和食快餐

營業中

休息中

今日夜晚去咗食咗一個咖喱牛肉雞扒飯.落單之後大約只係等咗五至5分鐘左右，已經有得食，效率都幾快。至於味道方便呢，佢既牛肉份量唔算少，牛肉嘅質地好爽口配埋佢嘅獨有嘅醬汁。咁雞扒方面亦都煎得好香口。都推薦大家不妨去試吓加錢只係$50左右非常抵食

▷👧🏻壽司套餐 $36◁壽司當中包括有吞拿魚細卷～加州卷同埋腐皮壽司～吞拿魚用咗沙律醬調味～甜中帶酸好開胃🥰加州卷就正正常常～好搞笑地放咗片冬菇係入面😂腐皮壽司啲飯塞得好飽滿～呢個餐唔好睇小個份量～食完都真係幾飽🤣⁡▷👦🏻雞扒雙蛋蟹柳飯 $39 +凍奶茶 $2◁呢個餐👦🏻可以日日叫嚟食～煎蛋喺半熟蛋～吉開會有蛋漿流出嚟果隻～雞扒切到好鬼薄🙈同個5蚊銀有得比～個飯喺用咗日本米～再加咗啲日式甜豉油～如果$39食到咁大兜飯都無咩好彈啦….喺👦🏻至愛～⁡𖤘和食快餐❥荃灣西樓角路荃昌中心昌寧商場地下23號舖

住係荃灣耐一定會識呢間和食快餐，已經幫襯左好多好多年，一直未有寫食評，而定的起心肝寫下。荃豐中心連住有幾個商場，除左有好多買仲有好多食肆，不過今次呢間和食快餐就係荃豐中心行入去，穿多三個商場就會到，老實講個位都算隔涉同埋隱世，唔係住呢頭一定唔會知道，我都係經朋友介紹先知道。再次幫襯都算係懷念下求學時期同同學一齊食飯既回憶。疫情關係，我地選擇左坐係出面，第一時間出黎幫我地落單，我點左個咖喱豬扒飯+蛋，而我朋友就點左個加州卷。味道同以前一樣咁好食，吉列豬扒外層都好脆。價錢黎講簡直無可挑剔，咁既價錢出面一定食唔到咁平。P.S.老闆係一位日本人，佢唔鹹唔淡既廣東話算係間餐廳標誌。

朋友帶我黎食個超抵食dinner，真係大件夾抵食！抵到哭～～～～咖喱豬扒飯 $32 超多咖喱汁岩哂送飯，都幾大碗，而且豬扒炸得都幾好食！豬扒蕎麥麵 $35 蕎麥麵份量都好多，配埋冷麵汁，岩哂夏天食！雞扒蕎麥麵 $38 雞扒都好大塊，建議問店員拎埋燒汁點黎食，好夾！加洲卷 $18/4件 口痕見平平地叫埋壽司黎食～不過不失但可解下壽司癮～ 整體黎講，三十幾蚊食個lunch/dinner，加2蚊仲有凍熱野飲，真係大件夾抵食，CP值極高！記得問店員拎燒汁，個燒汁好好味😋無論點雞扒定豬扒都好夾！唔會建議特登跨區黎食，但如果黎開荃灣真係可以黎食，真係超抵食！

幫襯多年既小店由細舖食到大舖再開分店都食緊，叫到成枱野$120左右非常抵食，之前日本先生會向度坐陣，但而家會兩邊走。壽司餐有晒，腐皮，加洲卷，細卷都只系$36蟹籽沙律$21；薯仔粒粒帶少許蓉，蟹籽爽，大碗抵食雞扒冷麥麵$31，雞扒唔會話好油，佢個冷麵豉油經過調製，特別好食咖喱牛肉飯每次黎必食份量好多好多

每隔幾年會來吃一次，像探訪老朋友？簡潔的快餐店氛圍，再在牆身加上可愛的插圖。.坐下選選吃什麼吧。掙扎了很久，點招牌的鰻魚飯？還是親子丼?最後吃了當日想吃的，三十幾蚊好大碗。滿滿的蛋汁，蓋住滑嫩的雞肉。還有鮮菇和滿滿滿滿的白飯。店員還細心的奉上燒汁，正！外加了一份餃子，才廿蚊？當然比不上餃子專賣店，賣的是一份家庭式的味道。加$2仲有飲品，埋單才50多塊，性價比超高！！！懷住感恩的心去結帳❤️

地點位於昌寧中心地下，聽好多人話抵食，所以叫咗個外賣鰻魚飯試吓。個人黎講本身係好怕腥，但係拎返屋企食完全唔覺得腥，鰻魚厚切，飯係珍珠米，個汁啱啱好唔太鹹，$59黎講簡直抵到裂！

不得了不得了真係唔好食到一個點我究竟食左啲乜嘢雖然係快餐店$44一碗嘅平民雞扒豬骨湯拉麵 豬骨湯要加一蚊當然唔會期望有隻溏心蛋木耳絲之類但估唔到真係連芝麻或者蔥都冇粒都唔緊要重點係公仔麵味精湯咁嘅味同淋到就黎溶解嘅拉麵雞扒係煎得幾香嘅但真係叫個出前一丁都好過呢個拉麵

