哈佬燒烤川味

營業中

休息中

自從去年搬出元朗後，也很少入來。今日約了住在元朗嘅朋友，才重遊舊地。住在元朗的時候，美食百花齊放，與現在相比，感覺比以前變得冷清，一些美食的小店也巳不存在了。今晚我哋一行六人，朋友們都是愛好食川菜，印象之中，有間幾好吃，便一行去看看運氣，看看還存在與否，幸好今晚有食神，對，這間小店的名字是哈佬燒烤川味。來到這裡，我們一人點一樣菜式。 1.      招牌推介 - 辣子拼盤 (大腸、鴨舌、雞軟骨)高溫炸至甘香酥脆，入口咸香，椒鹽味岩岩好，少少微辣，真係食到停唔到口，送酒一流 2.      水煮毛血旺 （有豬腸，豬肚，豬紅，鮮魷，牛柏葉，菇，芽菜，薯粉）吸取上次小辣嘅教訓，今次嗌bb辣！一樣咁好食，朋友還添加了薯粉 3.      乾鍋王鱔 - 有向朋友平時從來唔中意食鱔，今次食到唔停口，超爽口彈牙，直頭脆身，大大件鱔，啖啖肉，骨都無！4.      虎皮尖椒 - 沒有估計甘好食，一食就不得了，真心好食。 5.      口水雞 - 口水雞滑，香濃味道洽到好處、不會過濃、過辣或過咸, 惹味6.      萵筍炒牛肉 - 心機之作，獲氣夠，好好味 也要讚揚一位店員的態度，她很好！見我們冇紙

位於朗屏 鋪位細細 次次都係嗌 泡椒酸菜江豚魚煱(少辣) 外賣 (烤魚 寬粉分上) 烤魚烤得恰到好處 放湯後還有小小脆口的感覺真係冇得頂💪今次仲試過佢嘅魔鬼炒蜆 3月嘅優惠 只係需要38蚊/份😱 蜆肉好新鮮， 隻隻都飽滿 冇欺客! 醬汁超好味呀! 食淨嘅醬汁都唔捨得用嚟撈麵食曬佢添🤪 幫襯咗幾年 質素仲係keep得好好 試過其他店舖烤魚質素都下降。 keep到繼續好嘅 店舖唔多有機會一定要試下堂食。酥炸小吃也不錯 大大碟送啤酒一流🍻

今次試呢間四川小菜包括叫了1. 魔鬼炒蜆呢個我同朋友一致認為係最好食，蜆汁做得好出色，辣辣地嘅豉椒味，每一隻蜆嘅肉都係好新鮮，惟比較細隻。2.萵筍炒牛肉萵筍炒牛肉就中規中矩3.蜜桃生炒骨生炒骨嘅味道，酸酸甜甜，整體不錯4. 酸菜魚（生魚）魚嘅份量唔算多，生魚嘅骨相對比較少，方便進食，湯底都夠酸辣。😋

每當我好想食川菜，都會諗起呢間餐廳，除左店名夠曬記憶點之外，食物質素亦好有水準，只係地方比較僻靜，但仍然吸引唔少食客捧場。辣子拼盤(大腸、鴨舌、雞軟骨)高溫炸至甘香酥脆，入口咸香，椒鹽味岩岩好，少少微辣，真係食到停唔到口。大腸同雞軟骨既油脂比較多，但食落唔會成日油，炸得好乾身，唔食唔知，原來炸鴨舌係非常惹味，呢個菜式跟埋啤酒一齊食，爽！碟面有大量辣椒，其實係香多過辣，辣度算係BB辣，就算唔食得辣既朋友仔都一定食到。香蒜炸子雞半隻呢味餸係有緣先食到既菜式，因為唔係每日都供應，有既話絕對值得一試。雞皮炸到脆卜卜，雞肉又唔會過熟，連皮一齊食，雞油油脂既香味同雞肉融為一體，再點埋薑蔥蒜熟油豉油，有香料同醬油配襯，味道更加豐富。蓮藕炒咸肉小菜夠鑊氣，用蒜粒香芹爆炒，一上菜就聞到好香，味道咸中帶甜，偏甜多，咸肉比較肥。如果鍾意咸香多d/怕肥既朋友仔可以叫其他小炒試下。呢間餐廳既炸物同椒鹽都做得唔錯，如果你第一次來食既話記得試下。其實餐廳仲有好多菜式都好吸引，見到隔離枱上菜，都會俾香味同外觀吸引，令你不自覺望多兩眼🤤另外溫馨提示下大家，呢度1900左右就開始多人，店舖有兩層，地下多數無位，要上二樓，

