和食快餐

營業中

休息中

黎到荃昌搵食，站得住腳又值得經常回頭既都係果幾間啦！和食一定入選三甲。而我最愛就係咖哩！佢個汁超好味，日式咖哩偏甜，但佢又夠香，仲有好多洋蔥蘿蔔粒，口感豐富，加上佢地特製照燒汁，同吉列豬扒係perfect match！豬扒炸得外乾內多汁。$2加隻煎蛋又係反通漲，超好食，吉穿蛋黃撈落成個咖哩汁好鬼痴線。有呢個咖哩汁係一定食到一粒飯都唔剩。拉麵就較普通，但都好食既。肥牛搞到個湯好油，剪雞扒另上，但都好多油，但隔左啲油黎講都係好食。 麵有咬口，唔削。

之前睇到報導講呢間平價快餐店～就黎試一試啦～七點幾去到要排隊～等待期中老闆好好人～怕我地熱開了把風扇比我地吹～但等左一陣就好快入到去～叫了四樣野食～豬扒九洲豬骨湯底拉麵$32豬扒無炸得好乾～加埋啲醬汁好配～但拉麵同個湯底唔似平時出邊食個啲味道～雞扒札幌麵豉湯底拉麵$35雞扒幾嫩口幾滑～但拉麵同湯底都係似屋企煮～個湯甜甜地～同平時麵豉味有少少唔同～饅魚卷$28味道都可以～但有啲貴～餃子$20似係屋企整出黎味道

係荃灣晚黑想一支公食飯都唔係咁易搵位，唯獨依間和食快餐可以又快又易搵位，坐低食個飽既一人晚餐。今晚就叫左一個肉菜拉麵，配麵豉湯，仲加配左餃子。肉菜拉麵+麵豉湯底: 和食既肉菜入面會有豬肉同好多唔同既蔬菜，椰菜、蘿蔔、冬菇、洋蔥都有，好豐富。麵質方面都幾爽口，唔會太硬/太淋。湯底方面，個湯底都幾濃，仲加左蛋黃醬吊味。餃子: 似係普通買番黎既餃子，一般貨色。總結: 個拉麵幾底食，大大碗有菜有肉，個餃子就一般般，和食有其他Dish，例如加州卷/薯仔沙律，會更加值得試。

作為一個荃灣人，我估冇咩人冇食過呢間「和食快餐」呢到比較出名應該係佢哋嘅「咖哩豬扒飯」但我今次係叫「咖喱雜扒飯」塊豬扒新鮮熱辣辣炸起，勁香脆雞扒雖然切得好薄，但都有三塊，仲要將雞皮煎到好香脆個日式咖喱汁都好有心機落足料，洋蔥、紅蘿蔔同肉粒都有，仲要每個飯都包一碗麵豉湯

看到傳媒報導這間快餐店食物很經濟，特意來荃灣品嚐， 估不到7時已經大排長龍，我們等了差不多十五分鐘。餐廳沒有裝修，室內有冷氣坐位，由於太多人的關係，連餐廳外電梯位置也擺放桌子。聽說這裏的豬扒拉麵很便宜，也有烏冬/咖哩，有不少選擇。九州豬骨湯底雞扒拉麵 $35湯底有點奇怪，與出面日式餐廳的日本九州湯底不一樣， 但雞扒出奇地嫩滑好吃，拉麵彈性不錯。咖哩牛肉飯 $36咖哩味道濃沃，牛肉薄薄的切片，味道不錯。小食吉列豬扒 $20吉列豬扒沒有特別，勝在熱辣辣及鬆脆。食物品質還可以，價錢便宜，免加一，但環境不太舒適。 試一次就夠了。

為何美食都在荃灣 🙄 實在太遠了！荃灣除左路德圍美食街之外，仲有好多隱世小店都好好食，其中呢間私藏左一排嘅美食就係呢間，地方唔易搵，要落到地牢呀，唔介意環境質素嘅一定要黎食，出哂名平靚正，其中 #豬扒冷麥麵 $34 真係抵到呢，一大塊脆卜靚炸豬扒切上，另外有冷喬麥麵點冷麵汁食，超親民嘅日本餐，而重點一定係 #鰻魚飯 $58，好大份，有成半尾，仲任落鰻魚汁送飯 😍😍-和食快餐荃灣西樓角路荃昌中心昌寧商場地下 23 號舖

中學年代的回憶 和食快餐的服務及速度有如其名 的確算是快餐 order後大約5-10分鐘食物便會到來👍🏻👍🏻👍🏻💯而味道方面 我個人比較喜歡它的咖喱🍛豬扒飯及雞扒飯 很有日式的味道 豬扒炸得亦十分香脆 如果各位嫌份量不足 可以選擇加蛋 或其他配料 店內亦設有不少其他日式食物 如加洲卷或鰻魚卷 👍🏻 味道亦不錯 份量充足但我個人則不推介它的拉麵🍜 湯底較為清淡味道亦只是一般 整體而言 的確相當抵食 推介大家去試試

「咖哩豬」係中學時期對呢間店嘅稱呼，老闆唔正嘅廣東話，呢到嘅咖哩同滑蛋飯都充滿著回憶。今日放學後獨自一人，突然又想念呢個味道，就來返碗咖啡豬！今次來到，好多生面孔，聽唔到老闆親切嘅叫聲添。咖哩雜菜豬扒飯$41，煎蛋加$2豬扒新鮮炸出，大塊薄身，好香脆！即使係炸但唔會好油膩。外層同肉唔會炸到一咬就分離，雖然比較乾身但並唔會乾到好鞋颯颯。咖哩係日式咖哩汁，甜甜的，如果覺得豬扒太乾身，撈埋啲咖哩就可以淋返啲。但我自己就喜歡保留炸豬扒嘅香脆外層，所以唔會撈汁食，原汁原味。雜菜係椰菜同菇，都有一定份量，飯係珍珠米，撈埋啲咖哩好夾。煎蛋係太陽蛋，流心嘅蛋黃撈飯，令成碗飯多啲口感層次，唔會只得咖喱味，用來點豬扒都match，都係加$2咋。總結：食左咁多年味道依舊畢業6年都係加左幾蚊大碗好美又抵食係會回頭再食嘅小店推薦：滑蛋/咖哩系列，雞扒撈燒汁都正！

