啊一檸檬茶 (加拿分道)

營業中

休息中

行過尖沙咀見到呢間全人工手搖檸檬茶超多人排隊！佢嘅檸檬係用左香水檸檬🍋對比普通檸檬的身價更有份量！香水檸檬香氣更濃郁、果皮味道清甜，沒有苦澀味✨檸檬營養成份仲多一般檸檬3倍！▪️四季春檸檬茶 ($34)呢杯係熱銷推薦之一🌟味道清新，香水檸檬同茶味比例做得十分好~用上嚴選優質四季春茶葉，入口後帶茶香尾韻，甘醇爽口😋飲完有清涼舒爽的感覺！▪鴨屎香檸檬茶($34)見到係招牌就即刻叫！紅茶味比較香濃，少少澀得黎又唔苦，保留到檸檬香同茶香🥰.✍🏻整體:發現香港都比較中意飲檸檬茶🤣尤其夏天更可以解渴解膩，生津止渴！佢嘅清香酸味，能夠將一杯平平無奇的檸檬茶釀造出更清新可口嘅味道。更加可以美白同補充維他命C呢！見佢仲有芒果系列嘅飲品同厚乳奶茶系列~下次都想試😋

夏天一到，無咩胃口，就會想飲啲酸酸甜甜嘅飲品，既消暑又解渴！而新開嘅啊一檸檬茶嘅手打檸檬茶就非常適合呢個夏天。當日食咗佢嘅手打鴨屎香檸檬茶。鴨舌香嘅茶底本身有浸特別嘅花香味，入口同普通嘅綠茶／紅茶完全唔同，反而係多咗一份層次感。當配埋香水檸檬，個味道就更加清甜同清爽，比起普通嘅檸檬茶多咗一份特濃嘅感覺，真係一試上癮！不過當然都全靠員工落力手打檸檬，令檸檬同埋茶底碰撞，先會令到檸檬嘅香味咁突出。

炎炎夏日就算靜止唔郁都會令人汗流浹背, 所以大家記得要保充適當的水份盡量去陰涼的地方防止中暑😉。 如果想飲有味道的飲品代替水的話, 不防飲微甜或走甜的茶品也是一個不錯的選擇。 🦆💩鴨屎香檸檬茶Duck Excrement Lemon Tea是日跟朋友遊盪過尖沙咀, 途中發現到一間內地好出名的鴨屎香檸檬茶, 香港竟然有得買😍一於買番杯過下口癮先, 仲要求了走甜因為甘先試到茶底原味道😏。 一杯內有五片綠色檸檬酸度夠哂足好解渴, 茶底好清香有蘭香味, 完全唔會有苦澀的味道😋。另外冰量十分足所以非常消暑。 但大家放心飲品名叫鴨屎香佢絕對唔會係用🦆💩製作出來🤣。 其實只係一種茶, 名為銀花香單叢, 俗稱鴨屎香, 產自廣東潮州, 為鳳凰單叢茶中的一種香型, 因種在「鴨屎土」(黃壤土), 茶葉葉形似鴨腳木而得名。現時, 鴨屎香被廣泛應用在茶飲行業。

近期見啲手搖部暴打檸檬茶開到成行成市，心旭旭忍唔住試番杯。哇噻！禾打媽也！也太好喝了吧！去親茶餐廳都會叫檸水，由細到大檸檬茶嘅領域止於 維他檸檬茶嘅我，就係咁畀呢杯《招牌鴨屎香檸檬茶$34》開發咗我既味蕾新領域！第一啖：新鮮、新奇、新穎嘅檸檬香味喺口中爆發，充斥住每條牙縫！成個口腔香噴噴，用齒頰留香、繞樑三日去形容嗰陣味絕對唔誇張！茶底甜度恰到好處，正到大啖大啖咁飲，五分鐘內 KO咗成杯。見佢宜家黃皮當做，下次要試埋其他味道~🤌

依家啲珍珠奶茶成街都係，有時喺夏天咁熱嘅情況下飲奶，都未必做到消暑效果！🥵有次經過尖沙咀，見到呢間專係賣檸檬茶嘅舖頭，就好似係沙漠嘅清泉，見到檸檬都會吞下口水，所以就買黎試吓😜佢所有嘅飲品都係圍繞住🍋檸檬，而佢竟然有一款飲品係加入黃皮呢個生果，都係第一次見，所以就即管買黎😍呢款黃皮檸檬茶實在都非常出色👍🏻👍🏻。從外觀上看，檸檬片和黃皮皆清晰可見，令人食指大動，即刻就飲一啖試吓入口後，茶味與檸檬味兩者相得益彰，口感清新😍😍😍😍。茶入口後帶有一絲甜味，而檸檬的酸味則恰到好處咁平衡左茶味的甜度，非常清爽宜人，讓人一飲難忘。此外，黃皮既加入增添左些許的苦味，提升了整體口感的豐富度。如果有啲人唔鍾意食黃皮，可以由飲品開始試吓，可能你會愛上咗佢！總括黎講：呢杯黃皮檸檬茶十分值得一試。唔單止是一種清涼解渴的好飲品，更是一種帶有層次感的美食體驗。如果你鍾意檸檬茶，係而家咁熱嘅天氣，大家又可以多一個選擇。整體味道指數：😋😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5

