和記餐廳

營業中

休息中

下午茶寫住去到6點，幾日下午5:45左右打去叫外賣已經話冇晒麵餐個啲，煮個麵幾難呀，炸脾薯條，小菜飯個啲就有，仲耐過煮個麵啦，未夠鐘就唔做嘅不如一早寫住去到5:30，咁咪唔會阻到你地做夜晚生意囉

假期帶著朋友到香港後花園的西貢遊玩，回家之前已經到晚飯的時間了，乾脆就吃完飯才回家。走進來這家滿滿客人的茶餐廳，點了一個下午茶的番茄雞蛋三明治，肯定的是三明治是現作，雞蛋非常的熱，我要不停的吹，等他涼了才吃，凍檸茶非常好。另外點了兩份晚餐，其中一份是海鮮炒飯，這個海鮮炒飯可以說是完全沒有味道，也完全沒有鑊氣，算是水準之下，另外還點了一份豆腐魚柳配白飯，例湯，腐竹有點酸…..豆腐和鯰魚肉都算還好。唯一亮點，服務非常好，沒有任何茶餐廳大姐兇客戶的行為，就這點在香港已經非常少見了，下次帶海鮮來加工他們也歡迎。

中午去和記餐廳小廚食午餐，叫了咖喱牛腩飯，凍咖啡少甜。咖喱牛腩飯味道還可以，食完成個飯後，飲咖啡發現不到問題，直到最後一啖，發現一支兩頭也用過的牙籤在杯內，相當嘔心，不知誰人用過的，我相信牙籤上的食物殘渣，已被我飲下😭因為咖啡是深色的，牙籤也在最底，一直沒有發現，直到最後飲完才發現。究竟係水吧同事咬住牙籤沖咖啡掉落去，還是洗碗的同事不潔，水吧的同事求求其其也發現不到，無從證實，十分嘔心，不會再光顧。

今日去出海玩之前，去咗呢一間喺西貢附近嘅茶餐廳，朝早人數都非常到安排咗我哋坐上邊，都唔緊要，我哋等到起碼20分鐘先有人落單，我哋亦都多次問可唔可以落單，但係都話等陣先，最後落完單之後又漏左一個order.....我，其實我哋叫四個餐都唔明白，點解可以咁都可以漏⋯⋯ 嘢食方面其實都唔太理想，沙嗲牛肉非常靭，雖然份量有三至四舊，但係佢個面真係好淋，完全搞唔掂⋯⋯餐包同埋煎蛋就普通嘅，完全冇乜其他驚喜地方，如果大家嚟食早餐可以去附近嘅餐廳！

完全唔係口水雞，係辣椒油雞。食得呢類型餐廳都預咗食雞冇雞味，但差到除咗辣椒油味，仲食到隻雞係白烚小小味都冇🥹如果你想食辣椒油雞可以一試🫣(圖片已經食咗兩三舊，本身冇咁少~)

我去親西貢9成都係食泰國餐廳或者靚靚海邊西餐廳，但今次我下午先去，唔係好餓又攰攰地想坐下同口痕，咁就見到有間好道地嘅茶餐廳。🔹🔹🔹🔹🔹🔹🔹🔹🔹🔹🔹🔹🔹🔹下午茶最岩食咩？緊係最邪惡嘅西多士啦！再配可樂！呢個好細心，唔係一大大塊，而係已經切開3塊，牛油都好大舊，一啲都唔會慳，大家都知啦，而家牛油係好貴嫁嘛😏😏配合埋honey，真係好味嘅食物就唔會怕肥！大件夾抵食！坐低抖抖食少少野真係一流！chill!!

去西貢滑水朝早隨便入去一間茶餐廳食個早餐，因為呢間有位入左呢間食，但好後悔。諗住食個沙嗲牛都唔會差得去邊，點知個沙嗲汁好難食，一啲都唔香，又唔夠多汁，湯底又唔好味，以後都唔會食呢間。

今日6月2日2022年星期四, 開工前嘅早餐.我係住喺西貢, 好多間茶餐廳我都試過各有特色, 有啲多士蒜蓉包好好味、有啲裝修較好、有啲喺內街遊客較少去嘅地方,只有街坊客.今日去咗陳權記食豬扒紅腸麵點解？因為佢嘅麵底較好、豬扒軟硬度&味道適中...最重要佢有蔬菜跟隨！食咁多肉梗係要食條菜啦凍檸茶個紅茶底都唔錯價錢方面大家睇下張單凍飲$四十蚊, 今時今日冇$4x蚊都食唔到上次試咗麥三文治包都幾難皮+三文治都唔錯, 麥皮濃度適中.三文治麵包都幾軟熟你問我下次會唔會再嚟梗係嚟啦

去親西貢 10次9次都係去玩水 出發之前 去茶記食返少少野就岩哂 2點出發 1點叫黎和記單點叫左個公司三文治🥪都要$44 仲要冇野飲 都有d貴不過佢有兩層 上面冇咩員工要等有餐送上黎先搵到人 所以好難落單 不過茶記速度 快靚正 又足料食完就閃 去換衫準備出發