荃灣招牌美食係荃灣行到餓餓地時候，我地就去咗去咗荃灣停車場個邊搵野食，之後先諗住去按摩，個按摩都幾舒服。按摩之前去咗荃昌中心地下小店食嘢，真係好平，兩個人食完都係$90。👍👍👍聞說老闆係日本人，雖然個豬骨湯有點淡，但岩我地口味。個壽司拼盤真的很抵食， 35蚊就有咁多款，睇性價比來講真係冇得輸。👏👏👏另外我強烈推薦個咖喱嘅豬扒飯，咖喱汁夠濃，豬扒炸得夠香口，啲飯又大碗。不過性價比來計，真係好抵。

假如滑蛋碰上滑雞 然後發現。。。.想當年補完習就會係呢一堆商場到搵食實在頂唔緊餃子屋長期咁多人排隊😀所以我呢個小毒毒會走落一層食呢間價錢親民又抵食又好味 d壽司又算高汁😚lunch time時間係屬於學生同上班一族既飯堂.滿滿既滑蛋 同嫩滑既雞肉完美覆蓋住每粒飯粒🤩呢啲未就係蓋飯囉😂唔洗去食百幾蚊碗個d啦滑蛋附有一絲絲清甜既洋蔥雞肉大舊得嚟又醃得入味 食落啖啖肉👍🏻上層啲蛋汁流咗落去底層既飯粒到𣊬間變咗蛋汁撈飯😍唔夠飯仲可以叫佢多飯$36夫復何求呀😙最啱我呢d麻甩妹食

每星期六，我都會帶妹妹嚟呢個商場補習，常常經過呢間店，每次經過都係剛開店，因爲準備食材嘅關係…我同妹妹總係聞到陣陣嘅香味～終於忍唔住要嚟食一次了～由于係快餐…環境係非常簡樸…沒有花巧，大部份嘅菜單已貼於牆上，亦可以叫店員俾 menu首先叫了一個味噌湯…好味嘅嘢要影三次之後叫了一個吉烈豬排飯大大塊，皮脆肉軟…而且係新鮮炸起…飯都係新鮮煮咖, 啲汁係响枱上，因應自己喜好去加，所以入口都係脆卜卜 (妹妹的評語)而 on diet 嘅我就叫了個炒雜菜…少油少汁！還有凍0水同熱啡～埋單54咋～抵！

滑蛋雞肉飯😋$36咖喱豬扒飯🥳$31今次試左個滑蛋😋生熟得啱啱好，味道亦唔錯，份量又夠，呢個親子丼真係好抵食🥳而個咖喱豬扒飯🍛真係幾足料👍咖喱汁𥚃面仲啖啖肉，真係好正🤤

1️⃣鰻魚飯HKD$58好食！ 鰻魚無骨夠大舊 鰻魚汁好濃好重味.2️⃣咖喱雜菜雞扒飯HKD$44日式咖哩 唔辣好甜雜菜係炒 唔係就咁水煮雞朳好味.3️⃣滑蛋豬扒飯HKD$36吉列豬扒好食 但滑蛋唔岩.4️⃣滑蛋牛肉飯HKD$39滑蛋同牛肉都好食但唔岩一齊食.5️⃣壽司套餐HKD$35腐皮同加州卷普普通通吞拿魚壽司好味.———————————————平靚正如果特登過嚟就食鰻魚同咖喱係荃灣住就食咩都得😂女仔記得嗌少飯 因為我都覺得d飯幾多下環境就唔好expect too much 但都算乾淨點都要排一排隊 如果係放飯時間

今次食呢間食肆位於荃昌中心昌寧商場地下， 所以唔熟路嘅人未必會去， 大多數人都聚腳於商場2樓， 因為2樓有天橋通往地鐵站及荃豐中心， 加上二樓較多食肆， 所以地下啲食肆就 相對較少人 今次中午時分到訪， 見到餐牌咖哩豬扒飯只係31蚊， 凍飲只係加兩蚊， 實在係好平。等咗唔夠五分鐘一大碗澳門日式咖哩汁吉列豬扒飯到， 豬扒炸得熱辣辣， 好過嗰啲日式百貨公司food court，五六十蚊嘅選擇。如果大家經過可不妨一試， 給小店一個機會

大家以為係荃灣食嘢只有路德圍必選之外，但其實由綠楊新邨一路行過去荃錦中心，荃豐等等。 呢幾個商場入邊其實都有好多好嘢食，例如今次呢間嘅和風快食！呢家由日本人打理嘅和風餐廳，雖然店鋪比較細，但價錢比較平民同食物質素絕對唔差！同朋友點咗呢個12件嘅甜蛋卷，舊蛋都大配上適當嘅飯，好味！之後就點左呢個滑蛋雞扒扒，佢個滑蛋絕對係出色，因為真係幾滑，再配上粒粒嘅雞扒。 啲粒粒雞扒仲要係多到你會食唔晒，好足料呀再配埋少少燒汁，唔夠食嘅話仲可以免費添飯㗎野食都上得快，點餐後大概5分鐘到就會有嘢食㗎啦如果你唔嫌棄格局比較簡陋嘅話，不妨可以試吓呢間平民食店