唐記包點 (龍旺大廈)

營業中

休息中

有時返工實在太趕時間都會去唐記包點買麵包食 超快手一拎出嚟就係 包點熱辣辣 叫咗個香菇雞包同榨菜肉絲包 香菇雞包好香鮮冬菇味 榨菜肉絲包有啲爽口唔錯 兩個包點都蒸得好軟熟 抵食！

章魚肉餅飯是一道美味而獨特的招牌菜。這道菜以鮮嫩多汁的章魚肉餅為主要成分，搭配飯食，味道鮮美，口感豐富。當你咬下第一口時，會感受到內裡則是柔軟的章魚肉，口感細緻。

旺角旺角道38號龍旺大廈地下A1號舖職員態度惡劣，胡亂計算收費，不耐心聽取客戶要求。好喜歡新推出湯飯，但職員態度太惡劣，查問點心件數收費價錢，完全無耐性報價，仲想用膠袋裝點心就算，問佢用返外賣盒，佢話要加錢。原來買點心係唔包外賣盒，，因為太神奇所以永遠唔會再光顧。唔係價錢問題，係唔想再受氣。

唐記以前嘅印象係食包同點心🤣🤣但係今次再次幫親發現佢出左好多唔同嘢食，有咖哩飯、茄子飯等。雖然好想試下，但係啱啱起身唔想食飯😂就嗌左個小食拼盤、同生煎包！小食拼盤入面好多野呀，有燒賣、魚蛋同腸粉！分量都係超多！咁大兜嘢先$20🤩🤩 雖然性價比高，但味道都唔會差，特別係腸粉！超滑👍🏻配上混醬 食到停唔到口🤤🤤 早餐食呢個都係一個唔錯嘅選擇👍🏻另外仲嗌左兩個生煎包、煎餃子同煎堆。呢幾樣有d失望，因為全部都凍曬😅

有幾個員工特別好，唯獨是一個員工我每次買野見到早班係姓胡xx超無禮貌又大声好似喝狗咁，我俾錢慢啲就不段叫我快，佢做嘢好快咩，袋幾個包俾我都慢吞吞，我係來買野，不是來受氣，我想問她，我有什麼得罪她，每次都超無禮貌，，服務業一定以客為先，做到好似我欠佢一樣，都唔知點解請這個員工回來倒米

收工經過 不想麻煩回家煮飯 見到唐記打算買個飯 試了個排骨飯 但是 排骨飯裡面的飯太爛了 而且排骨有臊味 裡面配搭的蔬菜凍的 建議把菜加熱 吃兩啖就丟了 之前吃過其他地方的唐記 飯都好好吃 但是這間失去了水準對不住個價格 現時吃兩餸飯都比你好

今晚諗住平平地食個dinner算啦，都唔知食咩好，就係街行下，見到咩岩就食咩啦！！🤣經過唐記包點，見到有$28 咖哩雞飯，好抵食就決定食呢個🤣🔹咖哩雞飯 $28估唔到份量咁多，飯同咖哩雞係分開2個碗裝，2個碗都唔細嫁！！雞肉🐥🐥份量好多，有成10幾件雞👍🏻👍🏻醬汁都好香濃，但係雞肉好多吸曬D醬汁搞到唔夠汁撈飯食🤣🤣薯仔都唔少嫁，而且薯仔好入味，好淋😋但白飯就一般般，比較乾身同硬左D🤣所以要加埋汁一齊食

以前都好小係呢到買點心，就係嗰時出咗Melody點心系列嗰時，我就成日走去買Melody嘅點心，所以如果有時想食點心就間中係到買嚟食吓😊——————————差不多去到邊都見到唐記包點、真係港九新界離島、或者港鐵站都可以見到佢😀所以如果你突然想食嘅話，可能又會係你眼前出現，原本我係想去另一間買點心吃，點知係我腦海中想食點心之際⋯⋯面前就見到佢😆所以就係呢到買咗幾款點心，價錢都幾抵食，28元兩碟鳳爪、28元又有八件點心、味道都ok。56元咁多嘢食，你仲想有乜嘢要求，而家好多人，又要平又要靚，有時口味大眾化，唔會有難食嘅感覺都可以話係合格，不咸不淡的適中味道迎合大眾化口味，又方便，我食嘢係不同地方不同要求，當然如果去酒店飲茶食點心，我嘅要求就當然高D😁————————-知足常樂又一餐..平價點心我都讚其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰————————-

今日係外賣之夜，同老公行過旺角，見到佢擺喺門口啲春卷唔錯。$16/4件仲有兩款春卷俾你揀，一款蝦春卷，一款粉絲豬肉春卷。兩款都唔錯幾好味不過，因為返到屋企耐左啲，焗番熱佢🤣，好似係酒樓即食咁。有時外賣加一加工都唔錯😋前後

