哈比斯燒肉串和咖哩 (利景閣)

營業中

休息中

喺附近返工, 每次忙嘅時候, 就好鍾意去呢度買個 kebab返公司食! 印度人主理, 可以食到地道風味~ 佢哋星期一至星期六有做combo set, $48 就有一份kebab、汽水🥤, 仲有薯條🍟。不過我始終鍾情佢哋嘅烤牛肉kebab, 所以就咁叫咗一份takeaway~烤牛肉kebab (Kebab Beef Roast) - 即叫即製, 店員仲會問你加唔加辣醬, 我自己就鍾意加啲辣醬汁, 更加惹味!拎上手熱辣辣的, 烤牛肉肉質嫩, 上面淋上秘製沙律醬汁, 啖啖肉好juicy! 裡面仲有生菜、蕃茄、洋蔥, 味道豐富。Kebab皮唔會過厚, 幾軟熟, 食落仲有麵粉香。

今日去左天后游水，游完水當然要去醫下肚！朋友帶路去食高質素外賣，印式主打食物「kebab」！朋友試過好多次，今次帶埋我黎試下餐廳主打外賣生意，以kebab為主菜，有多款食材選擇有泰式風味、港式風味等等，配合番香港依個多元化國家既特色！泡菜配烤肉、泰式魚丸、港式黑椒味，見到都流哂口水！朋友叫左泰式風味，有泰式酸辣醬，味道好酸甜香口！我叫左傳統雞肉！香口薄餅皮，香口微脆雞肉香嫩多汁，醬汁夠哂濃郁，配上大量蔬菜，作為午餐都幾健康

天后有間出名印式餐廳，主打外賣生意，出哂名大大份食kebab朋友一早已經帶過我黎食過，點知一試就鐘意左！今日同朋友去維園打完波，又去左幫襯啦！食物味道好濃郁，夠哂正宗餅皮香口微微煎香，唔會好厚，入口滿滿麵粉香味！朋友叫左羊肉餡料，大大份烤肉，肉汁夠豐富！羊肉羶香，羊肉味濃！我叫左雞肉餡料，好嫩滑好juicy，配埋大量蔬菜，非常滿足既午餐！食物份量唔算細，女仔剛剛好夠飽！下次可以試下其他口味既kebab啦！

呢間中東菜都係天后屹立咗好多年，以前都食過幾次，今次路過整返個fast lunch都係覺得十分高質kebab選擇好多，主打嘅係雞肉/羊肉同埋素食等等，今次我揀咗一個係夏威夷烤雞，佢唔會好重中東香料味，雞肉嫩，份量多，配沙律醬同埋菠蘿好清新好啱香港人口味，十分滿足👍🏻👍🏻我圖入面影嘅只係其中一半，即係其實佢係有一條好長嘅kebab，然後幫你切兩份。所以就咁食一個都已經好飽，$68性價比唔錯另外店員服務好好，長時間都保持笑容，呢個都係一個加分位

很多年前住在北角的時候，就經常往天后區吃飯，當時這區沒有太多選擇，不過自從近幾年前開始，越來越多不同類型的食肆，在天后區進駐，令人目不暇給，剛巧今天要到天后工作，便在這裏覓食。中午時段途經這裏，發現有一間印度烤肉的小食店，便進內購買食物，享受一頓不一樣的午餐。烤牛肉kebab $70，採用了印度薄餅，包着了烤過的牛肉，牛肉鮮嫩可口，配上大量生菜，可以選擇辣汁和不辣的沙律汁，味道清新可口，感覺非常健康，沒有半點肥膩感覺。

上班放lunch時, 又去咗呢間kebab店點咗一個烤肉kebab番公司食。餐牌上有好多款嘅kebab供選擇, 肉類方面, 主要有烤雞、烤羊肉、烤牛肉, 佢哋仲有素食選擇㗎！我同事見到個價錢就覺得貴, 但 order後, 再睇到個 size, 連佢都話性價比高！Kebab 大大份，食完一卷超夠飽。我點咗烤牛肉kebab, 即叫即製, 拎上手係熱辣辣的。烤牛肉肉質好鮮嫩, 上面淋上秘製沙律醬汁, 食落好juicy, 唔會太咸, 唔會太重味精。裡面仲有生菜、蕃茄、洋蔥, 味道豐富。Kebab皮唔會過厚, 厚薄適中, 好軟熟。

放左工一個人唔知食咩好, 麵包控經過見到印度野就買條KEBAB食下~有牛有雞有羊, 仲有素菜系列~除左KEBAB仲可以叫PIZZA, 咖哩, 沙律, 飯, 等等!!仲有薯條!!!不過一條KEBAB都70蚊, 都有番咁上下大細, 食唔到其他野~~試住先!呢個牛肉KEBAB都幾大舊, 入面好多餡, 牛肉都幾多~不過我就覺得個牛好酥, 酥到好似羊肉咁既味, 我懷疑佢直頭比左羊肉我!好采我本身食羊既, 所以都OK! 有菜有肉好BALANCE, 唔錯/

哈比斯燒肉串和咖哩（天后）好耐冇食卡巴卷，經過天后見到去幫襯一下❤️❤️卡巴卷好多口味，正😋😋Kebab beef roast $70 烤牛肉卡巴卷薄薄的烤餅包住厚厚的料🥰🥰入面有牛肉、蔬菜、洋蔥🧅，仲配搭埋他他醬，好好食😍😍推介👍👍牛肉係燒烤過，好惹味，喜歡濃牛肉味的朋友一定要試下😋😋餐廳仲有好多其他美食，pizza都好吸引，下次要試下❤️❤️餐廳環境🏖⛱餐廳除左做外賣，仲有幾張桌子可以坐低食👍👍餐廳職員係外籍人士，落單用英文，好Nice🤩🤩整體評分：4/5味道：5/5抵食：4/5環境：4/5地址：天后電氣道83號利景閣地下7號舖

