和食快餐

營業中

休息中

📍$35 就可以食到大大碗咖哩吉列豬扒飯? 簡直係糧尾恩物😹 原來已經經營咗近20年 位置有點隱蔽 唔熟路真係搵唔到🙈 中午時段超多學生 除咗供應咖哩飯 仲有湯拉麵同太卷壽司 🌀 咖哩豬扒飯 +煎蛋 $2坐咗係出面枱仔 唔算迫狹 大概5分鐘就上餐! 咖哩汁幾有住家味道 微甜香濃 落咗紅蘿蔔+洋蔥+雞肉粒 應該有敖煮一段時間 所以質感比較杰身 炸豬扒係比較薄 但呢個價錢絕對性價比十足 唔算好好食但豬扒皮炸得超脆 重點重點! 米飯粒粒分明 原來用咗日本米製作 而且份量都唔少～🌀 太卷8件好有媽媽的味道 卷物整齊疊好 包入蟹柳+玉子蛋 仲好有心思放咗腐皮片同麻油香菇片 壽司卷顏色鮮豔幾靚 女仔一份絕對食得飽😹 雖然好簡單 但係係我童年食既味道😻

好耐無來，今天突發出來食拉麵。價錢抵食，對環境無要求，學生哥食堂。什菜雞拉麵加蛋豬骨湯底～味道好平衡咖喱雞食加蛋～香咖喱味，唔辣菜肉拉麵～雖然是瘦肉，不是豬腩肉，一點都唔柴咖喱什菜豬扒加蛋～正呀咖喱雞加椰菜由於昨天見朋友食咖喱飯好吸引，所以今日來encore。咖喱雞加蛋～咖喱味道好香不辣，不似日式傳統偏甜，這口味啱我咖喱雞加椰菜朋友第一次來話好抵食又好味，下次來要試烏冬我都想試，唔知有沒有咖喱撈烏冬呢期待

係荃昌中心的昌寧商場地下嘅呢間餐廳，營業咗好耐，平時都會做埋附近的外賣生意，無話限幾錢先送，就算一個餐都會送😆👍🏻🔖咖哩雞扒飯➕煎蛋🍳咖哩汁係屬於偏甜的口味，加了紅蘿蔔以及薯仔，飯粒粒分明，雞扒偏薄，不過煎得好香🥳煎蛋是流心的，十分出色👍🏻🔖滑蛋牛肉飯➕煎蛋🍳牛肉係肥瘦適中的肥牛片，醃牛肉的汁也是偏甜，我個人比較鍾意鹹的口味，滑蛋比嘅唔少，不過我哋都係加咗煎蛋😂凍奶茶➕凍檸茶 少甜少冰🧊正常發揮

上星期第一次來幫襯，今日大家係為拉麵而來🍜🍜🍜上次全部order飯🍛🍚，今日就全部order🍜拉麵😂😂再追加壽司套餐。拉麵有三款湯底：東京豉油、九州豬骨、札幌麵豉，大家不約而同選了豬骨湯底。什菜豬扒拉麵豬骨湯底～吉列豬扒香脆、拉麵煙韌、什菜清甜（洋蔥、紅蘿白、香菇、椰菜）、豬骨湯清爽。什菜雞扒拉麵豬骨湯底～吉列豬扒香脆、拉麵煙韌、什菜清甜（洋蔥、紅蘿白、香菇、椰菜）、豬骨湯清爽。同事飲晒D湯😋😋壽司套餐～壽司飯軟硬適中，有家庭製作Feel😎😎😎價錢經濟實惠，味道又好，難怪咁多學生及街坊幫襯。

同事帶隊來荃灣食平靚正快餐，期待。嘩嘩嘩，中午時段好多學生呀。雞扒煎蛋飯$35～雞扒好香，珍珠米飯好正（加少少醬油及七味粉會惹味D）滑蛋豬扒飯$38～吉列豬扒咖喱什菜豬扒飯$45～日式咖喱好香，多什菜，吉列豬扒好脆煎餃子$20～椰菜肉餃，多菜好味等食期間，見隔離枱既街坊食緊壽司餐及拉麵，於是多口問句“好味嗎？”街坊回應：“好呀！拉麵是店主自製的、飯是珍珠米、所以壽司好正㗎。這裡老闆是日本人，這店開咗好耐了。自製拉麵咁下次一定要來試食拉麵 再次期待，多謝同事介紹這隱藏於鬧市既日式小店。

