善福堂

營業中

休息中

搭車回家路的的一家小店，總是一個姐姐負責全店，有涼茶、龜岺膏等小食，價錢都不貴，是街坊價！門口有茶葉蛋，每次經過都會被那味道吸引！小店涼茶的種類也不少，有杯裝或樽裝可買走。今天等車時間仲有段距離，所以去食串燒賣！雖然燒賣也不是手工製的，但竟然有驚喜，$7蚊串口感都唔差，食落唔會只有粉狀！魚肉都煙韌有咬口！店子不大，但經過來食的街坊客都不少，坐低一串魚蛋一杯野葛菜水，小小的店卻有著街坊獨有的人情味。

最近Angel食多太多熱氣的東西。愛美的angel 都要保養一下，清熱解毒，養下脾胃。我很喜歡來這間涼茶店食龜苓膏，每次皮膚生豆豆，或者想清熱都會這間店。雖然裝修不是很華麗，但係龜苓膏都性價比高，而且真材實料所以每一次我都會來食。還有如果在我減肥的時候我會這店的茶葉蛋，因為都好入味。價錢$4元一隻，$10元三隻。不過今次我只點了龜苓膏同好味燒賣。龜苓膏💗💗💗我會喜歡落少少糖漿，味道不苦。好味燒賣(辣味）💗💗💗雖然賣相一般，吃下去味道不差。備注💗5粒 心動指數最高

善福堂📍旺角旺角道29號A地舖Kay Gor 最近食太多啦，好上火只好要清清啦，行開旺角見到涼茶店要試試凍龜靈膏⭐️⭐雖然茯靈味道好重, 但真係足料用左龜版苦口良藥阿，立即降火雖然用足料店員態度超級不友善而且價格都幾貴無計附近無類似既店只好忍忍

跟住openrice食家去食就一定冇 “危險”🤣 前排跟食家黎食野～本身唔係好識叫，叫左腐竹糖水同燒賣🤣 因為本身唔係好想飲咁多涼茶，對女仔來講唔係咁好🙈 所以就冇叫到開店裏便嘅招牌涼茶！腐竹糖水就一般，可能我晏晝去，未有胃口食，所以不予置評🤣🤣 但係最值得講嘅就係佢嘅燒賣！ 真係超級超級好食！原本我以為A1出口上面嗰間已經算係幾好食，但係原來呢間係更好食，我諗佢係全旺角最好食嘅燒賣，佢魚肉味係勁重！彈牙又軟身，唔會好粉，又唔會一pat pat，勁正，$6一串好平🤣 好抵食👍🏻

今日去咗好多地方食返以前鍾意食既野 其中一間一定要提既就係：善福堂 呢間真心真係咩都好得先講最好食既，就係蒸燒賣 我每次坐底或外賣都好，都叫2串以上，除左佢好抵$6一串之外，佢蒸得一啲都唔林，唔會成粒脹左，咬落口都係實既～最特別係佢既醬汁，我估真係有特別調過？我每次都要求大量醬汁因為醬汁唔太咸，味道啱啱好 好正～ 另外仲有茶葉蛋 好平之餘，佢煲到蛋𥚃面都係茶葉味 我每次都係食2隻以上 至於涼茶，必叫五花茶 好正，佢有凍有暖，我通常都揀暖既，呢度既涼茶全部都係自己落材料親手煲 我見好多人都係黎飲廿四味，應該係好有效

吃了那麼多香口印尼菜,開始覺得有點熱氣,往巴士站途中見到這家涼茶店仍在營業,不如先來碗涼茶清清熱氣。幾款涼茶中竟有廿八味,會否比廿四味更利害???最後選了有清熱作用又應該很好飲的土銀五花茶。那晚天氣和暖自己又怕熱,問阿姐有沒有不太熱的五花茶??阿姐定一定神後用碗盛了一點混和了熱及放涼了的五花茶給我試溫度,最難得是阿姐那句: "試下啱唔啱先, 唔啱飲唔係問題!"那一刻真的很意外!阿姐調得溫度剛好, 微暖而不過熱, 第一啖五花茶給予我濃郁的涼茶感覺, 還未及吞下去已不斷地向阿姐點頭,阿姐也機靈地明白我意思,繼續盛滿一碗給我。五花茶那甜中帶澀味道一直是我喜歡的,濃郁的有著五花茶獨有花味,甜度很適中,濃黑的顏色似乎用上不少材料煲成,不是那些清得見底水汪汪貨色,下次路過可繼續嘗試其他款式。