品曲奇 (利園二期) (已搬遷) 新店位置

今日食左盒好正嘅曲奇餅, 家姐收工買嘅, 佢啲同事話好特別, 個盒好靚咁bor, 即刻拆黎食先, 佢包裝紅bok bok好有新年feel🤣, 睇真d原來係個口同隻手拎住塊曲奇👍🏻.🍪雜錦口味曲奇 (HKD208@)一次過有齊店家8款口味, 每款3塊, 附介紹各種味道嘅小單張: XO醬, 香辣蝦米, 葱油雞, 提子花旗蔘, 杏脯迷迭香, 陳皮子薑, 紅棗, 七味粉曲奇, 有甜有醎. 睇返原來係MADE IN HK+無添加防腐劑架!! 大人細路都啱食, 神奇地屋企長輩們勁LIKE啲曲奇, 話啲味道好特別!🍪XO醬曲奇•Li款我最鐘意, 細細塊曲奇啖啖都食到XO醬嘅”料”, 醎度溫和, 牛油味香.🍪香辣蝦米曲奇•同XO醬味道相近但佢嘅辣味非常突出, 又有mini蝦米, 鐘意醎香嘅人唔可以錯過.🍪葱油雞曲奇•係無雞肉嘅🤣, 以大量”醃”滿雞肉味道香葱整成, 食落勁有葱油雞味勁特別.🍪提子花旗蔘曲奇•花旗蔘嘅甘苦味較出, 餅師同時加埋提子乾以甜品平衡返, 感覺好”養生”呢, 曲奇texture較實淨.🍪杏脯迷迭香曲奇•邊邊位啲糖料好鬆脆!! 咬得到嘅杏脯肉仲聞到陣陣Rosemary香~ ~ ~🍪

今日去利園嗰邊同朋友買衫，前排見到嗰個近排都做大廚，可惜我係屋企冇人識整嘢食屋企個廚房從來都係起到擺，用嚟裝飾嘅媽咪見人哋食曲奇餅佢又想食，我又唔識整唯有去買啦見到依間曲奇餅店裝修非常之簡潔明亮仲要係香港本地品牌，而且口味非常之獨特，好友香港人獅子山下嘅感覺我見到有八隻味，全部係平時食飯熟悉嘅口味而當中媽咪平時最鍾意食XO醬所以買一盒俾佢，當係母親節禮物一盒入邊24塊，包裝精美 $228其實識落只有陣陣嘅XO醬香味，入口感覺唔辣，曲奇餅非常之鬆脆可口。另外因為我樣樣都想試，店員就推介我選一盒雜錦口味 $208一盒入邊已經包含晒八款味道（紅棗、杏脯迷迭香、香辣蝦米、陳皮子薑、花旗參、蔥油雞、CO醬及七味粉）當中我覺得最特別係子薑皮蛋，真係食到陣陣嘅皮蛋香味😍另外辣辣地嘅蝦米曲奇餅係爸爸最愛，佢話覺得好惹味好香口蔥油雞嘅感覺就好似平時喺台灣食到嘅蔥油餅般🥰花旗參甘甘甜甜，食落感覺好舒服

好少何見到曲奇有咁多獨特嘅味道佢嘅曲奇唔會太甜 唔會太油膩但係保持到曲奇嘅香味而佢每一種味道都好夾曲奇嘅味道今次買咗雜錦嘅味道先試咗七味粉嘅味第一啖咬落去佢保留到曲奇嘅香 滲到淡淡的蛋黃味 但係七味粉嘅辣唔會完全蓋過左曲奇嘅味道而且依然保留到牛油嘅香味七味粉浸辣味真係逗留係口腔幾耐下餘香好重但係嘗試到杏脯迷迭香嘅時候唔知個味道係咪因為太濃 成口都係迷迭香嘅味 好似有啲過重食到蔥油雞味嘅時候如果好鍾意蔥油雞味嘅話呢一個簡直係一絕但係如果係曲奇嘅話佢完全蓋過左 雖然保留到曲奇嘅香脆但係真係好似食緊蔥油雞蛋餅不過我就鍾意嘅 係我朋友唔太鍾意Xo醬曲奇就真係真材實料啦 每一啖都食到曲奇細砂同乾瑤柱嘅細粒完全係xo醬味！鍾意食XO醬嘅人千祈唔好錯過！我個人就好鍾意啦去到花旗參提子曲奇花旗參本身就係一種好重口味嘅嘢所以佢既味道唔意外 個人就幾鍾意去到紅棗味唔知係咪因為最後先食佢我覺得佢係保留到曲奇香之餘仲有紅棗味但係唔係好重變得好普通

