咖啡灣 (粉嶺中心) (已結業)

一人的晚餐！想搵間靜靜地，又靚靚地嘅地方！經過呢間「咖啡灣」，感覺係主打飲嘢嘅地方，見佢餐牌啲食物都好似幾靚，就決定入去睇吓有無伏！一入到去睇到每枱都已經放好哂要用嘅嘢！整整齊齊咁！原隻軟殼蟹嘅卡邦尼呀！好吸引呀！見到隔離枱都叫咗，賣相都好得！所以我決定跟吓風！😂噢！實物竟然靚過餐牌！簡直天荒夜談！軟殼蟹炸到剛剛好！唔會乾，正確啲嚟講，係好juicy! 至於個卡邦尼更加無得彈！汁量同調味都剛好！意粉口感一流！初初以為卡邦尼呢啲大路嘢唔會打動到我！誰知他們家可以做到這種層次的好東西！！！

之前這間店沒有這麼早營業，今日發現己開了可以食個靚早餐 ， 店裡播住歌曲， 心情都輕鬆些， 點了法式三文治及牛油果多士配熱柚子蜜。兩款早餐都有一個小小的薯餅，份量正合我意， 因太大怕熱氣。 牛油果多士味道較淡 ，法式三文治餡料有芝士火腿 ， 味道較濃， 味濃味淡，任君選擇。 至於飲品柚子蜜是正確的選擇 ，非常滋潤甜度適中， 正好這天氣飲。

同老公第2次嚟食, 等左15分鐘左右就入得。深海炸魚艦隊 (即炸魚薯條) $72 , 薯條係粗的炸魚又大又多, 炸粉又薄, 確係抵食, 但炸魚上嘅調味粉太多, 搞到偏鹹, 結果都係無食晒老公order左手作特級和牛漢堡($85), 老公嘅食後感係, 漢堡內嘅芥末醬同蕃茄醬由食客自己加會好d, 而且亦唔覺得似食緊和牛, 無牛味又"鞋"唔建議食 我自己就order左意粉, 太creamy, 而且黑松露太多, 完全無晒菇菌嘅香味, 食完超滯反而飲品有驚喜味道唔錯又靚(左)菠蘿藍蝶 $36(右)菠蘿荔枝烏龍茶 $38飲品第2杯半價, 所以兩杯加埋都係$56整體嚟講, 唔會成日幫襯 >.< 始終食物偏鹹係無咁健康, 而且舖內間中有烏繩飛嚟飛去重點係唔收信用卡!閒閒地一餐都幾百蚊, 但只收現金太唔方便喇

知道咖啡灣係粉嶺中心開左，朋友話要黎食下，所以一於等佢放工再過黎食，7點到，已經大排長隊，但朋友話要食，所以決定等，我們等到8點左右終於有位啦。墨汁帶子意粉（$62）墨汁味較淡，但新鮮帶子和蟹籽令整碟意粉加了分。北海道咖哩和牛扒飯（$82）好香濃的咖哩，不辣的，和牛扒令人警喜，肉嫩多汁。黑魔王曲奇雪糕窩夫（$78）好大份，兩個人食唔晒抹茶藍碟（$36）顏色好靚美式咖啡（$14）好抵飲，飲品第二杯半價

雖然粉嶺區的餐廳不少，但這間咖啡灣是其中一間會不斷重覆去光顧的餐廳。尤其是意粉，簡直一流！點了三款意粉，每款意粉都不會令人失望，意粉硬度適中，吞拿魚蕃茄醬燴意粉味道偏甜。瑞士朱古力飲品上面有個小女孩圓案，很漂亮哦！香蕉朱古力咖啡窩夫和黑魔王曲奇雪糕窩夫甜品賣相吸引，不會太甜，但心形餅底偏硬，不太香脆，雪糕普通。大阪燒汁炸薯條比較鹹，玫桂山雞翼甜甜地好味道！推介豬扒蛋咖哩飯，蛋滑，豬扒夠脆和咖哩味適中。

