啡奴

營業中

休息中

第一次寫食評就獻比你地見佢好近我地公司Lunch Hour就去試下Menu選擇唔多 叫左個最保守嘅冬陰公大蝦意粉 （$110）同 All Day Breakfast （$120）餐前有個湯仔 飲唔出係咩湯 但味道一般 等左20mins左右上菜個意粉都正正常常 但偏咸 啲意粉偏硬身而個all day breakfast 啲bacon同腸 其實overcooked，但都算正常 無乜特別。去到依度我都覺得接受到。到跟餐 叫左2杯Iced Mocha （跟餐$25/杯）我同個fd都比佢驚豔到 未飲過咁難飲嘅Mocha 得個酸味外 飲唔到咩味 然後唔攪勻佢 啲水同啡係完全分離 但佢又冇攪棍可以攪 局住拎支匙羮攪 但味道冇分別 都係得個酸味7-11啲咖啡仲好飲過佢 服務其實又冇 要去出面櫃檯叫餐比錢先 餐具又係要自助去拎 埋單$280 但同食物質素完全唔成正比食完拿拿聲閃人 冇下次🤭

同fd過黎觀塘打等吹下水，我點左杯黑白是良知，啫係芝麻燕麥奶。入口微溫，假如可以再熱小小就更好啦。芝麻香味夠哂，但份量略嫌有啲細杯，四小啖就飲完。另外再點咗份三文魚benedict。同坊間餐廳唔同，啡奴依到係以麵包為基底，而唔係鬆餅，配上水波蛋，三文魚同醬汁，兩大口就食完。蛋仲係流心，微溫，整體唔錯，但亦冇話有咩突出之處。不得不提嘅係依到有大量機械人模型，高達Eva,甚至連魚缸入面都有，中意模型嘅朋友不妨黎依到參觀下。

約咗朋友早餐，又唔想飲茶，見到啡奴原來平日咁早就開，咁就去試下啦。由於是平日的早上，客量不多，所以可以同朋友舒舒服服的慢慢嘆，盡情傾。啡奴早餐係唔包飲品的，但加唔同價錢就可以選想要的飲品。就我自己一份為例，我點咗咸pancake, 即有pancake, 蛋，煙肉同沙律菜，加咗杯紅豆咖啡，都只係需要$85，以在cafe用呢個價錢，並不算貴。而朋友叫的all day breakfast, 以及吞拿魚牛角包賣相亦相當精美。個人覺得啡奴環境唔錯，員工有禮，食物亦好，值得一試。

Saw this shop has high rating on web so popped in for a trial. Too bad I am not quite a coffee guy so I ordered two hot dishes only out of the very limited options. Their coffee must be very good, as for other foods they were so-so.So happened I had another bagel meal too which was excellent. For this one I found it a big mistake needing to go with soup-like sauce. Textual of the bagel practically melt down when soaking with too much sauce. But over light dipping the taste was hard to find.

💛💛💛美美啱啱參加左渡海泳🏊🏻‍♂️星期六要去觀塘海濱拎選手包拎完想搵個地方坐下飲杯啡醒起鴻圖道有呢間💛💛cafe📍啡奴 𝐂𝐨𝐟𝐟𝐞𝐞 𝐒𝐥𝐚𝐯𝐞一入去就見到好common嘅工業風cafe裝潢不過可能工廠大廈啲舖位大啲呢度啲位好闊落 坐得好舒服✅啡釀湯力 𝙒𝙝𝙮 𝙏𝙤𝙣𝙞𝙘💰$50呢間店有分coffee tonic同呢個why tonicCoffee tonic係用iced drip溝tonicWhy tonic就係espresso溝tonic咁why tonic就啡味好濃 好飲有少少酒味咁仲用左飲whisky嗰啲波波冰🧊✅楓糖雜果班戟 𝙋𝙖𝙣𝙘𝙖𝙠𝙚𝙨𝙨𝙨 𝘽𝙪𝙩𝙩𝙚𝙧 𝙎𝙚𝙖𝙨𝙤𝙣𝙖𝙡 𝙁𝙧𝙪𝙞𝙩𝙨 & 𝙈𝙖𝙥𝙡𝙚 𝙎𝙮𝙧𝙪𝙥💰$60不過不失嘅pancake啦🥞啲生果都算新鮮個maple syrup幾好食 有加乘🍯

