喜喜冰室

營業中

休息中

午餐時間來到百德新街搬鋪後的喜喜， 無錯環境改良左， 裝修更花心思， 食物水準滿分； 依然找到茶餐的蹤影， 但價錢更是離地， 十一點半後茶記更加收加一。隔離枱阿姐食到一肚火，幾位阿姐叫個焗豬扒飯，上菜時都俾個店員嚇親。 如果你勁鍾意懷舊， 在這裡找不到服務和人情味， 只有堆砌的裝修和不錯的炒蛋， 銅鑼灣店只此一次。

這茶餐廳配有懷舊裝修, 猶如搭緊巴士食午餐一樣. 知道佢0既叉燒意粉配多士炒蛋係最出名的, 故今日點左呢個同個每日精選午飯和蛋撻一個. 叉燒意粉配多士炒蛋份量對女仔嚟來說是非常多, 一定會食唔晒. 幸好有男同事幫手清埋. 味道幾好, 無失望. 至於個蛋撻都不過不失, 係牛油皮, 但唔夠熱. 帶位職員指示我哋兩個人坐四人卡位枱, 就行開左了. 但枱上放了個最低消費$150的牌, 令我倆都唔知應否坐下0既感覺. 最後個位職員再示指我哋坐低. 感覺應該在煩忙時段先放個最低消費牌先比較合理. 堆單收銀姐姐態度友善及風趣, 令成餐飯的感覺很輕鬆舒服.

Home sweet home, 落街第一件事梗係整返個港式茶餐嘆返杯茶。歐洲返港坐當地中午機一般比較辛苦，因為差不多想瞓覺嘅時候就係到達之時，所以每次從倫敦返港都盡量搭夜機，呢頭起飛嗰頭就瞓著，但馬德里呢類需求較少嘅航點就冇得揀只有一班中午了。在家瞓醒就揸車落銅鑼灣，去到百德新街濃濃八十年代港味情懷裝修嘅喜喜，配合埋一位年紀相若茶記樓面隨店內音樂同場獻唱劉華“絕望的笑容”和黎明“對不起我愛你”, 呢個茶餐，除咗一向都好飲嘅奶茶同招牌炒蛋多士外，亦食得特別有feel。

放工去銅鑼灣行街,搵野食既時候,路過一條好暗既橫街,發現左張好大既poster寫住"懷緬香港光輝歲月",我哋抱住好奇心行入去,見到一間冰室,門外中間有一張乒乓波枱,真係好有趣,入到去餐廳環境仲特別,見到好多香港昔日事物,每一樣都充滿著懷舊嘅味道,坐低無耐就睇有咩食,menu係一本習作簿一共有8題習作, 可以將menu design到一本習作既形式真係好特別,最後我哋揀咗常餐(包括多士,炒蛋同蕃茄牛柳粒通粉)同埋脆皮雞髀西炒飯,話咁快我嘅常餐就送到,炒蛋真係好好食,口感軟滑,蛋味香濃,通粉好大碗,而且仲有好多牛柳粒,真係好抵食,朋友嘅雞髀 炸得好脆,又唔硬又唔油,入哂味!!西炒飯炒得粒粒分明好乾身,無油膩感,而且仲好熱辣辣,真係唔錯!!呢度處於銅鑼灣比較偏僻嘅位置,環境寧靜又坐得舒服,係一間高質素冰室,下次再嚟銅鑼灣,我一定會來呢度食!!

想懷念香港的那些年，銅鑼灣名店街後巷的喜喜冰室令人帶來滿足。這些年的滿足不是從食物而來，是從冰室的氣氛和態度而來，貫徹始終的香港冰室風格。由於太早幫襯，簡單選了一份早餐，太陽蛋加西多士。水汪汪的太陽蛋黃上加點鹽，然後一淡吃入口，這種地方，這種質感，這種味道，從細到大仍然不斷回味。沙嗲牛肉汁很香甜，不過牛肉給梳打粉攪得過鬆。在冰室一定要喝一杯冰飲。老實說，冰室已不再是便宜餐廳了。甚至是貴價吃低檔食物。這裡也不平，但裝修和佈置是誠意十足，侍應的態度也很殷勤，保持著那些年的港式冰室特色。CalvinCanEat

喜喜嘅裝修係玩復古，入到去恍如置身係六七十年代，好多影相位，每次嚟到喜喜都會食喜喜三寶飯，但今次就試下佢地嘅茶餐，常餐有兩款，一款係叉燒湯意粉（可轉通粉），另一款係貴少少嘅鮮茄牛腩粒湯通粉，今次試晒兩款，先講叉燒湯意粉肉質鮮嫩，唔乾，湯底濃郁，非常好味，鮮茄牛腩粒轉咗通粉，湯底非常濃郁，酸酸甜甜味道出色，牛腩粒問得好淋，唔使3分鐘就已經請咗食碗，茶餐附上火腿䓤花炒滑蛋同埋香滑炒蛋都同樣出式，仲有個半塊厚多士都好好味，會再幫襯！

