唐記包點 (寶怡商場)

營業中

休息中

晚晚都排哂隊，香港人真係好鐘意飲夜茶🤣今日終於到肥美同男朋友啦😉今次叫左雞扎+燒賣+鳳爪排骨飯，盛惠$64$18一個點心，$28一個盅頭飯，唔洗茶位又係幾抵👍雖然唔能夠同茶樓啲點心媲美，但係夜晚有得飲下茶都幾開心，終於明白點解每晚都有咁多人排隊。同埋講真都唔算係好貴😉完全可以接受到👍睇返相，見到每粒燒賣都有一隻蝦，加分位✨雞扎仲有魚肚𠻹👍加分男朋友表示點心係擺得落口嘅點心，果然有要求‼️😆係好嘅，中肯答案😉

我一日三餐多數都在外用膳 ，有時食的東西比較濃味和肥膩，今晚好想食得清清地，於是在附近唐記包店買了一盒章魚肉餅盅頭飯$24, 我請店務員給我加多一點菜，他們真的很好， 給我多了一些椰菜。 總算是一個較為健康的晚餐😃

有時在餐廳食得多，會想買外賣回家享用，唐記包點是一個不錯的選擇，這店子除了有精美點心、蒸飯及包點供應外，還有多款的家常飯餸選擇，而且價錢相對便宜！這幾款家庭飯餸味道不錯！這菜肉包好食，值得推介！

遲左收工，肚餓又想食家常菜，於是嚟試下唐記。梅菜扣肉飯：佢嘅肉片都算厚，口感偏稔，但有少少削，不過味道都ok，亦都唔會太咸。至於份量方面都幾多，夠飽，餸都夠撈飯。鵪鶉蛋燒賣：次次都必嗌，性價比高，口感結實爽口味道濃郁。

估唔到傳統中式點心舖頭，都可以同日本My Melody公仔crossover, 等咗個幾禮拜，終於有機會買到，由於太受歡迎關係，每日到貨都會好快賣晒今次最靚嘅係My Melody 公仔頭嘅紅豆包，粉紅色嘅菜肉包，粉紅色嘅蝦餃首先就要食鹹點嘅蝦餃，一貫出色，鮮蝦味十足，加少少辣椒醬，冇得輸，當然粉紅色同白色味道分別唔大，不過包裝就好吸引，個盒最可愛，仲可以有3D感覺粉紅色菜肉包，用料十足，菜同肉嘅比例一半一半，非常均勻，又唔會太咸，個包仲要好鬆軟最後試吓個紅豆包，呢個係最難買，每間店每日限量發售，裏面嘅紅豆超大粒，不過就甜咗啲，可能我食慣淡味，仲有個包嘅公仔外皮比較硬！呢個crossover十分驚喜，大家一定要試吓

我等咗好耐嘅唐記新包，頭一兩日出個陣去買竟然賣晒！？過多一排再經過終於買到啦流心阿華田包 $5又平又抵食！個包勁熱咬，一啖即刻見到流心，阿華田醬好香好濃！！超好味！食完先覺得一個係唔夠喉，想食多個☺️本身想試埋個阿華田奶茶，點知去到賣晒了。。。下次要再早啲過去買！香煎包 $15/3個外皮keep到都幾脆，咬入中間嘅肉又熱又多汁，我叫咗菜肉、牛肉、蔬菜香菇，三個味都唔錯～點心 $17其實我最鍾意食唐記啲點心🤩鮮竹卷、燒賣、金錢肚都出色，今日食個金錢肚好腍又入味。章魚肉餅飯 特價 $20個飯係驚唔夠飽而加嘅，仲要有特價添，抵食到爆！肉餅仲要好大舊，一樣大份唔減料。食咗咁多野都只係一百蚊，又快靚正，真係窮人恩物😂

朝早路經屯門建新，見到有唐記包點，正在做特價飯的宣傳，就決定買外賣回家品嚐。章魚肉餅飯章魚很鮮味，肉餅大大塊。鳳爪排骨飯鳳爪很入味，排骨很嫩滑。煎餃 餃子煎得香口，豬肉味濃。馬拉糕大大件很鬆軟，甜度適中，孩子摰愛。缽仔糕紅豆味濃郁，很甜很嫩滑。葱油餅非常香脆，帶有濃濃的葱香味。蔬菜包 用香菇等素食材料製成，不含肉類成份，非常健康。九菜包韮菜味突出，老婆也讚不絕口。冰饅頭除了即食，還可以買一些凍包拿回家冷藏，有需要再蒸來吃。

