咪咪茶餐廳

營業中

休息中

今日返長週，同同事約好早餐嘆返個咪咪，因為太耐無食，好掛住！去咪咪其實都係為咗碗沙嗲牛炒蛋出前一丁，配料都係新鮮嘅，牛肉有沙嗲味，少少靭，但勝在大細均等，薄薄地。一碗雙併都有5塊牛肉倒，算係咁。炒蛋都夠滑，有蛋味。應該放咗2隻蛋去整，夠大塊。通常食出前一丁都要加錢，呢度唔使加，同埋飲凍檸蜜都唔使再加上加。咁樣配搭都係29蚊，個人覺得抵咗！講返個麵，睇落去係啱啱熟，食落去就好似腍咗少少！今次叫外賣可能焗多咗幾分鐘，可能咁樣腍咗！而沙嗲湯底呢，啲色就好濃，辣多少少就加分！