哩間小編已經食過幾次😚第一次試佢d特色咖啡 點知又有驚喜喎！忌廉菠菜肉丸意粉🍝 $110 (lunch set)每次食哩間嘅意粉都會諗份量會唔會太多🤣今次都唔例外 而且肉丸同菠菜都比得好足料 😋😋忌廉汁濃 不過食到最後會有d漏夏威夷菠蘿雞扒漢堡🍔 $100 (lunch set)雞扒煎得好juice 個包加咗牛油煎到脆卜卜 連埋清甜嘅菠蘿一齊食唔會太膩 配埋烤焗香草薯粒👍👍凍bean bean的啡 (Iced red bean coffee latte) $50 跟餐半價 (+$5轉oat milk)佢嘅奶味比較濃 加埋淡淡嘅咖啡香☕️ 仲有粒粒紅豆增加咗口感🫘🫘 哩杯啡推薦比唔中意飲太濃啡味/唔中意酸啡嘅人 簡單d來講有d似係有咖啡味嘅紅豆冰~ 夏天飲好正👍佢地朝早八點就開門 好推薦觀塘翻工嘅大家去買咖啡/lunch😗😗佢地間唔中就會轉下menu唔怕悶 (不過佢廚房就係正bar枱入面 驚大油煙嘅就要注意下啦~)

Coffee Slave喺公司附近，順理成章慢慢變成飯堂。本來好想試吓比較創新嘅腐乳卡邦尼，但囉囉攣下都係叫返幾乎每次必叫嘅冬陰公大蝦意粉。咖啡試吓Why Tonic, 即係Iced Drip 加 Tonic, 估唔到又夾過Expresso Tonic喎，值得試下👍

忌廉鹹蛋黃蟹肉意粉 $110lunch set有湯🍲今次餐湯係南瓜湯🎃味道都唔錯😋意粉麵質軟硬適中🍝個意粉醬都幾濃郁唔係好稀嗰種👍👍鹹蛋黃份量都幾多 不過蟹肉就有啲少唔係好食得出 反而間唔中會食到少少蟹殼😢😢Oreo Basque Cheese Cake $50蛋糕有分朱古力味同Oreo味🍰🍰我哋今次就揀咗Oreo 入口非常軟滑 好香Oreo味得來唔會太甜所以食落都唔會覺得好膩!! 餅底都夠鬆脆😋側邊會有啲士多啤梨果醬 酸酸甜甜 同個蛋糕一齊食都好夾🤤🤤

今天午飯時去了這間啡奴光顧，餐廳內裝修簡約， 座位普通，不算舒適； 環境頗嘈吵，跟隔一個座位的朋友傾談，要特別提高聲量，彼此才聽得到對方的說話。這餐廳主打是有不同口味的咖啡，供一眾咖啡愛好者品嚐；要一嚐各款咖啡的味道，也要來很多次才行。餐牌有各款午餐，選擇也算足夠，要品嘗某些咖啡或飲品，是要額外加錢的。 揀好午餐後，要先下單付費，才安排送上食物。我點了醋汁香烤雞扒附薯粒，及一杯熱的long black coffee。先有一杯熱湯奉上，味道還可以，就是份量少了點。隨著送上醋汁香烤雞扒附薯粒，一看，嘩！雞扒又大又厚，還有好些薯仔粒，估計應該不能全吃下。雞扒肉質嫩滑，就是沒有雞肉味，幸好有醋汁在上，一點不覺難吃，漢堡飽烘得脆脆的，薯粒味道一般。至於 long black coffee ，香氣不濃，口感順滑，酸度較我想像的強，應和選用的咖啡豆有關。不喜帶酸味咖啡的人士，就不要叫這款咖啡了。以觀塘區的午餐來說， 價錢不算便宜，性價比一般，一時亦無妨。

🍝蒜香白酒蜆肉意粉 好惹味嘅意粉 蜆肉都算好多值得一試 份量都多 包餐湯 🧋Iced Red Bean Coffee Latte 唔好睇佢好淺色咁樣 咖啡味好濃配合粒粒紅豆 少少甜味 幾好飲環境方面 坐位都算闊落 唔會同人地太近 但由於場地都係一係密閉空間 所以開放式廚房 會令到油煙味四散食完成身味😅😅

