品穀

營業中

休息中

睇到食評話白加士街有間好食飽鋪，今日來到已經有六七個人排隊， 匆匆夾了麵包就排隊比錢， 由於鋪頭細又擺好多麵包架，搞到企喺入面揀麵包唔舒服想快啲離開， 其實佢擺喺舖頭中間個麵包㗎係唔係可以擺埋啲，因為門口入嚟排隊真係好迫呀！買了芝麻牛角包 $28, 佢即刻幫你唧啲芝麻cream入去, 佢叫我快啲食, 不過雖然牛角包好脆好鬆化，但係牛油香味好似唔夠香,不過整體嚟講都算係ok好食！ 另外買左個提子包仲未食， anyways, 兩個包加埋 $51, 其實如果以呢個價錢，我認為有好多呢類高質素的飽鋪，希望佢哋改善一下鋪頭擠迫問題，同埋出多啲唔同麵包嘅款式。

呢個牛角包賣到咁貴，梗系要試下佢啦💁抹茶牛角包用左法國傳統麵粉，製成有25層酥，食落吾會系空心嘅，鬆軟得黎帶有麥香味～加上買完麵包後佢地會即刻唧入新鮮抹茶忌廉🍵防止麵包淋身😉😊😊😊😊😊😊抹茶鮮忌廉用咗法國忌廉同丸久小山園嘅龍膽抹茶🍵又經過雪藏，所以咬落去仲有涼涼地嘅口感🙂忌廉抹茶味甘香，相信抹茶控都會滿意！加上牛角包上嘅白朱力甜度，剛好中和抹茶嘅甘味💗💓💓💓💓💓💓💓💓

佢哋嘅牛角包都仲係超級好食，雖然面頭有啲白朱古力喺度但其實係完全乜味都冇。雖然抹茶同牛角包呢個組合好創新，不過小編就唔係好欣賞啦！首先值得一讚嘅係佢中間嘅抹茶忌廉，抹茶味真係好重小編覺得自己好似食咗成支抹茶粉落肚咁。但係同牛角包夾埋一齊，成個包嘅Focus就會去咗抹茶到，完全食唔出牛角包應有嘅牛油味。不過與此同時因為抹茶味好重，所以完全食唔出牛角包好油膩嘅感覺。小編覺得黑芝麻同埋牛角包真係好夾。首先牛角包方面，佢哋嘅牛角包鬆軟，牛油味極重。不過食落就唔係好食得出有竹炭嘅味。而且佢哋嘅牛角包都幾大個下，食一個已經飽左九成。而佢中間嘅黑芝麻忌廉亦都超級正，黑芝麻味好香，忌廉亦都好滑身。小編真係極之咁鍾意呢個芝麻牛角啊！而佢哋兩這夾埋都唔會搶咗大家嘅味，入口會有好香嘅黑芝麻味，而且角包嘅牛油味就會慢慢出嚟，真係完全估唔到原來黑芝麻同埋牛角包係可以咁夾架！小編覺得佢哋嘅 Bagel 軟硬適中，而且都幾煙un下。另外入面有啲雜莓醬係度酸酸甜甜咁，而且仲有啲紅莓乾係表面口感真係超豐富。雜莓醬既份量都幾多下而且分佈都幾平均，唔會話食到某D地方冇咗雜莓既味。

作為一個不折不扣嘅包控，見到有特色嘅包就會好想試！ 見到品穀嘅特色流心牛角包真心覺得唔可以唔試😍😍😍😍😍好多時候會期望越大失望越大，不過我同你講我覺得哩個牛角包係世界級咁好食💕💕💕💕 原來佢係澳牛隔離，我六點半去到其實預咗流心包會賣哂，去到都係撞下彩😶點知去到竟然仲有芝麻牛角包！雖然我想試綠茶多啲，不過都冇所為啦，因為芝麻味都好好食🙈勁推啊！下次會再早啲去買綠茶味🍵🍵🍵Ps. 店員好好人😚

佐敦區原本已經有很多傳統地道的美食，現在更是多了很多特別小店咖啡室，可以話滿足到唔到年齡層的需求今日要到尖沙咀，心血來潮想起一直想試這家的抺茶牛角包，所以提早一點出門先到佐敦碰碰運氣(據說這家經常大排人龍很快售罄)店舖位置很易找到，店舖不大，但包的種類也不少呀，幸運今天竟然不用迫人，牛角包貨量充足。身為牛角包與抺茶控當然首選此行目標<抺茶牛角包>買後店員拎到廚房內由師傅再即時加入鮮忌廉，一出店我便即時食用了。據說牛角包酥皮有二十多層，一咬下去算脆口但不是平常牛角包那種鬆脆，是因為用天然酵母麵粉因素嗎？我不太懂，只能形容每次食平常麵包店的包，通常食後會覺得口中留有奇怪的咪道，但每次食天然酵母製成的就沒有，而包亦好像多了點QQ 的口感。我第二口才咬到內面的抹茶Cream Cream 滑滑涼涼的，而且份量超多，食的時候要預備定紙巾，小心變花面貓，我之後選擇用手撕開一塊塊來吃，因不想弄花化好的妝包的Size 比一般牛角包大，不是現在“流行”的空氣包，女孩子一人食已經足夠飽，說實在$28的價錢略貴，但若果買回家沖一杯茶或咖啡，用另一態度再慢慢享受食用，感覺是值得的牛角包味道合格有