💫川味小店一試難忘✨朋友真係要見㗎 🤣，如果唔係約佐住元朗嘅你們，我真係唔知原來呢度有咁正宗嘅川菜，今晚每一道菜式都好出色，全屬心機之作，好好味 😆哈佬燒烤川味 樓高 2 層，但面積不大，上下層合共不超過 10 張 4 人枱，環境與一般小店無異，但出品卻驚喜連連1) 香蒜炸子雞皮脆肉嫩兼爆汁，好味指數爆哂燈，但最少一天前要預訂，無得即場嗌的 🧐2) 魔鬼炒蜆辣味十足，香氣四溢，非一般豉椒炒蜆可比美，一試便知龍與鳳 😊3) 椒鹽豆腐拼雞軟骨前者香脆，後者酥香，絕配 👍4) 尖椒皮蛋味道濃郁，佐酒首選 🍺5) 菠蘿咕嚕肉肉質不肥不膩，火喉控制一流 😙6) 水煮牛肉麻麻辣辣，牛肉嫩滑 😋7) 水煮鯇魚片香氣撲鼻，魚肉鮮甜 🤤整體而言，如果大家喜歡食川菜的話，呢度嘅菜式絕對唔會失望，每碟嘅 size 亦不少，非常足料。😝我的飯後感 ......大。滿。足 😁

元朗食店開到成行成市，尤其是川菜、辣魚…..朗屏呢間小炒店，包羅萬有，人人都唸到想食嘅，又唔會太多規矩😜地膽當然係會去返吾駛點宣傳，自然有人去嘅食店！小店經營，鋪面吾太，老板用心炮製，如果想勁辣，包你啱好味😋得閒要食下辣野剌激返啲味蕾，如果食得辣呢間啱曬你😂，四個人去食最好，因為啲嘢好大碟，可以試多幾味beer beer佢😊❤️我就少辣已經夠尖椒腩肉干鍋大腸水煮魚必食推介椒鹽拼盤必食推介炒萵筍必食推介魔鬼炒蜆

話說有一日突然想食辣野，跟著就誤打誤撞咁搵到呢間小店，佢哋個招牌好有趣，同平時睇路口牌差不多🤣完全唔似招牌，好啦講返間小店，一入門口真係得幾張枱，好好彩我冇訂位既情況下，啱啱有張枱🙏咁我睇餐牌上面好多食物都好吸引，但係我得兩個人，所以只可以食幾款，咁最後揀咗辣子雞，干鍋肥腸，水煮水魚，虎皮尖椒，唔試由自可，一食就不得了，真心好食，兩個人四碟餸都全部清晒🤣🤣🤣所以我又搵到我食辣野既飯堂啦😆

係元朗，好多好野食，可以講得上係咩都有得食，呢排比較鍾意既就係呢間哈佬燒烤川味，佢既川菜味道係十分香，第一次去食嗰陣，聞到係廚房傳出黎既川辣味，即刻流晒口水。當中好食既就係個辣子雞，佢又唔係好辣，但係個雞肉味好鮮好香好鮮。個酸菜魚又係整得好好，加埋啲粉，吸晒啲味，十分之夾。但係最重點既就係魔鬼炒蜆同埋川小炒，個魔鬼炒蜆唔係出面啲一毬炒蜆之流，個辣味同個蜆味好出眾，配埋個白飯就真係一流，一個人可以食到一碟。而個川小炒即係出面既小炒王，但係佢加多左個川辣味咁就成個世界唔同晒，佢配白飯又好配啤酒又好都係一流。

突然想食D川菜！第一次食尼間！竟然有驚喜哦～口水雞份量好多好送飯…我碗飯好快食完…兩個人食半隻..都食唔曬（我們兩人胃口偏細）但真係份量多過出邊其他餐廳味道都OK ！ 不過有少少油 好鍾意D花生好脆！！之後我地仲點左椒鹽雙拼推薦椒鹽雞軟骨 好好味！兩個白飯加埋一隻啤酒🍻好正 食完真係好飽價錢不到300 個老闆知道我地係新客戶，還會同我地打招呼都好有禮貌！都抵食 值得推薦的餐廳下次會再幫襯下次想試下個水煮魚加通菜

原本同朋友想去食既酸菜魚鋪頭無開，上網搵到呢間，就決定試下。一試有驚喜，想叫椒鹽豆腐點知豆腐就快賣哂，老闆就建議我哋叫雙拼，拼咗個雞軟骨。一黎到，好大份!！雞軟骨必點好食！但點豆腐個汁個人覺得麻麻地。酸菜魚有2種，我地叫火鍋，湯底夠酸夠辣(個人鍾意酸啲)，要注意睇下食唔食得辣，我地唔食得辣，叫BB辣都已經係最盡。服務好好，老閭好細心! 連遲黎既朋友到左無耐都感受到，讚服務好。今晚已經決定再去食!!!推介!!

