咖啡韓食 (已結業)

今日同同事去咗呢間韓國菜食飯，見到價錢都唔會太貴～ 又好耐冇食韓國嘢，望咗陣就入咗去！呢排啱啱開學，有勁多學生，成間餐廳都幾乎滿晒咁滯😂每日都有特價套餐，星期一至星期五日日唔同，今日係炸醬麵、牛肉飯同埋牛肉湯飯，心大心細嘅我最後揀咗牛肉飯，配埋套餐都係$50左右～ 都算抵食，加咗套餐會有埋泡菜、芽菜同埋湯，都係幾蚊嘅分別，所以都值得加嘅！牛肉飯份量好多，啲牛肉略嫌有啲乾身，不過個汁唔錯嘅，而且真係好多，差唔多食唔晒😂碗飯又係勁大碗，實在係抵食之選！

餐牌 A2i 鐵板燒豬梅肉 : 完全冇燒過嘅 燒肉 ；是甜的，難食到冇朋友⋯⋯查詢第一位店員，都話應該係燒，呢碟就😅⋯⋯嚟個高級少少嘅女店員，佢話係咁嘅🙄🙄，餐牌張相係參考😂😂。 餐牌張相當然是參考； 但係燒肉👉蒸豬肉咁，真無奈😮‍💨⋯⋯只能在這裏寫我第一份食評

樣樣都無味！完全failllllllll！水冷面維他奶味！海鮮薄餅超厚無味！無骨炸雞應該改名做冇味炸雞！蛋卷好似蒸到老晒嘅蛋嘆番凍！韓式炒粉絲應該改名中式炒粉絲。。。

晚餐時間過去，食嘅人蠻多，需要排隊等位。餐廳環境OK，上菜速度正常。韓國冷面🍜正宗傳統作法，冷面加入冰塊，酸味適中、辣味也岩岩好。麵有彈性，長度比較長，服務生唔記得幫手剪一剪。不過總體來講，味道正宗傳統。海鮮麵：加咗蝦、貝、魷魚圈，湯底辣味唔係好夠，不過可以按自己口味加，都算係幾好。份量唔多唔少，中規中矩。值得一試。原味炸雞🍗太過一般，雖然外皮酥脆，但內裡肉質太過干，口感太硬，真係唔夠好食。唔太推薦

一間韓國人開的餐廳老闆係韓國人 佢哋嘅Menu都好正宗晚餐叫咗個牛肉湯飯湯飯嘅餸都非常之夠料跟餐跟埋前菜泡菜 海菜湯份量啱啱好偏多只係覺得如果飲品方面都可以有多啲選擇就一流喇！

呢排同J先生好興Happy Friday放工食飯再踩單車🚴🏻‍♀️，可以減肥又好舒壓！揀咗喺第一城食飯，呢間韓國菜「咖啡韓食」之前好似冇見過，見到幾多人食就Try try佢💨！諗諗吓好似係我哋第一次一齊食韓國菜，不過拍拖無返一段時間，又點敢喺對方面前吮骨啊🤪，應該特別面目可憎！————————————————👅半半炸雞（全份$140）👍🏻 揀咗脆皮炸雞同調味辣雞，全份有12件，脆皮炸雞麵衣皮有調味過🐔，偏向硬脆嗰種，雞肉肉質唔係萬年雪藏雞，表面亦唔太油膩👍🏻 調味辣雞即係甜辣味🌶，舌尖帶一點辣嘅刺激，炸雞似係即炸，裹咗醬都脆脆哋，雞胸部分唔乾嚡，如果配埋醃蘿蔔就好👍🏻惠顧全份炸雞可享300 mL韓國生啤/可樂/雪碧，300ml一個人就唔夠飲㗎啦，不過過吓癮就算啦👅牛肉紫菜飯卷（單買$45）👍🏻飯卷都幾足料嘅，米飯軟硬適中，通常紫菜飯卷表面都會搽上麻油增添香氣，呢間整得唔會太油膩，但略欠麻油香————————————————🚩總結：不過不失嘅韓國菜🇰🇷———————————————— 🌟注意：座位同座位之間會坐得貼少少————————————————📍 咖啡韓食地址：沙田銀城街1號沙田第一

Found a bug in my soup 🤮🤮I ordered a kimchi soup takeaway but they gave me beef soup instead. I didn’t care too much but when I got home to eat I found a bug inside 🤮🤮🤮

由韓國人主理嘅韓國餐廳，味道非常之好，推薦食炸雞$150有全份牛油蜜糖雞，大件又抵食，而且蜜糖味濃，炸粉唔會太厚，抵讚👍🏻牛肉飯卷出奇地好味，加上芝麻好香口，一啖咬落去口感豐富好滿足！套餐仲會送泡菜同埋菠菜做前菜👍🏻

