咖啡弄 (已結業)

話說之前去台灣旅行已經食過咖啡弄，記得香港剛開業時都好多人排隊，個人比較怕要排好耐隊先食到嘅餐廳，但熱潮過後我覺得食物既質素都不過不失，份量亦好大份！女士最愛的鬆餅真係叫一份兩個人share好了，太飽😂

唔系朋友話黎我都已經唔得記左的一間餐廳. 幾年前到香港時真系排隊排到痴線.  幾年冇去, 位置裝修都系一樣. 但服務質素就差左好多啦. 果晚6:30 入坐直19:40 離開 都坐唔夠一半一數.....總匯三文治 $65 要追先黎 (見隔離枱都係)咖哩黑豚飯 $62, 算唔錯. 有少少重口味, 上菜快. 豚肉夠熱但飯就連暖都叫唔上 熱鮮果茶 $58, 以2個紙杯上枱 (感覺好差哦, 如果事前知道我會唔叫囉) 問佢點解唔系用壺, 服務員話已經冇用好耐.蜂蜜熱薑茶 $44, 夠薑味 埋單 $241, 唔知點解會有5%折. 要留意哦, 只收現金

一行三人在平日的中午來到，女侍應態度奇差，呼呼喝喝，心裡已經涼了一截。坐低，店內人多，播着嘈吵的英文歌，以為自己落咗吧，就請求黑面女侍應調低音響。叫了BBQ猪排三文治，份量够，幾好味。窩夫就一般，有四塊，略硬和乾，水準之下。咖哩也是一般，不過不失。三杯咖啡，最後先上，黑面女侍應也沒有主動俾幾杯水我哋，只好乾啃。環境有啲迫，裝修有點殘破，不是一個可以relax的地方。想不到一間台灣的名店，來到香港就變得如此堪，連茶餐廳也不如。

其實幾年前係台灣試過，都覺得幾好！只是打進香港市場後，給排隊的人龍嚇怕了，所以一直未有機會試！咁啱初六傍晚時份經過，發現唔使等位喎！咪入去試下囉！環境跟台灣的裝潢差不多，就是殘舊了少許！我倆只是想小休一下，沒點主食，只點了1份窩夫及2杯飲品！味道真的跟台灣的很相近！相差得遠的就是服務態度～有待改善！🙈鹽味焦糖雪糕窩夫，份量好足，窩夫質地厚實，味道似麥記熱香餅，配上雪糕及焦糖！簡直絕配啊！不過女士們最好跟人分享啦！真係好大份，一個人獨享恐怕食唔晒呢個冰鮮果茶好飲！真係有幾塊新鮮生果架！味道少少酸甜，不澀口，入口順滑清爽，配窩夫最適合不過！5星推介反而呢杯熱蜂蜜玫瑰花茶就唔多掂茶味極淡，蜂蜜又少了一般蜜糖的味道！可以不試也吧！😅

記得咖啡弄初初黎到香港時要排好耐隊。時隔一排，咁岩去尖沙咀整野就去食，終於試到。下晝兩點幾，無乜人。餐牌上每一樣東西都很吸引，但奈何自己一個，所以只點了玉米里肌起士可頌（$64）加一杯冰維也納咖啡（$48），個牛角包多料到一路食一路跌出來，好多菜，仲有一株仔沙律做side。平時飲開齋啡的我都俾佢個維也納咖啡吸引左🤘🏿如果下次同朋友黎一定要試佢個waffle!!