自從搬進荃灣區後，總希望發掘不同CP值高的小店，畢竟要懂得生活，食物的價格和質素都必須同樣重視。今天，就來到好幾個朋友都不約而同介紹過的{和食快餐}。{和食快餐}位於荃灣昌寧中心地下，說實在的在荃灣這個天橋之城，如果不是朋友介紹後慕名而來，常常使用天橋穿梭各大商場的我，實在有較少機會經過這個位置。下午茶時段來到，不用等位。環顧四周，雖然店內環境和裝修都比較簡陋，但看到桌上的餐牌和牆上都寫著為數不少的日式料理以供客人選擇，重點是價錢都很公道呢！早已心有所屬的我，點了朋友們推介的「滑蛋豬扒飯」！！首先從外貌上，已經覺得物有所值。先配著蛋吃一口飯，蛋香而且米飯煙韌，這裡使用的米飯飯粒好像較短身較圓，是使用了我喜歡的日本珍珠米嗎？接著吃一口吉列豬扒，原本擔心豬扒會否因蛋和飯的熱力而變得太過軟腍，不過吃後發現吉列皮還是脆脆的，豬扒也夠香軟有肉汁。值得一提的是，這裡的吉列豬扒醬汁是另上的，不會一開始就淋在吉列豬扒上，客人可以根據自己口味隨意隨時添加，也不會怕因太早淋了醬汁而使吉列豬扒變腍不脆。吃後再看看價錢，$36「滑蛋豬扒飯」＋$2「熱奶荼」 ，這個份量和

放學去左食 雖然少少唔就腳 但見價錢抵 所以都決定一試 平日一點去到幾乎坐滿 啲姨姨好nice 又拎多張櫈比我放袋 見坐得逼 安排左其他位 講返野食 我嗌左滑蛋牛肉飯加凍菜蜜 $42 整體較重味 蛋少少過咸但同飯一齊食還可以但呢個價錢 無野講 真係唔錯我會想試下呢間嘅食其他野

我其實之前都有食過呢間平價既日式食堂,我諗荃灣友都知, 呢間係堅日本人開既小店,老闆既理念係想大家就算錢唔多, 平平地都可以食到簡單既日本料理,以為佢地方簡陋, 就唔方好食得去邊? 見佢長期都滿座, 你都知咩事每次黎必點同區我食過門面大D既壽司鋪, 價錢比佢貴一倍, 但質素唔見得比佢好一倍佢唔係令你好驚嘆既味道,  反而係好家庭式既感覺加卷迷既我表示, 佢可以止到我既加卷癮!想食牛丼又懶得煮?罷食吉野家就只有sukiya?  呢度既牛肉飯相信幫到你解決問題滑蛋同牛肉份量堅多真*日本滑蛋煮法, 係用鏗魚粉, 醬油, 味醂煮, 好香好甜老闆會另比一樽醬汁, 重口味既加多多撈飯食都得就算跟餐價+$2, 咖啡都無揸流攤,咖啡味都算濃 或者大家對於日式料理感覺就係高級同精緻,但呢間小店走既係, 窩心又簡單既日式家庭料理路線好等於呀媽煮飯有時未必達到你預期咁好食, 但一定食得飽你, 你都唔會有投訴, 仲食得好開心一樣

位於荃灣西樓角路昌寧商場嘅和食快餐，店內裝修雖然非常之簡陋，但係食物非常之好味，亦都非常之便宜，今次兩個人叫左一個煎蛋雞扒飯，一個雞扒冷蕎麥麵，再加一個壽司餐，每人有一杯飲品，單單都只係港幣$111

每次放假一定掛住落荃灣食拉麵，。建議大家如果可以早少少到，避開Lunch 繁忙時段，因為店內環境比較擠迫，如果單身人士，絕對有機會同人搭檯。今次食豬骨湯底炸豬排拉麵，今次因為比較肚餓，所以我加太陽蛋和椰菜。溫馨提示：如果喜歡點沙律醬的朋友，最好落單前講明加$1-沙律醬。其實店內服務員姐姐因為大多上咗年紀嘅人，工作速度頗慢，不過以價錢來講已經唔好甘多要求。加上以我所知，和食快餐的拉麵都是自家製，所以特別彈牙，份量頗多，每次食完都好滿足。我們應該多D支持香港🇭🇰本土小店，唔好俾佢地消失。

如果住喺荃灣區附近嘅人應該都會識得呢間野，冇錯佢就係出名平靚正，兩個人唔想$100就可以食到好飽，真係糧尾恩物啊聽講佢個老闆仲係日本人添咁佢嘅餐牌其實都有好多款選擇嘅，有飯，亦都有湯拉麵或者蕎麥冷麵，仲有幾款壽司添最啱我呢啲想每樣都食啲嘅人，差唔多每次黎我都係說佢嘅招牌吉列豬扒今日想食咖喱，所以我就帶咗一個咖喱豬扒飯$32,男朋友叫咗一個九州湯底烏冬拼牛肉$38，口痕想食壽司所以嗌多咗個壽司套餐首先上咗呢個咖喱豬扒飯，豬扒係吉列炸豬扒，咖喱汁係日本甜咖喱口味，有洋蔥紅蘿蔔粥配料，好味道啊醬汁都有好多，但豬扒我就鍾意淋埋佢個豬扒醬牛肉烏冬都幾大碗，牛肉大概有六片左右，烏冬都幾有咬口但係我覺得個湯可以再濃啲壽司套餐有兩舊加州卷，兩舊腐皮卷，同埋六件吞拿魚小卷，最啱兩個人share嚟食，味道唔會好驚喜但係就係好食啦，最後我哋都食到捧住個肚走

每次放假都會掛住和食快餐拉麵，因為真係又平又好食😋九州豬骨湯底更是每次必食，多數Order 牛肉拉麵，牛肉份量頗多，炸豬扒也是第二選擇，記得加$1要沙律醬，老闆是日本人,可能來香港🇭🇰好耐，亦識得講中文。老闆態度親切有禮🤗和食快餐的拉麵，拉麵係佢地自家製，所以特別煙靭彈牙，份量又多，每次食完好滿足。希望呢間小店唔好執笠，我一定大力介紹給身邊朋友😚繼續支持他們