今日食完飯去咗尖沙咀厚福街呢一邊諗住買杯嘢飲，見到條好長嘅龍，路口又有好多人打卡，就決定試一試呢一間嘢係咪真係係咁好飲！我哋都要排咗，起碼5分鐘先可以叫到嘢飲，呢度主打外賣，好多人買完都喺附近打卡！我哋今日就叫左手打渣男檸檬茶，問咗職員佢係用Thai tea! 味道同一般嘅普通檸檬茶有啲唔同，每一啖都有好重青檸檬嘅味道，好refreshing , 夏天飲簡直係一流！加埋佢個茶底，用上泰國嘅茶葉，非常香濃！有機會會嚟試埋佢其他唔同嘅味道！價錢就係$34！都唔算太貴

內地流行那隻鴨屎綠檸檬茶，見到香港都有得賣了，就在厚福街頭，買了一杯試吓，點了少甜，另加原味脆脆，感覺清香。價錢$40，當然貴過內地啦，不過唔使上深圳都有得飲，係方便嘅。

經朋友介紹吓認識咗啊一檸檬茶！我哋喺尖沙咀附近食烤魚…食完之後佢話帶我去飲好出名嘅檸檬茶！究竟檸檬茶有咩特別？—鴨屎香檸檬茶—究竟有冇鴨屎味🤣😂？我淨係飲到好香嘅香茅味！同埋感覺好新鮮 !!—手打四季春檸檬茶—呢一款覺得比起鴨屎香檸檬茶淡味少少如果俾我揀，我會揀鴨屎香檸檬茶 因為佢真係好香 如果鍾意清啲味道淡啲可以揀返呢一個不過唯一唔好處，佢冇得走冰 ～～因為本身我好少飲凍嘢：）但係店員話呢個係黃金比例 ！所以冇得更改：）不過OK啦，好飲就得！都幾多人買 ～～

✨ 鴨屎香檸檬茶✨$34✨ 手捶檸檬紅茶✨$32- - - -- - - -作為一個檸檬茶愛好者🍋見到呢一間新分店，可以話喜出望外！原來檸檬茶都可以咁多攪作😃🌟鴨屎香，學名為銀花香，屬芝蘭香型。該茶母樹生長在海拔900米的高山上,茶樹齡78年，是目前單叢最流行的品種。具有自然獨特花香味，高雅特殊花香叢味，明顯持久，入喉回香明顯，回味無窮。鴨屎香檸檬茶為招牌作，飲落去清香撲鼻，配上檸檬，味道更加清新☺️撇去傳統嘅紅茶口味，挺新鮮的一種口感，值得一試另一款，手捶檸檬紅茶，yumyum原本以為會有個帥哥係現場，用粗壯嘅手臂💪手捶檸檬🍋，可惜未能見到(FF完)🫣呢款比較普通,相對飲開嘅檸檬紅茶有點熟悉🙂所以都係建議叫返鴨屎香檸檬茶

夜媽媽想飲橙汁同埋啲fresh 嘅野，見呢間新開主打檸檬果茶，就試下，點知有驚喜！！琴晚見到個黃皮檸檬茶已經覺得好特別，好想試， 可惜賣曬。。。今晚再去，終於俾我試到了！琴晚好多款野飲都賣曬，店員推介左鴨屎檸檬茶，個名有啲核突，但見佢話招牌就試下啦，真係好好飲，我叫半糖，甜度岩岩好，係好香好fresh 嘅檸檬味，濃度夠， 絕對唔會係普通lemonade咁樣。今晚叫嘅黃皮檸檬果茶，入面見到好多粒新鮮黃皮，入口係清甜嘅黃皮味，一樣都係好fresh, 甜甜地帶有檸檬香條同埋少少少少檸檬澀味，但主要都係黃皮味。兩次都覺得幾好飲，同埋難得咁夜仲有開。唔想飲鮮榨果汁咁濃味，又唔想飲珍珠/芋圓奶茶嘅話，呢個絕對係唔錯嘅選擇，推介！！