哈比斯燒肉串和咖哩 (鴻圖中心)

營業中

休息中

經開觀塘, 順便來了這裏買外賣, 當午餐。之前已經吃過這間小店的烤肉卷, 覺得很好吃, 而且份量很多, 很抵吃！這裏主打烤肉卷、一系列咖喱。小店內的店員都是印度人👳🏿‍♂️(感覺很正宗), 所以要用英文落單。所有食物都是即叫即整, 製作需時。烤牛肉Kebab🫔 - 店員會先幫你一分為二, 更方便食用。醃過的牛肉很惹味, 味道調得剛好, 牛肉肉質嫩, 一點兒也不乾身, 牛肉味濃, 裏面還捲着大量椰菜絲、蕃茄粒、洋蔥粒, 還有秘製沙律醬汁, 有肉又有菜, 均衡營養😆

趁星期六放假就去買定啲bakery嘅包裝野為左準備今年嘅月餅製作準備下買完喺附近搵啲野食下行行下見到有個勁靚嘅foodcourt就入去搵啲野快食下行左個圈見呢間食kebab嘅店都幾抵就叫左個set叫完等呢個野響就可以拎喇其實佢有好多款kebab不過懶得揀就直接叫星期六餐Kebab嘅餡係雞肉通粉餅皮表面有烘過都幾香但唔乾入面啲生菜好新鮮加埋雞肉食落幾健康 跟餐已經有薯條汽水先係55蚊加10蚊要埋個咖哩角熱辣辣 入面有好多薯仔同豆蓉好香口

觀塘雖然食肆多，但真係好少有印度菜，難得見到呢間，有印度招牌「烤肉卷」一定要試。食物都是即叫即製，熱辣辣，好正店員係100%印度人, 食物味道夠哂正宗。Lunch Set抵食「黑椒牛排哈比斯」又長又大條，好足料店員好貼心，切開兩份。足夠兩個女仕分享套餐跟薯條．飲品粗薯條係我至愛，熱辣辣．脆卜卜另外加咗隻咖哩角，原來有別於港式三角形嗰種。大大隻，入面餡料豐富。朋友第一次食都話地道得嚟，好啱香港人口味👍🏻

能夠係返工日子都可以食到Kebab真係正。話說原來公司附近開左間印度餐廳，對於返觀塘嘅打工仔可能係一個好消息，因為印象中觀塘真係好少印度野。呢間有得叫combo set，每日都唔同嘅，所以呢日就係黑椒牛扒哈比斯，我仲要埋咖哩角，難得食印度野，點會唔嗌埋佢呢。成個combo set會有Kebab，薯條，同埋罐裝汽水，好完整嘅一個套餐，值得一讚嘅位係佢啲薯條係保持都個脆度，又夠熱辣辣，好正。跟住當然要講下個主角Kebab，內餡係黑椒牛扒，食落有咬勁，食到牛味之餘，份量都唔少，好在裡面有啲蔬菜令到成件事平衡左。其實呢間店仲有其他菜式，例如咖哩飯，印度薄餅之類嘅東西，都係好唔錯，值得再黎。

哈比斯燒肉串和咖哩，位於九頭角鴻圖中心內food court，餐廳是區內極少數的印度餐廳，中西快餐以外的一個不俗的選擇。午餐Kebab 套餐$55一份指定Kebab，薯條，汽水，再加$10可以再加一件傳統印度咖哩角，$65超級抵食份量極足。Kebab 黑椒牛肉，大量椰菜，餐廳特制醬汁，餐廳更貼心將Kebab 一分為二，方面食用。黑椒牛肉味濃，有咬口，Kebab 份量十足，絕對可以滿足一般人食量。傳統印度咖哩角較為特別，大量薯蓉，傳統印度咖哩味道，值得一試

