唐記包點 (已結業)

我承認我今日是有點好處，光顧「鑽石山」「鳳德商場」分店裡面的「唐記包點」，購買「咖喱牛腩飯」的同時，也發現到「唐記包點」當日也正在發售即日限定平價「咖喱雞飯」。所以當日才能夠以不足港幣五十元的價錢，在「鳳德商場」分店「唐記包點」，購買到「咖喱牛腩飯」跟「咖喱雞飯」兩款食品作為當晚的晚餐。「咖喱牛腩飯」裡面的辣味感覺仍然一如既往那麼濃厚，反而「咖喱雞飯」咖喱汁的實際辣味味道，就沒有「咖喱牛腩飯」辣味那麼濃厚了。至於「咖喱雞飯」裡面的「咖喱雞」部位，主要都是來自於「雞髀」部位，所以骨頭相對比較多，食到的「雞肉」份量也立刻被打了折扣，即使「雞肉」本身沒有明顯雪藏味道，也是無補於事。至於「咖喱牛腩」的體積雖然算是大，但是「牛腩」實際肉質口感感覺只是一般而已，不難咬之餘也不算很軟，不是我食過最腍的「咖喱牛腩飯」。至於「咖喱牛腩飯」裡面的「牛腩」實際份量不算很多，大約有六塊左右而已，剩餘的大部分都是「紅蘿蔔」跟「馬鈴薯」，加上「咖喱」汁味道偏辣，也令「鳳德商場」「唐記包點」「咖喱」飯整體性價比變得非常一般。

👭唐記包點👭阿華田麻糬包 $7.5呢個包出左好一段時間，38經過鋪頭終於有機會試下啦😁麵包軟熟微甜，唔係一般既白饅頭。餡料方面當然係名副其實嘅流心阿華田及麻糬啦😆味道方面，38就覺得阿華田漿濃郁但比較甜，帶有少少奶味及糖味，而麻糬係無甜味及較軟身不夠煙韌，食完仲有啲痴牙添🤦🏽‍♀搞到食完用左一段時間整整啲牙🤣不過都幾新穎，如果鍾意食甜包既朋友仔可以一試！推薦度：6/10🏠各大唐記包點有售

趁有時間，去黃大仙鳳德邨探下住在老人院的姑婆，經過商場見有唐記包點，之前在公司附近買過食，味道唔錯，價錢便宜。尼間重有10蚊3個包，每天不同款，真係好抵食。一於買些去老人院請大家食。有雙併蒸飯，鹹蛋肉餅和北菇蒸雞，份量大，真係餸多過飯，肉餅肥瘦適中有肉香，加左鹹蛋黃多了鹹香味。雞肉滑嫩入味，飯又夠香，重有菜送。每天都有推出不同款的蒸飯做特價，今天是北菇雞飯，當然不會錯過，啖啖雞肉已去骨，口感嫩滑。梅菜肉餅飯，肉餅好大塊又香甜，真係抵過自己整。見到有糯米雞都好大隻，買隻試下先，打開時，荷葉清香撲鼻，糯米軟綿，餡料多，雞翼、义燒、肉碎、醬汁。味道調得夠濃夠惹味。鵪鶉蛋燒賣，蛋香，燒賣肉質鮮嫩彈牙。有柯華田包，新產品未食過，買個試下，包外皮鬆軟，中間柯華田餡是流心，真係甜甜柯華田的味道。

