唐記包點

營業中

休息中

早餐是菜肉包我個人覺得唐記的菜肉包真係又大抵吃一來係超多料二來係超辣辣的送上就係熱辣辣先好食入面好多餡, 不會有吃緊空氣包的感覺!!今日既午餐就係食唐記既咖哩雞飯呢度既飯係比起外面食到既平一大截啦仲要材料都幾豐富飯同咖哩係分開上超好的設計 很貼心!!味道來說都不錯完全是對得起這個價錢而咖哩雞的份量亦沒有因為平所以太少反而份量是剛剛好!!另外加了一個糖水就是蕃薯糖水!! 超好味甜得來又有強烈的薑味道而且蕃薯都有不少為我的午餐畫上一個完美句號

今日午飯又諗吾到食乜，最後決定幫襯唐記包點，因為真係又大又抵食😬今次見呢間多左特色客飯同埋足料製作既粥品，決定幫襯一下。我地今次叫左:咖哩牛筋腩飯個咖哩牛筋腩好足料！餸同白飯係分開既。咖哩味香濃而不辣，牛筋腩好冧同好入味，份量都多，價錢超值。20多元買到個足料既飯，仲係邊度搵到👍蕃薯粟米粥粟米煲到出曬味，所以成個粥都勁香粟米味。蕃薯大大件，成個粥非常養生！中意素食既朋友可以買。如果加多小小糖或鹽作調味，相信會更好味😋雞扎雞扎有兩件，腐皮包住入面有豬皮，豬肚同埋雞肉，成件蒸得十分入味。馬拉糕馬拉糕口感好鬆軟，十分大個！食落味道香甜，比得上酒樓既水準，趁熱食會更好味同更鬆軟。同埋呢排出左個期間限定既流心阿華田包，緊係要叫埋來試下。阿華田包食落真係如廣告介紹一樣，鬆軟綿密，香濃滑順，甜而不膩。入面係流心既，勁香阿華田味。因為係流心既，所以食既時候要小心，吾好因心急而燙親。原價係$8，因為做緊推廣，先係$5一個，有興趣既，快啲去買來試下。另外都出左支唐記特有阿華田奶茶，原價$13, 推廣價$9，因為今次叫左阿華田包，所以冇買到呢支奶茶，有興趣既朋友仔可以買來飲下😬唐記愈出愈多特色飯同包點，十分

每次經過太子，都會見到唐記包點大排長龍，望一望，發現各款包點做緊優惠價$7.5，而且選擇超多，今次試左奶皇包，大大個，熱辣辣，奶皇餡好幼滑，而且超多餡，超正！另外無意間發現有期間限定流心阿華田包，推廣價只需$5，超抵食！不得不提的是原來唐記包點除左包點外，仲有特式客飯、粥品及點心，選擇真係多羅萬有！先講點心，我選擇左燒賣試下，比想像中大粒，而且足料，豬肉亦都好新鮮，不會太乾，質素不錯！而特式客飯選擇左滷肉滷蛋飯，超多滷肉碎，加上濃郁的滷水汁，用黎撈白飯，真係一流！粥品則試下皮蛋瘦肉粥，皮蛋夠味，而且粥一d都唔稀，夠飽肚！

媽媽尋晚又罷工冇煮飯咁尋晚又冇飯開所以今日都冇飯帶中午唔鍾意出街食飯因為想拿拿聲食完可以訓下覺休息一下所以早上去左唐記買鳳爪排骨飯飯返公司本人比較支持環保所以自備玻璃飯盒唐記呀姐好配合見到有飯盒都見慣不怪咁講句：有盒下話？拎黎啦然後我咁就慳左一個發泡膠盒啦大家記著唔係即食既話要叫鼓油另上呀如果唔係就浸到d飯唔好食ga la講返個飯份量比較細食完唔係好夠飽排骨有四五粒鳳爪有一隻半送飯黎講都要慳著食排骨冇咩特別而鳳爪醃得好入味味道剛剛好很惹味