近期情迷東南亞菜😋週六的下午，想吃中東風味的下午茶☺️特登嚟到天后幫襯，再拎回家嘆！有好多唔同菜色，包括kebab、咖喱、沙律、仲有set lunch!! 今日揀咗食飯！瑪莎拉就是有點番茄加咖喱的感覺，很對我口味。瑪莎拉雞肉咖喱可能口味偏小眾，我自己很能接受，印度長粒米加雞塊，味道不錯，唔會太乾。強推， 比咖喱醬味道重 ，可以配著餅吃 ，咖喱雞可以直接吃。雞肉算給的多了，肉質軟軟的，煮得入味外賣味道冇變！仍然好吃！下次有機會試下其他！

最近發現天后都幾多嘢食，今日一個無聊周圍行，見到間印度菜，難得得自己一個，就趁呢個機會去試啲自己鍾意嘅嘢😆入到呢間哈比斯，就諗起當年成日喺英國食Kabab ，今日就諗住回味一下🥰今次叫咗牛肉kabab ，首先佢餡料十足，醬汁同肉汁都好多，食落去一啲都唔乾，而且菜量適中，亦算新鮮爽脆👍🏻由於我唔係好想飲嘢，所以冇叫餐，而係一整條kabab。不過食完之後諗吓都係叫餐抵啲😆整體來講食物質素都幾好，好友正宗嘅印度風味，而且店員態度有善，得閒經過會再試其他嘢😉

unbelievable kebab price $48?!  Solo 1st choice! happy fast eat! 難以置信的中東卡巴卷$？！kebab's  stronger  competitor!卡巴卷界快餐巨人！绝無僅有的中東菜快餐店,香港世界之珠,各式美食應有盡有,也有若干中東菜大中小餐店,獨特好味之餘！價錢大多也頗貴！這類菜式唯獨沒有快餐店？！衆裏尋它千百度莫然回首habibs就在天后!是間主打外賣兼營幾枱J形小巷式店,內有4,5小圓木枱,每枱又配2,3小木椅,己全院滿座, 極量坐到3,4人,可能基於疫情安排？！外藉男店員友善unexpected so humble and friendly! 因我是堂食也是self help pick up the food, 店員也會簡單simple greeting the customer,said"enjoy it" 請慢用!今時今日香港還有這種服務態度,莫講快餐店連餐廳也不常有？！真的抵讚！這店主要是售賣士耳其式烤肉卷也兼備了印度菜式甚至帶有小小泰國feel, 估計可能由印巴人掌管也牽連着土耳其和泰國混合經營,也見

呢次嚟到食肆林立嘅天后電氣道搵食，今次試吓呢間哈比斯燒肉串和咖喱。佢哋鋪面唔係好大，有少量坐位，所以我選擇外賣。呢度嘅Kebab好抵食，佢哋有做套餐，每日指定嘅Kebab再加薯條同汽水都只係48蚊，仲可以加錢配印度嘅咖喱角。佢哋平時一個Kebab賣緊70蚊左右，差不多平左一半。烤牛肉Kebab：佢哋嘅kebab夠哂大份，足足有8吋長，食落口感同味道都好豐富，入面啲餡料好多， 包括有烤得好香嘅牛肉，仲有清新清爽嘅沙律，加埋秘製嘅醬料再搭配埋黎巴嫩皮塔餅麵包。

今日小妹去左附近拎串燒爐同串燒諗住中秋可以嚟個串燒中秋夜, 行到一半已經又攰又餓, 經過E間kebab shop, 諗起以前讀書果陣間唔時都會食, 於是就入去整番個嚟懷緬下! 唔好睇餐廳細細間, 佢地提供嘅食物種類都幾多, 而且每日都有唔同嘅combo set, 價錢相宜! 係咁多嘅選擇下, 小妹最後揀左Beef Kebab!🌟Roasted Beef Kebab🐃Kebab用左錫紙包住嚟保持溫度, 同時食嘅時候亦會更方便, 外層嘅皮厚薄適中, 薄得嚟又唔會容易穿, 好好咁包住哂入面嘅材料, 牛肉味道濃郁, 口感軟腍, 配上爽脆沙律菜同醬汁, 食落口感更豐富更惹味!

KEBAB係歐洲昸既糧尾恩物,因為幾歐就食到飽,係香港其實都好少食, 今次去開天后做YOGA, 決定快食KEBAB!呢到除左KEBAB其實仲有咖哩/沙律/NANN等等, 全部都係我鐘意食既野!叫左1個CHICKEN KEBAB, 佢淨係CHICKEN都有好幾款, 我要左HAWAIIAN!KEBAB可以揀辣唔辣, 入面既餡料都幾多, 同埋幾多菜!一卷卷拎住食好方便, 有菜有肉有CARBS, 又飽又健康!正!下次試埋其他味先！

行過天后覺得肚仔餓，想食啲簡單快餐🥳見到有依間 哈比斯，之前喺觀塘食過覺得kebab口味幾正宗，都幾唔錯，好啦就決定食依間～入面有幾張枱，可以舒舒服服坐低慢慢食。我點左個烤牛肉Kebab💗即叫即整熱辣辣，牛肉有牛味，餡料有好多蔬菜，夠健康。我覺得佢用錫紙包住件Kebab非常之好，除咗keep住溫度，亦好衛生👍🏼唔會食到成手都係。如果喺星期一至星期六11:00-17:00嚟，有好抵食嘅Combo Set，每日有指定嘅Kebab口味，價錢抵又包埋嘢飲。如果肚餓啲，呢度都有幾多Pizza選擇。