哈欠

營業中

休息中

食物一般 環境幾好 但係我對於餐廳的服務感到失望。服務員的態度令整體用餐體驗大打折扣服務員表現出唔耐煩的樣子 對答時表現有些不屑雖然餐廳唔錯，但服務態度問題，我不推薦呢間餐廳 非常影響心情

好嬲呀😡😡😡昨日約咗朋友食晏，本身諗住去＂X X＂，但係又紅又黑⛈️唔敢去太遠！朋友提議去＂哈欠＂😩好！姑且俾多次機會佢，點知無端端俾個waitress 黑住面掟個碟喺枱面，我同個朋友即時被嚇親，不明所以☹️入去坐低掃 code 順利落單，直到送餐嚟，朋友發覺冇餐具，咁好自然去cashier 度（有禮貌地）問啦，點知得到冷冷一句：「嗰邊第一格。」但嗰格只見放咗紙杯同水，朋友想用眼神再問，佢已黑面再講一次：「 嗰邊第一格。」後來朋友喺第一格「櫃桶」先搵到，戲肉來了：當佢送另一個餐嚟時，我一樣有禮貌地問佢唔該俾一隻碟仔我吖，點知跟住佢就黑口黑面咁掟隻碟仔喺枱面。。。食物同環境本來唔錯，但係呢個員工嘅態度實在令人卻步

泡菜蝦意粉是一道創意十足的融合料理，將韓國的泡菜與義大利的意粉結合，呈現出獨特的風味。蝦仁新鮮，煮至剛好熟透，彈牙的口感與濃郁的泡菜醬相互交融，帶來海鮮的鮮美。泡菜的酸辣味道為整道菜增添了清新的層次，與意粉的柔韌形成了完美的對比。其獨特的發酵風味讓人食慾大開。意粉煮至適中，吸收了泡菜的醬汁，口感滑順，讓每一口都充滿了泡菜的香氣。這道泡菜蝦意粉不僅色彩繽紛，還有著豐富的口感和層次感。酸辣的泡菜與鮮甜的蝦仁相得益彰，讓人感受到新鮮與創意的完美結合。無論是當作主餐還是聚會小吃，都是一道令人難以忘懷的美味選擇。份量超級大份。

食物其實挺不錯. 很愛那個炸雞waffle 還有雞翼小食.全部食物都幾有水準.而且裝修環境都挺舒服的.但可惜了.職員服務不太好😤1.看到營業時間為晚上十點. 但突然說9:30 收舖. 更是8:30 就說全部甜點都要先上.2.冷氣有倒汗水. 職員不想擦擦冷氣機. 只叫客人換位置. 所以總有人被冷氣水滴到.3.職員趕收工的feel. 沒有問下客人就直接把正在吃的碟子收起. petpet friendly 的cafe. 不是都應該有友善點. 善良點的職員嗎？ 受氣地吃飯就不值得了.可惜了美好的配套. 不會考慮帶寵物再來了

約左朋友係長沙灣食晚飯catch up偶爾揾到依間小店睇落坐得舒服好岩傾計！舖頭係pet friendly，有兩區分隔，都見到唔少人帶埋主子黎食~我地揀左舖頭招牌既「好好吃飯」餐其實就係日式版本既三餸飯😂不過有菜底都幾岩我依啲低碳人士食揀左三個餸：黑松露蟹肉薯餅、燒汁牛柳粒同蒜香三文魚薯餅既松露醬都幾多，食得出真係用薯仔自製既薯餅，食落有薯仔粒粒，都幾好食。三文魚同牛柳粒不過不失，不過份量比想像中少，男仔食依個餐應該唔夠飽不過最後小失望既係，餐廳明明寫10點收但9點10-15分啲店員就開始催我地埋單，仲不停望實我地幾時走，其實都係disturbing下次要同朋友食飯都係揾間真係坐得舒服又可以傾耐少少既餐廳！！

🌟哈欠。長沙灣🌟（10分為滿分：🌕）味道：🌕🌕🌕🌕🌕🌑🌑🌑🌑🌑SET1($138)📍鰹魚湯熱烏冬黑松露蟹肉薯仔餅照燒鰻魚配凍豆腐香煎比目魚配蛋黃醬朱古力巴斯克蛋糕(+$18)熱烏冬無咩特別，薯仔餅個口感唔算特別好，加埋黑松露味好唔夾，所以食左2啖就放棄左😢鰻魚配凍豆腐味道唔錯，但舊鰻魚細舊到一啖都可以食完🥹🥹比目魚味道正常，但其實都係普通鹽/胡椒調味，普普通通🙈朱古力巴斯克蛋糕唔錯既，不過就要額外加錢🤪SET2($138)📍海苔拌飯辣豬肉椰菜櫻花蝦蒸水蛋香煎比目魚配蛋黃醬Tiramisu辣豬肉椰菜都幾辣，但用黎撈飯就唔錯幾好食，不過食食下就會覺得好濃味，要用啲蒸水蛋去中和一下，Tiramisu就相對巴斯克轉蛋糕黎講比較普通啲，不過不失喇🙈價錢：🌕🌕🌕🌕🌕🌑🌑🌑🌑🌑望落一個set價錢好似路算太貴，但其實上到枱份量超級少，女仔都係好似岩岩好食得飽咁，男仔就係完全唔飽，所以性價比係極低🫨交通：🌕🌕🌕🌕🌕🌑🌑🌑🌑🌑位置係非常唔方便，咁岩個手去開個頭做野先會經過，如果唔係平時應該唔會咁岩經過，所以當日星期六晚食都超級少人😦泊車既話我地都係泊係附近屋村停車場再行過去，唔算話好方便🧐環境：🌕🌕🌕🌕🌑

