哈比斯燒肉串和咖哩 (鴻圖中心)

營業中

休息中

中午時間路過觀塘，去在愛琴坊Food Court搵野食，最後選擇左一間印度小店店舖雖少但選擇都足，一般諗到既都有提供每日都有Set Meat,岩晒選擇困難既朋友，價錢亦比較抵不過我最後選擇左羊肉卡巴卡巴好巨型，差唔多有成30Cm而且即叫即做，微脆餅皮包住Juicy配料餡料亦非常充足，大量羊肉，洋蔥，蕃茄，生菜，好豐富自問大食，食完都非常飽了愛琴坊Food Count個設計同出面有D分別。唔同區域既設計都各有不同特色。客人可自己選擇舒適位置

係正公司樓下，之前都有同事試過😂難得冇帶飯就心思思去試下！雖然職員唔識廣東話，但佢地都勁nice！🥺服務態度勁好🤣🔥牛肉哈比斯 hkd 48 ⚡️撞正星期三，就試佢呢個套餐！一打開，真係好大嚿😂絕對會食得飽呀！佢超多生菜😶不過都多牛肉嘅，加埋啲醬又唔會話好寡，反而辣辣地，又幾上癮🤭係牛肉粒嚟，最後要用手套食😂係會食到有啲狼狽嘅..🔥芒果奶昔 套餐加8蚊⚡️好好飲呀！勁似小時候嘅味道😂陣奶味，不過芒果味唔算出～但都好飲！

天氣漸冷，經常想吃暖胃的食物。路過鴻圖中心好奇入內看一圈，圈到了我心儀的印度美食小店，眼球掃一掃餐牌看到有素食咖喱，瞬間點了奶油芝士黑扁豆咖哩配印度薄餅。印度薄餅相當厚，有一定份量，味道微咸，咬下去煙韌有咬感；配上濃味咖哩恰到好處，咖哩口感像紅豆沙，不會太黏稠或太稀，大大小小煮惗了的豆放到口裏也頗有質感，而咖哩味道微辣，不會太咸太酸，十分適合香港人口味。店主人好，心怕我跟店員溝通不良，在旁幫忙翻譯印度話給店員落單，相當貼心。在等待期間，眼看店員即叫即做，又烤薄餅又煮咖喱，製作毫不馬虎。大家不要弄錯我在圖書館吃咖哩如此癲喪。我是坐在印有圖畫館書櫃做牆紙的一角吃咖哩，環境乾淨企理，椅子和枱子跟背景也很搭，要影美照也很ok!吃完後，口和肚子好一會都保持微溫的感覺，後勁十足，是不錯的冬天暖胃小食。

偶然發現觀塘牛頭角多左個返工仔食堂係鴻圖中心地下有個叫愛琴海既Food Court行左一圈 最後揀左好耐無食既土耳其烤肉服務：侍應講英文 有笑容 有禮貌環境：個food court裝修得好靚 乾乾淨淨 食物：有抵食既lunch set包飲品 一至日唔同款 先48 不過咁啱嗰日既set係炸物同想食肉所以散嗌一盒烤牛肉沙律烤牛肉沙律 $70欣賞沙律唔係hea得生菜粟米粒而係有各種沙律菜仲有小蕃茄烤牛肉超正 食得出有各種香料既同時牛味都好濃再加上店員毫不手軟咁落醬烤牛肉味道多層次之餘 食落亦都更滑順而且個款土耳其烤肉常見既綠色(薄荷？) 醬撈沙律食真係一流！

同事今日放工突然扯住我，話知我乜都食，叫我陪佢去觀塘食kebab，我本身興趣不大都唸住唔去喇，但同事係咁話好好食，個味道好過癮，包我食過話正又話自己食好無癮，講到咁，一於試下新野都好玩嘅。老實講呢間鋪真係難搵，我自己行街好難會行到呢到，不過呢D好小事姐，都係睇好唔好味姐。呢間餐廳一睇就係中東美食嘅feel，主要賣kebab同炒飯，店面好細，台凳唔多，應該主打外賣生意。我就試左個聽落去最正常嘅烤牛肉kebab，真係一試難忘，牛肉烤得好香濃，雖然有小小干，但係有好多新鮮切碎嘅生菜搭救，一起食都唔會好dry，仲有d清新嘅感覺，搭配好好。不過呢個唔係重點，重點係masala呢隻香料，真係第一次試呢種香料，酸酸辣辣，帶D咖喱味，勁濃而好復合嘅香料味，從喉嚨直衝頭殼頂，完全上曬腦，打通曬經絡咁，即刻醒神曬，即刻令成個kebab越食越刺激，搭配埋沙律醬，真係停唔到口，勁正。同事真係無介紹錯，第一次食kebab嘅感覺係好食之餘又勁刺激，真係好正宗嘅中東風味，我唸我有時口淡淡都會黎食個kebab刺激下味蕾，爽!