今日又專登從遊舊地再次幫襯和食小店由於價格非常合理食物味道亦有水準一定支持👍🏻內裡位置唔算大迫快餐店的裝修 唔會預坐好耐但亦唔會唔舒服 想拎多張櫈擺背囊叫店員都會幫到你😂今次都係叫返咖喱吉烈豬扒飯配麵豉湯豬肉炸得乾身鬆化內裡熱度十足 亦唔會冇哂肉汁自家製日式咖哩 唔會太辣 非常之易入口配麵豉湯仲唔使加錢如果飯唔夠食 仲可免費再添一球30數元中午飯餐 非常好了👍🏻性價比極高嘅快餐店 一定會再幫襯👍🏻👍🏻

又係嚟附近翻工嘅日子，有同事推介我嚟呢間和食快餐食lunch，聽講好食又平，今日一於試試佢望下menu先，可以話係豐儉由人，有2幾蚊嘅豬扒飯，都有60蚊鰻魚飯，不過整體都比出面嘅日料店平一大截今次就試左個滑蛋雞肉飯走洋蔥，熱辣辣即制，飯同餸嘅份量都幾大，蛋汁嘅甜咸度較啱啱好，真係有驚喜，而且難得地，頹食嘅舖頭唔係用𠝹喉飯，係珍珠米，好有誠意😌呢餐食得超滿足，飯+飲野total 41蚊 抵到飛起，預計會成為我嘅canteen🤣🥲

話說今日上晝完成晒自己要做嘅嘢之後都去到差唔多兩點幾唔想食飯太飽所以決定去和食 食個平民價拉麵當然呢間舖頭我都食咗10幾年平時都係食咖喱飯 雞扒 豬扒飯之類都好少食佢嘅拉麵今日一於去幫襯吓我去到係14:05左右侍應同我講等唔等多一陣去到14:15先有下午茶 我又唔太肚餓下午茶比午餐份量有小啲啲 啱晒我照等 因為我見下午茶送多杯熱飲或凍飲仲啱我😂雞扒豬骨湯拉麵 仲送多條蟹柳俾我雞扒同以往一樣 煎至金黃 非常甘香👍🏻拉麵當然冇日本拉麵嗰啲質素但其實口感都唔錯 幾煙韌豬骨湯普通整體性價比唔錯 $33仲有杯凍飲送添

荃灣人讀開書嘅中小學生我諗8-9成嘅都知依間鋪頭小店老闆日本人 作風為學生 保持廉價及質素小弟十分佩服匠人精神開業估計有十多年我都由十零歲食到三十歲食物都可以保持一貫CP高質水平咖哩雞扒飯：咖哩係日式咖哩 小甜 不算辣非常易入口 咖哩應是老闆自製但做到同出邊街外買果隻一盒日本裝咖哩一樣味咖哩內亦有足料紅蘿蔔粒 薯仔粒非常之好餸飯雞扒普遍都係三薄片上十多年來 保持不變三塊雞肉亦會連著一小片雞皮煎香後 香氣撲鼻 雞肉嫩滑連埋咖哩汁或者可以任落嘅醬汁連飯一齊食十分滿足學生哥唔夠食 叫老闆或伙記加飯亦毫不論惜加夠半碗或一碗鰻魚飯：我諗係全港黎講價錢方面都數一數二平同抵食鰻魚應是來貨包裝直接加熱後拆出當然沒有炭燒但加上可以任落嘅醬汁配上日本米飯 入口亦算一流如料唔夠 亦可另加蛋或其他配料 亦算便宜總括然而 希望繼續保持水準

🚦和食快餐（荃灣）嗰日同屋企人去荃昌中心食飯🍽意外搵到一間好似學生飯堂…？好平！係好典型嘅港式和食！果然名副其實係和食快餐！🐓咖喱雜菜雞扒飯🐓$466.5/10【普通啲】比較似日式咖喱，係偏甜嘅🍬啱晒怕辣嘅朋友🤤雜菜都幾多，不過冇乜調味，草味都幾重🌱雞扒算大塊，食落都唔錯，不過個皮就唔脆🐂咖喱牛肉飯🐂$377/10【牛太老】牛肉嘅份量比較少，而且煮得比較鞋因為煮得好熟，所以冇乜肥牛嘅感覺加上冇乜牛汁所以食落個牛味唔重份量都足夠，都幾夠飽🥚滑蛋雞肉飯$37🥚（+紫菜$2）7/10【平價之選】滑蛋比較似平時屋企嘅炒蛋🍳已經熟晒，唔係親子丼嗰種滑蛋😳雞肉有雞味、唔鞋，份量都幾多👍加埋紫菜絲一齊食好味好多如果唔係個味可能比較淡🤔整體7/101️⃣價錢上真係好平，應該好似學生飯堂咁，質素同價錢相符🫢而且嗌比較平嘅餐再自己加配組合成唔同嘅配搭，好似仲平🙌2️⃣其實成件事好似將所有嘅材料疊埋一齊，車仔麵啲friend（？）絕對唔係超正宗日式嘅感覺，比較似平時街坊茶記嗰種！但真係幾抵食🤣3️⃣不過環境真係比較污糟，地下同埋枱都有少少癡粒粒😣坐落個感覺唔係好舒服🥸4️⃣成個環境的確好似平時香港茶餐廳咁，店員們都好友善，