今日收到朋友既禮盒，睇包裝以為係酒，打開原來係兩盒曲奇，包裝設計好花心思。原來個logo係個品字，上網睇先知道鋪頭係銅鑼灣。一盒係XO醬：一盒分開四格，每塊曲奇都獨立包裝，相當用心，又唔怕開左食唔晒。有好香濃既XO醬味，第一次食，好特別。估唔到XO醬都可以配餅乾。另一盒係什錦曲奇，有齊全部味，除左XO醬，仲有香辣蝦，七味粉，蔥油雞，紅棗，杏脯迷迭香，提子花旗參同陳皮子薑。 可以一次過試晒全味口味，每隻味都係唔同顏色，仲有埋單張對返，好貼心。最鐘意既係蔥油雞味，完全係食緊蔥油雞甘。餅乾細細塊，食完又唔會好濟。另外紅棗味都有驚喜，入面真係有紅棗，好足料，有紅棗既甜配上曲奇既香，唔錯。包裝相當得體，下次我都要去買黎送禮先，一定唔會失禮。

今日係5.20，於是打算去買D小禮物送俾另一半，之前上網見到PIN曲奇介紹，見係全香港制造，仲要有咁多款新穎口味，於是決定就係佢啦！雜錦口味 一共有8隻唔同味，每隻味就各有3塊1.香辣蝦米曲奇如果鍾意食辣既朋友仔，真心可以一試，不但有蝦米既香味，仲帶點辣，味道好特別2.XO醬曲奇一開始會覺得唔知好唔好食呢？但食落去又幾香喎，入口有啲XO醬既淡淡香味，再有少少曲奇牛油既香味，味道可以3.蔥油雞曲奇唔知以為自己真係食緊蔥油雞，當然呢個係曲奇既口感，哈哈4.七味粉曲奇幾特別，七種唔同既味道混合埋一齊，個人不太好5.紅棗曲奇一聽都覺得紅棗補血養顏，感覺食多啲都無乜所謂，甜甜地，好好味6.杏脯迷迭香曲奇有少少杏脯粒同埋糖粒，食落去口感好豐富7.提子花旗蔘曲奇睇個名就覺得好有益，提子乾有抗癌作用，花旗蔘有抗氧化作用，淨係睇個名都覺得唔錯8.陳皮子薑曲奇陳皮子薑都係酸酸醎醎，十分開胃，但估唔到配上曲奇又可以喎！味道係幾清新 因為送禮關係，所以想大方得體D，於是就買多一盒香辣蝦米曲奇，因為覺得蝦米會香D，再加上另一半好辣野，所以就撰咗呢隻味啦。

推薦指數:🤩🤩🤩🤩本地自家制曲奇品牌 PIN！Made in HK嘅特別有感覺！係銅鑼灣實體店親自買左兩盒，淨係睇包裝設計已經夠哂誠意✨買黎送禮超得體🥰每一塊曲奇都充滿驚喜，多款創新口味，夠哂特別😛選用嘅食材全天然，不含防腐劑，健康新鮮 👍🏻禮盒裝一共有兩盒～精緻包裝，每件曲奇都獨立包裝，首推八款特色口味，真係驚喜重重，估唔到嘅口味竟然出現係曲奇到？八款口味包括有紅棗、蔥油雞、七味粉、陳皮子薑、XO醬、杏脯迷迭香、香辣蝦米、提子花旗蔘！估佢唔到咁多口味，又有香港特色，連蔥油雞，香辣蝦米味都有？！同一般嘅曲奇係唔同嘅，超推介送禮又得自食又得🤤另外一盒我買左XO醬口味曲奇😛真係好XO醬呀，意想不到原來XO醬同曲奇係咁夾，啖啖香辣，夠哂惹味🤣