咖啡韓食 (已結業)

平均一個月食一次呢間韓店， 之前叫牛肉湯飯之類， 今次叫左個海鮮湯飯， 點知....$68， 一個海鮮飯，點知海鮮超少！ 只有1隻蝦， 5隻超細的蜆，（如圖示）同幾片超細的魷魚 但平平的豆腐、洋蔥等則佔大部分 應該唔好叫海鮮湯飯， 叫cheap cheap 湯飯好了仲要$68個餐， 仲要加一但餐廳是無服務的， 水自己倒，餐具自己拎，埋單自己出去埋，唯一就係有侍應拎個餐過嚟， 咁就要加一 以後無take two 啦，食物一般， 性價比又低

沙田區很少韓國餐廳，難得第一城有，於是來咖啡韓食吃晚餐。晚上七時許已差不多滿坐，所以要早些來取位。我們點了一份牛肋骨湯飯，湯滾滾的來，熱騰騰散發牛肉的香味湯底用白蘿白及紅棗，飲起來很鮮甜，而且牛肋骨的肉很嫩口，非常好味價錢大約$70，很抵食！！下次來也想吃這個另外點了菜肉餃子，咬落多汁，味道偏淡，但大大隻入口，口感算不錯。還有紫菜卷，外觀雖然不是包得太實，但用料新鮮，也很好吃這裡較多不辣的食物選擇，適合喜歡韓食但怕辣的朋友們

今日同朋友係第一城覓食，朋友一見到Cafe Hansik就話呢間好出名，好多人讚，想試下。入到鋪頭大概係12點半，都唔算多人，直接有枱，一坐低侍應就送上水杯同遞上餐牌，非常有效率。我地點左蟹籽牛肉石頭鍋飯，石鍋燒到熱辣辣，撈飯時仲聽到jarjar聲。可能開頭掛住影相未撈得切，仲有少少飯焦落左韓式辣醬去撈，食到甜甜辣辣，有蟹籽既關係，間唔中食到脆卜卜既口感牛肉都算多，每人都分到幾大片。我地仲order左炸醬麵，撈完先記得影相😂炸醬唔會過咸，以前食過偏重味既炸醬，咸到食完碗麵要飲返兩杯水。呢個炸醬麵冇乜肉粒既(可能係我食唔到😂)，只有一啲醃左既洋蔥片，配菜好單調，不過有樣好係食完個嘴唔會好似韓劇咁黑哂

心血來潮，今晚想食韓國野。呢間已經唔係第一次幫襯，上次食過覺得幾好味，今日再幫襯。上菜時熱辣辣，出晒煙。 冒煙到好難影到張清既相。如果鐘意食飯既，可以等耐少少先用匙羹攪拌個飯。蟹籽同吞拿魚份量好足，無加任何醬汁，但食落味道唔單調。望落已經知有幾熱騰騰呢個湯飯唔辣，個湯底好有海鮮味，好鮮甜。套餐同單異既分別就係有冇碟前菜，相差$4，睇你有幾鐘意食泡菜個湯裡面既海鮮份量如下，其他麵係豆腐同菜。呢個 '純豆腐湯飯' ，就係會被個名人，誤以為只得豆腐同菜 🤣 點知湯裡面既配菜同唔辣既'海鮮豆腐湯' 差唔多。最大分別係呢個夠香辣，忍唔住會用湯餸飯😋我地星期日6點幾入座，唔駛等位。企食到七點幾，就坐滿咁滯

外賣自取的，電話落單時已問清楚豬肉拌飯有無辣，已要求唔要辣及辣椒醬另上，因為是小朋友食的，返到屋企發現成盒飯橙紅色，已經將辣椒醬撈曬落個飯度，打電話去餐廳說明情況，聽電話條死8婆第一句答我 "豬肉本身係辣架喎"😡咁我落單時佢又唔講！跟住我同佢講成個飯橙紅色的，佢只係答我 "咁點吖"😡"你唔係諗住我送返去俾你吖"😡之後cut我線😡😡😡明明係佢地做錯，連一句唔好意思都無，仲要咁嘅態度，不知所謂！以為全世界得你一間餐廳呀？就係e d垃圾影衰服務業，影衰香港人

食過兩次 店長連店員都服務態度超差 唔止對我 對其他客都系咁 人地話要學語言需要先學粗口 所以我都識啲韓文粗口😂️ 我聽到佢好似用韓文粗口鬧啲客 睇埋佢個樣 更似 🙄️諗住我地香港人唔識聽丫？食完一次諗住畀多次機會佢哋 點知冇改善 食物真系唔多掂 我同兩個朋友一人叫一個煲 一個味道淡到冇味 一個超鹹 我運氣好 只系少少淡 😅️價錢算普通 只不過啲野食咁差 唔值學校喺附近 但系都少人幫襯 應該系因為佢地都中過招 見到佢地生意越来越差 心中暗爽

