品曲奇 (利園二期) (已搬遷) 新店位置

PIN Cookie係香港本地自創既品牌，係創新香港風味原素既曲奇餅，口味新奇到你諗都諗唔到，好似XO醬曲奇同陳皮子薑曲奇甘。而且店家堅持用最新鮮最有特色既食材，而且全香港制作，無防腐劑，所以嚐味期限會有d短喔~我黎d甘為食既人，為左一次過試晒全部好味，就買左雜錦套裝，由包裝到曲奇都睇得出食得出係用心制作，拎黎送禮都完全無問題雜錦口味 ($208 /盒)XO醬曲奇、香辣蝦米曲奇、七味粉曲奇、蔥油雞曲奇、紅棗曲奇、杏脯迷迭香曲奇、提子花旗蔘曲奇、陳皮子薑曲奇陳皮子薑口味：有陳皮清香，好開胃提子花旗蔘口味：好香花旗蔘味，食落甘甘甜甜香辣蝦米口味：第一啖辣味突出，之後有蝦米既鹹香紅棗口味：又一養生選擇，食落有粒粒紅棗😋整體食物質素：4 / 5💰性價比：4 / 5👍推薦指數：4 / 5

最近見OpenRice都幾多人介紹這個曲奇餅，因為冇防腐劑，所以買黎試下。實體舖喺銅鑼灣，位置方便。我買咗一盒雜錦味曲奇同埋紅棗味曲奇試下。雜錦味曲奇有八種口味，xo醬、香辣蝦米，個人覺得蔥油雞味最好食，蔥味濃郁又香口！因為我唔係好食得辣，覺得香辣蝦米有啲太辣。仲有一款係提子花旗蔘味，好特別，但花旗參味就唔係個個人接受到建議第一次想試嘅朋友，可以買雜錦味試吓，每款有3塊。而且係獨立包裝，平時拎出街充肌都方便

一向都係曲奇痴，🍪尤其最鍾意食重牛油味嘅曲奇，不過最近聽朋友介紹，銅鑼灣有間曲奇餅專賣店新出咗一些令你意想不到嘅口味，好似蔥油雞、紅棗味…，我當然立刻要買嚟試吓！😋😋😋1️⃣先來第一個驚喜：個包裝真係靚到不得了，絶對可以用「型」同「潮」來形容！2️⃣再來第二個驚喜：起初仲諗緊買咩口味，原來係有雜錦口味架！即係我可以一次過試哂8款口味，開心！😍3️⃣第三個驚喜：衝擊你的味蕾 – 蔥油雞、香辣蝦米、XO醬曲奇，將中式嘅味道混入曲奇，估唔倒又幾夾喎。不過如果你怕辣，我勸你只係淺嚐香辣蝦米及XO醬這兩款，因為真係幾辣！🔥個人推价：紅棗曲奇 – 咬落去勁有口感、好煙韌，仲有香濃嘅紅棗味，係會令你停唔到口！小心！🤤🤤🤤

朋友送禮，第一次食已經愛上！尤其鍾意蔥油雞味、陳皮子薑、辣蝦米味，非常出色，從來未試過咁獨特嘅口味。最欣賞佢嘅創意，每食一塊都好似品嚐緊一道菜色咁。另一驚喜係佢唔似其他曲奇咁，好重牛油又肥膩，所以唔使一日就迅速被家人瓜分。食完之後忍唔住再親自去銅鑼灣舖買，店鋪裝修簡約，高貴又整潔，估唔到而家曲奇店都咁有品味！雜錦版有齊所有口味，可以一次過試晒，十分滿足！價錢雖然偏貴，但標榜無防腐劑，又真係超級好味，所以值得推介！

