唐記包點 (綠楊坊)

營業中

休息中

自己細個開始就好中意飲阿華田，估唔到傳統既唐記包點竟然會有阿華田既包賣。係一個外貌啡色既中式包既外貌，包住濃濃既阿華田醬，真係好好食，令人喜出望外。包既皮唔會太厚，一咬就已經有阿華田醬，抵讚!仲要價錢好平，而家新品特價$5咋!佢仲有個阿華田奶茶，等下次再試下先!

我一直都係唐記包點super fans黎既，貪佢係平靚正，有時收工食個包頂肚又得，又有蒸飯又有點心。不過今日我就係衝住呢個阿華田包黎既！阿華田包而家特價5蚊個，但係唔係間間分店都買到，好多間都賣哂，可能真係太平啦。本身我都想試埋佢個阿華田奶茶，不過賣哂。買完之後即場食，入面個阿華田真係流心架！佢好濃但又唔算係甜到漏個隻，真心正！到而家仲回味緊。另外我就順便買左個鳳爪排骨飯返屋企食，其實一向我都好鐘意食依個飯，但係又唔係成日可以一個人去飲茶。飯都係足料，而且我另外再加左一籠鳳爪，好抵食。唐記既點心係有酒樓水準既我覺得。順帶一提，花卷都好正，好多蔥！

華田對於香港土生土長既小朋友一定唔會陌生 細個未飲得咖啡因 屋企人一定會叫杯華田俾你飲 到依家係茶記都會偶爾想起兒時回憶而叫翻杯。今次唐記推出呢個唐記華田系列 分別係華田包同華田奶茶。每次行過唐記都會見到售罄貼咗係個華田系列！今次見到無 就行過去問姨姨仲有無 佢都笑笑口話有啦！ 咁當然兩樣都買嚟試下！ 個奶茶一飲 OMG!!!!!!好正 無諗過可以咁濃 個奶茶係好出色 但同時個個華田味又仲係度 成件事好夾。別外，個包係流心的 一咬D華田流心流到口入邊 好正 不過就偏甜少少 但食得華田都預咗！一定會再買嚟食同飲🤤🤤💕💕💕

快靚正之選愈來愈多人幫襯，旺場到排隊排了10分鐘。近來新出了阿華田系列的包包及奶茶，十分吸引! 現做推廣價$5 太便宜了無理由唔試下吧～ 今次我叫了外賣是 章魚肉餅飯， 蝦餃， 鮮竹卷， 阿華田包， 芝麻包。 阿華田包~ 阿華田醬像熔岩般湧出來，朱古力控最愛。章魚肉餅飯 ~ 香口惹味的軟綿綿肉餅，添加了大量的椰菜，健康度立即提升。蝦餃皮薄餡靚~大大的蝦仁十分彈牙。鮮竹卷很足料，沒有味精。黑芝麻包也是我家人的最愛， 甜而不膩必叫item之一。

返工真係好辛苦😔😔😔最開心就係一大班同事一齊食晏🙆🏻🙆🏻🙆🏻今日公司開大食會😎😎每個同事都會買一啲嘢返嚟一齊食晏😋😋我就諗唔到買咩😂😂就去咗唐記包點度買啲嘢返去一齊分享😎😎今次我只係用咗$100就買到一個飯，兩個麵包，三隻鍋貼，同埋兩款點心，真係抵到爛🤑🤑其實唐記包點本身都有幾多選擇，特別係點心！先講個飯，今次叫咗梅菜蒸肉餅飯😍😍肉餅分量足夠😋😋送晒成個飯👍🏻👍🏻而且有啲菜👍🏻👍🏻真係夠晒一個人當夜晚或者晏晝食🤑今次唐記包點新出左阿華田包😍😍真係流心㗎♥️♥️♥️鍋貼真係要讚一讚，內裏肉汁多到一咬就流出嚟😍😍😍鍾意食鍋貼嘅朋友千祈唔好可以錯過🙆🏻🙆🏻🙆🏻嗰兩款點心我就叫咗燒賣同埋雞札🙆🏻🙆🏻燒賣$18有四粒真係好抵🤑🤑有酒樓嘅味道👍🏻👍🏻雞雜真係好足料，絕對冇偷工減料👍🏻👍🏻有齊雞芋頭豬皮🤑😍😍最後要講下個奶茶！個人覺得好有太興奶茶嘅味道😋😋奶味茶味適中👍🏻👍🏻

下午茶有時肚餓都會想買啲熱吃，經過唐記包點有多款不同嘅中式包，而且口味都好多。叫咗奶黃包入面好多奶黃，而且甜甜地，好餡。另外，叫咗番薯包，非常足料，入面真係好大嚿蕃薯，食落去夠飽肚，而且麵包熱辣辣。叫咗鳳爪排骨飯可以今晚食，鳳爪排骨飯非常之足料，有好多鳳爪同排骨，而且味道啱啱好，加埋啲豉油真係同酒樓一樣。糯米雞大大隻，切開兩個人一齊share都好夠飽。入面仲有好多汁同埋料，夠大隻唔錯；點心叫咗杞子燒賣，一份有四粒，食落好似好健康唔會太肥。