我叫左份咕嚕肉配焦糖菠蘿飯，焦糖與菠蘿的搭配相當出色，令人驚喜。自家製洋蔥燒汁的肉眼牛扒雖然選擇了5成熟，但略顯過熟，影響了口感。炸薯仔粒則增添了趣味。蘋果玫瑰茶和黑芝麻燕麥奶昔飲品普通，未算吸引。雖然餐廳價格偏貴，但環境安靜舒適，非常適合聊天，人客稀少，讓用餐體驗更加加分。

好好食飯套餐，選擇咗煎比目魚、三文魚同埋薯餅三個餸，總共$138同其他食評見到嘅相比，可以見到選擇嘅餸份量少咗，尤其是係煎比目魚，只係得一塊好細嘅魚，見到其他食評嘅相，比目魚起碼有兩件🥲另外一個餸煎三文魚，亦都係只有長形一小條🥲三個選擇咗嘅餸都比較油膩，味道一般般整體餸菜與預期不符，大失所望😔

晚上去睇show前，伴侶帶了我來到位於長沙灣的哈欠食個early dinner。店內裝潢簡約舒適，餐牌也是簡單的設計，摺頁餐牌內只有文字，單是文字便已令人覺得菜式吸引，縱然餐牌已被揭得幾殘舊。大阪燒香酥雞扒配牛角包窩夫，炸雞扒及Croffle面層澆上大阪燒醬汁與蛋黃醬，並灑上木魚片，賣相仿似在吃大阪燒一樣。生炸雞扒的外層炸得鬆脆，不會太厚粉，雞扒肉質不會粗糙，稍嫌肉汁不夠豐沛。Croffle夠香口酥脆，配上香濃惹味的醬汁，整份熱焫焫的餐點份外滋味。脆薯餅大啡菇漢堡配薯條，以兩件大啡菇來代替漢堡包的底面，中間夾著薯餅及沙律菜。大啡菇夠香又夠多汁，薯餅的兩側夠脆，惟中間被夾著的部分就變軟稔了。簡簡單單的夾上生菜，配芝士醬，整份漢堡很好吃。薯條是粗薯，香脆又不油膩。Iced Americano比較fruity，不會太苦。熱Mocha帶淡淡朱古力香，甜度恰好。這次試的兩款菜式都未曾在其他cafe試過，可說是誠意之作，而且食物及咖啡的質素都不錯啊！

這店名跟logo真的好可愛喔🥱全白色的外觀 店內佈滿聖誕佈置 以木系為主 有種小溫馨的舒適文青感還可以帶小毛孩到訪喔ᰔᩚ 主打創意料理 食物質素也很不錯 推介大家去ʕ ·ᴥ·ʔ▫️大阪燒香酥雞扒配牛角包窩夫 $88真的超像大阪燒 好大一份喔( Ꙭ)！貓咪🐱配刀也超可愛 雞扒好香脆厚肉juicy 牛角窩夫好鬆脆 比起日常配麵包更有口感跟酸酸甜甜大阪燒醬好搭好惹味～還有另一款是配香辣芝士煙肉醬( •̤ᴗ•̤ )▫好好吃飯系列 - 鰹魚湯熱烏冬 $138擺盤有點像日本定食 是小店的熱門品項 ( ˃ ᵕ ˂ )希望大家多忙 都要記得好好吃飯.ᐟ‪‪.ᐟ主食有海苔拌飯 蔬菜底 鰹魚湯冷菠菜麵/熱烏冬 有10款健康配菜可選配 任選3款菜單都控制於600卡路里左右 全無味精♪ 黑松露蟹肉薯餅 - 薯仔片製成煎餅 外脆內軟 充滿薯仔香 搭配黑松露蟹肉好香口 喜歡～♪ 香煎比目魚配蛋黃醬 - 煎至金黃色 好嫩滑♪ 櫻花蝦蒸水蛋 - 好滑嫩 開頭以為配烏冬會好怪 但一齊食又幾好味😳小店會不定時更換配菜菜單喔～還有低糖高纖高蛋白是日蛋糕作甜品tiramisu蛋糕好吃而且不太甜·͜· ♡▫Oreo latte $