平時睇韓劇成日睇到好想食韓國野但韓國菜舖頭難搵 呢間嘅醬油蟹好出色最好叫成個餐 有泡菜 紫菜拌飯超正但個炸醬麵個醬有啲似白花油味⋯唔會再試店員同老闆都好好人 服務好好 好幫得手🙆🏻‍♀️飲品非常推薦梳打 又靚又好飲 又唔算貴

.好似都有大半年無叫過呢間外賣今次叫左全隻原味#脆皮炸雞 幾好喎真系做到外脆內軟👍🏼😋叫外賣送到來屋企都仲系熱辣辣脆卜卜✨😍牛肉紫菜卷都好足料 飯又唔算太多 麻油味都好香仲有叫左個 泡菜 夾埋 #炸雞 食又得 夾埋 #紫菜包飯 都得 得左😂泡菜味道可以再辣多少少🤏就perfect

同同事食飯，同事們不斷劣評呢間餐廳，所以附近做咗一年野都未食過呢一間餐廳。今日終於鼓起勇氣自己去試吓。唔知係咪打好晒心理準備，冇想像中咁差。但明顯佢嘅食材唔係特別靚！午市$60有個飯連湯同前菜，如果叫嘢飲就要另外單點。不過海鮮豆腐湯呢個味道就正常發揮，普普通通，但絕對唔係好食，湯有一兩隻蝦，菜同埋豆腐，明顯用料唔係新鮮。不過唔係食大餐，平時當普通午餐食下飯都係接受到嘅。前菜都係正常嘢，冇乜特別咁樣。

今日繼續同同事喺第一城周圍食，今次食呢間韓國嘢，經過左好多次，但係都無試過，今日終於入去試一試佢，門口睇落啲炸雞都OK，不過下晝食炸雞就好full，所以都係叫返正常set，揀左牛肉蟹籽飯，配韓式小食（$58）。有個主食、湯、泡菜，同埋芽菜，本身見到係石鍋飯，以為有飯焦，但係就無啦，本身飯無咩醬汁，所以加左少少辣醬，撈埋一齊，咁就好食少少，另外，因為有蟹籽，所以口感上都豐富左。加$4變左set，多左個湯同小食，咁通常都會加，但係無野飲就差少少。個湯就不過不失，有啲冬瓜片，唔係好多味精。泡菜同芽菜都正正常常，不過不失。

今日好忙、好肚餓，求其衝入一間食肆，就嚟咗呢一間咖啡韓食，叫咗一個開胃嘅水冷麵！但我真係未食過咁差...咁難食嘅水冷麵😡！水冷麵嚟到一睇都正正常，見到水冷麵放咗冰，真係冇諗過食落口佢係暖嘅！仲要有陣味，係雪櫃冇插插蘇，焗咗好耐嗰陣味，但又唔係變壞，而隻蛋都好似放咗好耐咁。基於我真係好肚餓，所以我不停加醋，同埋係咁攪動啲冰，希望佢凍啲易入口啲😑😑最後我真係盡咗力，都係食到一半，止住肚餓就埋單！發誓冇下次😡😡

黎開沙田第一城，晚餐想食韓國菜，見得呢間就試下啦。叫左三樣野-半半炸雞-調味+蜜糖牛油都幾大份，雞炸得夠脆，調味雞個汁就惹味啲，甜甜辣辣。蜜糖牛油都ok，但只食得出蜜糖味。餐廳有埋手套比你用手食。另外點炸雞會送一杯啤酒/汽水如果可以送埋醃蘿蔔，解解熱氣就更好。-芝士紫菜卷比想像中細條左啲，但味道不錯。-泡菜餅唔建議食，好淋，好粉咁，餅煎得唔夠脆身，中間一pat野咁。整體炸雞同紫菜卷都值得食ge，泡菜餅無下次。店舖環境一般啦，如果餐廳播啲韓文歌黎聽下就有feel啲。埋單$270

今天返半日工，放工就在附近的韓國餐廳自己食個午餐。我叫了個芝士紫菜飯卷套餐，不用五分鐘食物便送上了。剛放工肚子餓的我真幸運呢☺️ 套餐包了紫菜湯和前菜，泡菜酸酸的不太辣，怕辣的我也能吃。飯卷是室溫的，芝士放涼了沒有拉絲的效果，而且芝士味淡，但材料都不少，有蛋，菠菜，酸蘿蔔，泡菜，青瓜等，韓國飯卷好吃的地方是有泡菜，令飯卷更濃味。