品味創意台灣料理 (已結業)

今日過嚟e-max睇車展，睇完上去二樓veryfood食街裡面一間台式餐廳食嘢，主要原因係想飲珍珠奶茶 🧋😂， 套餐有飯類同烏冬，我擇左台灣香腸魯肉飯配胚芽奶茶（黑糖鮮奶珍珠系列加$8 ). 台灣香腸魯肉飯用煎pan型嘅木盤遞上，賣相幾得意。估唔到魯肉有咁多，肥瘦分明，魯肉底有少少醬汁可用作撈飯，另有台灣香腸、全隻滷水蛋、小黃瓜，份量足。黑糖鮮奶珍珠系列- 胚芽奶茶成日覺得有黑糖就會好甜，但出奇地飲落完全唔甜，入口有種獨特甘香味，加上每啖都有胚芽增加口感，我覺得好飲😋