品味創意台灣料理 (已結業)

習慣經常去用膳,星期一至五二個人去,有時帶埋小朋友們去。最欣賞早餐是satay牛出前一丁/蕃茄牛通/雲吞米仲加竹炭麵包仲加蛋腸,小朋友試過麵餐太大碗吃不完就轉去喜歡腿蛋餅加小腿通,仲有餐飲。價格非常合理三十幾到四十幾大大分,今日試定未吃過的沙律餐,一樣咁大份!

竹筒爌肉飯 $78 配凍飲加$3望落都幾多餸幾豐富，酸菜以及滷蛋之外，塞滿四件爌肉，大大件肥瘦分明，可惜口感唔夠軟腍，瘦肉部分仲有少少痴牙。.平時比較少食竹筒飯，我期望是竹筒蒸飯，飯會散發竹的香味…但明顯竹筒只是個盛飯器皿，因為個竹筒係室溫。幸好飯面淋有滷汁而並非白飯，否則會更為失望。但如果當是一個普通台式爌肉飯，其實整體質素尚可接受。.飲品點了凍青檸柚子，味道正正常常，唔會太甜，重點是夠大杯，加分。

經過九展發現很多地方都排隊但係呢間也比較少人, 因為肚餓唔想等就光顧呢間野, 點知就出事了.個飲品係淡的稀的, 1/100那一種淡淡的清香. 個奴肉飯, 是那種之前網上隔離營那般的外判等級.餓意慢慢的消除, 只食了三成的飯就食唔落, 太疲倦連投訴的氣力都無, 坐的士返屋企食個杯麵算了.

𝒯𝒶𝒾𝓌𝒶𝓃𝑒𝓈𝑒 𝓇𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎ʟᴜɴᴄʜ sᴇᴛ 主食配綠茶紅茶 • 我家魯肉飯 $𝟼𝟾•🍛 • 鹽酥雞扒飯 $𝟼𝟾•🍗 • 台灣牛肉麵（牛筋及牛腩）$𝟽𝟸•🍜 又食台灣野😆 三個都好有份量，好大份，味道都唔錯，魯肉肥瘦分明😍 炸雞都好味 環境就普通茶餐廳 中午時間好多人🤣🤣🤣📍 品味創意台灣料理九龍灣展貿徑1號國際展貿中心2樓13&15號舖

紅蔥油雞脾飯盒😂一開始喺間野買飯盒買左三次先買到佢所以好期待佢會有幾咁把炮😂跟住食落口嘅感覺係😂😂😂冇嘅，雞脾都似返個雞脾有用五香粉調味然後個好蔥油都唔錯但係勁似印尼撈麵😂😂😂點解會係咁笑呢😂😂就係因為好似將營多嗰包油倒落個雞脾度咁嘅feel😂😂唔能夠話唔好食嘅個雞脾唔夠滑囉期待落差囉咁囉😂仲要之後先知道佢係藍嘅真係悔不當初🥲🥲🥲🥲🥲🥲🥲🥲🥲🥲🥲🥲🥲

今日過嚟e-max睇車展，睇完上去二樓veryfood食街裡面一間台式餐廳食嘢，主要原因係想飲珍珠奶茶 🧋😂， 套餐有飯類同烏冬，我擇左台灣香腸魯肉飯配胚芽奶茶（黑糖鮮奶珍珠系列加$8 ). 台灣香腸魯肉飯用煎pan型嘅木盤遞上，賣相幾得意。估唔到魯肉有咁多，肥瘦分明，魯肉底有少少醬汁可用作撈飯，另有台灣香腸、全隻滷水蛋、小黃瓜，份量足。黑糖鮮奶珍珠系列- 胚芽奶茶成日覺得有黑糖就會好甜，但出奇地飲落完全唔甜，入口有種獨特甘香味，加上每啖都有胚芽增加口感，我覺得好飲😋

#午餐 #好有水準 #台式腸仔滷肉飯 我覺得好食過好多話自己正宗嘅台灣食店，服務員亦都好好，我問可唔可以俾啲蒜片，佢話冇問題，真係好開心🥳台灣腸襯蒜片係無敵，台式腸仔份量都幾多，滷肉好肥美，果刻真係要放棄減肥，台式蛋如果流心就好啦，雖然咁樣先叫正宗。😂黑糖珍珠奶味道完全合乎我要求，無需少甜少冰啱啱好，依家好多堂食都用外賣杯，呢間用玻璃杯仲好飲啦，夠晒環保♻️🍹餐飲加$8朋友嗌咗#蟹肉烏冬 (配醋)，應該似係賽螃蟹，幾配合舖頭名 #創意台式料理，正宗又有創意又有，正。地方算闊落，下次去九展再幫襯