係粉嶺多左一個餐廳去選擇 但好多人去貪新鮮排隊 餐廳座位唔太多 坐落就有小小迫見到個隔離個凱薩沙拉🥗幾大份 咁我都試下先 沙拉醬汁剛好 沙拉食到底仲有醬 唔會太乾 dry食菜 朋友就食左個卡邦尼意粉 同一般餐廳食既差唔多 然後叫多一份炸雞🍗 有粗薯條伴碟 有三種醬配食 深紅色係草莓 我覺得好奇怪橙色係甜酸 黃色係蜜糖芥末 最後重頭戲係個甜品 Oreo 雪糕waffle 一份有半份選擇架 但我覺得一份滿足d 加20$食一份啦🤤 個waffle都幾企身 有脆邊 仲暖 加雪糕係絕配😍

鄰近火車站的粉嶺中心已經翻新，伴隨著定有新店進駐，而咖啡灣便是其中一間，自開業以來日日都大排長龍，相信一定有佢獨特嘅吸引力，等咗20分鐘先可以入座，中途見到嘅擺設同餐具都好精美！鐵板雞扒番茄醬汁燴意大利粉(HKD68)~實物同menu上有8成似，賣相都係咁好，而番茄醬汁嘅味道都係正常嘅，反而要讚一讚意大利粉嘅口感，唔會過淋，而雞扒皮脆香口！卡邦尼米形麵(HKD78)~卡邦尼意粉食得多，米形麵真係唔知咩嚟！初初見佢，仲以為係意大利飯嘅口感，原來真係意粉嘅質地嚟！好攪笑呀！黑魔王窩夫_半份(HKD52)~而選擇一份都係(HKD78)，從圖片中就睇到分別~窩夫唔夠熱，但好香牛油味，而口感較軟身，唔係我喜歡的口感，有少少失望

呢間原本喺太和好出名嘅咖啡灣終於來到粉嶺啦！ 粉嶺實在好缺少餐廳,尤其呢類比較優閒嘅cafe， 聽日放假就去朝下勝， 一點幾去到，依舊多人， 兩個人等咗20分鐘左右， 餐廳位置唔多，坐到入去都感覺好逼， 不過勝在店員唔會趕人走野食方面， 叫咗一個黑松露意粉， 一個三色蜆肉炒意粉， 兩個意粉都算好味， keep得到太和嗰間嘅水準， 黑松露意粉好creamy好入味 ， 蜆肉意粉就炒得好乾身好 有蒜香味 ， 跟餐叫埋柚子雞翼， 呢個又係冇得輸， 另外上網見到人哋食評甜品唔算特別好，都冇叫到總括嚟講， 意粉好值得叫， 下午茶消遣好地方

曾經在太和嚐過這家咖啡灣，印象中，這家店得鹹食甜食都很好，只是路途遙遠，上次也是經過太和才進店。悉聞粉嶺開了家新分店，既然近屋企，這晚就來了一嚐分店水準，順道來個一人晚餐。軟殼蟹黑松露忌廉意粉($82)小弟一直都很愛吃軟殼蟹的菜式，這家意粉居然有大大隻軟殼蟹在碟上！蟹殼很脆，炸後不會有油益味，殼內亦啖啖肉，食過返尋味。意粉汁方面，忌廉打得好creamy，口感有忌廉汁應有的漿口感。而且黑松露毫不吝嗇，味道濃郁，豐富了本身的忌廉汁的味道，這個值得一讚！意粉也軟硬剛好，火候時間掌握尚算不錯。茉莉花草冷泡茶($38)意粉味道香濃，飲品方面我就選了比較消滯的冷泡茶。這個飲料是sugar-free 的，濃濃的茉莉花清香，冷泡的造法引出茶香，也維持冰涷口感，即使走甜了，也不會覺得澀。美中不足的是，一到繁忙時間，就會大排長龍，想食又不想排隊，可能要早點去晚飯了。😂

之前係粉嶺中心食晚飯已經見這到這間店大排長龍，今天5點半來到不用排隊，所以我們就進去吃晚飯，好彩早一點過來，6點已經要排隊了。見到餐牌甜品，飲品都非常吸引，款款都想食。黑白松露香濃磨菇湯-淡淡的黑白松露味配上幼滑的磨菇湯，好好味。深海炸魚艦隊-估唔到咁大份，有四大件炸魚，炸魚炸到金黃香脆，不是平時食開的雪藏魚柳，而且魚肉啖啖肉，非常滋味。蒜蓉牛油焗鮮雜菌-一打開聞到好香濃的蒜蓉牛油味道。黑松露野菌忌廉義大利麵-近排愛上黑松露的味道，所以見到黑松露都一定必食。北海道咖哩海鮮飯-咖哩汁唔辣，海鮮有青口，蜆，蝦，海鮮都算新鮮。冰滴實驗咖啡-造型好特別，好似成個實驗室，要自己調配適合自己的口味。藍蝶葡萄水果茶好香，淡淡的藍蝶花配上葡萄，估唔到又幾夾幾好飲，藍碟花可以抗養化，養顏美容，好適合女士飲，但不適合孕婦飲用。

