唐記包點

營業中

休息中

經常都係到買早餐，好多次問佢有冇蝦餃次次都話冇，賣哂，要等兩個字極度懷疑d呀姐係到偷懶唔做野～成日係廚房傾偈，跟住冇得買蝦餃，問佢粉果佢又話賣哂 得兩隻真係咩都冇 唔好開舖啦～大佬 早左8點9點d時間個個都買緊早餐嫁啦帶着帽既阿姐 名牌又冇 衝出黎話態度勁串，已經賣哂～我地賣唔哂會扔！所以唔會整咁多。心諗甘 你不如咪開！賣乜嘢冇乜嘢！大佬只係8點9點不如你唔好開門做生意個鄉音姐姐超級冇禮貌 名牌咩都唔帶

剛去買煎炸物，雖然手上拿著20蚊紙，但唔代表我只買20蚊，個高瘦姐姐見我不停講，就態度奇差地話，20蚊4件唔係20蚊6件喎。咁驚人買錯，咪大隻d標番個價錢囉，就算得番佢一間，都唔會去買

裝修左之後 根本就吾知點樣排隊！個個客人行埋去就買到，排緊隊果啲就要繼續排，直至店員問你食咩先有得叫野食！間鋪整2部8達通機 ，一時就排左邊部8達通叫野食，一時又排右邊部8通機叫，排完左邊又叫返人去右邊排！明明無人排緊隊，叫左野食就同人講係後面既人排先 ，就因佢企了右邊8達通機前！明明叫野食時兩部8達通機前係無人！以前2部收銀機統一排隊時 係吾會有呢個問題出現！啲店員根本就無指示客人點樣排隊，那一邊排隊叫野食，人人行埋去8達機前都可以買到！

噚日(30-9-2022 Fri)老公工後喺呢間同巧手買餸返嚟,佢喺呢喥買咗咖哩豬扒飯,睇返上次喺係2022年9月12日刊登嘅食評(https://www.openrice.com/zh/hongkong/review/blue-ok%E5%98%85-e4534959),價錢應該係$35.00.佢哋係飯餸分開兩兜,夾起豬扒,係已經切成條狀,食落,唔算好腍,咖哩辣,佢嘅辣唔係源於咖哩而係辣椒油,我就唔係好鍾意.之後食嗰件就腍啲,可能因為佢薄啲啩.味道: 2.5分

前日(10-9-2022 Sat)中秋節喺屋企整咗成日嘢,完全冇動力出街買餸或食晚飯,老公就出去抖吓氣,順便買嘢返屋企食,佢喺呢喥用$35.00買咗蓮藕炆腩肉飯.打開睇,除咗蓮藕同豬腩肉外,重有雲耳,先食吓雲耳,都仍爽口嘅;個汁幾好味;蓮藕夠腍;而豬腩肉呢,咁彈牙嘅?原來係雞髀菇,好好味;咁豬腩肉呢?撈吓撈吓,原來喺底,有3件大大件嘅,食落,係炆得夠腍嘅,脂肪都係,但我食到啲腥味.白飯都算軟硬適嘅.3.5分上次食評係6月19日刊登嘅呢篇: https://www.openrice.com/zh/hongkong/review/blue-%E7%AE%97%E4%BF%82%E5%92%81-e4426537

10-6-2022 (Fri)放工返到屋企冇嘢食,同老公商量,佢決定喺喥買兩個飯盒返嚟食,一個係鳳爪排骨飯,一個食鹹蛋肉餅飯,我就只食啲餸.鹹蛋唔乾正常冇問題;豬肉餅厚身,有啲實,味道一般;鳳爪排骨都夠腍同入味,唔錯.4.38分兩個飯盒係$54.00.上次食評係2021年11月28日刊登嘅呢篇: https://www.openrice.com/zh/hongkong/review/blue-%E5%94%94%E5%90%88%E6%A0%BC-e4249911

18-11-2021 (Thur)老公放工後喺巧手買咗咕嚕肉,又喺呢喥用$32.00買個魚香茄子飯,因為呢喥冇淨餸嘛.拎到返嚟,見到個飯大大盒,魚香茄子份量唔太多,但見到紅油我就驚,不過都試吓,咦?!唔辣,真係一啲都唔辣,咁啲紅色嘅汁係由邊喥嚟?茄子切到大大舊,豬肉碎都好夠,而我亦食到鹹魚嘅香味,唔錯嘅.不過如果話係真正嘅魚香茄子,咁佢就唔合格喇.上次食評係2020年8月16日刊登嘅呢篇: https://www.openrice.com/zh/hongkong/review/%E5%86%8D%E6%8E%A5%E5%86%8D%E5%8B%B5-e3793061

唐記包點綠楊新村店李xx，畀到76號票都唔畀我72票，她說：“畀曬啲包先，你係飯所以遲D。” 我話：“要趕住返工呀。唔係順住號數嘅咩？” 佢話：“唔滿意就投訴我啦”？其他連鎖店例如麥當勞，大家樂等都係先買飛先出食物啦。我逢星期一至五返工前都會買定飯返公司做lunch，都算係熟客喇。今時今日都有啲咁嘅服務態度真係倒米。