 顛覆你想像的出奇味道 特式曲奇 又鹹又辣味道出奇地好吃！ 本地曲奇餅品牌 銅鑼灣利園二期310號舖曲奇口味,越出越新奇從尺寸,延伸至各種高級食材放入曲奇內有一間本地曲奇餅店既口味就夠曬特別八種口味,完全獨創,非常特別XO醬曲奇 香辣蝦米曲奇 七味粉曲奇 蔥油雞曲奇 紅棗曲奇陳皮子薑曲奇杏脯迷迭香曲奇 花旗參提子曲奇 真正香港製造,連包裝設計都係咁獨特 包裝上有顏色去區分口味說書明上會標明是那一種味道又或者你唔好睇介紹,直接試下睇下你食唔食得出係咩味道~香辣蝦米曲奇 辣味慢慢滲出黎有種越食越想食既感覺~陳皮子薑曲奇未食已經聞到濃濃陳皮同子薑味道很特別既味道,女性朋友好喜歡吃蔥油雞曲奇 含有豐富蔥油雞香味，必定令您一試難忘ASSORTED FLAVOR雜錦口味$208.00

最近朋友推了這間新開的曲奇店，是香港人設的手工曲奇。剛好有天識人經過，讓他買回來給我試試看。一共買了兩款。第一款是紅棗曲奇，第二款是雜錦曲奇。包裝很精美，送人超得體。裡頭的紅棗乾很煙韌，很清香。曲奇很香脆，不愧是手工曲奇。雜錦曲奇有小冊子，裡頭有介紹每款曲奇。每款又有不同顏色包裝，完全不怕搞錯款式。一共8款，每款配搭都有點跟外邊不同。部分很特別，其實每款用料都足。但我最偏愛香辣蝦米跟七味粉。香蔥雞都很不錯～整體這店的產品很新穎又好吃～力推！

Follow @pigfoodiexhk for more food!🐷💛📍新派創意曲奇 -- PIN🍪平時食開嘅曲奇主要都係甜味為主，前排收到朋友送嘅pin cookies，味道非常創新，以港式風味為主題，屋企人都大讚好食😝——————⭐️雜錦口味（$288）呢個禮盒有各種口味，例如XO醬、香辣蝦米、七味粉、蔥油鷄、紅棗、提子花旗參等等😊曲奇每塊獨立包裝，食嘅時候夠晒衛生方便，又唔怕疏風，曲奇口感香脆好好食🤤Xo醬非常惹味😍蔥油鷄味好香，真係好似食緊真嘅餸一樣👍紅棗同提子花旗參味食落甘甘哋，好養生👍整體高質！——————⭐️陳皮子薑曲奇（$188）陳皮同子薑食落酸酸甜甜，好開胃👍用嚟做曲奇好match,爸爸媽媽都好中意食🙈——————整體嚟講味道創新，心意十足💛💛禮盒包裝亦好精美，送禮非常體面！而且仲係本地嘅品牌，值得支持😘——————賣相：8.1/10味道：8.3/10性價比：7.3/10回頭率：7/10——————店舖資料名稱：PIN 地址：銅鑼灣恩平道28號利園二期3樓310號舖前往方法：銅鑼灣站f1出口

今次買到呢一款曲奇真係機緣巧合，牌子唔係太出名 ，只係係OpenRice見過有介紹，今次咁岩看過朋友覺得有興趣，所以一齊買咗嚟試吓。呢一個曲奇嘅口味非常獨特，其他地方應該唔會試到，有啲好港式口味嘅XO醬 蔥油雞 香辣蝦米 杏脯等等。我絕對建議大家可以買一盒雜錦味。每一款口味都可以試。一定唔會令你失望。呢款曲奇做得比較好嘅地方係每一塊都係獨立包裝，係而家疫症時期尤其衛生，同埋佢呢款唔同一般外面嘅牛油曲奇，唔會好鬆化但係佢嘅口感係趣卜卜，相比起其他我更喜歡這款。

女朋友平時鍾意食曲奇餅今次見到呢一間有其他朋友介紹口味特別其他地方食唔到又買咗兩個俾女朋友試吓揀咗禮盒裝分別有女仔最適合的紅棗味同埋乜都有嘅雜錦禮合食晒咁多隻味道不過最好食嘅都係紅棗味裏面有紅棗乾煙煙銀銀配埋超級脆嘅曲奇餅原來有種咁特別嘅化學作用其他味道對我來講最特別嘅就係蔥油雞味食完之後真係充滿蔥油嘅感覺好有港式嘅味道感覺好似啱啱食完蔥油餅咁女朋友都覺得隻味道好正 意猶未盡如果個價錢再平啲會再吸引啲