香滑奶茶 $12樽型設計得幾靚，而且啲奶茶質素唔錯喎，茶香回甘，唔會過甜，奶同茶既比例剛好喔。咖哩牛筋腩飯 $29估唔到依家可以用平過30蚊既價錢買到客飯🤣，而且仲有成四款揀，包裝咖哩牛筋腩飯、滷肉飯、咖喱雞飯等，今次K揀左既咖哩牛筋腩飯不論係餸菜定飯份量都幾多😃，咖哩裏面仲加有薯仔，唔算好辣，但用黎撈飯都ok。雞蛋牛肉飯 $22一直以為唐記個雞蛋牛肉飯係好似窩蛋牛肉飯咁樣，係用牛肉片既，原來佢係用好似山竹牛肉果款既牛肉餅，再加隻全熟煎蛋咁😝。塊牛肉餅都幾厚身口感偏淋身，中間仲落左幾爽口既馬蹄，塊牛肉餅加埋鼓油黎撈飯都唔錯。馬拉糕馬拉糕好大舊，而且又夠鬆軟，仲好香甜添吖

旺角道龍旺大廈地下A1號舖 －－－唐記包點上班的時候周不時都會買唐記包點 實在是平價消費！糯米卷的味道不錯，裡面有花生和很少很少的臘腸碎之前會點個香芋包和糯米卷作午餐  糯米口感好煙韌～早餐食包又飽肚 個包又濕潤又熱騰騰 質素冇變過 糯米雞超大份超足料 裡面則有完整一隻的雞翼 糯米飯勁入味唐記最近推出一系列飯 有咖喱雞 咖喱牛腩 豬軟骨etc我買咗個咖喱牛腩飯試 飯同餸獨立分開裝碗 唔怕Sok唒D汁！又真係幾好食！

又去咗唐記買飯食，一直都食開唐記嘅盅頭飯，尤其係鳳爪排骨飯同梅菜肉餅飯，水準非常穩定，飯粒更加唔使多講，食落非常煙靱有頭，果然出色，我昨晚買咗個豬軟骨飯嚟試一試，豬軟骨炆得非常軟淋入味，淋到好似食啫喱一樣，而且味道又唔會偏鹹，帶有些少甜味，個汁好開胃，可以令到人食到好多飯，而且豬軟骨嘅份量仲有5大件，兼且仲有兩件薯仔，以$29元嘅價錢嚟講絕對係良心價，遲D會試埋咖喱雞飯同滷肉滷蛋飯先，好嘢自然受歡迎

剛剛寫完唐記包點嘅咖喱牛腩飯食評，後來才發覺寫漏咗，其實裡面仲有兩件粉嫰嘅薯仔，兩件薯仔入口軟嫩，夠粉=好食！整體呢個咖喱有85分以上，而且都幾辣，各位一試便知曉

唐記包點最近推出一系列精美靚飯，有咖喱雞飯、咖喱牛腩飯、豬軟骨飯等，我今晚就去買咗個咖喱牛腩飯試吓，飯同餸獨立分開裝碗，呢個做法真係十分之好，我首先打開碗咖喱牛腩，一打開蓋之後，真係聞到有好香嘅咖喱味，嗰種味道有D似我以前細路仔經常食嘅楊協成咖喱好接近咖喱裡面有一塊洋蔥、一塊紅蘿蔔、4件牛腩(Size都唔算細)，仲有兩條牛筋，入口軟淋，D咖喱汁撈飯食真係好正，價錢唔算貴(只係$29元)，可以接受，咖喱真係香濃惹味，掂啦！

是日跟上司外出工作，差不多午餐時間，但眼見我的工作排山倒海，所以決定在office 附近的唐記包點買外賣返去食~~~唐記包點的飯和點價錢比較平，所以倒吸引慳家人士去幫襯~~~呢度望落似即造即賣~~~我買了糯米雞，感到幾好食，淋得來又咸咸地，裡面有完整一隻的雞翼~~~另外點了蝦餃和雞扎，雞扎裡面的芋頭幾好食，蝦餃算是不錯~~~上司點了梅菜肉餅飯，望落個飯都好多菜~~~另外我點咗黑芝麻豆漿，唐記飽點的黑豆漿幾好飲又唔太甜~~~