難得老公最近wfh可以來公司附近找我食lunch﹐決定同老公去荃昌那的一系列商場搵下D未食過的食店試下。中間連住地鐡那一層的食店一到lunch就坐滿人了，想起樓下都有好多食店就決定去睇下。一落行人電梯就見到"和食快餐"﹐見有位+價錢平就入去試下。小店，坐位唔多，門口都有一排枱和椅。裏面不大，牆上滿滿食物介紹的相片。滑蛋豬扒飯($37)老公叫的滑蛋豬扒飯。樣睇落一般，幸好蛋夠滑，洋蔥有D甜，調味OK。豬扒份量都唔小氣，大男人都夠食。咖喱牛肉飯($37)我的咖喱牛肉飯，叫了不到5分鐘就上桌了，果然係快餐。咖喱係日式咖喱飯的汁，牛肉係分開整完再放埋一起。咖喱汁味道不錯，好送飯，牛肉份量都唔小，反而覺得飯對我來講有D多。佢個汁唔係好夠撈晒個飯，唔怪得見到餐牌寫明加咖喱汁要+$5,下次叫小飯可能對我來講會剛好。飲品(各加$2)有幾耐無見過飲品只需加$2! 重要凍熱都係$2! 佛心價。唔怪得見到咁多人評語都係抵食同好適合學生。

好耐無食過呢類良心小店平日下午黎食仲要係疫情之下都有大概80%入座率就知道呢間舖應該唔錯我地兩個人點了咖哩雞扒飯 & 咖哩蔬菜牛肉飯無論係肉類，咖哩汁同飯都份量非常充足日式咖哩的味道真係有令人回到日本的感覺即使係甘平民的價錢牛肉同米飯都有認真處理過濃濃的美味感受到店家的用心咖哩汁好多所以撈飯食好開心價錢方面下午茶大部分$3xLunch/Dinner大部分飯都係 $4x 加飲品亦只係+$2食完大滿足支持良心小店!!

以前讀書個時最鍾意食既飯店，沒有之一! 平靚正，價錢比10年前都只係貴咗幾蚊，食個煎蛋咖哩吉列豬扒飯都只係$36?!加上味道依然保持得好好味，不得不提佢啲燒汁，送飯一流，有時會特登跨區過黎食。不過夜晚都就好多人，特別係星期六或星期日，坐滿曬係店出面，我上次都等咗幾個字。另外想同個啲話好能難食既食客講，你食鮑魚豬扒飯阿? 咁既價錢想食到米芝蓮咁既質素?食懵咗阿你, 唔好亂咁抵毀一啲真係用心經營既良心食店啦!

叫左個豬骨雞扒拉麵，加蟹柳，盛惠37蚊，野飲要另外加錢。價錢非常親民，但系食物素質一般般，d麵有d硬，湯底ok,麵既份量都夠，上菜速度算快。張椅子系大排檔果d膠椅，枱又太低，要烏低身少少食，枱枱之間隔得好貼，岩入黎果陣d伙計仲系度大聲嘈交。總括而言優點只有平，應該唔會再黎食，除非糧尾。

呢間拉麵店簡直可以話係佛心，係我大學時代嘅月尾恩物。 今日就同朋友從遊舊地，食返以前嘅味道。咁多年佢個鋪面都冇變過，老闆係日本人，超有良心，拉麵定價咁平係因為佢覺得拉麵應該係所有人都可以試到嘅嘢，而唔係要成百幾蚊一碗咁天價咁離地。叫咗個東京醬油雞扒拉麵 $35配蟹柳卷 $18呢個價錢簡直係出便普遍拉麵店嘅一半，但係個味道一啲都唔Hea。當然你唔好期待個湯底會超級濃郁，佢反而係清清淡淡嘅感覺。但係就係呢種簡單令到人覺得非常之有親切感，就好似自己阿媽煮餸嘅感覺。拉麵麵條係老細親自整嘅，唔係好似其他拉麵舖咁樣係同一間廠嗰度訂返嚟，睇到佢嘅誠意同埋特色。呢個價錢呢個份量嘅雞扒同埋麵條絕對係冇得挑剔。咖喱雞扒牛肉飯 $52估唔到一個丼飯竟然貴嗰個拉麵，不過因為佢有兩度餸嘅關係，呢個價錢晚市來講都算抵食。正常日式咖喱飯男士來講應該會好鍾意食，我自己就覺得正正常常。