鳳德唐記 香港人日夜工作忙，返到屋企 仲要煮飯仲要洗菜仲要洗碗，簡直攞咗我條命， 幸好屋企附近有唐記， 收完工返屋企買埋晚餐，買埋第二日早餐一take過。 不過唯一可惜嘅係最喜歡嘅阿華田包六點半已經賣曬， 唔得下次要早啲嚟再食過。 - 香菇雞包5. 5 熱辣辣勁鬆軟包入面有雞肉又有木耳絲， 啖啖肉得嚟又非常爽口。 叉燒包5. 5 叉燒包多瘦肉少肥肉味道夠濃味， 唔使去飲茶都食到熱辣辣叉燒包，正。 奶皇包4. 5 冇阿華田包唯有食奶黃包， 奶黃味濃郁唔過甜。 麥皮饅頭4 鬆軟得黎好大個，好飽肚，減肥一流粉果14 終於等到唐記有粉果賣， 始終粉果同燒賣係一對， 粉果入面有 粉葛蘿蔔肉碎， 夠味但係又唔會係味精味，好食。 燒賣14 豬肉爽口唔會淋啤啤，當然唔會只係得肥豬肉， 調味適中唔會太鹹。雙拼蒸飯20 咸蛋肉餅飯＋北菇雞飯 呢間唐記最特別之處係蒸飯有雙餸可以揀， 章魚肉餅配鳳爪排骨， 鹹蛋肉餅又可以配北菇雞， 而我就揀咗鹹蛋肉餅配北菇雞， 雞肉唔會升得過柴， 而肉餅又唔會淨係得肥豬肉， 一次過食到兩款餸，滿足。 今日主角 鳳爪排骨飯18 當然仲有每日一特價

even I like writing english food review. I love Chinese and Asian food deeply in the heart. 蒸飯係成日買架，個兩餸最正$20 又唔係間間有兩溝一個人.通常會點埋點心始終大男人要多些肉先夠架。 常見又common dim sum 燒賣 粒粒都大,用料唔馬虎 ，包好多豬肉同蝦，食過一次就愛上上癮了而包點係靈魂,甜鹹都有 款式多又便宜架 。幾蚊一個眼見好多住附近架街坊都十個八個買走。提一提有凍包, 翻蒸就食得啦

今天去新蒲崗做事，完全成工作想起同事生左BB坐緊月，就在鳳德邨，趁午膳時間去探望她，經過商場見到有唐記包點，一於買些包點和飯上去做午餐。點心、蒸飯和包點都有好多款，還有飲品，每天都會有不同款式包和飯做特價，我最喜歡雙拼飯，比較豐富一點。梅菜肉餅飯，肉餅大大塊，梅菜鹹香，加入肉餅蒸增添美味，飯軟硬適中、飯香撲鼻，加上特別調整的豉油，更添美味！章魚肉餅飯，肉餅味道鹹甜適中，加入章魚蒸又香又有口感。雙拼飯都好抵食，有三款選擇，我選了咸蛋肉餅拼北菇雞飯，肉餅加上咸蛋黃又是另一風味，配埋爽滑的北菇雞，好豐富又好味！糯米雞都好大隻，以荷葉包著糯米，中央放有雞翼、冬菇、义燒和肉粒等，還有濃郁的醬汁，十分惹味！甜美的蓮蓉包和爽口的北菇雞包都好味，外層皮好軟熟，重要多款包輪流每日做特價，特別抵食。

咸蛋肉餅+北菇蒸雞 章魚肉餅＋鳳爪排骨 我一直都有買開唐記做晚餐，因為香港食晚餐價錢真係幾貴下。最開心係呢一年唐記越開越多，同埋越出越多食物種類。呢個新出既雙併飯簡直係我恩物。一次過可以滿足2個味道，我一直都好中意佢地既肉餅系列，因為無論係咸蛋肉餅定係章魚肉餅，佢地都做得好不錯，蒸到肉質鬆軟，而北菇蒸雞同鳳爪排骨都蒸得好入味，送飯真的是一流。阿華田奶茶 呢個一直想試，但次次經過都賣哂。 今次竟然比我買到，初初以為因為加左華田會好甜好甜，但飲落去我覺得好得意，唔會太甜之餘，仲有好多層口感係個口度，一飲第一啖你會覺得飲緊華田，吞左落去就會feel到少少奶茶味~so funny香芋包 買多左個香芋包試下，因為一直都只係食飯多，未試過包。個包睇落以為會超甜，但食落又岩岩好wo~熱食口感最正，下次試埋其他~