我地總共叫咗3樣野食，Chicken Kebab, butter chicken 同Curry Lamb。本身想配naan但佢冇，惟有跟一個chips一個飯。chips外賣預咗硬，飯係長米偏硬，我地唔係好食得慣。主食個kebab超難食，個皮成張濕紙巾咁，啲醬浸到淋晒，啲椰菜一啲都唔脆🤯🤯雞肉一粒粒，正常味道。Butter chicken 個汁好奇怪，顏色一望就唔開胃，食落去完全唔係個sauce 應有嘅味道，最後完全食唔落😩 （佢最後食咗cereal)Curry lamb 係唯一OK嘅，汁同肉都係應有味道，但唔值呢個價錢...佢又唔近，又得外賣，野又唔好食。呢間餐廳我地就一定唔會再叫，大家自己考慮啦。

一直鍾意食Kabab，就嘗試左呢間嘅Kabab。啱啱好有午市套餐就試左黑椒牛扒Kabab+薯条+飲品。Kabab卷醬汁好多，有好多生菜同埋番茄，味道都惹味，但就得少少幾粒牛肉，更似係田園蔬菜卷，唔知係唔係因為午市套餐嘅原因餡料有縮水。午市時間就唔得揀醬汁味道，個卷都卷嘅鬆D，一打開錫紙Kabab就散嗮，並唔似其他間店舖已經卷好並分開左兩半。薯條🍟係預先炸好左，量少但都okay好味，配埋少少茄汁。

平時都有食開pita bread roll, 諗住食個健康啲嘅veggie roll, 近近地附近買同幫襯下小店。十分驚嚇嘅經驗，咁大個仔都未見過咁樣嘅pita bread roll，個roll 沒有烘底，亦沒有切開一半方便食用，已經心知不妙，打開錫紙，淋嗰塊毛巾，完全搵唔到鷹嘴豆蓉，個餅皮完全冇捲埋，一劈嘢噤黐埋啲沙律，賣相嘔心，唔記得落鷹嘴豆蓉都算啦，只係整整齊齊捲埋塊餅都費事！好恐怖！從來未試過浪費食物，今次真係唔敢食！強烈建議唔好幫襯！

chicken kebab入面嘅菜一啲都唔新鮮，而且份量同雞完全唔成正比，醬亦都係too much 令到比例完全失衡。啲薯條雪藏味重，當然冇薯仔味，又唔脆。不過最過分都係samosa，完全係雪櫃攞出嚟既温度，直程食落似連叮都冇叮過，icy cold。整體真係接受唔到，價錢絕對唔係平，就算平既餐廳嘅水準都冇乜可能咁差。我本身唔係會俾食評既人，點知第一次寫就係劣評😔但係真心不可一，不可再，整體分數應該得1/10，寫俾大家避下伏💀

自從係外國讀完書，就無再食過呢D中東卷，一黎香港賣得好貴，二黎香港咁多好野食，人就一日三餐，有排都未排到佢啦。經過呢間店，望一望個餐牌，都係果句，一個卷+薯條+汽水要大概70幾80蚊，真係有D貴，諗住走果陣，比我發現左原來間野每日都有一款卷係特價，50幾蚊就有齊卷+薯條+汽水，再望下今日係咩，牛扒卷！好似唔錯wo，於是我就決定今餐試試佢！個卷熱辣辣，充滿醬汁，一口咬落去噴到我成手都係汁，不錯配料無得揀，都係生菜蕃茄果d，d牛扒就比較乾身，不過因為個卷有好多醬，所以都可以嘅。全個餐最唔滿意係包薯條，唔知係咪因為做特價，所以得3分1包左右，仲有應該係炸定，所以食落已經係暖近乎凍，搞到得3分1包我都唔想食曬，做左大曬鬼