成日出街食飯又煎又炸，真係食到肚滿腸肥今日想清清地，所以就去〈唐記包點〉買些蒸點同蒸飯同老公一齊食記得〈唐記包點〉係花園街有分店，就決定收工時去寵物街買完野再去買蒸點返屋企。鋪頭主打蒸品同埋蒸飯，所以舖頭有幾排大蒸櫃一路keep住熱，買嘅時候絕對熱辣辣原來除咗10幾款蒸包同埋多款蒸飯之外仲有多款點心供應，非常多選擇最近仲新出左香煎風味嘅點心，有韭菜包又有鍋貼同蔥油餅之類，堅正喎！ ！要健康當然要飲豆漿，見有黑芝麻口味當然要試一試！！飲落都幾香濃，有淡淡的黑芝麻味但又唔會杰撻撻，而且應該沒有加很多糖，絕對係健康之選二話不說就要試我最期待嘅〈香煎風味系列〉，除咗煎鍋貼之外仲揀咗香煎菜肉包同韭菜包外層煎得夠香脆，內裏餡料非常飽滿，脹卜卜的，而且菜肉比例非常好，唔會食到成咀油，油琳琳的。算係對不能過於清淡的老公帶來點安慰吧另外見到蝦餃都只係$18 ，好抵喔！出去飲茶絕對唔係呢個價呢唔好以為平嘢就冇好，蝦餃既外皮軟熟度適中，口感Q彈，內裏嘅蝦肉非常彈牙，出色過唔少酒樓喔淨係食呢啲老公當然唔夠飽，所以另外佢都要左個豬軟骨飯，第一眼真係俾咁大碗飯嚇親呢😂😂😂豬軟骨煮到近乎入口即化，又淋又滑而且仲非常

港式包點像是許多店家與 為求每天熱銷分分推出港點點心飲食文化之氣氛下保留港式速食靈魂難怪專門店掀起吃貨們港人熱潮小聚外賣百分百吃飽的需求,平價港點餐廳夠道地以平價消費亦沒有低消更優勝帶來生氣象 ! 點心卻罷不能的地方綜合皆有熱門既(蒸飯/點心/香煎蒸包/飲料)供應選擇種類繁多,價為七蚊至廿五蚊元左右範圍可見點心口感集於煙韌，軟滑倍添滋味老少皆宜選用精選套餐價購買價格更便宜( 菜肉包 )( 奶黃包 )( 北菇雞飯 )( 香煎蔥油餅 )( 雞扎 )( 豆漿 )配合新鮮即食務求帶出原汁原味細意打造炮製人氣美點共冶一爐，追尋著附近簡單美食來迎合自己吧

唐記包食得多 因為早餐食又飽肚叉燒包是我頭號首選 個包多汁又多餡食左幾年質素都冇變過第二最愛的包是菜肉包菜肉包同樣是多餡又多汁 大愛衣加唐記新出了好多點心燒賣更進步了 上面竟然放了蝦 🦐個感覺同去左酒樓食一樣而金錢肚份量好多有8舊左右 食完好飽肚個沙嗲醬夠入味而且個金錢肚煮得好淋唔錯唔錯想食好耐的砵仔糕係香港呢d傳統小食買少見少係唐記都有得買砵仔糕真係方便而且係爆多豆食砵仔糕當然要食多豆 咁先有口感以後可以成日都食到了

我成日都係食唐記做LUNCH既一黎平 二黎都幾好食今次我食既係咖哩雞飯應該係新出既產品但我都食左幾次比起普通既盅飯會貴4蚊($25 VS $29)但係咖哩雞既份量我覺得會比較多所以我覺我呢個價錢幾合理我數過一碗入面有2大塊既薯仔, 5塊既雞肉D雞肉都算幾大塊!! 所以絕對夠食咖哩汁好香濃我幾鐘意佢既味道唔辣既不過咖哩味又香又濃撈埋飯一齊食就一流另外我點左每次必點既香芋包好香既香芋味比起出面麵包店既反而冇呢D蒸包每次都係一個飯加一個包就剛剛好夠飽了

唐記一直都係我早餐嘅首選，可以外賣番學而且價錢亦公道🤤🤤而我同朋友今日就叫咗幾款做早餐嘢食share點心方面我哋就叫咗金錢肚、燒賣同蝦餃聽講金錢肚係新推出嘅，所以我哋都決定試一試，點知一份嘅金錢同份量都真係好多，而且底下嘅蘿蔔亦都好入味，抵食😋😋蝦餃嘅蝦肉亦都好大粒，而且蝦肉都好彈牙爽口，燒賣亦都大大粒🤤🤤而且今日仲試咗新推出嘅香煎包，我哋今日分別試左香煎蔬菜香菇包、香煎牛肉包同埋香煎菜肉包。岩岩煎完既包真係好香，而且每個都超多料，食完真係好滿足而且今日仲試左香滑奶茶，因為奶茶冇落到冰嘅關係，所以飲落真係好濃郁，而且茶味都好夠，所以飲落得好香茶味