新包@唐記包點鑽石山鳳德邨鳳德商場2樓202B號舖細個去茶餐廳, 都會點OVALTINE飲架, 覺得特別D, 而且味道飲落像有些麥香架朱古力。 今日去買野食, 見到貼了張POSTER, 新出架OVALTINE流心包, 有優惠,而且好特別架CROSSOVER新包, 店員提醒要即食熱辣新時, 中心架流心餡先夠流架, 一接過包而急不及待掰開,少見的燒賣。中心架OVALTINE流心賣。回味回憶即跑出來, 吸一口似食MOLTEN 心太軟甜品, 有淡淡朱古力味又唔會太甜。包一貫鬆軟可口。 

琴日，我去了屋企附近既唐記買lunch；聽家人說依間唐記每星期也有優惠，所以就去了；順便可以同家人買埋。鳳爪排骨飯 $18：鳳爪咸度剛好，而且吾會太細隻；排骨肥瘦適中，兩者同樣juicy；飯粒分明而不乾。章魚肉餅飯 $24：章魚肉餅既SIZE真的令我驚訝，因為第一次見到肉餅是那麼大塊；而且肉餅絕對不乾身；肉餅咸度剛好，章魚增加口感。相比之下，飯會比較少，因肉餅實在太大了，哈！章魚肉餅+鳳爪排骨 雙拼 $20：又是抵食之選，雙拼飯岩晒有選擇困難既食客。雙拼有三款所選，雙拼既章魚肉餅是正常的一半，另外既鳳爪排骨相對正常會少。香菇雞包 $5.5：香菇雞包會比菜肉包更加香口，而且加入左香菇令香味突出；而雞肉也很嫩滑啊！菜肉包/3個凍 $10：估吾到連包類也有每星期優惠價；當日就是凍的菜肉包。菜肉包需在凍水落蒸八分鐘，便可食用。菜肉包既料分佈平均，同樣地也很香口，包面軟熟。奶皇包 $4.5：奶皇包味道會比較香口，奶皇的甜度足夠可與蓮蓉相比。蓮蓉包 $4.5：蓮蓉料極多，將包分開至兩邊；每邊刀有充足既蓮蓉。蓮蓉甜度足夠，中間是沒有咸蛋黃的，很好吃！山竹牛肉 $14：價錢抵食，牛肉球共三大粒；味道香

爸爸病了數天，很想吃點心，為有做考心女外賣啦。見到唐記嘩，每樣都好抵吃，首先買了個曼頭，估不到有小小甜味，包淋淋，又不錯喎有好多款蒸飯。每日一特價。今日試了章魚肉餅飯真心講，以為平野無好。但當吃過後就唔同想法了，飯香，肉餅都算大件，吃了一口。肉同章魚都好分明。有小小配菜，又真不錯雞扎，入面有豬肚、火腿、雞肉同腐竹。咬了一口。所以汁精華入味。豬肚好淋。不太厚。火腿厚厚的好好味。光賣叫了2籠，本身喜愛吃，每粒豬肉同蝦都平均，加入小小辣辣油，又真係好正最後點了羅米雞，唔似出面配料好甜，有一大隻雞翼。冬姑及肉碎不錯👍🏻

雙拼蒸飯係新出既,$20真係好親民,我好鐘意依個新系列,無之前既得一種料咁單調!!!佢拼得都好岩口味,好大眾化!!!章魚飯,食落陣陣章魚香又唔腥,鳳爪排骨拼北菇滑雞飯,雞嫩滑無雪藏味,鹹蛋肉餅送飯一流,另外好欣賞佢會附送椰菜 ,可算係食得健康啲!!+$2可以加一隻蛋,我加三隻都係$6,抵到咁唔加多幾隻對唔住自己同埋我真係超鐘意食蛋!!! 流心奶皇包,好軟綿綿,好有奶香!!!正,一定要試!!!阿華田包同阿華田奶茶同樣係新出呀,勁特別囉,好新奇,買左黎試,可惜當日阿華田奶茶賣曬,講到個包真係讚不絕口,見意即買即食,一咬開爆流阿華田餡既效過會澎湃d!!!甜度剛好!!!包皮都係阿華田淡啡色,制作有誠意,賣相好!!!