是日又到了愛琴坊搵食，貪呢度款式多又就腳，今日就黎試左印度野。全店都係外籍人士，貌似好正宗，哈哈。是日有咖哩雞飯，雞卷同雞沙律做特價，店內仲有好多野揀，但花多眼亂，初黎報告，就先試最多人點嘅雞卷先。兩三下手勢店員就卷好了，可以揀辣與不辣，我就揀左mild spicy小辣啦，怕太辣食唔到嘛。飲品加了呢支lassi，一向覺得印度酸乳酪好好飲，呢支係芒果味。有營養標籤㗎，糖份都幾高喎，但飲落又唔覺好甜，好重奶味同好杰身，感覺似甜品多過飲品，哈哈。是日special嘅烤雞哈比斯，好大件呀～內裏包著生菜，生洋蔥，蕃茄，烤雞肉，再淋上大量醬汁，正呀喂！好大條，一口咬唔晒，啖啖菜好清新，中間食到不少雞肉，小辣醬汁啱啱好，辣辣酸酸夠開胃，好味好味。真係幾好味，想試晒咁多日添。

Roast Beef Kebab $68呢間位於牛頭角鴻圖中心foodcourt既卡巴店，係11點至5點時段仲有是日優惠卡巴/沙律選擇，就算加埋餐都係六十幾蚊，就包左卡巴、飲品同小食🤤幾豐富下。佢地仲有炒飯、咖哩配Naan等等選擇，嘆返個印度風味晚餐絕對無難度!今次揀左烤牛肉口味，外賣一拎上手都幾重手下🤣超長身(應該有K前臂咁長😂😂)切開睇到入面好足料，卷餅皮裏面塞滿左大量既生菜、烤牛肉粒、蕃茄同沙律醬，口感爽脆豐富。而且加左沙律醬更加惹味。一個人如果食哂成份既話都咪話唔飽～

又係觀塘返工fd帶路, 喺牛頭角同觀塘之間其中一個街口嘅鴻圖中心有個food court, 裡面有好幾間小食店, 行左一圈, 食Kabab!!! My favorite!🌯烤牛肉Kabab (HKD70)卷到滿滿烤牛肉, 菜&醬嘅Kabab份量都唔係小, 牛肉喺Kabab店必備嘅直身圓桶烤爐現切落黎即叫即包, 食落有齊新鮮生菜爽口感+熱辣辣牛肉嘅豐富味道, ***牛肉份量係爆餡的🤤***加上現切紫洋蔥帶黎辣辣地刺激味蕾, Portion同味道黎講, 抵食.🌯Menu除左Kabab仲有briyani同沙律, 平日指定套餐仲好抵食添, 下次再食其他款^^.

繼之前係外國食完好好食既Kebab之後，一直都好想再食！奈何香港雖然係美食之都，但實在太少地方有賣Kebab啦😭今次好難得係觀塘附近搵到，一於入去試試～睇到張圖，見到個咁大既燒肉串，就知夠曬正宗啦叫左羊肉Kebab~食開Kebab既人都知，如果皮處理得唔好會超韌，成條毛巾咁！呢一個處理得唔錯，薄薄一層，而且餡料眾多，肉塊都有好多，濃濃羊肉味！生菜，蕃茄，洋蔥，配合埋醬汁，成件事好配合！驚唔夠飽，叫埋個芝士薯條。薯條係粗身薯條，上面有一層厚厚芝士！不過大家記得要襯熱食，如果唔係就會好似我咁痴住曬啦😭😭

今晚和老公到九龍灣outlet買波鞋後，便到附近的鴻圖中心Food Court搵食，這裏是第一次來呢！地方很大又寬敞，而且充滿希臘風情，坐得舒服。烤雞烤肉卷 Kebab Chicken Tikka 當然要點我喜歡的烤雞烤肉卷！店員用錫紙包好烤雞卷後，我們便到Food court坐下來吃😋烤雞配上豐富的材料，有洋蔥、生菜、蕃茄和辣椒，配上千島醬，非常惹味。雞肉應是醃製過吧，吃起來很入味，有印度的香料味道，香香辣辣，頗為不錯。而且卷皮煙煙靭靭，非常值得一試。店員是印度人，大家用英文溝通，而且價目表中英對照，很細心。

