和記餐廳

營業中

休息中

星期日去西貢，LUNCH時間都有下午茶供應，真係平靚正醫肚之選。我地揹住個大背包，阿姐特登吉張枱出黎比我地擺野，認真抵讚，市區既餐廳根本無可能咁好！揀左雞脾餐(雞脾+沙律/薯條+餐飲$33，凍飲特飲另外加錢），薯條炸到金黃色，火喉岩岩好，外脆內軟熱辣辣，偷食一條已經好邪惡；沙律都幾新鮮，大大粒，如果少D醬會更好；至於雞脾，又係炸到熱辣辣，岩岩好熟所以特別嫩滑，如果無咁咸就更正了。食飽飽再行街，大滿足。

有天去西貢行山，行完後一直在想着要吃什麼好，剛好經過這間茶餐廳是下午茶時間，於是我們就進去了。下午茶menu都是三文治，焗意粉，炒麵，雞翼薯條之類的選擇，和一般餐廳沒有太大分別。這是我點的鹹牛肉芝士多士，這個是沒有烘底的，因為想不起來烘底要另外叫 外表普通，但鹹牛肉的味道還可以不太鹹，質感有點像罐頭吞拿魚，味道則像鹹牛肉乾。不過還是慶幸加了芝士點綴一下，才把這個平平無奇沒有烘底的多士增添了多一點色彩。

上星期我同一班朋友到西貢行山。完成後便到碼頭一帯食午餐。因為有帶食物在中途補給所以不是好餓。我選擇炸雞脾沙侓配凍檸茶，因為那天是星期日又加了三元，原來一個下午茶餐去到38元，真係食米不知米貴呀！個沙津雜果加紅腰豆又幾好食，可惜醬太多有d 膩。雞𩨨係熱洪洪但粉醬過多，我比較愛生炸雞𩨨多D。🍗凍🍋茶係正常，無特別，盛惠38元，。

係西貢 行完山 就選擇了這間茶餐廳食下午茶, 看了餐牌就決定吃焗肉醬意粉 , 落單後, 才醒起 焗要等好耐 ，不過這間餐廳的焗肉醬意粉只需要十分鐘 ，上菜時間 也算很快的以茶餐廳來說，這杯即磨咖啡的水準 也算挺好的， 不是一般沖粉的咖啡這個焗肉醬意粉 賣相就一般 而且有一點窿不過也有驚喜的，就是焗肉醬意粉，不知道為什麼意粉下有很多水 ，變成了肉醬湯粉。意粉的上層. 味道 跟一般的茶餐廳分別不大，食完面層的時候，當那些意粉遇到那些肉醬湯， 這個味道，就需要放下那支叉了

今天媽有事要去政府合署，之後陪他在和記餐廳食早餐。位於西貢小巴總站旁邊的和記餐廳，其實已兩度易手，現任老闆其實是「和記」多年前還在西貢對面海（即是你在海邊碼頭向右望時，望到山上有一群橙色頂房屋跟其他平房那個地方）營業，搬來西貢墟前的第一代老闆。別誤會，橙色頂房屋並非什麼豪宅，只是香港房屋協會旗下的公屋「對面海邨」，住的人都只是普通人家，包括我在內。想起小時候還住在對面海，曾經光顧過對面海的「和記」幾次，印象不太好，快要忘記它的時候，偏要我來光顧一次。估不到相隔多年，和記的價錢都竟然翻了一翻，單是早餐已經脹了價錢，絕不便宜。我點了一個雞扒通粉早餐配凍奶茶，雞扒煎過還未隔油就放在通粉上端出來，如果雞扒少點油或者跟通粉分開上的話我還能接受，現在弄得整碗通粉都是油膩膩，從健康還是外觀角度來看我都很難完接受。至於另外點的油占多，只是一般茶餐廳水準，不值一提。如果不是媽堅持要吃的話，我是不會光顧它的。

今早同老公食早餐，入咗此餐廳，食咗一個又貴又難食既早餐😫😫我叫咗一個B餐：- 羅宋湯意粉得個酸字既羅宋湯，一d牛肉味都無，完全係茄汁煮雜茶湯咁。。。意粉係熟，但囗感好硬。。。- 火腿炒蛋炒蛋完全熟透，似煎蛋餅一樣老公叫咗個雙拼餐：- 雪菜肉絲+沙爹牛肉麵雪菜肉絲煮燶咗，一陣燶味。。。兩個餐連兩杯凍飲，盛惠$78總結，四個字“非常難食“，同埋貴！！

上年第一次幫襯和記早餐非常滿意，一直念念不忘，今年有幸再黎船河當然食過翻尋味啦 ﹗點解門面唔同左樣既？內內外外都落重本裝修喎，坐低望望原來連餐牌都轉晒，似乎已經轉手了 ﹗唔好講咁多，食左先講。太陽蛋豬扒即食麵，唔係嚇我麻？泡麵？點解會係泡架？暖水浸麵衰過杯麵 ﹗我覺得食緊白烚紙條，白雪雪既麵條，無蛋味無麵粉味，總之無味。湯底唔熱又淡如水，您睇下幾清徹，清徹見底 ﹗就連大光麵都好食百倍，又無出前一丁、又無福麵供應，想轉都無得轉。仲要錦上添花，係添蔥花，再加生芽菜，個湯已經唔夠熱，仲落生芽菜點灼得熟呢？依個配搭夠晒絕呀，到底邊度鄉下架？成碗麵草腥味強烈，完全入唔到口 ﹗煎豬扒正常略鞋偏硬過咸，冰凍太陽蛋浸浸湯還可以無問題。本來以期待、雀躍又滿心歡喜既心情黎食好野，記得半年前食沙嗲牛肉出前一丁好好味架 ﹗如今日食完要黑住面失望地離開，有無可怕得那麼利害？Black list 無下次。門面裝修得如何富麗堂煌又點、如何金壁輝煌又點啫？食物質數劣到無影，就算靚到十足皇宮都無用啦 ﹗我仲推介朋友們齊齊黎食麵餐添，so sorry 呢 ﹗我錯喇，中晒伏 ﹗唔會再黎幫襯咯。七月又會再黎西貢，要搵定有咩好

去完考察 是旦同fd揾間茶記食下環境茶記都算ok 有2層 幾大lunch有d set $40 係扒飯 包飲品 蘿宋湯or5記得左2個fd嗌左雜扒飯 個樣真係5錯 有牛同豬 份量足 有隻靚ge太陽蛋 黑椒汁 試左少少扒 同蘿宋湯 幾好味 個湯有5少料 少少spicy 另外2個嗌左常餐$38 包奄例 飲品 蒜蓉包我嗌左雙拼三文治20～5包drink 烘底+1～蕃茄+炒蛋（仲有吞拿魚 鹹牛肉 生菜絲 午餐肉 火腿....）烘底烘得好令 三文治好難難食 普普通通na質素係比普通茶記好 但係飲品方面 個fd飲可口可樂 要加$8！