唯鮮魚湯米線泡飯 (已結業)

去開西灣河就會想食魚湯米線，今日去左所以就食左。我嗌左個下午茶餐，炸雞翼米線配炒蛋加多士。炒蛋好嫩好香好滑，多士好軟熟，唔會烘到乾哂又脆卜卜。魚湯好有鮮魚味，似係真係用鮮魚熬左幾個鐘咁，好鮮好甜。至於個米線就腍左少少，不過食落都ok嘅。個炸雞翼十分好味，炸得好脆之餘，一咬落去好juicy好嫩滑。男朋友就叫左椒鹽九肚魚魚湯米線加魚腩。個椒鹽九肚魚好滑好鮮，不過都幾多骨。我就會吐返啲骨出黎，男朋友就食埋。好味到最後要加多一碟炸雞翼。

打風前夕，跟朋友黎到西灣河搵食 😍😍 其實本身都成日出沒呢到，但係如果路過就一定唔識得入去嘅，因為個門面的確麻麻 。好怕食魚，但又好鐘意飲魚湯嘅人，今晚點咗個蠔仔米線@$42！好鮮好足料，食哂個米線都仲有好多粒蠔仔！其實啲蠔仔真係好大粒 好好味！另外仲叫左個小食 - 椒鹽九肚魚 （大）$37好香 好新鮮！仲要唔會食到成口油！值得推介！下次再黎 😛😛

久不久就會嚟呢間食魚湯米線 ,今日7點鐘去到已經開始等位 ,叫咗個魚尾魚湯米線 ,條魚尾非常之大, 非常新鮮 ,食完條魚尾已經飽咗 但係飽都要飲曬啲奶白色嘅魚湯, 千祈唔好嘥 ! 哈哈 店舖小小 但每一次 都保持水準 ,價錢實惠,值得推介!

隱世魚湯米線！！本身個魚湯已經非常鮮甜 加埋大量鮮茄 就更加甜同帶d蕃茄既酸味 睇顏色就知絕對真材實料 冇加味精同茄膏啦 雞塊既份量亦好多 而且非常嫩滑 同個蕃茄魚湯底配合得天衣無逢 真係好好味 如果係鍾意蔥同芫荽既就仲好 因為加左之後令到個湯更香~唔鍾意既就記住叫走芫荽同蔥啦 其實佢都幾大碗架 但次次飽都仲係要飲埋d湯 因為真係太正啦米線上枱既時間好熱辣辣 係熱到會俾佢辣親個隻熱 大家真係要小心！另外佢外賣會分開湯同米線 十分貼心😍不過都唔建議外賣 除非住得近啦 因為佢個湯真係會熱到發保膠都溶

除了米線以外，其實可以點選湯飯我肚餓妹成日都同朋友黎食大家都認為湯底味道天然無味精吃光了一碗米線，連湯都飲埋都唔會口渴肚餓妹我今次食左呢樣野生煎蜜糖雞中翼魚湯米線雞翼即叫即煎，皮脆肉嫩肚餓妹屬於大食之人但呢碗米線食一碗已經感覺飽肚今次自己一個人食飯影唔到其他米線但推介蕃茄嫩雞米線濃濃既蕃茄魚湯保證食完後魚湯一滴不剩p.s: 每款米線可以再加錢增添配料今次我選了西洋菜可惜西洋菜漸漸不當做所以比較老身

之前試過唯鮮的魚湯米線，中規中矩但湯底沒有魚味。今早路過，打算比多一次機會這間小店，可惜十一點後才有魚湯米線，結果叫了一份早餐：鮑魚火腿絲通粉 x 炒滑蛋 x 牛油多士 x 熱奶茶（$24）很普通的炒滑蛋和多士。稱不上難食，但蛋做得不夠滑嫩，多士不夠鬆脆。通粉唔會太淋，仲有少少嚼口，搭上火腿同鮑絲，不錯。不過火腿絲同鮑絲太少同太碎。熱奶茶，完全沒有奶味，茶味亦不香。難飲。　綜合兩次經驗，食物質素都相當普通，室內環境亦一般。原本對區內欠奉的「魚湯」米線有一絲期待，但結果是一間毫然驚喜的小店子。