2022-07-16獨自去偷食😝去咗觀塘工業區附近🏗一間叫啡奴嘅餐廳☕️位於鴻業工業大廈地下🏭去到餐廳門口有好大張安心出行🟩早上十點正開門，入到餐廳感覺好工業風🏭餐廳行半自助形式，先比錢叫嘢食，店員會比號碼牌，會有人送餐，餐具都係自己拎🍴揀咗張有梳化嘅兩人枱🛋️我點了，啡奴全日早餐，120蚊碟，飲料另外收費，叫咗杯熱即磨齋啡，35蚊杯，大約等咗二十分鐘左右，有得食了🤤全日早餐有，黑松露炒蛋，煙三文魚，煙肉，栗米，多士，炒雜菌，沙律菜，味道正常唔係特別好食，勝在擺盤幾靚，即磨咖啡好重豆香味，外面好少餐廳飲到依隻味道☺️整體服務無乜了，半自助，要問知道要自己拎餐具😅食物味道一般價錢偏貴💸環境幾好，坐得幾舒服，個人覺得同朋友吹下水，飲杯咖啡係不錯選擇，食嘢就要諗吓☕️#啡奴#全日早餐#熱即磨咖啡

今日嚟咗食午餐,呢度環境唔錯,坐得到舒服,職員都親切有禮同友善，可能因為今日落雨唔使等位,亦沒有限時，不錯👍🏻但食物方面就有啲失望.我哋叫咗house burger 伴薯角同千層麵,另外叫咗flat white 同 Hojicha latteBurger 好dry ,一啲都唔juicy。薯角不似薯角,只係煎薯仔粒咁樣。千層麵嘅麵皮與麵皮中間應該夾着醬汁同芝士，唔應該只係麵皮疊住面麵皮，好失望啊！飲品味道ok, 但較細杯 ,如果大杯啲就好喇

...呢日去左COFFEE SLAVE同朋友食晏，爆晒場，睇到都鄧佢哋開心💛..我係芫荽愛好者，所以喇喎… 見到呢個：鮮芫荽醬煙三文魚三文治 😂又點會唔叫 😆😆😆..對於我黎講，佢唔算係一個好重口味嘅芫荽醬，食落口帶少少檸檬清香，反而係令我覺得成個三文治好醒胃醒神，忍唔住一啖接一啖咁食呢～～～..甘荀湯帶少少薑味，每一啖都有好多甘荀蓉，好足料！加埋杯ICE BLACK, 係一個岩岩好嘅BRUNCH💛💛🥰🥰..#我嘅觀塘飯堂..

公眾假期出觀塘做完gym，突然想去飲杯咖啡hea 一陣，喺OpenRice search 到呢間小店。原來仲有咖啡工場（？），有沖啡工具/咖啡豆，好專業咁🤩環境幾cozy，但唔知點解我坐咗一小時，全程都好多嘈音，包括搬櫈，跌餐具，等等🤦🏻‍♀️ egg Benedict with mixed mushroom ($90）份量對性價比中等，炒雜菇味道不過不失。但一上檯碟嘢係室溫，有少少失望。最特別係蛋下面個麵包不是坊間用嘅muffin，而係一塊麵包，但味道不錯。Caffe Mocha ($40)咖啡豆味濃，唔似出面嗰啲一般被朱古力味蓋過👍🏻👍🏻👍🏻 連鎖店一杯mocha 都賣$40，呢度仲可以坐低慢慢飲，絕對對得起個價錢。食物質素一般，但咖啡可encore，店員亦很nice 👍🏻 會返轉頭幫襯😁😁

今日食咗肉丸蕃茄蝴蝶粉天氣咁熱無咩胃口酸酸甜甜好開胃！而且入面有好多zucchini ！中意！照舊飲桃茶個哥哥仔話盡量少冰其實都係說話一句~做到咩程度又另一回事~大家舒服就ok la 今日再去希望可以為尋日平反到成功！！！哥哥姐姐員工都nice返又好細心🥹可能尋日位哥哥心情唔好呱~haaha