品越越式料理 (遠東金融中心)

營業中

休息中

Authentic cuisine (whether Vietnamese or others) generally commands high prices in Hong Kong.... BUT La’Taste manages to provide Viet cuisine at much LOWER PRICE.... and still doesn’t lag far behind in terms of taste!. No wonder they have so many branches.... I haven’t even visited ALL of them yet!This time it was a delivery order to the office via online dining platform (Probably the best App among its peers). The RICE PAPER ROLL (Grilled King Prawn and Salad filling) was the best item in my

今日係金鐘返工, Lunch 唔知食咩好, 同事就帶咗我去遠東金融中心地下舖食越南菜! 咁啱到咗下午茶時段, 我哋就可以食平啲叫下午茶阿咩風味炒飯 $63 ~ 蟹肉都算多, 雞肉同扎肉食嘅增加咗口感, 味道似蕃茄醬加美極鮮醬油炒的飯香茅燒雞肉串撈檬 $51 ~ 撈檬份量都幾多, 雞肉串燒得幾香, 啖啖肉, 配埋個花生醬汁食幾好味! 品越小食併盆 $82 ~ 併盆有迷你春卷 - 炸得好香脆爽口, 食嘅時候"索索"聲, 雞全翼 - 醃得唔錯夠入味, 但肉質燒得較乾, 素菜紙米卷 - 餡料豐富 , 清新可口, 中和咗雞翼同春卷嘅油膩感!

今日同同事一行五個人去食lunch, 一坐低就叫嘢食，啲嘢食好快就嚟，但係可能係整定既關係啦，個湯係唔太熱既，碗皇牌牛河最特色既地方就係啲牛肉特別生，因為湯唔夠熱，到食完成碗粉，啲牛肉都仲係半透明既粉紅色不過最大可憐既係我地食咗二十幾分鐘，岩岩食曬主菜開始飲嘢，waiter就出張單黎叫我地埋咗佢……過兩分鐘waiter又嚟催，話繁忙時間叫我地快啲埋單吓？真係要食完嘢就即刻隊曬杯嘢飲佢？咁繁忙不如唔好做堂食吖最後我地出到門口發現係無人排緊隊既唔知D staff係咪自己太大壓力要D客感受吓？咁樣食嘢法太辛苦喇！

品越門面不錯，裝潢優雅光鮮，樓底又高，吸引了我一行人入去一試，店裡只有兩桌客人價錢不算便宜，如果叫套餐，基本上都人均$200+消費因此散叫幾樣算吧，畢竟第一次光顧如圖所示，十分普通同求其，$58絕不值得蒸粉卷唯一優點是夠熱，味道一般偏淡，扎肉粗糙、無特別這個賣相較佳，比前兩道菜好，不過和其他越南餐廳比較，腦海裡隨便想想也已經有3、4間做得比品越更加出色湯河算是當晚比較滿意的食物，不過湯底較重手，越食越咸，河粉也不夠幼滑，越棧、青越亭都更加優勝咖哩味道合格，惟肉量偏少。而額外叫的薄餅極難食，口感糊口粉狀、難以入口，和恆河咖哩屋比，一個天一個地由於食物質素與店鋪格調不符、有很大落差，縱然未飽肚，也不敢再點菜了，飲品也沒有信心一試。整體來說，價錢偏貴、好睇唔好食、味道非常一般，只能靠環境裝修及地段扳回分數，如果想真心品嚐越南菜，品越可能未必滿足到。

香港地越來越多人，想坐得舒舒服服食物價錢又ok的餐廳都好難找。昨天去了海洋公園Halloween之後到了金鐘這間分店食dinner,叫了一個廚師推介二人餐，總括來說都幾好吃，可以encore!

今天約了好友在金鐘食晏，我們都打算吃完飯，就去行街街，所以，近近地又平平地選了這間餐廳！但這間餐廳的客戶體驗實在很差！要知道我是一個連「澳洲牛奶公司」餐廳的阿叔，我都覺得ok的人！😹在我們短短的45分鐘的用餐時間，侍應不斷催促點食物、點飲品及埋單！真是令人很難接受！其實，這間餐廳食物是ok的，但它這種服務態度實在太過分！如果您想在食晏時間輕輕鬆鬆的話，就千萬不要選這間餐廳，佢會令您精神超級緊張及好有壓力！

平時午市都大排長龍，久久未有機會一試。今日三點三下午茶時間見餓餓地，走去買左個下午茶外賣食。佢個下午茶套餐喺金鐘黎講唔算貴但對比灣仔區會貴少少，但勝有夠精緻，味道亦唔錯，正所謂，睇得又食得😋下午茶套餐都有十幾款選擇，不過全部都係比較飽肚既選擇，如果未食lunch，就最啱當late lunch食👍🏻👍🏻今日凍凍地我就揀左生牛湯河🍲，原來佢外賣都會好有誠意咁幫我分埋湯，仲會配埋辣椒🌶️+青擰🍋，食落味道更加豐富😌碗河粉分量都幾多，一個女仔未必食得晒。另外套餐可以加$轉特飲，而啲特飲都幾好飲，今次我揀左紅棗桂圓茶，幾滋潤又唔太甜最啱近排凍凍地飲☕️

It wasn't our intention to come here but the sushi restaurant next door is under renovation so here we are.environment is good, being is the business district, there isn't much night customers here for dinner.I'd imagine it's more popping at lunch hours.We got stir fried veggiesBeef phoAnd crab noodles in tomato broth. The food is ok, my crab noodles was a bit un-fresh tasting, everything else ok.