唐記最近成為我嘅新寵兒，今次就決定試吓佢嘅榨菜肉餅飯同埋鹹蛋肉餅飯，鹹蛋肉餅飯之前食過，實在念念不忘，於是今次再encore，味道依然好食，而且鹹蛋味超香！而另外一個榨菜肉餅飯，佢比我想像中嘅味道冇咁鹹，唔會因為榨菜而蓋過晒所有肉餅嘅味道，而且都係果句，唐記嘅飯份量實在好多，真係三個人share食兩個都夠！菜肉包感覺上係唐記嘅招牌，皮唔會好厚，餡料十足，一咬落去入面仲有肉汁，相信熱辣辣出爐食就更加好食！香菇雞包都值得一提，裏面嘅雞粒同香菇用料十足，絕對唔係空氣包或者空心包，而且感覺上健康唔肥膩！如果想再健康啲 可以試吓佢哋嘅麥皮饅頭，價錢平之餘而且都幾大一個！真係好適合減肥人士

呢日時間唔多，所以就去最近地鐵站既綠楊搵野醫醫肚，要快既梗係唐記，所以就去唐記買左d點心同蒸包食😏唐記既點心除左糯米雞之外都係均價$18，算係好抵！最後揀左3款點心：蝦餃、燒賣、鵪鶉蛋燒賣。全部都熱辣辣，而且足料！味道唔會話過鹹過淡～另外見到有新野「香煎風味」，$15可以揀3款，又係好抵，所以要左香煎牛肉包、蔥油餅、煎鍋貼。 煎包同平時蒸包感覺好唔同，面皮脆脆、入面既肉都幾香。蔥油餅呢雖然就同我expect既唔同，不過佢芝麻超多，而且唔太油，仲大大塊，其實就咁食佢都好抵！煎鍋貼我朋友食左，話略嫌個皮厚d，所以有d韌，但味道都可以的。最後當然唔少得食左個蒸包菜肉包，個包好鬆軟，味道唔錯！絕對係我最喜愛既唐記包點😎 而且可以買返屋企隨時自己蒸返黎食，店內poster話8分鐘就可以，的確夠晒方便👍🏻綠楊分店人流高，姐姐都好快手，所以大家諗好先落單喇～😆 以下餐牌for reference～

昨晚屋企冇飯開，又唔想在街外食，於是在唐記包點買咗2盒飯，1個糖水，順便買多2個凍包做第二朝早餐。梅菜肉餅飯都算是比較新的口味，賣相唔係好漂亮，但係好好食，啲肉餅剁得好碎又好入味，餸飯一流；鳳爪排骨飯係最熱賣嘅，少少辣嘅鳳爪同排骨好惹味，我最怕食著一啲有雪藏味嘅鳳爪排骨，但係呢度嘅鳳爪排骨絕對唔會有呢個問題，所以差不多每次買飯盒都會買呢款。雞蛋白果糖水係飯後甜品，好大隻雞蛋浸在白果糖水內，諗起小時候媽媽也時常煲這糖水，甜度適中，足料，有兒時味道。買了2個菜肉凍包放雪櫃內，第二朝蒸幾分鐘便有熱騰騰菜肉包做早餐了。2人晚餐，甜品連第二日早餐都唔洗100蚊，真係平靚正。

好耐都冇飲過茶，因為最近工作實在太忙碌，放假都冇時間平時就一星期飲一次茶，而家唯有買住啲包點頂著先好彩有唐記包點呀！除左一般嘅包仲有點心同埋茶樓經常食到嘅飯！一個唔覺意就買左好多款唔同嘅嚟試去到門口已經諗左好耐食咩，適逢放工放學時段，人流特別多！但店員都好快手好合作，一啲都唔混亂，所以都唔洗等好耐呢。間唔中就有新嘢推出，不過聽到前面好似話已經賣曬某種，我就冇叫啦未到夜晚7點已經有啲製作中/售罄/暫停供應，可想而知係幾咁受歡迎啦！呢個飯卷優惠都幾抵考慮購買⋯⋯我一次過買左一大袋，返家途中聞到香噴噴已經好難抗拒好想快啲食返到去即時開餐！好豐富呀！唔講以為去左茶樓！先食個糯米雞，大大隻原來好足料！好香荷葉味，糯米飯都好香好好味，抵食！四款唔同嘅包，講真呢個價錢普通麵包都未必買到，茶樓都一定食唔到！我係同屋企人一齊share 食嘅，其實一人一個都好飽。因為真係好大個！鳳爪排骨飯好食過便利店啲叮叮飯，如圖所見，真係好多飯又好多鳳爪同排骨，又唔會太多豉油太咸呢個鵪鶉蛋燒賣第一次試，好特別，放入口蛋黃同燒賣味異常地夾我覺得呢間唐記除左因爲好食同地理位置方便，仲因為店員態度好所以咁多人幫襯唔洗等位唔怕

