唐宮小聚 (荃新天地)

營業中

休息中

我哋今日book咗四個人一齊食乳鴿，同埋佢哋啲點心小食，可能冇嗌到佢啲飯，所以唔覺得伏。我哋首先叫咗個麻辣乳鴿同埋燒乳鴿麻辣乳鴿呢碟係凍食嘅，上菜時間超快。個乳鴿好有麻辣香味，而且味道唔錯。下次再嚟都會返叫。燒乳鴿可能食完麻辣乳鴿，反而呢個燒乳鴿就冇麻辣嗰個咁香濃，但都唔錯嘅。黑松露蝦多士整體來講好好味，咬落脆口，而且有黑松露嘅香味。但係就得三件，份量比較小。黑金流沙呢個包做得好好，咬落去啲奶黃流出嚟，熱辣辣，唔錯。冰鎮咕嚕肉呢一個就不過不失，同普通咕嚕肉差唔多。小梨子🍐佢係一個賣相好可愛嘅鹹水角，都係得三件，味道還可以啦～肉鬆抓餅啖啖的肉鬆同埋香蔥嘅味道非常之夾。

之前在沙田分店食過幾次，每食一次就好似覺得無咁特別😌前菜小食醉雞幾香酒味，有皮的部分可以，但第二層無皮雞胸部分有啲鞋，件數唔少。堂食抵食乳鴿，好入味，肉質幾嫩，但咸咗啲！蝦餃賣相唔錯，幾足料。原隻蝦喺面，蒸得唔錯。外甜內咸的炸特，唔好比佢個造型假咗，入面是粟米湯加蟹肉絲。仲有隻蝦喺入面😜

復活節帶久沒外出用餐的媽媽試新派點心，相信網上評價，怎料大中伏，蒸餃不熱更是皮厚無味道，炒飯的蝦得咸味，醉雞一般味道，只有芋絲正常及是即做，380元3人午餐，細食的我們半飽都不達，結果再去下午茶。不會再光顧

🧧初四繼續拜年 聚一聚一大班人食中餐就啱哂呢間唐宮寶藍色設計 環境舒適💙好彩一早去攞位 超多人🫠👇🏻重點推介👇🏻✨龍躉魚雲吞魚肉質又嫩又滑 好好味！🥹湯底清 唔覺有味精 必試👍🏻✨皮蛋豆腐豆腐好滑 加埋皮蛋一啖食好夾涼拌醬汁甜甜地 好開胃嘅前菜🤤✨冰鎮咕嚕冰鎮咕嚕骨外表更脆 肉質又軟有juice仲有蕃茄仔同菠蘿做配菜 ✨蘿蔔絲蝴蝶酥熱辣辣♨️ 食到一絲絲蘿蔔整體感覺唔粉唔太油膩其餘菜式 : 沙田乳鴿 / 蔥油拌麵 / 冰梅欖角骨 / 龍躉肉煲仔飯 / 金蠔蝦乾辣腸煲仔飯 / 肉鬆抓餅(以上食評 只屬個人意見)———————————

今晚我地家族12人嚟食開年飯食，食物水準一般啦，但令人激氣嘅係服務員唔收碟又不停上菜，仲叫我比啲位佢上菜。咁不如我自己上埋菜啦！從來無職員提及無12人沒有圓枱，坐長枱，有冇攪錯，咁樣點同屋企人傾計呢？成晚都一肚氣🤬🤬🤬 想要嚟食嘅自己諗清楚。 我屋企人都話唔會再嚟幫襯 裝修得咁靚但職員服務態度唔得囉

今次到這裏午餐，我們點了XO醬炒腸粉、流沙包、雞肉煲仔飯、辣滷水乳鴿和紅燒乳鴿各一。XO醬炒腸粉和流沙包是正常發揮。紅燒乳鴿很出色，一點也不油膩，而且乳鴿皮非常之脆口！以辣滷水乳鴿比想像中好味！

今日第一次到荃新天地唐宮小聚食飯，點咗個蔥油拌麵，大澳蝦醬炒蟶子，真係超級好味。同埋店員服務態度良好，環境衛生乾淨。仲有店長好有禮貌，好有耐心介紹店內的食物。下次會介紹朋友一起去食飯。

先不談論食物方面，就環境方面，店鋪看似乾淨，但入內用餐彷彿置身迪士尼樂園，有很多隻米奇老鼠在天花板上嬉戲，相當刺激。前菜是酒醉鮑魚。兩隻小小的鮑魚擺在涼涼的冰上，還有濃濃的酒味。這是伊藤潤二的漩渦嗎？不這是千層紫薯酥。哪裡跳出來黑溜溜的煤炭屎鬼？其實這是竹炭和牛漢堡。黃澄澄的蟹肉碎，綠油油的蕃薯葉苗，白茫茫的豆漿湯，頗新奇。難道豆漿只能喝，不能用來炒菜嗎？鹹蛋黃涼瓜，「時珍豈不甘，忘味在聞韶」，鹹中帶甘。大閘蟹在金黃的沙灘上曬太陽。大閘蟹炒年糕還有冰鎮咕嚕，熱騰騰的咕嚕肉在冰冰涼涼的冰粒上，只是份量少得可憐。