今天到九龍灣工作，晚上想找個地方好好坐一坐，於是便來到鴻圖中心的food court，其中有家印度菜比較特別，有我喜歡吃的naan ,所以便坐下來品嚐一下。咖喱雞配印度麵包 Chicken Curry with Naan 咖喱雞入味，配上傳統咖喱醬和芫荽後，很是滋味。而naan 則用錫紙包得好好的，保暖效果一流！共有兩塊，當拆開時，香氣四溢，而且還熱辣辣的。naan 咬下時煙煙韌韌，配上咖喱汁，非常好味。分量剛剛好，我覺得十分飽足。現場還有其他食客買了烤雞卷，下次我還想試試呢！最重要是這裏坐得舒服，而餐廳食物的價錢合理，值得再來。

今日同朋友行到這裡，帶我到這裡品嘗了一個特色口味晚餐，平時只會匆忙行過，就是朋友說一齊去試吓，所以就係咁行了個圈見到這間店，主打燒肉卷同咖喱，我就點了個Kebab，款式多但最愛都係牛，所以就係Kebab Beef Roast，落單後店員即刻新鮮手製，這個同我在旅行時食過的感覺有啲唔同，份量超大份，比較是一倍有多，而牛肉粒味道濃郁，好有口感，加埋個醬汁，由塊Kebab 卷住，醬汁都多到滿溢而出！平時食開嘅口味之另一選擇！

Roast Beef Kebab ($70)平時少食依種菜式，所以揀嗰較為穩陣kebab嚟食下先🤣。依個roast beef kebab其實都幾大份，開頭以為會唔夠飽，但原來嗰份量都幾大同都好足料下🤤🤤。啲牛肉多到瀉出嚟😆😆，味道就少少辣，好惹味👍🏻，好好食😍。 Butter chicken with rice($72)其實本身想叫Naan,難得有機會試下傳統東南亞菜，同埋之前都食過Naan覺得口感好唔錯，不過原來佢要19:00先有Naan🥺不過配飯其實都好唔錯☺️佢係細細長長嘅印度米，細長而且透明度高，比較乾身但唔會話覺得dry,配汁一流。印度嘅牛油雞吃落一啲都唔肥膩，醬汁有好多唔同香料混合而成，口感層次非常豐富，當中有好多香料例如黃薑都係啲天然健康嘅食材，而且味道都好好☺️👍雖然落單嘅時候要用英文溝通，但其實就算你講得唔太好或者唔講都冇問題，因為店員都好有耐性咁聽你講或者去估你意思🤣。所以大家就算見到要講英文都唔駛膽心㗎🙈。同埋都幾近觀塘海傍，如果大家想對住海景食嘢，take away去海傍食都好方便😎

哈！如果唔係朋友帶我嚟，我都唔知道呢度有個商場，好羨慕朋友喺觀塘返工好多好嘢食，今晚本來想帶我平食 kebap ，點知我喜愛嘅款式售罄，改吃咖喱也不錯。這裏類似一個food court但有座位嘅，可以糖食或者外賣，我見到店長店員都係印度人，所以決定試吓傳統正宗口味的咖喱。咖喱魚肉配飯 $70印度菜 我比較少吃，就聽 哈比斯燒肉串和咖哩 店員推介，吃一個咖喱魚飯。印度的米飯很特別，又細又長，印度香米很鬆散，不像我愛吃的日本珍珠米，飯粒之間沒有粘性的，吃起來嚼勁少咗，但飯香味非常出眾。如果有去過印度都知道印度的天氣超級悶熱而且潮濕，令人食慾大大降低，所以印度食物香辣可口，就好似印度咖喱，顏色鮮艷，美觀感都可以增加食慾。 咖哩辛辣味道又勁，入口滿滿的傳統香料味，辣得有層次，加上嫩滑多汁的魚肉，不知不覺的我把整個飯盒吃掉。這裏食物不錯，下次早啲嚟試吓其他特色美食。‌

唔講唔知原來鴻圖中心有咁多嘢食，係 food court 形式，買完嘢食就拎去座位坐底食，咁我今日就帶埋飯盒嚟買外賣，見到有印度菜幾特別，仲有素食選擇，於是就試吓呢間先～Menu有好多菜式，有 Kebab 烤肉卷、沙律、Pizza等等，睇到人眼花繚亂😂好彩有每日精選方便人揀，仲平啲添！我嗌咗呢個 Kebab Veggie Patty 素食帕蒂 $62落單時好好笑😂個姐姐見我拎咗個飯盒嚟買，仲舉起拇指讚我👍🏼🤣薄薄一層餡皮入面包咗大量生菜、蕃茄、洋葱，再加上沙律醬，感覺幾fresh～就算係素食 Kebab都唔使擔心太單調，因為入面有類似烤麵包（啡色嗰舊）嘅脆脆，好香脆😋