🙈永遠都喺熱潮過後先去試因為真係好唔鍾意等位🥺.極度推介呢款牛角包🥐牛角包加左芝士同煙肉😍好罪惡啊！唔怕啦😆有蕃茄同沙律菜仲有健康粟米粒🌽抵消番啦🙈.再唔係，好似我咁💃🏻💃🏻同朋友一齊去食😘罪惡感減半💪🏻你話係咪先？.然後仲叫左呢個三文治 🥪勁大份😂一個人真係食唔曬🙈仲要有蛋沙律.食飽飽主菜仲叫左窩夫同朋友share😋說好的「我唔鍾意食甜野架」呢？.口裡說不身體卻很誠實😂😳唔係嘅...窩夫都唔甜嘅🥳個窩夫好出色外脆內軟🤤.配埋杯熱情果果茶☕️🥰食完一件窩夫飲幾啖～酸味甜味喺口腔入面交集真係好滿足啊❤️.根據非正式統計顯示，食少少甜野係可以令人心情愉快架🥳 酸野又可以令人精神番喎所以，當辛勞咁番完一日工😪記得食啲又甜又酸嘅野黎叉下電喇💪🏻

同朋友食完lunch，未傾夠喉就要交枱，於是決定去食甜品繼續吹。朋友建議食咖啡弄。第一次食，都搵左陣先搵到，估唔到係喺樓上。坐低叫左杯咖啡同士多啤梨鬆餅，本來以為鬆餅係細細份兩個人分唔會太飽，點知係咁足料，味道非常好，唔會太甜，食多唔會膩 。兩個人食到好滿足

朋友臨放工時話想見下面，朋友叫到，點都要見一見嘅。同朋友係尖沙咀周圍行下，醒起附近有咖啡弄，記得佢啱啱開果陣要排好耐先有得食，所以都唔係食過好多次。今次7點幾上到去，完全唔洗排，仲只係得幾枱客人。台式café每人最低消費一杯飲品，夜晚未食飯，當然唔止叫得一杯飲品咁少。朋友叫左蜜桃茶，味道偏甜。我就因為天氣仲係有D凍，所以就叫左壺桂圓紅棗茶。桂圓同紅棗都好足料，足料到每次倒出黎果陣都卡住係個壺咀度，可能都太多桂圓，成杯茶都好甜。叫左個玉米可頌，都係一貫的香口，配上一大坨的芝士，極有咸香味。跟住仲食左個草莓冰淇淋鬆餅，依家非常厚實，但就差咁少少蛋香了。仲叫多左個熱香餅，上面鋪滿食用花，仲有雜莓，顏色好靚，仲有CREAM同糖漿係面。啱啱整好就送到黎，熱香餅外面有點焦脆，入面係鬆軟，不過食得出個餅都落左唔少糖，口感唔錯，都偏甜，配埋雜莓都清新，好味﹗下次黎到可能會叫呢樣而唔會叫鬆餅了~ 熱香餅

好耐無黎咖啡弄啦！原本滿心期待食個豐富既午餐，點知一上到黎個staff就黑口黑面話限時個半個鐘，以前好親切既感覺無嚕。點完餐後，明明已經講左甜品遲啲先上，點知都係一黎就上甜品，店員仲要任何野都無講就擺低甜品。甜品既雪糕，上到時已經半溶，點解以前覺得好好味既草莓冰淇淋鬆餅，而加竟然覺得唔好味🤷🏽‍♀️平時總係飲品最早到，我地等到甜品都食完，飲品先到🤦🏽‍♀️店員就咁放低飲品，完全無講到飲品係咩同問飲品係邊位😑😑😑再黎個總匯三文治，唔知點解只覺得好普通🙈店員服務態度.........有待改善。

好耐冇黎食咖啡弄喇，曾經要排成個幾兩個鐘先有得食，依家基本唔駛點等黎到門口就排隊等啦，除左我地兩個，前面3對情侶，同兩個3人家庭都有望下入面，其實就幾多位嘅，不過就遲遲唔放我地入去坐等左半個鐘左右，入到去坐底望望周圍，其實都仲有好都位，大約坐左6成位左右咋，唔係好明點解要咁做一如以往黎食，每人最低消費一杯飲品緊係要叫抹香蜜桃冰茶啦，超級好飲，不過到依家都唔多明係杯野問題定杯問題，一路都會聞到陣濕布咁嘅味總匯三明治🥪一如以往好食、大件士多啤梨個鬆餅就普通左啲，但整體黎講都好食嘅以往黎都見侍應們好熱情招待，不時「歡迎光臨」、「有什麼需要服務可以找我」、「請慢用」但依家就冇嚕，食物飲品黎到都就咁放台面原來今時今日咁嘅服務真係唔夠架

