哈佬燒烤川味

營業中

休息中

係元朗，好多好野食，可以講得上係咩都有得食，呢排比較鍾意既就係呢間哈佬燒烤川味，佢既川菜味道係十分香，第一次去食嗰陣，聞到係廚房傳出黎既川辣味，即刻流晒口水。當中好食既就係個辣子雞，佢又唔係好辣，但係個雞肉味好鮮好香好鮮。個酸菜魚又係整得好好，加埋啲粉，吸晒啲味，十分之夾。但係最重點既就係魔鬼炒蜆同埋川小炒，個魔鬼炒蜆唔係出面啲一毬炒蜆之流，個辣味同個蜆味好出眾，配埋個白飯就真係一流，一個人可以食到一碟。而個川小炒即係出面既小炒王，但係佢加多左個川辣味咁就成個世界唔同晒，佢配白飯又好配啤酒又好都係一流。