因為100毛而一夜成名的麵包店聽說麵包長期清哂，某日特地平日下午3時左右來買下午3時也相當人頭湧湧 買了幾種麵包左 「傳統法棍」 右「香港法棍」坦白說，我是為了法棍而來的，不過可能期望太高，有點失落。兩種外層都不夠脆，入面也不太鬆軟。sogo 留下間麵包店 DonQ 的法包是一拎上手輕輕一握就聽到外層 " shak" 一聲，入面既麵包即好柔軟。這兒的法包沒有呢個效果。要說傳統同香港法棍的分別，就是左的小麥味較重，右的即外層脆同薄少少。紅豆包一般日式紅豆包是用豆沙餡的，這兒即是原粒紅豆，感覺似食紅豆冰的紅豆，甜度也比日式的低好多，有驚喜，不錯 ！不過嚐甜的人應該覺得偏淡。霖酒提子包甜酒味很出，這個包即屬於甜包的一種。各種包甜度不同大家就可以按個人口味選擇，也不錯！拉絲方包每次去新麵包店也會買方包試試基本工。今次買左咁多麵包，最喜歡的這個方包，柔軟度，質感，咸甜比例也很好。這個方包我很滿意。品穀 vs 麵包緣 vs Sogo DonQ對比3 間近期比較出名的麵包店 麵包緣： 麵包本質比較煙un, 配料搭配既包（如朱古力，紅豆/黑豆）是3間最好食Sogo DonQ : 法棍仍是我認為全港最好

趁住今日下晏得閒，賴生靜靜雞出發去佐敦準備小驚喜，等一陣接屈小姐放工果陣比個Surprise佢（其實賴生覺得有個爲食既女朋友真心好好嫁  睇尼屈小姐平時肯定落左好多好多迷藥落賴生度），賴生今次就睇定晒所有野，做足功課咁黎到《品穀》，一間屈小姐最近經常掛係嘴邊既麵包舖身為抹茶迷+麵包迷既屈小姐最最最想試到《品穀》最新推出既《流心抹茶牛》，而賴生知道佢每日逢1330同1530就會出爐，所以賴生已經盡快趕到現場好可惜⋯慢左14分鐘既關係，賴生見到一名女士疑似買左4個《流心抹茶牛》導致斷貨，賴生只好退而求其次買左另一款新推出既《流心芝麻牛》，臨走前店員好心提示我要即刻食，不過Sorry ar，賴生知道你既好意同用心，但佢都係決定等埋屈小姐放工一齊先食等左大約4個鐘之後，屈小姐終於放工啦，佢見到個《流心芝麻牛》就即刻展露開心而爲食既笑容，究竟呢個包好唔好食呢？就等我地為你揭曉：1）流心芝麻牛角包（攤凍左食版）：4.5⭐️雖然攤凍左成4個鐘，但一打開個袋已經芝麻香撲鼻，更正既係牛角包個表面係仲脆嫁！屈小姐同賴生咬落去果陣，麵包碎四濺，真心覺得呢個牛角包做得好好！可以想像到熱辣辣既時候有幾脆！ 而且攤

平時路過門口都是排隊，今日經過終於可以等一等，品嘗一個令人回味的牛角包。賣相吸引，顏色金黃，不油不膩。質地酥脆，內裡包含以黑芝麻粉打成鮮忌廉，香濃芝麻味搭配得非常好，不會食到滿口都是油，而鮮忌廉不會太甜，令牛角包更有特色。雖然價錢比較貴，但是值得一試，下次經過一定會心思思再買再食。

🥖芝士溶岩。$18有4種唔同芝士，芝士味好濃，包括有旺倫芝士、水牛芝士&2種車打芝士除左溶左既芝士係面，入面仲有好多芝士粒粒。🧀🍞冧酒葡萄。$17面包充滿黑冧酒香，粒粒被白蘭地浸過的葡萄，好正，面包好松軟‼️以上係12:30pm買‼️之後知道牛角酥要1:30pm至出爐我地惟有行下再買過🥐抹茶牛角、芝士牛角。$28呢個難怪最出名，真係好好食！本來我好抗拒牛角酥，因為知好多反式脂肪好肥無益。但一場黎到，總要試下！🤔買完之後要攞票稍等，因為需要經師傅再新鮮擠入芝麻或抹茶忌廉牛角酥個酥皮勁脆有層次，又唔會食到成口油，D忌廉好滑又唔會太甜，面頭有d脆朱古力，增加口感，牛角包整體是滿分的。好釆最後一個抹茶味比我地買到

此店長期也是在外邊大排長龍，因老闆兩兄弟靚仔之餘，做麵包亦好有Heart，堅持以健康為宗旨制作高品質﹑高纖的烘焙食品。基本上每天的烘焙食品早早賣完，有些更要在特定時間才出爐的!我買到的是最後一件濃黑可哥布裡歐加黑冧酒Choco Cacao既是麵包又是甜品，雪糕cone的外型，加上一支黑冧酒(Dark Rum)滴滴，玩味十足!麵包表面有一層朱古力甘那許 (Ganache)，即是以朱古力與新鮮奶油混合製成的夾心體。當中的朱古力比例成分越高，ganache越偏硬固體。店員提醒，將帶苦的黑冧酒要「吱」在Choco cacao不同點才均勻酒味。喔~ 這是……? 