我哋一行六人都好想食酸菜魚，所以搵到呢間哈佬。一入到去覺得環境真心好一般，因為被安排坐門口位，而因為度門係趟門，朋友經常被撞到，呢樣嘢已經有啲不滿。（係連啲店員都係咁撞）叫嘢食叫咗一個辣子拼盤、口水雞、酸菜魚、上湯豆苗同一個水煮拼盤。食物質素一陣先講，因為最大問題係上菜個速度：我哋落單後20分鐘先上第一個辣子拼盤，但旁邊嗰台客遲過我哋入已經係成台嘢食，我同一行友人都真係唔明發生咩事，已經唔係多客㗎啦，唔會漏單掛？我哋一向都唔係會催單投訴嘅人嚟，所以我哋都係照等，而下一個餸就係30分鐘後再上，不過今次就一次過上齊所有餸嘅。辣子拼盤有鴨舌、雞軟骨同肥腸：呢個好好食，尤其係個肥腸處理得好好，外脆內軟無異味，鴨舌同雞軟骨都係一般水平啦。酸菜魚：魚同酸菜喺兩個世界，魚係鮮魚片但唔夠滑，骨亦多。但唔係難食嘅。口水雞：味道一般但斬得好大嚿，雞亦唔滑。上湯豆苗：無影相，一般，呢個餸本身亦都好難出事。水煮拼盤有好多牛肉、鱔、唔知咩魚、蜆：味道一般，湯好濃但唔係正宗水煮個味，係好港式嘅水煮味。而啲味亦完全入唔到啲料度。總括而言真心唔會再食，因為真係等太耐同埋味道都真係一般，不過個辣子拼盤係正嘅

0️⃣口水雞已經食過三次，雞肉嫩滑而且口水汁帶微辣，幾開胃。唯獨佢啲口水汁冇咩麻味，不過都唔礙事因為餸飯已經一流。真係幾推薦呢個，嚟咗三次都要嗌。（不過要提早去訂先有得食，所以想試嘅記得要打電話問一問）1️⃣椒鹽鮮魷+雞軟骨味道方面冇咩好挑剔，都係個種鹹香。鮮魷口感唔會靭唔會難咬，外面嘅炸粉都啱啱好唔係厚身個種；雞軟骨會比鮮魷鹹同辣，配埋啤酒就啱啱好。2️⃣香煎蓮藕餅豬肉蓮藕餅，味道偏鹹，但真係好厚實好足料。（個人覺得可試可不試啦，但嚟親啲朋友都好鐘意食😂）3️⃣椒鹽鴨舌以前係大排檔一定會叫嘅菜式，椒鹽鴨舌真係好好好好食，鹹香帶辣！除咗推薦口水雞之後都推薦嗌呢個！！嚟食嘢一定要訂位啊！三次都看到佢地爆棚，店舖上下兩層，座位會比較逼，但環境乾淨所以都舒適。（🧡感謝用心睇到呢度嘅你🧡）

今日早早地係元朗諗住早小小食晚餐但行黎行去又唔知食咩好經過見到大家成日推介啲間川菜見又唔洗等位就入左去裡面地方唔算大。但都整齊Services 唔錯。 野食又唔算貴2 個人食叫左個魔鬼牛仔骨 同 川辣豆豉雞煲 加左碗飯 **個飯好大碗啲餸菜色香味俱全個牛仔骨個汁同洋蔥送飯一流個雞煲都好食。啲肉滑脫脫 唔會話好鞋 。但就配菜多個肉。見隔離枱食啲炒蜆好正咁。不過2個人食試唔到好多野。下次一定會在去試其他菜元朗區值得推介既餐廳！絕對有下次

又黎幫襯哈佬，星期二晚7點幾，黎到唔洗等！一入去就又聞到超香辣椒味🤤！水煮毛血旺: 有豬腸，豬肚，豬紅，鮮魷，牛柏葉，菇，芽菜，薯粉！吸取上次小辣嘅教訓，今次嗌bb辣！一樣咁好食，仲食得無咁辛苦！辣子雞: 雞量多，但好細粒，超入味，走咗油，再加埋d辣椒，超香口，雞又唔鞋，正！除非食得超級辣朋友仔，唔係小辣已經好夠！乾鍋王鱔: 平時從來唔中意食鱔，今次食到唔停口，超爽口，直頭脆身，食剩第日番叮都係咁好味！辣度好低，大部分人應該都接受到！好抵食添，88蚊大大件鱔，啖啖肉，骨都無！總括黎講，超滿足一餐！好食又抵食，一定會再幫襯！

黎左咁多次，雖然唔係好想俾人知道呢間咁好食嘅小店，係時候都要教一教功課。首先呢間食店真係好有熱誠，老闆竟然認得一個月先黎得一次嘅我。鍾意食辣嘅人千祈唔好錯過。今晚我就叫咗烤魚同涼拌小菜。首先講下佢地既涼拌小菜，有好幾款：土豆絲，雲耳，蓮藕，豬耳.....送酒真係一流。烤魚叫左麻辣大辣。條魚冇細骨，仲會將條魚分開兩邊，真係好易入口同埋魚肉好滑。注意：大辣係會令到人熱血沸騰，所以食唔到辣嘅朋友就最好嗌BB辣或者小辣。火鍋料方面叫咗金菇，蜆同埋娃娃菜，值得推薦既係蜆肉，好新鮮好鮮味。平時都唔係飲好多酒嘅我，呢一餐飯令到我枱兩人共飲咗三支大啤，而價錢所有加埋都唔洗五百。如果住喺附近，或者鍾意食辣嘅人不妨試吓。