咪咪茶餐廳

營業中

休息中

上環區午餐時間處處排長龍，所以提早12點就要食飯，今日又食咪咪茶餐廳...午餐有10幾樣選擇，我就揀咗鴨飯我同阿姐姐講想食鴨飯，但又怕佢切晒啲鴨背，無肉皮包骨，阿姐姐好好人，佢話同師傅講比鴨胸我啦，咁我就當然唔會拒絕啦...講返個飯先，其實呢雪藏鴨，啲肉都幾死死實實，不過有個甜酸醬好送飯，咁價錢就好平，有飯有湯有嘢飲，凍飲加兩蚊$44以上環來講已經算係好平，以後都可以黎依度食，每日午餐仲會不停換新，不錯！

牛筋腩飯超正，炆得夠林又夠入味，超越一般茶餐廳水平。個人覺得好食過九記，收 $42有湯有飲品，分量又足，認真超值！不愧為咪咪的主打推介午餐，以碟頭飯標準，牛筋腩分量多，仲跟兩條菜。牛腩用料靚並非頭頭尾尾的下欗貨式，筋腩比重平均，炆得夠火路筋透腩肉林, 食落無黐牙。腩汁夠味充滿骨膠原！當然地方就一般茶餐廰格局，但尚算乾淨企理。老闆員工服務合格有禮貌，點餐出餐速度都算快，食過幾次水準都一致無失準，下次再來要試下其他野

在公司附近的咪咪茶餐廳，每日都有A-I餐的精選午餐，價錢都是$42，有湯、有飯、有菜、有飲品，簡直是打工仔的平價午餐之選～貪食專員就最喜歡食午餐 B 肉餅飯餐，今天的 B餐是 馬蹄土魷蒸肉餅飯 ，有時的B餐是 白飯魚蒸肉餅飯，B餐是固定肉餅餐，但用不同的材料來蒸肉餅。而湯可選擇中湯或羅宋西湯。叫餐後，五分鐘內店員就送哂所有野食物上枱，真係好快～今天的中湯是煲節瓜湯，清清的，又唔會覺得是味精湯，唔錯的例湯。馬蹄土魷蒸肉餅飯，肉餅用鐵兜裝住，份量很多，有好多條菜心，菜心翠綠色，剛剛好，不會覺得硬。肉餅連埋馬蹄和士魷一齊蒸，蒸得好入味，有鹹蛋放上點綴，又不會覺得鹹，有種好似食緊住家飯的感覺。連埋用黑白淡奶沖的咖啡，實在太豐富了！

一心諗著食常餐，係上環搵間平平地，佢寫36蚊，我覺得接受到咪入去，點知一坐低睇個餐牌，12點至2點要加2蚊⋯我係門口睇個餐牌時，佢轉登搵架車仔遮著呢句重要字眼！！咁都算⋯點知⋯野食超難食，地方又污穢，以後都唔會再幫襯

而家已經深夜8:40上埋呢一大好多餐廳都收咗Pro想搵間經濟啲終於比我搵到呢間咪咪茶餐廳買咗兩個飯一個飯＄42分別係四寶飯同埋西蘭花蝦仁炒蛋啲飯好夾得來飲過粒叉燒就是啱啱整完咁樣超新鮮雖然你唔可以期望佢係五星級大酒店嘅水準但係有飯有湯有嘢飲＄40雞真係抵到爛非常非常非常之滿足今次嘅四寶飯四個菜紅腸雞翼鹹蛋叉燒叉燒二紅腸都有種好新鮮嘅感覺而鹹蛋汁真係好正宗嘅完全唔會太咸亦都係有新鮮嘅感覺而嗰啲雞翼唔係普通雞翼雞翼唯一嘅缺點就係呢間茶餐廳嘅廁所真係非常一般甚至有少少臭味

曾是「咪咪」常客，因事已多個月沒光顧了，前晚與友人重訪。他們正廳旁有個狹窄的走廊通往偏廳。我們一向習慣在偏廳用餐。餐牌如常有Ａ，Ｂ，Ｃ，Ｄ，Ｅ，Ｆ，Ｇ，Ｈ餐，沒多大改動，只是價錢由每客＄３８加至＄４０，以及其中一款（記得是Ｄ餐）由「鹽焗雞飯」改為「鹽焗雞飯／豉油雞飯」，於是貪新奇試試新口味「豉油雞飯」。我吃飯至怕乾吞，必需多汁。因此但凡叫飯，除了炒飯外例必要求多汁。侍應端上來時我發覺飯中不只少汁，甚至是完全沒有汁，還強辯稱已加了汁。我再三要求，甚至以「不收貨」作為警告下，他們才勉強端來一小碗汁。這種不願意尊重食客要求的服務態度實在要不得。另外，那新口味「豉油雞」之質素實在差得無以復差：（１）肉質乾韌如僵屍；（２）超鹹，甚至比臘鴨也要鹹得多，幾乎味如嚼鹽　即使原本那個「鹽焗雞飯」也遠不及它鹹。那不是表面的鹹，而是深入肉質的鹹，鹹得連舌頭也發麻　伏已中了，只能奉勸各位食家當心矣！

今日午餐同兩個同事一齊午餐，雖然喺上環返工都有個幾月，但呢間還是第一次幫襯，咁就中招了。坐低即刻送上例湯，青紅蘿蔔湯，一入口就試出係由味精調制而成，同事Top叫左咖哩牛肉飯，我和另一同事就叫左時菜牛肉飯。等左好耐，耶菜花炒牛肉送左上來，估唔到一間茶餐廳的水準可以差成咁，雖然牛肉冇臭味，但亦無香味，只有咸味和一劈芡汁没試過食D咁難食既茶餐廳，入面仲要無網絡， 唔明點解仲有咁多人食，真係有D受騙的感覺，絕對冇下次。