第一次黎愛琴坊，就比呢間賣土耳其同印度野食嘅餐廳吸引。店面雖然唔大，但附近有一個shared嘅地方可以堂食。menu有超多野食，思前想後，發覺真係meal of the day最抵。$48就有一份好大份嘅kebab。一日一個味，但有分kebab定係salad。於是我同朋友就分別點左一個salad同kebab食，睇下有咩唔同。今日係星期六，於是個涵係咖哩角(Samosa)。咖哩角好好味，脆脆地，辣辣地，味道好豐富。其實kebab同salad嘅餸真係完全一模一樣。只係呈現嘅形式唔同。kebab就係有塊餅包起d餸。不過如果你問我，我會揀kebab。因為食落方便d。而且塊wrap都好味。另外我都加8蚊要左個lassi。食印度野一定要飲下佢😋酸酸甜甜好開胃

好多人黎e到都係食卡巴，我之前都買過2次，都幾好食，而今次我就買左魚肉炒飯配沙律，係foodpanda 叫外賣自取，好似有平，10分鐘後去到就有得拎，好方便。炒飯好大份，一個女仔未必食得晒，入面都有幾舊魚肉係入面，炒飯香料味好足，粒粒分明， 而且都幾乾身，佢係我喜愛的印度長米，我覺得有dd 辣，但係都愈食愈好味。佢隔離個沙律都好好味，生菜，青瓜同埋車厘茄都好新鮮，我好中意個沙律醬😀中和下炒飯嘅辣。店員又好nice,會再幫襯

Kebab Veggie Patty $62返工經過觀塘，周圍八下有咩食，行行吓就搵到呢間Kebab小店，我好鍾意食kebab，因為方便，健康又好食🤤第一眼吸引就係有超多Kebab款式俾你揀，今次食得健康啲就揀咗個veggie kebab，店員同廚師都係中東人感覺呢個kebab就更加正宗😛 Kebab即叫即整等咗3-4分鐘就有，一條kebab分開兩份，半份都幾大碌，賣相亦相當吸引，呢個kebab勁多菜，豆，橄欖🫒，車厘茄同祕製醬汁，皮軟熟👍🏻味道酸酸味味帶少少甜，幾開胃，加上有我鍾意嘅橄欖，冇得輸呀👍🏻仲有佢放咗幾粒原粒車厘茄喺入面，當你咬到車厘茄時會有爆漿嘅感覺，好過癮👍🏻另外一提，店員幾有禮貌同埋佢會出嚟問吓你覺得好唔好食，仲可以傾吓計添😂下次會試埋其他口味，仲有飯添，大家可以去試吓🤤

哈比斯燒肉串和咖哩，餐廳位於牛頭角愛琴坊內food court, 距離地鐵站約十分鐘，附近工商廈林立，大量餐廳食店，哈比斯為區內少數印度菜餐廳。疫情下6點後無堂食，只能外賣回家中，烤牛肉卷就可以算屬一個方便快捷選擇。賣相當然就會略受影響，相信堂食賣相會比較好。Kebap 選擇非常之多，牛雞羊什錦肉豆類素食任君選擇，有辣不辣，kebap 內均有大量生菜，餐廳自制特色印度菜醬汁，是夜選擇的烤牛肉卷，肉味非常濃，作為晚餐份量亦非常足夠。

TGIF 之所嚐印度kebab 🥳- Kebab beef roast $70上一次試完印度菜發現原來幾好食 今次就試下kebab 賀一賀Happy Friday 個皮有啲似好薄嘅pizza 同台灣蛋餅皮嘅mix 再烤香左少少 入面包左好多生菜同洋蔥 事關印度師傅問我spicy or not 我就話no spicy 所以個醬比較係fresh 啲嘅沙律醬汁 酸酸甜甜又有少少胡椒香嘅辣味 撈埋好多牛肉 啖啖滿足 成條仲長到好似subway 啲foot-long 咁 都幾飽Overall 推介指數：4-4.5/5個印度師傅好熱情 好細心問我要唔要辣 都幾好人 外賣番去凍左少少 但係味道都幾唔錯 附近番工可以一試