想帶🐶去食餐飯 睇到呢間餐廳唔洗排隊去試試開揚 好坐 狗仔都好開心 不過野食真心想讚下 泡菜大蝦芝士奶油扁意粉 $88原來個組合咁驚喜🤩桂花糖脆雞翼 $68 得意！熱🔥 好好食！ 忍住先唔叫多客😂Specialty coffee都好飲🩵 最特別係Oreo latte $53不過後悔加左焦焗脆脆 有啲多餘😂 另外叫左 Red Bean Coconut Latte $48 好清新嘅味道 到杯底仲有紅豆🫘食等一等 We will be back😽

又回到長沙灣這個地區，想找個地方可以好好耍廢一下靜待獨處時光的咖啡店會有點難度，這裡不如深水埗那樣集中，而且大多是小小店鋪外帶會比較適合；不過這次到訪的咖啡店少女心事 $88 （Happy Hour時段送小食拼盤）一改到咖啡店點咖啡或其他特飲的，而是來試最令我感興趣：招牌cocktail！最想試的「咪走啦你（米酒釀梨）」在到訪當日未有供應的確有失望到，就改試賣相最像一杯cocktail的「少女心事」（的確這裡的cocktail外貌全都像一般非咖啡類飲品）！要留意在店家指定的Happy Hour時段（每天下午3時至晚上7時）內惠顧任何一款cocktail都會送贈小食拼盤，看起來很可以吧？看到實物更覺得超值呢！拼盤有炸薯條、炸雞跟沙律，以贈品來說份量真的不算少～ 兩款炸物味道正常，吃得出是下單即炸並非一般加熱的口感，還有茄汁可用以豐富炸物味道，怕上火的話可吃旁邊的沙律菜及車厘茄就可以平衡了！來到這次主角「少女心事」，餐牌簡介分別是以Cream（應該是指忌廉汽水？）、冧酒（Rum）跟龍舌蘭酒（Tequila）混成的cocktail，芭比粉紅的色調再以紫紅色的食用花作裝飾，完美符合「少女」的指

一直想試下呢間咁受歡迎嘅cafe 店， 店舖員工好靚女靚仔又polite. 可惜敗筆個收銀店長！今日係第一次幫襯叫外賣 佢令我感覺好差！1. 首先店主個樣好吾耐煩 我落order 吾主動比meun，好似覺得我要即刻知食乜，我開口問佢有冇meun ，佢就指住佢放系牆架上份meun叫我自己拎。2. 之後落order佢勁快up左個銀碼我聽唔清楚，佢就開始秒我有聽障，唔耐煩要佢重覆3. 天氣勁熱下直接叫你系外面企4. 份meun 系宣傳單張果種紙百摺，我仲諗住話拎返屋企下次電話外賣落單再幫襯，點知佢眼神掃視啤住我，勁歧視咁秒我！好似我偷佢meun! 我偷你張紙為咗乜？ 佢嘅態度好小事就想發脾氣，誤解人！我真係好委屈！

長沙灣一直都有唔少寶藏小店，今次黎到隱藏喺鬧市中嘅哈欠，食左個舒服嘅Friday dinner。今次叫左個晚市二人餐，包左一份前菜，兩份主食同埋甜品，另外加左兩杯飲品。前菜揀左芝士薯仔千層，造型幾有趣，芝士味唔算好濃，同埋薯仔切得比厚身，所以加埋一齊口感就普通。至於主菜分別叫左一份黑松露蘑菇意粉同埋一份牛扒配炸薯仔。牛扒就普通，雖然確實係做到5分熟，但係牛扒本身質素一般，冇乜肉味。但係意粉就有驚喜，黑松露味突出，面都煮得啱啱好。最後就係甜品tiramisu，唔算好甜，但係咖啡味道唔係好濃。不過不失。整體嚟講都算係一個唔錯嘅晚餐，環境好舒服，仲要係寵物友善，但係食物嘅質素就有進步空間。

因為應援而去嘅環境方面，店內環境寬敞舒適，冷氣夠力，又有足夠陽光照射。雖然係寵物友善餐廳，但都有特登分隔開一區比害怕小動物嘅人食物方面，叫左大蝦泡菜義大利麵。份量正常，味道香濃不膩，啲蝦肉好爽脆，絕對對得起呢個價錢special menu杯飲品味道都好好，同碟主菜好夾服務方面，上菜速度適中，唔快唔慢，同店名主題好夾，店員都唔會催促我地去交檯，真係可以慢慢享受休息下菜系方面比較特別，冇諗過cafe居然有黯然銷魂飯食🤣🤣不過無傷大雅