由於係金鐘上堂嘅關係，小妹難得一見係金鐘食晏😚話說，午飯時間嘅金鐘真係唔講得笑。。lab concept 除咗人，就只係見到人😵小妹暗自期求他朝唔會有係金鐘返工嘅一日行行行，openrice 見到呢間越南嘢好似ok wo，行過去睇睇先。拎飛，見到幾十張真係笑了🤣好彩店員哥哥好人，見我一個人就攝個位俾我Set lunch 有唔少選擇嘅我選擇散叫一個雞絲湯河湯底唔會好濃，鍾意呢款河粉，帶透明嘅份量算多，我食完都好飽喇

第一次黎。。。諗住過哂午飯時間會好d。失望。除左大把位之外真係麻麻地。湯底無味, 想加味枱頭又無醬料。薄荷葉青檸梳打黎到就只係得青檸, 仲要由等碗粉(因開頭搞錯左)到食完碗粉先至拎到黎。

之前黎過幾次大多數下午茶時段，今日來吃個午餐先。一個人，所以只點了軟殼蟹扎肉湯檬。今次有點失望，可能午飯時間，蟹預先炸好，漿粉索晒油，咬落去口感好油，又唔熱。 食到蟹身，雖然有膏，唔知係蟹唔新鮮或是炸了一段時間，好”醒“。扎肉就不過不失，正常味。個檬粉都幾大碗，湯有點淡，但加了青檸汁，辣椒後就帶出咗湯既香咪，略嫌唔夠香葉味，如果加多兩片金不換就very good.餐飲熱檸茶，茶冇茶味好似飲緊檸水😲其實之前黎過幾次，多數食生牛肉檬，今次轉口味就出事😫

🌺🌺🌺🌺🌺春花見🌾半日仙🌹🌹🌹🌹🌹🌸🌸🌸🌸🌸🌸🌸🌸🌸🌸🌸🌸🌸🌸🌸🌸春花錦繡與窗連，偷閑半天。好相見，吐千言，齊互勉。餐牌食品多款式，有大轉變。乾撈檬勝於粉麪，香茅豬扒熱騰騰，鑊氣夠，是剛煎，等了很久才放我於面前。可惜魚露汁太淡，不似汁獻。越南湯粉的牛肉鮮，湯沸生煙，湯水烹煮，調味卻欠了幾份誠虔，水準不及往年。下午茶客少，清淨勝喜宴。蒸粉卷幼滑如米線，碎粒好吃，刀功明顯。咖啡大杯，足夠半日說地談天，宜轉換為即磨，略花本錢。更應該是下午茶加一豁免。晚餐亦變遷，菜式多魚蝦蟹蜆。可笑是對面，政總立會互相傾軋諸位俊彥，爭鬥如顛。不知一片法包勝卻一頂官冕。好一間浪漫法國殖民地情懷食軒，食品中等質素，不作特別推薦。

今天點左越式扎肉湯濛，好大碗湯濛，好多餸但係我略嫌味道淡了一點，所以即刻加佢隨附的辣椒粒Wah~我冇諗過佢地味道會咁match~成碗湯濛d味道即刻出哂，要再encore ar !!!

食物質素, 我覺得比起中環店真係差一大截。是日我叫了一客火車頭粉, 只有2粒牛丸, 2片牛展, 2片生牛肉同少量牛柏業, 份量比以前感覺少了, 芽菜又冇乜。牛丸吃得出還有一點點雪藏味道, 牛展冇牛味又薄身, 牛柏業切得太細, 完全食唔出味道, 口感偏硬。總括而言, 全部配料冇乜味道, 沒甚麼鮮味可言, 而湯底亦是味精味道偏重, 沒有牛味。只有賣相沒有真材實精的一餐飯!雖然WEEKDAY在金鐘真係好難搵食, 但係我下次就唔會再來囉, D野食味道退步, 服務又差。

放假, 亦放晴! 唔去親親大自然, 還待何時?泊定架車係美利道停車場, 一路上山頂港督的秘密花園進發, 一來一回, 回到金鐘午飯時段早已過。行過隔籬遠東, 發覺地下轉角位竟然有間品越, 堅好!一入內, 店員即時熱情招呼。店內食客不多, 應我要求, 安排坐在最入窗口位, 要左杯水。叫左碟越式炒金邊粉雖然係下午茶時段, 但份量不但大, 而且用料豐富! 俾個LIKE你!無特別交待少油, 但都一D都唔油, 炒到好乾身, 可見廚師功力。香噴噴, 連伴碟都好用心。再來加錢叫左杯紅豆冰唔太甜, 紅豆唔孤寒, 再俾個LIKE你!靜靜地看著電子書, 侍應不時主動加水, 服務一流, 坐到唔想走。呢間已被列入2016年首間驚喜之食店, 無論環境, 食物以致服務都屬上乘, 絕對會一來再來。出邊個小公園不時有男男女女食煙, 香煙不是我的菜, 偶然有靚女入眼, 卻不失風景一道。