由於今年「香港」農曆新年裡面，還有「年初四」屬於「香港」法定公眾假期，所以「年初三」晚上裡面的「西貢」，還有大量遊客遲遲未乘坐交通工具離開。再加上交通意外，「西貢」交通就立刻陷入癱瘓狀態，我最後只能夠選擇「年初三」留在「西貢」。加上「堂食時間」已經過了，我被迫在「西貢」「和記餐廳」購買「咖喱牛腩飯」。我最初以為「和記餐廳」廚房製造的淺黃色「咖喱」汁實際辣味，未必像其他餐廳那麼厲害，結果我被「和記餐廳」「咖喱」汁裡面的偏強辣味所刺激到。就連配料例如「青椒」的實際味道，也因為「咖喱汁」實際辣味濃度頗為強烈，所以也間接令「青椒」實際味道，也被辣味「咖喱汁」所徹底染辣。至於「咖喱牛腩飯」裡面的「牛腩」和「牛筋」實際體積，也被廚房切得頗為細小。至於口感方面，「牛腩」實際口感感覺頗為軟腍，很容易咬和咀嚼。反而「咖喱牛腩飯」裡面的「牛筋」，「牛筋」還有一兩塊，「牛筋」實際口感就沒有像「牛腩」一樣煮得那麼腍了。至於飲品方面，原來「和記餐廳」外賣晚餐還包括有一杯飲品，結果我選擇了享用「凍奶茶」。相對於「和記餐廳」「咖喱牛腩飯」裡面的濃厚辣味而言，「和記餐廳」「凍奶茶」裡面的味道很明顯地變得很甜，溫度很冰

今日西貢一天遊，嘆返個下午茶。第一次幫襯呢間餐廳，就叫左個下午茶炸雞髀🍗什果沙律🥗餐廳環境衛生，店內寬敞。 服務員主動態度良好。 每次食下午茶我必叫 炸雞髀🍗沙律。 不過今次呢間餐廳炸雞髀🍗有點失色。 首先賣相已經一般，由於雞髀入有香草🌿，個人對炸雞年要求高，唔太喜歡香草炸雞髀。 外皮唔算脆，不過肉質唔乾。 總結 炸雞髀一般不過配埋什果沙律🥗，份量都算多，味道唔錯。 價錢正常 值得一提，下午茶時段可供選擇既款式繁多。基本上上一般茶餐廳有既，呢到都搵到。有埋粉麵比你揀。

每次遊船河或者出海之前，都一定會晨早流流泊好架車，然後搵地方食早餐，咁樣開始一日精彩嘅活動係最好不過嘅😆！但係西貢碼頭旁邊唔係咁多選擇🤨，大多數都係揀相連嘅三間茶餐廳嘅其中一間...講得白啲：趕住上船就邊間有位就食邊間啦！🤣🤣雖然疫情關係，再加上限聚令依然係四人...但係每一間都爆滿😱！最後上咗「和記餐廳」樓上，點左兩個沙嗲牛肉麵，一個牛扒炒蛋同埋吉列魚柳炒蛋配多士，全部賣相同味道都一般囉⋯⋯都係普通茶餐廳質素，中規中矩咁～食飽就算數嗰隻🤪，價錢都適中...

禮拜日早上，西貢市中心人山人海，多間餐廳都爆場，這間和記剛剛有位，直入！相隣有三家餐廳，這間在中間位置。一坐下，叫了客豬扒煎蛋早餐。。。上菜好快，抵讚！雖是茶記早餐，但也不是冇要求的！認真講，這個賣相。。。不説了！莫非煎蛋技術已失傳了？燶邊荷包蛋那裡尋呀多士也不香脆，似是烘定，放久了。。。幸好塊豬扒都幾好味，是香煎的，但如果冇汁便更正。。。可惜條腸仔。。。柴皮似的。。。不過，杯凍奶茶也尚算香滑，好飲！

以前遊船河前都會經常來和記餐廳吃早餐， 因為方便又近碼頭。 星期日的西貢永遠都很多人， 今次又係貪方便， 又到和記餐廳吃飯。 午餐有鮮茄牛肉飯$57、 京都豬扒飯$57、 菠蘿生炒骨飯$50、 凍咖啡跟餐價$3和茶走。 三款菜式都做得有板有眼， 鮮茄牛肉飯和京都豬扒飯都是飯餸分開上， 鮮茄牛肉味道鮮甜， 牛肉夠腍。 京都豬扒飯開胃又好餸飯， 最適合喜歡吃肉的人。 菠蘿生炒骨飯味道酸酸甜甜，腩排連骨，肉質較嫩滑， 老少咸宜的菜式。 飲品方面， 咖啡味道淡唔好飲，茶走相比咖啡好少少。和記餐廳相比起我平時返工在外面吃的茶餐廳比較有質素， 起碼菜式不是求其煮出來的。

嚟過呢間餐廳幾次食下午茶，印象中味道幾好，不過完全唔記得咗食過啲乜嘢，今日喺西貢行完山，又再嚟呢處，諗住食過番尋味。雖然仲係下午茶時間，但係今次冇叫下午茶餐，叫咗個常餐嘅星洲炒米，包例湯同一杯嘢飲。例湯先上，幾好味，但係我飲唔出係乜嘢湯😆。跟住好快星洲炒米就嚟埋，真係好大碟，賣相都OK，但係味道一般，冇乜咖喱香味亦都唔辣；仲有果啲米粉好硬，浸唔透，連我咁鍾意食硬身麵條、米粉嘅人都覺得佢太硬。星米裏面有啲蝦仔，細細隻不過幾新鮮， 但係嗰啲火腿絲就味道麻麻，如果可以改用叉燒絲就應該好好多。凍檸茶味道一般。嚟過呢度食幾次，今次係味道最麻麻嘅一次😅，可能廚師唔叻炒星洲米。