唐記又出卡通人物系列，今次輪到布甸狗。 呢個係奶皇凍包，買回家後要整熱8分鐘。 凍包既原因可能是怕店舖一早整熱賣會變型。布甸狗的樣子好可愛，膠袋、紙盒以及包裝紙都是布甸狗，一絲不苟。 一打開，笑笑口的樣子，睇到都不捨得吃😆。 奶皇包不是流心的，但奶皇味很香，麵包皮很軟身，幾好吖！

唐記一直係平靚正之選除咗平日會買凍包(特價$18/3個)每日朝早叮或者蒸返熱當早餐食🤩我都成日買佢既盅頭飯😋最愛就係土魷蒸肉餅飯😍佢仲會送幾塊南瓜份量黎講對女仔就十分足夠不過老公通常都話唔夠食 一定會加多個包或者點心😂

有兩款粉紅melody包，有驚喜！一款係圓形上面印左隻小小啡色嘅melody圖案就是菜肉包，是熱包而食落有口感因為有白菜塊足料。另一款超可愛的melody頭包是凍包 有原粒紅豆的紅豆包❣️要整返熱黎食 建議蒸8分鐘 我用微波爐叮咗3分鐘 個包乾咗少少🙈

10-8-2020 (Mon)老公放工後,又喺喥買包點,今次佢買咗菜肉包,沙爹牛肉包,叉燒包同香菇雞肉包.翌日朝一齊work from home,咁就食頭兩款先,菜肉包多肉,味道清淡但唔寡,口感鬆軟OK.味道:5分沙爹牛肉包呢,開頭我驚辣,但好財唔辣,啱我,不過好似冇乜沙爹香味,牛肉餡就一樣鬆軟不過乾啲.味道:2分而叉燒包同香菇雞肉包呢?我哋喺12-8-2020 (Wed)朝分別各自食一個,老公食叉燒包,我食香菇雞肉包,餡料都幾足嘅,而味道都係正常清清地.味道:3分每個包都係$7.50.上次食評係2020年7月26日登嘅呢篇:https://www.openrice.com/zh/hongkong/review/%E6%A8%A3%E6%A8%A3-7-50-e3784628而上次我漏寫佢嘅腐竹雞蛋糖水,好似一碗$14.00,我記得佢係滑,但好甜,而且有啲意米,雞蛋係成隻烚嘅.味道: 2.8分

唐記嘅點心不嬲都幾有質素，買個包做早餐選擇都好多，可以兩個禮拜唔重複～我鍾意食菜肉包，叉燒包，菜脯肉包，香芋包同埋番薯包。全部都係$7.5大大個，一個做早餐就夠飽。點心例如蝦餃燒賣雞扎都一樣係$18，抵食！有時晏晝求其買個蒸飯，都有幾款可以選擇，都只係$26。方便快捷美味！簡直係窮人恩物 ！

17-7-2020 (Fri)老公放工後,喺呢喥買佢翌日嘅早餐,順便買咗兩個砵仔糕返嚟做甜品.紅豆份量充裕,係大粒但唔太甜,反轉砵仔糕睇(唔記得影相),光滑得嚟有啲”令”,而口感嗰種彈,有啲似膠,完全唔似傳統民間小店做嗰啲,我就唔係咁識欣賞.而呢個每個索價$7.50.味道: 1分25-7-2020 (Sat)朝,老公話整早餐食,咩早餐呢?原來佢前一日放工後又喺呢喥買咗啲包返嚟,佢買咗4個,每個一樣係$7.50,有紅豆,紫薯,芝麻同奶皇,我哋先食後面嗰兩個.蒸熱完後掰開睇,餡料豐盛,但唔係流心,啱嘅,人哋冇話流心.先食奶皇,餡料細滑完全冇粒粒,味道唔香濃,或者係太多奶吧. 味道:2分芝麻包呢?口感明顯唔同,充滿芝麻粒,調味唔算太多,唔太甜,ok 嘅.味道:3分今朝,我就蒸埋嗰兩個一大一細嘅包,蒸完又掰開睇,紫薯嗰個包身好厚,餡料亦唔係紫色,食落,莫講話唔甜,就薯味都冇乜,只係口感ok,軟綿綿.味道:3分而紅豆包呢?紅豆味濃唔算好甜,而且都睇腍嘅.味道:3分上次食評: https://www.openrice.com/zh/hongkong/review/%E9%BA%BB%E9%BA%B

之前試左個奶茶包，唐記包點加多少少野當新包買😂，夠創意😄！佢指定款式要去指定鋪頭先有得買，今次去左荃灣綠楊坊，服務就ok 啦！其實呢類型外賣點心店除左好味，最近要係快靚正😄😄呢間鋪做到！讚👍🏻講返個包就同奶茶包味道一模一樣，真係加多左珍珠係裡面，目測有6-7粒，質地較淋身食到少少黑糖味！至於流心奶茶餡方面就冇奶茶包咁流心，‘杰’身少少都有效果但差好遠😲（有興趣可以睇返之前奶茶包個post)😁😁珍珠奶茶我通常就凍飲，熱食就第一次，可能只係唔慣啦個包好唔夾，有d野試下咪當有趣囉😉😉