開業幾個月，次次都大排長龍，今次終於不是太多人等了，所以一試。叫了一個雞扒包和黑松露磨菇飯，賣相真是令人滿意，食物味道也不錯，黑松露味超濃。更值得一讚是他們的內營運溝通方式很流暢，未入座已先訂菜，所以很快便有得食；客人有什麼要求，很快便會用對講機通知其他樓面馬上很動，行動快，又不會有嘈吵聲。只是地方迫一點，仲要收加一服務費，但比一般茶餐廳還迫窄，唔可以輕鬆地坐下來享受食物或飲品，但環境相較餐廳安靜，所以似是食快餐的飯堂。

工作中午餐，一個人去到呢間餐廳，一個人唔使等位，不過要搭枱，今日閒日有午餐，我揀咗一款就等，前菜飲品都好快到，但意粉就等足20分鐘先到，有點耐！三色蒜辣蜆意大利麵（$64）賣相不錯，蜆有啲瘦，意粉乾身有咬口，口感好食，加上微辣同蒜香，好味凱撒沙律：小砵可愛，沙律菜款式多，爽脆唔老，芝士粉香口，幾好檸檬錫蘭紅茶（跟餐）有耳玻璃杯，即沖名牌茶包，茶味唔算濃，配清爽檸檬，唔落糖清清地好味！食物好味，店員服務正常，每個客人埋單都會叫做會員，不過唔hard sell炒意粉不錯

前二天經過了，平日都要排長隊的，今天竟然不用排，二話不說同姊姊入去食個 先。姊姊點了香草忌廉蜆肉意大利面。賣相吾錯 ，姊姊說好食(忘記影相了)。我點了日式咖喱豬扒疍包飯。豬排外脆內軟好食，如果咖喱辣番小小會更再叫左二杯熱情森林水果茶，味道好清新，上茶時，有一隻小杯，裏面有一小塊士多啤梨，跟住有個玻璃小盤，中間有個小臘燭，上面熱着壼水果茶，可以慢慢品嚐，看起來很精緻，感覺很舒服。店子雖不大，位置有些窄，但服務尚算到位。第一次，都算有驚喜。近年，粉嶺中心沒什麼出色的餐廳，這間都是不錯的選擇。

住左新界咁耐，都唔知粉嶺有間咁得意嘅餐廳得意嘅意思係似茶木又唔係茶木嚟🤔D嘢食靚到絕對會令你想影相打卡約咗個粉嶺人，就搭幾個站火車嚟搵佢落車後行天橋穿過個商場就到唔洗淋雨🌂叫咗個最多人食嘅全日早餐，唔算平但都物有所值，足料唔馬虎👍朋友食蘑菇飯🍄，個樣好盞鬼👻但得菇，冇肉單調d粒大菇係幾好食嘅藍蝶花茶，好飲m到飲滋補下仲叫咗個雞翼，唔記得影相2個人，連加一食咗 29x，好味但有d貴會再食嘅，但下次嗌少d

呢間 Cafe Swan 好難食喎，窩夫有啲實外面唔夠脆，士多啤梨雪糕太人工味，啲蕉仲有陣生生地既味，唔夠淋，士多啤梨酸。焦糖燉蛋咖啡，媽咪話點解冇蛋又冇咖啡味😂 焦糖燉蛋應該指面頭既焦糖者，但杯咖啡太甜，而且的確咖啡味唔出，劣。最正常應該係軟殼蟹沙律， 但炸軟殼蟹有好大陣油味，沙律又太多芝士粉，所以一啲都唔清新。侍應都幾忙下，野飲會遲俾飲管。係一次比較後悔既下午茶，冇令人滿足既感覺。唯一好係唔會趕人走。