早兩晚屋企人夜晚唔想煮飯又想食少少一盅2件我地最後決定買唐記外賣返屋企食 因為真係太懶了~.揀左3款點心 2個蒸包同一個咸蛋肉餅飯估唔到100蚊都唔洗 平過去酒樓食好多！蝦餃三粒大大粒 平時都會買黎做早餐仲叫左鳳爪同雞澤雞澤好足料啊 肉汁又juicy 雞肉嫩鳳爪份量都唔少 而且好夠味用黎撈飯 配埋一齊都好一流.另外蒸包係菜肉包 熱辣辣食好香包好軟熟 菜肉內涵好足料 8蚊都唔洗一個 好平！飯類我地揀左咸蛋肉餅飯 仲有啲菜配埋健康之選 咸蛋有半粒 我中意將佢同肉餅撈勻 再同飯一齊食加了點豉油很美味呢.唯一可改善係用太多即棄碗同發布膠建議可以自備碗同盒去買

一日之計在於晨，每日朝早都好似要同時間競賽，為左爭取要訓多一陣，唔到最後一刻都唔會起身，趕得到準時返工已經偷笑，都唔好講話可以嘆返個靚早餐。因為係咁趕時間之際，揀一間快靚正嘅店鋪黎早餐係好緊要嫁！位於綠楊坊嘅店記包點就係我不二之選，荃灣港鐵站c 出口一出直上電梯之後行1分鐘都唔洗就到，加上員工好熟手，又唔會悠悠閒閒咁做，即叫即入盒，岩哂朝早趕返工嘅我。大大個餐牌放係門口出面，款式主要以中式為主，有飯、點心同包點，食物大眾化。大大粒燒賣其實有4粒，不過食左先記得影近照🤣🤣🤣燒賣$18/4粒蝦餃$18/3粒大大隻蝦，好入味糯米雞$26/1隻好足料，裡面有肉碎外，仲有2粒冬菇、2嚿叉燒、1隻雞中奕

今晚阿媽唔想煮飯，又唔想落街食飯，叫我買外賣，好啦！一於去唐記買外賣，順便買幾個蒸包明天做早餐吧！其實唐記包點都有好多選擇架，多款蒸飯蒸包，點心，仲有糖水同飲品，梗有一款啱你口味掛！足料糯米雞，熱辣辣，大大隻非常足料，味道惹味，兩個人share都好夠飽啊！雞扎，兩大件，雞件非常嫩滑，仲有魚肚同竽頭，非常入味！正！鮮竹卷，蠔味十足，腐皮夠厚身咬落勁有口感，肉䐄新鮮，味道不錯！鼓椒鳳爪，鼓椒味香噴噴，鳳爪又林又入味，必試啊！蒸包都好正架，大大個，軟綿綿，䐄料十足，明天隔水蒸熱就可以食得，特別推薦黑麻蓉包，絶對係我嘅至愛！

又到左食飯時間啦，最近食得熱氣野太多，都想食得清淡啲，突然間諗起公司附近有間唐記，果然覺得佢係我嘅救星啊，唐記總有一間係你附近。自從有咗唐記之後，去飲茶嘅次數都少咗，因為唔使等位，又可以買到新鮮熱辣嘅點心返屋企慢慢嘆。今日食嘅事排骨飯，排骨嘅份量好多好充足，而且配有辣椒同豆豉，個味好夠，又唔會太鹹，至於飯嘅方面，粒粒咪都好香，而且分明，又唔會太多水，又唔會太硬身，而且完盅蒸出嚟，排骨嘅香味同埋汁，都滲入左去粉粒裏面，所以每一粒飯都充滿排骨嘅香氣。燒賣，一份會有四粒，而且都係$18 ，呢個價錢真係好抵，而且粒粒都好大粒，裏面嘅肉好爽口彈牙，而且皮薄，食落口果然滋味四散。鵪鶉蛋燒賣，鵪鶉蛋粒粒都好大粒，而且新鮮熱辣，粒肉又夠爽滑，果然稱得上係大酒樓嘅味道啊。

今晚OT，放工都攰到不得了，所以決定用最快最方便嘅方法解決晚餐......唐記包點平時經過都總會見到人龍，之前一路唔明白點解咁多人排隊，今次終於知道了😆人龍是長，但流量好快，相信好多是常客，所以唔洗好耐就到我了😌見到冬日限定嘅糯米飯$22更係要試吓啦！估唔到花生都唔少，外賣攞到返屋企，花生仲係脆卜卜，糯米飯好有嚼口，唔錯👍🏻👍🏻另外揀咗糯米雞$26比老公，又真係好足料，入面嘅肉嘅份量真係唔少。揀咗兩個甜包當做飯後甜品蕃薯包$7.5 好有蕃薯香味，但蕃薯蓉唔太甜，剛剛好👍🏻香芋包$7.5 香芋比起蕃薯甜些，所以最啱愛吃甜嘅老公豆漿$9 香滑冇渣，健康又有益菜肉包$18/3個 我地仲買埋凍菜肉包，阿姐話蒸七分鐘就軟林林香噴噴㗎喇，明天早餐唔洗煩😆食後感就係終於明白點解咁多人排隊：方便、快捷、健康、價廉、食物水準好，我同老公都決定下次試埋佢嘅糖水😋