食後,就等o黎呢o度食buffet,同男友媽全家為慶祝佢姑媽生日.我o地只知約o左8:15pm同粵華酒店食,唔知邊間.大部份人o黎到,原來我o地係o黎食日式放題,啊.我o地一共十三人o黎食,坐o係用五張二人枱同一個四人卡位組成,好長.我o地有理冇理係咁填紙仔order o野食,由於唔係我填,所以唔係好記得o野食o既正確名稱.交o左紙好快就有o野食.特出o既有:1.蜜汁燒牛扒呢個真係好味,肉又鬆軟又多汁,蜜汁又唔係好甜,推介.2.手卷我冇食到,男友讚啲醋飯醒胃,飯粒又軟硬適中.3. 南瓜天婦羅南瓜夠甜,粉漿唔厚,好味.4. 炸雞軟骨鹹淡適中又脆口.5. 枝豆呢個加o左鹽灼熟,令枝豆帶適中o既鹹味,好味.6. 綠茶同芝麻雪糕綠茶味微苦,芝麻味好濃.正常o既有:1. 炸雞,肉唔’鞋’,可以o既.2.串燒雞腎,亦係香脆3.洋蔥炒牛肉,呢個比蜜汁燒牛扒遜色.4.牛油炒雜菌,上枱時嗅到好香牛油味,食落就淡淡.美中不足:1. 刺身種類都多,重有希靈魚.呢啲樣樣都算新鮮.2. 壽司,我都冇食到,呢個我冇聽到話好唔好食,但帶子壽司賣相就有啲搵笨.3.

很久很久很久沒寫食評了，因為真的很忙，空閒時間用來填充其他娛樂，而且亦財赤到不能到未到過的餐廳一試。看到OR多了用餐日期的選項，可惜我正想提一提到這間和田的事是大約兩三星期前，朋友拉我進來的說又平又好食又唔迫。進場後發覺又真的幾小人，半場都不爆，但座位又那麼多，我去過的放題好小可這樣子，坐的位置正好對着電視機觀看laughing哥。食物的味道不是記得很清楚，太久了，略略提提吧，因為我覺得放題的食物都不會相差太遠的，而這間和田卻有另一種優勢。雞腎是每次必點的食物，可惜這次辣味多濃了，而又沒有什麼咸的香味。雞軟骨就夠味多了，又爽又咸。另外想提的是那個芝士薯角，不夠熱，一會兒後芝士就乾晒，很難吃。好像只提了不好吃的添，其實好吃的遠超出難吃的，例如蒜香茄子和牛油雜菇等數之不盡，雖然都是些放題有的基本食物。重點是，黃金時間卻有無限坐位絕對唔會迫，這點很重要。重點是，埋單大約一百六十左右，比一般的平了若二十元。重點是，有雪糕，不是間間都有雪糕提供，雪糕絕對是放題的好結尾。

15/01/2009親友和我到此預祝生日,$148+1任飲任食, 座位逼, 食物種類和質素ok, 大部份人都說天婦羅蝦(呢個我冇食)和串燒牛舌(我覺得太鹹)好吃,我就喜愛希靈魚刺生, 腐皮和玉子壽司(慣了被人話叫這些不化算), 抺茶雪糕也不錯呢度生日有蛋糕送(雖然係一個唔好食的朱古力蛋糕), 仲會播埋生日歌tim~~服務不足的是我不想喝它的點菜紙上的飲品, 請waiter拿杯暖水給我, 等了好久叫了數次才到, 實在......

今日有左offer，梗係即刻同爸爸去慶祝下啦！因為爸爸有野做唔可以去到咁遠，就近近地去附近酒店食日本野算午餐$28，可以揀一樣餸，有湯有飲品，如果$42就可以揀2樣野，午市免加一，好抵！點左兩個$28套餐：麵鼓湯：可以，正常～鰻魚飯：好細碗啊！男仔一定唔夠飽，鰻魚夠肥，但係燒得太耐，有Ｄ乾，汁唔似正宗鰻魚汁，有Ｄ似鼓油，飯偏硬，唔似平時食開的珍珠米咁飪～豬軟骨拉麵：得兩件豬軟骨雖然好好味，但係真係好少呀！湯底唔香，無乜味，拉麵都係一般～西洋菜蜜：我見住佢用樽裝西洋菜蜜溝水整出黎架！好難飲！味道就一般啦，但係咁0既價錢，茶記都唔得啦！抵食搭救！