暴風雨過後，懶得去煮飯，於是便到就近的唐記包點打包回家﹗本身想食期間限定流心阿華田包及阿華田奶茶，而家購買阿華田系列仲送印有阿華田logo原子筆一枝，可惜當日去到時已賣晒﹗燒賣$17:有杞子粒在頂，內裡有少許蝦肉，真材實料﹗三隻煎鍋貼$15/3:煎鍋貼有椰菜肉作饀料，香口惹味得來又有咬口。香滑凍奶茶$12:沒能買到阿華田奶茶，只好買回我鐘情的凍奶茶，奶茶依舊十分香滑，飲完醒神﹗金錢肚$17:金錢肚好有咬口，還有蘿蔔，好入味~這間分店較特別的是用缽仔裝蒸飯，於是忍不住點了當日精選的北菇雞飯。由於蒸飯是用缽仔來裝，所以米飯口感不錯，少許煙韌有咬口﹗兩個馬拉糕($14/2)作早餐，口感鬆軟，而且不會過甜﹗唐記包點抵食又好味，果然是懶人飯堂﹗

羰基嘅飯，真係又平又靚又正，令人一試難忘，今晚懶得煮飯，買咗個排骨飯返屋企慢慢食，分量依然係咁多，排骨份量真係抵過自己買呀，我一個女仔根本食唔晒，唐記嘅飯最好嘅地方就係佢配有一啲菜俾你，令到我哋呢啲打工仔小食菜，都可以食到幾條菜，補充一下纖維，真係好細心，而且佢哋嘅飯都係廿零蚊，十分之化算，佢哋啲飯一啲都唔Hea 㗎，夠晒誠意啊，每粒飯都吸盡排骨嘅肉汁鮮美，等我哋呢啲打工仔，收工，都可以唔使買餸煮飯，都可以品嚐到一餐美味嘅晚餐呀。而且我仲另外叫多咗一碟雞雜，佢哋嘅雞雜一啲都唔細究架，裏面會有豬皮豬肚芋頭仲有一大雞啦梗係，但係本人就覺得有少少偏油啦，但係可能點心都係咁㗎啦，食完個排骨飯同埋雞雜，十分之滿足呀，而且呢一個價錢，真係自己買餸煮飯都唔夠啦。

今日途經建生商場，但見到間間店都排滿人，為咗滿足想食點心又唔駛排隊既願望，唯有試下專門做外賣點心既唐記包點。見到餐牌，選擇唔算太多，最終我揀咗比較大路的鳳爪排骨飯及金錢肚。落完單先望到仲有張性價比更高既餐牌，可惜已經落咗單，無謂再改。鳳爪排骨飯 ($25)：呢個價錢份量算係咁上下，味道尚可，豉油份量剛剛好，飯底值得一讚在於唔會痴埋一大舊金錢肚($17)：內含4個金錢肚+3件蘿白，溫度處於微暖狀態，蘿白完全唔駛咬就散，而且d汁又調得一般，無辣度又唔香口，食完覺得好口渴

唐記包點經常都排队賣包，主要賣中式包點。尤其是糯米雞大大隻，餡料丰富，配合惹味的汁酱，早歺吃一个已经飽飽了。而且喜爱吃他们的芝麻飽，很濃烈的黑芝麻口感，配合柔软的包皮，一口咬下，兹味無窮。而且各类包點款式多多，有传统的口味。

有時都會去唐記買下包黎做早餐，食開麵包店嘅包，有時轉下口味食下蒸包都唔錯。除左包之外，唐記啲飯都幾ok嘅，我幾鐘意食土魷肉餅飯，肉餅都幾大塊，最緊要抵食，二十幾蚊咋，都ok嫁。

有時唔知食咩午餐好，都會去唐記包點買盅頭飯食。我就鐘意食佢個鳳爪排骨飯，少飯多菜，二十幾蚊黎講都幾抵食，排骨都有4至5塊，鳳爪都有3至4舊。排骨整到好稔，好入味👍👍👍

呢幾日屯門區氣溫維持係六至八度，從未試過咁凍，真係凍冰冰。收工後又諗起屋企附近的唐記包點，門口已經企滿人，大排長龍，大家都係想食佢哋最出名嘅熱辣辣蒸飯。等左幾分鐘，去到收銀嗰時，竟然得返最後一個飯，原本想食排骨飯嘅我，唯有試吓呢個獨頭章魚肉餅飯，再叫個點心，買返屋企嘆番吓，順便取取暖！講返個章魚肉餅飯先，肉餅係厚切，足料又唔油，好似比較健康，仲有新鮮椰菜，最重要係熱辣辣，呢個係最好味，今次試過章魚肉餅飯，真係可以再encore點心都係我嘅至愛，暗春蛋燒賣，依然好味，都係果句，係咁凍天氣，食到新鮮熱辣嘅點心，又唔使點等，真係人生一大樂事

平靚正!好好味街坊級既價錢 五星級既服務態度 日日放學都黎幫襯 收銀姐姐都記得我食咩同區冇乜包點選擇 呢間新開既唐記 簡直係我地班同學既飯堂 特登係嶺南大學搭車過黎食都抵啊