因為想食台灣野見裡面坐位鬆動就揀左可能展貿本身就人流少，加上疫情餐牌上過半嘅野都係無得賣😂😂😂😂得返幾個餐揀咗唯一係湯麵餐嘅牛肉麵其實其他都可以轉湯麵，不過就要再加多十蚊牛肉麵原來唔係牛肉😂😂😂😂😂係牛展加牛筋，一舊肉都無，有少少俾人呃咗嘅感覺牛展好硬，感覺係煮定左成日，唔係好咬得開。。。。但牛筋尚可不過個湯真係好鹹好鹹，鹹到唔係好食到味精味都超級重。。。。食完之後飲左成枝水都仲係好唔舒服，仲鹹過平時自己煮杯麵飲曬個湯唯一優點係碗麵都好多菜，芽菜食極都仲有但都要成70幾蚊加一連熱飲，真係唔多抵。。。

最近要過九龍灣KITEC返工。到LUNCH時間就緊係落去EMAX搵食啦。依到既食肆集中係B1。地下。同2樓。款式都好多元化。經同事帶我行過一圈後。決定食依間 品味創意台灣料理 。(其實係同事同我講話佢地既鹽酥雞排大過塊面)所以我先揀佢。因為疫情關係。都係買外賣返公司食。買完之後同事先同我講話堂食塊雞排先大過塊面。外賣會細少少。不過唔緊要啦。能夠食到鹽酥雞排就可以了。鹽酥雞排飯鹽酥雞排咬落外脆內鬆軟又JUICY重要既唔太油膩。有兩件滷過既豆腐再加配滷汁係面既白飯。依個LUNCH太滿足啦。隨餐跟蜂蜜綠茶。。蜂蜜同綠茶既比例岩岩好。岩曬我口味。咁樣加埋都係48蚊。算係咁啦。

曾經覺得最好食嘅魯肉飯幾年前因為睇戲而入EMAX，吃過呢間嘅魯肉飯！ 覺得好好食，念念不忘！今日再食，覺得只係中上😙魯肉飯 $68 （午餐價格）半肥瘦魯肉，調味適中，撈飯食一流！ 但如果魯肉份量可以再比多少少的話，我會食開開心啲！配料方面，有2小片小黃瓜，半隻滷蛋，無味茄子！ 唔係特別出色～ 跟餐送一杯熱飲！+$8配珍珠奶茶！味道ok,中規中矩~ 總括經過，有需要係EMAX醫肚的話可以一試！

雖然支持留家抗疫, 但悶得太久總要找地方逛逛, 選擇了平日少來因為位置相對偏僻的九龍展貿中心, 果然人流不多, 但意外發現餐廳選擇倒是挺多。路過這家台式餐廳的時候見到其他用餐客人那大~大~塊的鹽酥雞扒, 我就被吸引了進去了, 自己也點了一份, 再加一份烤雞翅配窩夫, 食物總體不過不失, 不過勝在新鮮熱辣, 惹味香口, 兩個人一個吃午餐一個吃下午茶餐, 也算是堅持自我的同檯人了。餐廳座位比較闊落, 坐得安心, 最值得讚揚的是落座時有服務員姐姐直接拿著酒精搓手液來到我們檯前供我們使用, 絕對是疫情下的貼心服務！

去九展食飯，同老公好想食台灣菜，走上二樓見到品味創意！門口排隊都要一陣，量體溫，先入座餐牌有套餐$7x,有3款前菜，主菜，飲品！另外，有紅燒牛肉麵餐，真係要諗諗先知食咩好！上菜有驚喜，三杯雞套餐仲有湯，個湯都幾好飲，三杯雞煮得好入味！老公叫左燒牛肉加刀削麵！ 個麵有d細但好彈牙，牛肉味濃～送餐飲蜂蜜綠茶，我加8蚊叫胚芽奶茶唔似其他餐廳，飲品沖出黎唔太甜，岩我口味！下次過黎做野，又可以黎encore!

有差不多5年冇嚟九展，今天因為去玩，所以嚟左呢度。一行十人要揾一間坐得舒服嘅地方唔容易，但呢間唔洗等位，價錢唔貴，食物好快送上，叫了鹽蘇雞扒，超大塊，正。仲有三杯雞，味道好好，又大碟，讚。紅燒牛肉麵，湯濃，牛肉淋，麵又 煙韌，另叫了飲品茉香珍珠，珍珠口感好好，有茶味，茉香味足夠，甜度適中，非常岩口味。套餐份量都好大，好抵食。今次因為叫我太多嘢食，冇機會試佢地嘅甜品，下次再嚟一定要再試。齊體今次晚飯非常滿意。

九展下午時段，相當清靜。 下午茶時間15:00-18:00特別推薦的魯肉飯，相當足味而且十分鬆軟，算是很出色的了～ 更意想不到的是，價格才$20！ 配上台式凍飲，分量也是大大杯的，絕對是值得推薦之選。另外，後加的小吃蠔仔蘇（$28），也很有特色，讚～～👍🏻👍🏻

有啲肚餓想食鬆餅但係又唔想食咁貴，喺九龍灣搵到呢間台灣料理，睇個價錢以為係伏，點知賣相咁靚!個鬆餅好有驚喜，外脆內軟而且係實心㗎！唔係出邊啲空氣鬆餅，真係有啲台灣feel!至於雞翼亦都炸得好香脆，唯一問題係同件浸過鹽水嘅伴碟蘋果片一樣，比較咸。整體黎講都好有驚喜，高性價比之選👍🏼