唔知係咪d人吹噓得太緊要 從來未試過咁失望 夜晚食完飯想搵間食甜品 就嚟左咖啡弄 8:30到左都要排左半知鐘隊先有位 最低消費仲要1人1杯飲品 對於想食甜品嘅我地 飲完杯野都飽左8成啦 所以3個人一齊share一個香蕉朱古力窩夫.窩夫真係勁度失望 又硬又實 要出盡力去切開佢 完全無鬆軟嘅感覺 食落又硬又乾又無蛋味 到底憑咩拎到優秀開飯餐廳 以後唔再信openrice嘅好評 .不過杯野飲又唔差嘅 我地3個叫嘅都正正常常味道 不過不失 但係呢度已經係我嘅甜品list入面剔除左

這店在台灣引入香港，掀起了一場排隊潮後，現在已穩在香港。😍跟朋友晚餐上去，都有幾個人在等位，被安排坐在窗邊高枱位，附近沒有人一起坐，可以舒適地聊天！😎😎叫了一個芝士火腿牛角包，伴碟粟米和沙律菜，牛角包很香較，配上熱溶的芝士，加分！另一個是限定龍蝦沙律包，配檸檬汁，很開胃，還有甜蕃薯，非常配！甜品叫了莓果軟蛋糕，很美觀，略嫌味道較淡，但很足料！😝😝飲品叫了一個牛奶朱古力，很特別的樣子，用牛奶冰棒加上朱古力，就算冰塊溶了都有牛奶味道，很有趣！還有另一個招牌水果茶，足料，略嫌較酸，挺開胃！😋😋😋

葵瓜子芝麻冰淇淋鬆餅🥞滿心期待嘅窩夫但真係唔係想像既味道：（個窩夫硬左啲😯😫😫好似失準左呢！❓我失望了😞結果冇食晒啲甜品記得以前排好耐個陣，好好味架整得haha希望只係今次失準啦！我唔中意比差評人地的

咖啡弄點解會去食： 今日約左個朋友吹下水, 傾下未來的理財大計, 估佢唔到竟然唔洗點等位喎!食物新鮮程度：⭐⭐⭐⭐ 嗰塊Waffle 真係即叫即整, 外脆內軟, 熱辣辣的waffle 加上冰凍的雪糕好似塗上牛油咁, 口感豐富, 冰火感十足夠, 士多啤梨又夠多又夠甜.食物合適溫度：⭐⭐⭐我覺得個龍蝦包, 如果是熱的,配上芝士, 會比起現在這個龍蝦沙律更好, 而個排包需要軟熟多少少, 因為而家多少少硬.食物驚喜程度：⭐⭐⭐整體黎講, 對比起我上一次的感覺,不升返減, 因性價比不算很高.————————————————— 服務員態度： 一班很有性格的年輕人, 你會期望有咩貼心的服務? 唔比人串己經好好(無心串佢地,但真心覺得有禮貌的服務, 只屬於基本) ————————————————— 最重要係。。。我會唔會再去呢？ 重遊指數：⭐⭐⭐ 以上評分標準以⭐⭐⭐⭐🌟為滿分

朱古力朱奶🍫🍼 朱古力係熱既牛奶棒係凍既個野飲幾得意，但夾埋一齊唔好飲！！！好似飲緊d 粉咁😫d 朱古力唔夠熱呢！！！大家可以不用叫這飲品了。。。 但唔排除佢朱古力夠熱係好飲。可能係咁岩今次飲唔夠熱😂戴左個頭盔先⛑總匯三文治同公司三文治分別唔大😂但佢個粟米蓉我好like🌽