這間佐敦麵包店「品穀」，上次中午路過想幫襯卻大排長龍，今次平日下午來終於不用排隊可以慢慢揀！這個名叫「濃黑可可」的朱古力包非常軟熟，而且口感實在，絕不是空氣包，除了裡面有半溶的朱古力粒之外，外層還淋上60%的黑朱古力醬！當然，重點是插在麵包上的Dark Rum，可隨著喜好注入麵包任何部分，令麵包濕潤一點，食落不會太乾，Rum酒跟黑朱古力味道亦都好鬼夾，整體不會太甜。欣賞店方的創意和細心，客人可以選擇要一個cone來放上這個朱古力包，除了方便相機食先，衛生方面客人也不怕會弄髒雙手，值得一讚！

曾在短時間售罄的麵包，排到都買唔到，今日剛巧經過，見無咩人排隊，就買左四個包，$85,都真係幾貴款式不多，我買左:1.兩個經典牛角色($23/個), 夾個時已經知佢好脆，都擔心會唔會脆到裡面可能無包食，不過原來真係外脆內軟，食到好香牛油既麵包味，份量足2.另一個有hazelnut 朱古力既牛角包($25),里個既口感同經典牛角包都一樣，係多左朱古力係裡面，里個包，我隔左兩三個鐘先食，但外面仲係脆，都食到包既牛油香味，係un左dd，相信放入焗爐reheat一樣好味，份量足3.最後蔥油蝦子包（$14)，好香既葱油味，蝦子味就食唔到，應該係比葱油既味搶左，浪費了蝦子，可能賣相無咁齋，有d紅紅地，包比較細個，里個包係焗爐reheat 再食，reheat 都無特別乾，不錯！我覺得麵包係做得不錯，味道都好，新鮮，但唔太食得出個分別，價錢相對地貴，比起外面大牌子既包店，或者我會選擇大牌子既包始終有點比上不足 比下有餘既感覺，味道唔差得遠，價錢有d差別，我不是愛食包既fans,係中二試新食物，如果食麵包要食得健康，對我來說又不是現在最大考慮既問題😊反而係比出既價錢比得值唔值

係佐敦食完午餐，就行左一陣街，醒起佐敦附近有間都算新開又近期好出名嘅麵包店，所以順道去揾一下，因為佢出名係酵母菌制作嘅麵包，制作出品都好認真，好多人慕名而來，我都一樣係個麵包控，所以真係要試下。去到裡面好多人，不需要排隊，地方比較細，但好整潔，麵包都有成20 款，仲有自家出品嘅核桃醬，好似好正咁播我買左下圖嘅骰仔包$24 四四方方，肉眼估計大約 3.5'x 3.5' , 好軟熟，好好食，好多粒粒朱古力，好重朱古力味但唔太覺d咖啡味，可能已經溶為一體仲有下圖：肉鬆皇冠 都係好好食， 可惜肉鬆太少，但好香，有芝士香味，同肉鬆好夾，所以好正麵包整體上係好食架，唔錯。

佐敦呢間人氣麵包店「品穀」位於「澳牛」附近，印象中好似在電視節目中看過其出品，這天經過正好一試。店面光猛乾淨，看麵包種類應是走日本和台灣風，但歐式麵包也有不少選擇。水準不俗，買了一個蕃茄煙肉比高及芝士溶岩包都OK，前者富咬口，屬我喜歡的硬度，而蕃茄亦令這個bagel添加清新的感覺。而芝士溶岩則勝在用料實在，應用了幾種芝士的配搭。不過，最令我印象深刻的，是樣子像甜筒的Choco Cacao。呢個包用黑朱古力及可可粉等造成，放在個硬紙筒上，還有少少的dark rum酒比你注入麵包內，味道雖然並非好味到冇人有，但至少有趣好玩，造型突出，扼Like一流也！

我其實已經去食澳牛時經過幾次，佢都勁誇張賣曬麵包，得番長法包。今次我好早去10am,終於得試佢既牛角包。我揀左有hazrlnut jam響入面果隻。拎番屋企，即刻拎出黎試！哇，不得了！花生既香脆，加埋牛油濃香同脆囗又層次分明既皮，係我食過最好味既牛角包。美中不足係個hazelnut jam好乾。另一款包係earl grey提子，淡淡既茶味配香甜大粒提子乾，都不錯吃。