今日媽咪唔想煮飯又唔想出街同人迫，就點咗我落街買外賣，見到唐記嘅每日精選都幾抵就試試佢，日日都會有一款蒸飯同一款凍包做優惠㗎鳳爪排骨飯 ($18)大大個飯盒，鳳爪有2隻，排骨都有7-8嚿，而且好入味，星期日精選優惠只係$18，抗通脹一流鹹蛋肉餅+北菇蒸雞雙拼蒸飯 ($20)雙拼飯都係加多兩蚊，肉餅鬆軟多汁，蒸雞夠嫩滑，三個人食兩個飯盒都夠晒奶黃包 ($4.5) + 菜甫肉包 ($5.5)間唔時都有買開蒸包做早餐，熱辣辣大大個，又平又好食另外仲叫咗三個點心，秘制金錢肚 ($14) 鹵水汁好惹味，燒賣 ($14) 大大粒夠彈牙，鮮竹卷 ($14) 外皮軟滑，內饀多汁，點心質素同酒樓水準差唔多星期日精選凍包優惠係菜肉包 $10/3個，店員話凍包冇落防腐劑最多放到兩日，所以只係買咗3個朝早蒸嚟做早餐，一人一個啱啱好

有時候放假都想去酒樓飲茶 歎下點心 不過要等位等咁耐真係未必有咁既時間同心機🤦🏻‍♀️ 好彩唐記分店夠多 實有一間係附近 😂點心當然要食燒賣 呢到除左有普通燒賣 仲有連酒樓都無乜再賣既鵪鶉蛋燒賣 我地就2款試哂啦😆 味道同酒樓食既唔算差好遠 底部仲有腐皮😋 除左燒賣 仲有久違既糯米卷😍 好大件糯米飯內仲有花生 足料👍🏻 包類我地就試左黑麻蓉包 大大隻好抵食 麵包軟綿綿 唔會太甜👅點心以外 我地仲買左個蒸飯醫肚 平時成日要爭紮係揀鳳爪排骨同肉餅飯之間2揀1 宜家唔駛煩啦😆 因為呢到出左雙拼蒸飯 有齊鳳爪排骨同章魚肉餅都係$20 好足料飽肚添😋最後我地仲試左每日新鮮製作既缽仔糕同凍奶茶 缽仔糕有好多紅豆 口感煙韌好味👍🏻 凍奶茶係最有驚喜既😱 唔係好大支 不過茶味好濃 比好多茶餐廳沖得更好飲 一定要試下🌟

採購記鑽石山鳳德邨鳳德唐記包點                                   鑽石山鳳德邨鳳德商場2樓202B號舖因為旁邊有個數字屋零食店, 買完唔太健康架零食, 就良心發現要買埋正餐比家人, 所以咪行去隔離買埋飯同點心,比家中兩位主人醫肚!!點心次次故一定要食燒賣架, 因為全家都鐘意, 一人一粒唔夠, 仔女覺得豬肉夠味, 個皮又薄WOR~新出兩送蒸飯 20only 要了鹹蛋肉餅加雞,美味倍加仲好多肉架,唔洗用架甜豉油汁都好夠味

缽仔糕,啖啖紅豆,口感煙韌,凍食熱食都得!!!菜餔包,依個包好好味,菜餔有咬口!!!餃子煎得好靚,下面小小燶食落好脆口,皮薄餡多,配喼汁食一流,兩者味道好夾!!!蔥花卷,有d火腿粒,蔥粒,好耐無食過!!!經典飯系列:鳳爪排骨飯同北菇雞飯,有d椰菜附送,甜鼓油伴飯一流,排骨同雞件都食唔到肉腥同雪藏味,食落綿滑!!!鳳爪同北菇醃得入味!!!經典飯系列:鳳爪排骨飯同北菇雞飯,有d椰菜附送,甜鼓油伴飯一流,排骨同雞件都食唔到肉腥同雪藏味,食落綿滑!!!鳳爪同北菇醃得入味!!!!!