環境舒適寬敞，裝修環境幽雅，1進入門口就見到毛澤東同英女皇二世，特色嘅壁畫，員工服務態度良好有笑容又親切，會同你打招呼，又有效率，三文魚粢飯好食又夠特別，尤其店長，冇架子又親切，又會同客人傾偈，值得再次光顧

等一個煲仔飯最少半個鐘都不緊要重點難食又乾又鞋真心好失望無下次 唔怪得人流咁少中午星期日一點可直入 我都知好伏 🥺員工懶理 話煲仔飯係咁食食下野又無情情拉起曬窗簾傻的麻 又塵架 大佬唔想伏就請不要來

所謂醉雞完全唔掂,上枱已知中伏。賣相唔得,俾哂D垃圾部位上碟。又貴又唔好食。以後都唔再去。另外桂花酒釀湯圓完全無甜味,好似飲緊清茶。咁健康完全唔落糖?椰子鷄湯好一般,飲唔都無分別。

餐廳裡面算坐得寬敞，裝修藍色撞金色為主。食物方面，左邊成粒山竹咁樣嘅係點心黎，裡面係好似流沙偏杰身嘅龍蝦湯，啱影相📸️ 平時紅油抄手就食得多喇，右邊呢個係麻醬抄手，其實兩者都夾到（我本身喜愛麻醬），如果怕辣嘅人可以試下。（冰鎮咕嚕肉）樣子幾好打卡，同埋未試過熱盤咁樣變凍食😂其實幾得意，就算係熱上應該都唔錯嘅，因為裡面鬆軟而外層都幾crispy 整體上啲食物都OK好食，可能我第一次黎，覺得菜式嘅配搭都幾有新意，在場見到都見到好多一家大小黎食

每次見門口企滿人，終於知道點解！因為有位冇人執，人手不足，門口個位安排座位既黑面到～ 十問廿唔應，明白人手不足，但都要有基本工作表現。有位安排入座都要10分鐘，所以集左好多好多人響門口，好似好受歡迎囉！食物：價錢超高，份量越細，食到谷氣！3個人食唔飽，最後老人家要求一碗白飯$19 先可以頂下肚。味道是ok。最後明明22:00 關門，20:55 要人埋單，菜都未上齊，叫人加水半小時冇人，埋單就吹吹吹！😡咁既價錢點解要食得咁谷氣！

上次經過荃新天地見到呢間餐廳門面好特別於是入左去試發現好好味喎今次同男朋友再去試 今次嗌左臘腸煲仔飯、麻辣乳鴿（凍食）、黑松露蝦餃（有4件）蝦多士（1碟3件）✨一落單 麻辣乳鴿極速上菜，心諗點解咁快嘅！原來佢係凍盤嚟嘅，麻香味好夠但係食嘅時候要好小心，因為好容易比啲麻辣汁彈到，都好食既✨沙田乳鴿 $49一隻 因為我哋上次嚟比佢吸引左，今次我哋再嚟一人一隻！果然冇令我哋失望，keep住都係熱辣辣 啲肉一啲都唔鞋口好好食！有比較之下都係鍾意食熱既乳鴿多過麻辣乳鴿✨黑松露蝦餃 上菜嘅時候有少少熱，但咬落去唔係話十分之熱，食落去有少少黑芝麻味🤓幾特別 但皮好似有點厚✨蝦多士上面有黑松露鋪喺面，蝦都好大隻 樂食👍🏻✨臘腸煲仔飯入邊有幾種腸，包括臘腸、潤腸、辣肉腸等 個飯好香 索哂d臘腸味總括而言 呢間餐廳環境好舒服 食物都好唔錯 值得一試！

一直想食呢度嘅豬仔🐷椰汁糕好耐😂假日專程嚟飲茶食點心！去到餐廳門口先知原來可以用THE GULU 拎飛😶鳳眼蝦餃蝦餃用食用花做點綴裝飾，外觀精緻！蝦肉爽彈，夾起唔會散晒好企身，好食😋黑金流沙包 竹炭包皮軟綿綿，内餡係流沙奶皇！小小熊仔（三件 ）一咬開朱古力醬流晒出嚟，味道似麥提莎朱古力味，可愛造型加埋朱古力醬小朋友實鐘意！水煮魚春卷春卷裡面裝滿嫰滑魚肉，一夾起好重手！内裡嘅水煮汁更加令到唇舌有種發麻嘅感覺！焗鮑魚酥完全唔夾，很奇怪嘅配搭！得意小豬豬仔椰汁糕終於到啦😍 好似趴咗喺度浸浴咁，實在太可愛！一定要留肚叫呢個甜品，得意又好食❤️