返工趕時間買個 外賣做lunch. 唐記包點 都有好多平價飯 23蚊有交易。我就叫咗個咖哩雞飯， 咖哩雞同埋飯分開 裝。 但可惜就沒有嘢飲 不過23蚊又想要求 什麼。飯的份量好多 估計有 足足一湯碗。 但係飯的口感就麻麻 比較 鞋 身。 只係越南米的貨色。 咬落唔夠煙韌 沒有飯的香味。但係23蚊嚟講都算係合理。之後到個咖哩雞 有薯仔 紅蘿蔔 仲有雞。雞的分量唔算好多 總共 食到 有四嚿 算係合理。咖哩汁多幾日咩 唔算辣 甜甜地 嗰一隻港式咖哩。 薯仔同埋紅蘿蔔都幾多， 如果以23蚊呢個價錢 算係性價比高。

唐記包點既蒸飯真係平靚正之選。鳳爪醃得好夠味， 排骨唔會太肥， 仲好細心放少少南瓜做配菜， 增加食物纖維，令到成個蒸飯變得更有營。而且買蒸飯仲可以用優惠價加配一份金錢肚，食完好有飽足感。.✨鳳爪排骨飯✨沙嗲金錢肚.🏠 唐記包點🛤️ 旺角旺角道38號龍旺大廈地下A1號舖📍 旺角站B3出口， 步行約3分鐘-----

以前我多數會在「旺角港鐵站」裡面購買外賣自取「咖喱牛腩飯」，但是現在我多數選擇光顧在「旺角道」的「唐記包點」，原因不便多講，以免食評公開發表的機會，受到不必要的影響。不過論價錢，「旺角道」「唐記包點」的「咖喱牛腩飯」價錢始終不及「咖喱雞飯」那麼便宜。我還可以選擇在其他地方食到便宜的「牛腩飯」，但是想在其他地方食到便宜「咖喱雞飯」就不容易了。所以我購買一盒「咖喱雞飯」、一個「流心奶皇包」，加一碗外賣「北海道3.6牛奶布甸」作為甜品。然後坐巴士回到「新蒲崗」，在「新蒲崗」食完「牛腩麵」，解決晚餐裡面的「牛腩」食材需求。我在「新蒲崗」食完「牛腩麵」之後，跟著坐小巴返回「西貢」，開始享用「咖喱雞飯」，「咖喱雞飯」裡面的「咖喱汁」味道很辣，辣得超出我能夠承受的範圍。至於「咖喱雞」裡面的「雞肉」，大多來自於斬件「雞髀」，所以骨頭也都很多，間接令我實際上食到的「雞肉」份量大打折扣，「雞肉」實際口感軟腍也只是一般程度而已。至於「流心奶皇包」在我坐車返回「西貢」之後，「流心奶皇包」裡面的流心甜味「奶皇」餡料，大部分都已經冷卻，要再翻蒸包點，才能夠食回半流質而流心的甜味「奶皇」餡料口感。始終不及我在「旺角

唐記包點除咗各類包點及各式蒸飯之外，其實仲有唔同款式嘅飯類提供，認真多元化，我今晚就買咗個(咖喱雞飯)，特惠價$22元，店內職員態度友善，會細心問客人需要購買邊類食品，好~講番正題先，返到屋企打開個咖喱雞飯嗰陣時，真係聞到好香嘅咖喱味(飯同餸係分開擺，非常好！白飯粒粒分明，我有認真數過，啲餸真係相當多，薯仔有5大件，紅蘿蔔有3大件，雞肉嘅份量都真係幾多，認真超值，飯靚兼餸正，實在令人真係想一食再食！

堅流心 倒瀉出黎堅麻糬 好煙韌啊比起原本就咁阿華田包層次多左阿華田味一樣咁濃我的飽飽早餐 只需$7.5 👏🏿 ———————————————————#阿華田 #阿華田包 #流心阿華田包 #麻糬 #阿華田麻糬包 #mochi #ovaltine #唐記包點 #旺角 #旺角東 #ovaltine #蒸包 #期間限定 #香港旅行 #香港美食 #hkfoodie #foodiehk #hkfoodieblogger #食左先講 #852 #阿華田系列 #必試

最近推出了新包阿華田包，$5一個大大個，餡料量極多，又係流心，視覺效果一流！餡料比較甜，帶一點阿華田香，反而外皮有多點阿華田味。可惜當日阿華田奶茶已經賣晒，試唔到...