舔舔脷指數（5分為最高）：最近，有朋友送左呢間曲奇餅嘅禮盒賀我新居入伙，仲話味道唔錯，值得一試。起初以為都係普通嘅牛油味曲奇餅，點知拆開試過之後原來有驚喜！呢款係香辣蝦米味曲奇，辣得黎蝦味又出，係我咁多口味之中最愛。如果有埋啤酒襯托簡直係一流🍻呢款係紅棗味曲奇，食落甜甜地，而且因為加入左紅棗粒嘅關係，好有口感，煙韌得黎又脆🍪最後講一講包裝，原來每一款口味都有其獨特的設計包裝，顏色鮮艷而且正正方方，非常吸晴！黎緊聖誕新年，不妨考慮買黎送禮，朋友們一定喜歡。當然買黎自己當茶點小食都得啦

今日行開銅鑼灣見到一間簡約得黎又富有色彩既曲奇鋪頭,見到咁靚就入去睇下.本土既曲奇黎黎去去都係某幾間今次終於有新鋪可以試試.店內主打港式口味既曲奇大部份真係幾新穎,一共8款口味,咩都想試既我就揀左雜錦口味同陳皮子薑味返去比兩老試下.每盒包裝都以一個正正方方既盒裝上,每款口味都有唔同圖案係盒面上,淨係包裝已經拎晒滿分.雜錦內既8款口味有:1.提子花旗蔘內裏會食到粒粒好香甜既提子乾,花旗蔘味唔算濃所以食落都唔會有苦澀味.2.香辣蝦米鍾意辣既人一定好鍾意！未入口打開果刻已經聞到超香既蝦米味,曲奇中間仲壓左一隻完整既蝦乾係入面,入口惹味香濃,辣味都幾出,食完仲有陣好香既辣蝦乾係口腔內.3.紅棗曲奇內既紅棗肉真係好多,入口紅棗既甜味好豐富得黎又唔會過甜.4.杏脯迷迭香係曲奇外層加上粒粒糖粒,入口多左層脆口感,杏脯肉味都幾香甜得黎帶點果酸香.5.蔥油雞係我最鍾意既味道之一,入口蔥油味十分濃,蔥香味好突出再配上真係帶點雞既香味感覺唔會膩之餘又夠香6.6.七味粉帶好香既辣粉味,內裏有粒粒芝麻香,味道就真係七味粉既味道,多左陣牛油曲奇既味道.7.陳皮子薑兩老都叫好既口味,入口帶粒粒子薑乾入口甜得黎陣薑味

由外到內都充滿玩味嘅曲奇！😏 睇佢簡介仲要係Made In Hong Kong! 唔係唔試下呀嘛？包裝好精美又得體～ 拆開係兩個色彩繽紛嘅正方盒仔👍🏻 仲有獨立包裝，用黎送禮一流！呢啲味道嘅曲奇真係第一次見！一於試下有冇驚喜先😋彩色盒係雜錦口味💛 有8種口味！全部都超級有特色！曲奇質地係比較硬淨，咬落都酥脆！排名分先後😆 跟據我喜愛嘅口味～🍪蔥油雞曲奇：係勁香！平日喜歡食蔥油嘅一定唔會失望！🍪陳皮子薑曲奇：有驚喜！不嬲麻麻地子薑嘅我竟然覺得唔錯👍🏻 陳皮有咬口～ 子薑辣辣地～ 幾開胃得意！🍪香辣蝦米曲奇：真係有隻蝦米仔架🤣 幾鮮味😋🍪七味粉曲奇：平日鐘意七味粉味嘅必食！🍪XO醬曲奇：勁香XO醬味😋 好惹味，一食食左兩塊🍪紅棗曲奇：淡淡紅棗味，甜甜地👍🏻🍪提子花旗蔘曲奇：濃濃花旗蔘味！同紅棗一樣，有健康養生的味道😆 🍪杏脯迷迭香曲奇：呢個都有驚喜👍🏻 好香，配有糖粒，乾果咬落煙煙韌又有甜味～另一盒就係陳皮子薑曲奇～ 正👍🏻咁有創意又地道風味嘅曲奇真係第一次食！仲有Made in HK💛 曲奇愛好者必試！

