唐記包點 (龍旺大廈)

營業中

休息中

每次經過太子，都會見到唐記包點大排長龍，望一望，發現各款包點做緊優惠價$7.5，而且選擇超多，今次試左奶皇包，大大個，熱辣辣，奶皇餡好幼滑，而且超多餡，超正！另外無意間發現有期間限定流心阿華田包，推廣價只需$5，超抵食！不得不提的是原來唐記包點除左包點外，仲有特式客飯、粥品及點心，選擇真係多羅萬有！先講點心，我選擇左燒賣試下，比想像中大粒，而且足料，豬肉亦都好新鮮，不會太乾，質素不錯！而特式客飯選擇左滷肉滷蛋飯，超多滷肉碎，加上濃郁的滷水汁，用黎撈白飯，真係一流！粥品則試下皮蛋瘦肉粥，皮蛋夠味，而且粥一d都唔稀，夠飽肚！