唐記包點 (港鐵烏溪沙站)

營業中

休息中

最初認識的《唐記》是一個專門賣蒸包的店舖。後來加入了越來越多的蒸品，由排骨飯起，至點心，提供給大家一些又健康又美味又快趣的早午晚外賣餐。正因為方便，而且老少咸宜，《唐記》越開越多，而近來新開的《唐記》，好多都設於人來人往的鐵路站，此舉再增添了《唐記》的方便感。而這一天，送完小孩回學校之後，我們來到烏溪沙站，買個飯仔回家俾兒子做午餐。簡單又沒有骨，我點了一個鱆魚肉餅飯。味道算是普通啦，視為一個簡單快食蒸飯餐，為求飽肚而沒有高要求，是可以的。平平地，而且健康，也是給學生作為午餐的好伙食。我順便買早餐，叫了點心，一份燒賣，一份牛肉。點心是我給《唐記》大讚的美食，香口可口又夠熱，而且比得上酒樓的質素，好多時出到車站，想食少少野而又不想食生冷的三文治，有《唐記》的熱食點心及包點，係幾好。整體上是不錯的，《唐記》的讚，有好多是來自 "方便" 這兩個字。

今晚OT到差不多夜晚八點，個人攰到一個點就係會係馬鐵訓著，一起身已經到總站烏溪沙！！懷著頹喪心情，諗住醫埋肚先走，行左一個圈，係又攰又肚餓之下，最後揀左唐記包點外賣，爭取時間返屋企坐定定繼續工作⋯⋯真係堅餓，叫左一飯一包一點心，一拎到個包時，就算天氣稱不上寒冷都感到超溫暖，令我更有動力加快腳步去搭車返大水坑享用。影完一幅相之後即刻開餐，啲食物仲暖的。茶肉包品質仍然保持到水準，餡多、調味適中，不會太鹹；燒賣上有枸子，成日要OT的我同自己講可以順便養生，同埋咁樣食無咁齋，食物味道層次多左；蒸飯要求了走豉油，因為食開雞同北菇已夠味，每一次食佢地個蒸飯，都好感恩佢地提供埋菜，有機會補充下纖維。如果唐記高層睇到呢篇食評，請問可唔可以考慮係富安花園開間分店，做我地呢啲成日OT無飯的人生意。

去看電影前，買了一個奶黃包，一個馬拉糕，一瓶黑芝麻豆漿。陪小朋友看的電影都幾好看。包的味道都一如既往很OK，不錯，值得讚。不過，很失望的是，那瓶黑芝麻豆漿，電影院座位上的水杯位太淺，不小心滑到地上居然就爆掉。瓶口都還沒開，一滴都沒喝到。看完電影，回到店家，給的回應是:【對啊，掉到地上是會爆的。】且，沒有補一瓶的意思。(工作人員的整體服務態度其實不錯。只是對這種我眼中的質量問題，完全未能提供令人信服滿意的處置。)對不起，看來是我以前【運氣不好】，從來沒有遇到過這麼【精貴】的塑料瓶，無論是飲料還是水，無論哪個品牌。包子OK。豆漿瓶的質量，本人完全無法接受。

去烏溪沙站等老婆, 知道冇咁早會開飯就去唐記包點買野食充飢, 三個人排隊, 買完就行買等攞野, 可用八達通, 選擇咗蕃薯包, 因為想食甜包, 攞起手上熱但唔辣手, 好鬆軟, 蕃薯蓉分量都夠, 甜度適中, 有飽肚感

烏溪沙站近排開多左幾間食店, 唐記包點就係其中一間, 只做外賣, 除左有蒸包仲有蒸飯賣, 今次Vi買左個蕃薯包試下,蕃薯包$6個都幾平, 仲要熱辣辣, 而家好難買到咁平既包lu,蕃薯好軟熟, 裡面包住蕃薯蓉, 蕃薯蓉有好多, 但味道比較淡, 唔係好夠蕃薯香, 同埋蕃薯同呢隻中式蒸包唔係好夾, 不過勝在蕃薯蓉夠多, 所以好飽肚, 真係大件夾抵食!