食韓國菜一定會以為要去食韓國燒烤，朋友介紹來到沙田，不用去尖沙咀較多人的食肆 。沙田第一城有一間叫做「咖啡韓食」，地方較細少，並以快餐店的形式，方便上班一族。這碗豚肉湯酸粉，一定要加韓式醬汁撈勻後，先有酸酸甜甜的感覺。韓式炒粉絲味道也算不錯，至於配料就比較少。價錢不算太貴，但食物份量比較少。內部裝修都很有韓國式的設計。埋單前會看見這個小設計，提醒到客人都幾特別，其他餐廳都很少到。店舖位於馬鐵站附近，但需要行十五分鐘先到達，交通不算太方便。

一句，中哂伏！炸雞竟然可以冇雞味！落單到上枱要等30分鐘，我杯柚子茶又淡而無味，等炸雞等到熱柚子茶變成凍柚子茶，韓式pizza又細又薄，得4件，味道一般，年青侍應只顧自己說笑玩樂，再一句，冇下次。

這間店就在家樓下，晚飯隨便吃吃就走進去，第一次吃石頭牛肉鍋飯，裏面的波菜充滿沙，咬到牙齒都痛起來，不得不投訴服務員更換，心裡都記下一個劣印象。隔了一段時間都忘了，昨晚又去進隨便吃，因牙肉痛，便點了一個海鮮豆腐湯飯，價值是$68， 心想有海鮮價錢都可以，但結果送來，第一時間喝一啖湯試試，竟然一點味道都沒有，只是如清水一樣，夾雜一點點鯹味，不得不投訴服務員，服務員答覆，是的沒有太多味道，只是清湯，要客人自己加鹽及胡椒粉，這答案簡直令人氣上心頭，發誓以後唔駛錢都唔會再比機會這店！！

又係weekday食午飯的時間啦。由於工作關係，黎到第一城。太多選擇的情況下，見到呢間韓式餐廳環境不錯就選擇左入內進餐。原來星期一到日都有特價的午餐選擇。美味remark燒豬肉飯對於午餐而言，份量足夠!具有韓式的味道。燒豬肉配上洋蔥同少量蔬菜，食飯的好配撘。建議拌勻先食，因為食到底會發現底下的飯吸哂燒豬肉的汁，味道喊之餘會覺得好油。如果唔選擇套餐的朋友，枱面有清水提供。而選擇套餐則包含湯、泡菜、野菜。餐廳的餐牌有不少選擇。

食物及服務都非常差，相比系尖沙咀韓國街，這間價錢亦比較貴但食物就差很遠，點了韓國牛肉飯及韓式海鮮湯飯，前者飯是很硬，牛肉片得四塊，後者海鮮湯沒有泡菜是清水，圖片誤導，永不會再試

秋意漸濃，特別想「chut chut 聲」咁食碗熱騰騰的湯麵 ！ 令我諗起呢間親民的咖啡韓食。週末一點，吾算多人，吾駛等位。叫了個芝士拉麵同韓式炒粉絲。芝士拉麵個湯底幾好味，拉麵個質地好似出前一丁，不過上面的芝士刨絲就久久都溶吾晒落個湯度，如果整成芝士湯底我覺得會更加吸引。炒粉絲吾乾身，水準不過不失。我地仲叫了個泡菜餃子，不過呢個就麻麻地啦。一點泡菜味都冇，一點紅或少許辣都冇。被fig 了😭。

First time hereThe food is saltyBut most "unforgettable" thing was the attitude of a middle aged long-hair waitress. She was very hostile.Even she did not treat us as customers, her manner was still way too impolite It was shameful for her to have such arrogant disrespectful attitude If this shop should close down one dayShe would be one of the major reasons.

Lunch time 一心食韓式野，同事叫左個韓式餃子年糕湯，點知得餃子4隻，10幾塊年糕，"可看圖，圖中餃子只係咬左一啖"，其實係咪下午茶餐，個韓式飯又超燶，問個侍應餃子湯 ，D態度差到離譜，另一個侍應重叫佢唔好理我地。如果唔係D學生日日食你$4-50所謂韓式拉麵，既韓國公仔麵，都一早執左la....以後唔會再幫襯。超劣。

是日晚餐點選了以下三款:S2 牛肉湯飯 $66S6 海鮮麵豉醬湯飯 $68P3 海鮮蔥花餅 $52現精簡品評如下:S2: 牛肉湯夠味，可惜牛肉太靭沒一塊可嚼碎吞入肚。S6: 麵豉醬落得不夠令湯身稀不夠味，蝦不新鮮肉質鞋口，蜆肉只有尾指甲般大+裙邊黏殼。P3: 粉落太多令餅身太冧，只有餅邊夠脆。蔥放不夠多以致煎餅淡而無味。此質素的性價比個人覺得不值付出近$200。外間實在更多好的選擇。如有網友嚐過其炸雞及鍋物，請評論。