舖子雖小，但成日都好多人⋯ 因為價錢係上環區來講，不算貴，而且具有香港特式----- 茶餐廳！特別喜歡係度食早餐，因為多選擇！早餐B餐，沙嗲牛肉蛋麵個面煮得岩岩好，唔會太林，仲好𡁻口。不過鐘意食林面既，就會嫌硬，我就覺得岩岩好！

沒食早餐，下午茶時間好餓。朋友介紹過這裡的牛腩好食，點左牛腩河。牛腩的確好林好入味👍🏻價錢都合理😋朋友點了茄牛麵，有一塊塊番茄，他說不錯呢最後西多，下午茶當然要吃西多吧👍🏻👍🏻

今日返長週，同同事約好早餐嘆返個咪咪，因為太耐無食，好掛住！去咪咪其實都係為咗碗沙嗲牛炒蛋出前一丁，配料都係新鮮嘅，牛肉有沙嗲味，少少靭，但勝在大細均等，薄薄地。一碗雙併都有5塊牛肉倒，算係咁。炒蛋都夠滑，有蛋味。應該放咗2隻蛋去整，夠大塊。通常食出前一丁都要加錢，呢度唔使加，同埋飲凍檸蜜都唔使再加上加。咁樣配搭都係29蚊，個人覺得抵咗！講返個麵，睇落去係啱啱熟，食落去就好似腍咗少少！今次叫外賣可能焗多咗幾分鐘，可能咁樣腍咗！而沙嗲湯底呢，啲色就好濃，辣多少少就加分！

偶然路過哩間茶餐廳,加之天氣熱懶得行,於是入去叫佐份是日B餐+凍檸茶外賣.出餐速度都幾快,未夠10分鐘已經可以拎餐走人.其實本身並唔係好期待,因為整間餐廳細細粒加舊舊暗暗feel,點知返佐office開飯盒真係要哇一聲肉餅大大塊啦,唔澀,都幾juicy,而且可以食到超多明顯的魷魚粒粒吖檸茶有足半個檸檬,切的均勻,檸檬味十足!最驚訝概係居然有份跟餐例湯,仲係冇乜味精添.而全套都係$42,十分抵食

星期日上環一頭好多茶餐廳都冇開門, 見到附近的咪咪茶餐廳就入去坐啦第一次去食咪咪茶餐廳, 餐牌上都好多選擇, 我叫左個特餐 <涼瓜菜脯叉燒炒蛋> 配熱檸茶after 15mins 後, 終於有得食啦, 我吾知佢會比埋例湯我飲, 38蚊有湯有飯有野飲都幾抵但當我開始食的時候,發現中招 炒蛋照多水, 炒到好似糊咁又無蛋味, 完全吾覺食緊炒蛋我食吾哂咁多仲要比個啊姐話, 話下次吾好要湯, 我想講我都吾知你會送湯!!  佢語氣好差總結, 難食! 

新年假期~眨眼間就走了~年初五,祝大家開工大吉大利,來個豐富的早晨預意一年豐衣足食四處的餐廳都未開店幸好今天咪咪開市,賜我一個豐富的早餐我很少會堂食,因為次次都趕頭趕命~趕上班~其實都想坐下來嘆份早餐的.C餐 HKD28五香肉丁拼午餐肉配上公仔麵.熱檸茶餐廳是立即煮的公仔麵,就算回到公司依家彈牙不會過淋,加上厚切的午餐肉,吃得津津有味.五香肉丁是滿滿的,不是在碗內只有幾粒,全個湯都是五肉丁的汁,一打開個蓋,全公司都知我吃五香肉丁,吃這個早餐,真的是過肥年.~

自從搬了OFFICE, 要步行10分鐘多D先可以去到咪咪, 所以平日好少會去食, 不過星期日開OT, 無咁趕時間, 就去食下野, 又同老闆娘吹下水, 去到先知原來搬0左!  不過同舊鋪好近。門面比以前靚0左D, 繼續走實而不華的路線。繼續食我至愛, 常餐 (可選兩款餸的麵/通粉/米粉 + 炒旦 + 麵包 + 飲品), 咁多野食先30蚊 (出前一丁唔洗加錢), 係依家所有野都貴(係我地D人工最平)既年代, 用目測, 就已經羸0左!目測還目測, 都係要講下好唔好食, D相我影得麻麻地, 實際上, 個出前一丁煮得剛好, 好香麻油味, 好爽口, 唔會淋曬, 中曬我最著緊既POINT!  加上D幾大量的五香肉丁同雪菜肉絲, 真係好正.再正D既係個炒旦 + 麵包, 個人建議, 如果大家唔怕肥, 應該要轉牛油多士, 好香牛油味, 超正! 個人一直認係咪咪, 最穩陣飲凍檸茶~~~~見到有食友的食評話咪咪的服務態度唔係咁好, 其實我以前都試過一次係咪咪食野D阿姐比個黑面我嘆, 不過後尾再去, 傾傾下又FRIEND0左.....只可以話, 佢地平時好NICE的, 不過多人時好忙佢地會有D脾氣.......

先旨聲明，本人去的是利源西街的新分店，因為想吃常餐，見瑞士有人排隊，就試吓咪咪常餐有二片方包，炒蛋，可选兩餸的一丁面，同埋飲品先來方包+炒蛋，方包default無烘底，有點失望炒蛋就見到都知非常普通，有點過了火候，太老了but,好戲在後頭!是出前一丁面!不是大光面呀!令人感動!我選沙嗲牛同腸仔，沙嗲牛的汁令整碗面加晒分，加上一丁質地,perfect！大推!熱奶茶亦不差，有茶香而無苦澀味，我會再來的!