今日朋友仔有盒幾特別嘅曲奇話想同我哋分享，抱住個好好奇的心情去見到個包裝幾特別好有送禮feel，包裝紅當當好精美左手邊個盒係雜錦曲奇，而右手邊個盒係紅棗曲奇盒子裡還有介紹每一款曲奇產品紅棗對每位女仕都知道係好嘢黎架啦，但食曲奇都可以吸收到補身產品，都係首次XO醬曲奇、陳皮子薑曲奇陳皮子薑較特別，平時陳皮 會係由媽媽下廚時的材料，今日可以一路食曲奇一路享受陳皮味香辣蝦米曲奇一望就知係呢一塊，有成隻蝦米向面頭帶有少少香辣，提升左蝦米鮮味七味粉曲奇平時今日本拉麵會落嘅七味粉，今日成為了曲奇的一仲口味幾匹配創意無限曲奇入口鬆化，獨立包裝，色彩繽紛，最緊要係無防腐劑

平時自己唔多好食零食，但對曲奇就無法抗拒，特別係牛油曲奇！最近去朋友屋企聚餐，佢就叫我試下佢新買嘅呢款主打香港風味嘅曲奇。我試食香辣蝦米味，辣味唔會蓋過蝦米原來嘅香味，幾脆口，同時個辣幾到位(我係好食辣嘅)，我食咗2塊都要收手🥵。本身對呢個曲奇就無太大好感，但比預期有驚喜。早幾日咁啱經過利園，我自己去睇，仲揀咗雜錦口味($208/盒)返屋企同媽咪一齊試，有齊8隻口味。之前試香辣蝦米，因為都幾辣，就1塊起2塊止。呢個曲奇，唔係屬於鬆化果d，比較酥脆。呢次自己試埋其他口味，個人最鐘意就係蔥油雞一打開包裝就聞到好香嘅味道，真係好似有碟蔥油雞放係面前咁，酥脆口感，食多2塊都唔會覺得膩。我最鍾意嘅口味: 蔥油雞、香辣蝦米其他養生d嘅口味，媽咪最鍾意😊

今日試咗款新出嘅本地品牌曲奇，因為本人不太好曲奇，本來興趣不大，但當我見到佢啲口味如此獨特就跳起咗我嘅興趣，順道支持下本地品牌。啲曲奇嘅口味有幾獨特，你可以睇下，紅棗、陳皮子薑、花旗參提子、杏脯迷迭香聽落都可以想像到作為曲奇嘅口味，由於平時我地食嘅曲奇都是以甜居多，但係接下來的香辣蝦米、蔥油雞、XO醬同埋七味粉真係難以想像。一盒雜錦就可以試曬所有口味，包裝設計都幾新潮，做禮物幾好。曲奇水準高，入口香脆，鬆化。所有口味入面花旗參提子，紅棗，杏脯迷迭香味道算得上比較清淡，可能本身唔太鍾意花旗參嘅味道，紅棗同埋迷迭香嘅清香味道反而比較吸引。陳皮子薑口味嘅味道開始變重，本身鍾意薑味，所以呢個口味中子薑嘅味道比陳皮味重係得我歡心。XO醬味入口前會以為味道會好重，但食過後係淡淡嘅XO醬香味，最後會有少少XO醬嘅辣味留於口內，出乎意料吸引。蔥油雞口味就有少少似雞仔餅，如果鍾意雞仔餅當唔想咁油膩，呢款曲奇會係一個新選擇。香辣蝦米同埋七味粉兩個口味都比較辣，本身唔係辣得之人，所以不得我心，但係呢兩款口味係辣同埋曲奇嘅香味之間都取到平衡，鍾意辣嘢可以一試。