好耐無食喜喜，所以今日同男朋友去食飯就提議食喜喜🤤。第一次咁早去食，以前同男朋友黎親食都一定係九點打後。不過就算係七點幾呢啲食飯時間，喜喜都唔算好多人，都仲有好多位。如果有位揀，識坐一定係坐卡位🤣，每次都覺得自己好似坐緊小巴咁。喜喜冰室既裝修行既係懷舊風。講明先，本人對於一啲打住懷舊既旗號，但裝修新簇簇既餐廳，係會覺得好奇怪同突兀🤦🏻‍♀️。不過喜喜既裝修係有落苦功，佢地有啲真係以前既既卡式帶同poster做擺設，再加上一啲香港本地特式既擺設，我係覺得做得幾好既。係門口仲有張乒乓波檯，比人等位或者食完飯玩下👍🏻🏓。除左裝修有特色之外，連檯面既調味盤都有特別。好似菲林筒既係牙籤筒，另外佢地有真係一舊舊既方糖，我第一次見🤩。今次我嗌左乾炒牛河轉米粉（炒米粉愛好者🤣），男朋友就嗌左揚州炒飯。味道上唔算特別好食，不過炒得幾香。份量就岩岩好，夠一個人食飽肚。材料落得好足，我碟乾炒牛米有好多塊牛肉👍🏻。想提既係喜喜既員工服務態度都好好，仲記得第一次去食個陣仲請我同男朋友食蛋撻🤣。同埋係呢到可以食到好多舊式茶記既特式野食。次次黎到都想試佢地既特式野食，但兩個人一人一個碟頭飯就飽曬，根本食唔落其他野🤣。

本人平時都好少寫食評，今次忍不住要寫一寫，哩間食店服務員的態度十分差十分無禮貌，又吹你走，又黑人面，又不夠冷氣，認真不知所謂，比錢買難受，以後都不會再來光顧這家店

隱蔽在繁華銅鑼灣的一條後巷裏，這間喜喜冰室就會像一架時光機，把你帶回 90年代初的香港，令你感受當時的飲食文化和人情味。店舖內的裝飾已懷舊為主題。小至鐵盒方糖，經典廣東流行曲，去到紅色小巴的座位設計，每一個角落都能夠喚起你一些童年回憶(如果你的童年是在90年代😂)。他們的蛋撻，雞批浮台和奶茶是必試的。而我每一次來到都會點喜喜三寶飯。三寶就是蜜汁叉燒，煎蛋和一塊半吋厚的午餐肉，可以說是鐵一般的組合， 無堅不摧的味道。千奇百趣熱狗更是把熱狗直立放在不銹鋼杯內，賣相十分有意思。就這樣簡單的把一條熱狗，一條青瓜和少許沙律醬放在熱狗包內。簡單和純潔的味道，提醒大家知足，就常樂。

收工在港島區找吃的，突然想起了久違的喜喜冰室，銅鑼灣店搬遷以後都未有食過，所以便決定一來。夜晚八時左右，喜喜冰室人流很疏，所以在餐廳內幾乎是自由選位的，我被室內的小巴主題吸引了，便找個寬闊的卡位坐下。點了全日餐，是港式的all day breakfast ，很有風味，賣相不錯。很喜歡薄牛扒上配以豉油膏，厚多士上有芝士粉之類再烘，所以非常香口，球狀的是薯蓉，美中不足的是火腿薯蓉這些都是室温的，沒有熱烘烘剛做好的感覺。室外有乒乓波枱，很喜歡這句。

鬧客既伙記，啲野幾好食都冇用請叫啲伙記記住，個客叫乜都好唔好係客仲係度時評論，好難聽我次次叫鮑魚公仔麵，次次出菜前都聽到伙記講「邊個叫？幾頭？咁巴閉」我想問佢地我叫鮑魚公仔麵到底得罪佢地乜野

一日經過銅鑼灣 發現轉角有間喜喜冰室 好似好懷舊咁就入左去食啦😋一睇餐牌 價錢唔平🤑 就試試有沒有質素啦叫了一個常餐同一個菠蘿包 老實說味道真是普通😅 除了奶茶同炒蛋🍳 但環境好特別 吸引唔小人黎打卡 📸

選擇在平日星期一至星期五時間來下午茶，因為下午茶時間不代表有下午茶，在星期日和假期係取消下午茶的。有蔥花火煺炒蛋，是我們在多間茶餐廳和餐館都未有試過的。我朋友是不食蔥的，而且餐飽係無得加牛油，因為他們來貨時已經塗上牛油。D 伙計喜歡扮忙，一入座嗺落單，當請他們給我們時間去睇餐單，一會才決定，但3分鐘後，就全部伙計都看來「非常繁忙」。其實一個茶餐要$50-70 留在餐廳半個鐘，入座客亦50%時，又「忙碌地」後面抹，面前收！好忙碌地準備收你餐。這間懷舊茶餐廳風格，在名店坊裡的餐廳，實在有一種仿澳牛的情感，但我不喜歡澳牛。食品在炒意粉和日本版出前一丁，是我朋友非常喜歡的，所以，小小的不便，我都不會生氣和影響心情。我朋友選擇喜喜，其實也想試其他的餐廳，是因為本店在餐肉和出前一丁非常出色。未試過其他小菜，因為晚市加一服務費阻礙我們的選擇，我覺得如果懷舊不如有熱毛巾。

今天想在銅鑼灣揾D價錢比較相宜的餐廳食，發覺一點也不容易。幸而路經銅鑼灣的fashion walk 有間懷舊的港式冰室，價錢唔貴，裝修又有本土特色，一於去試試。一步入餐廳，這邊見到親切的十四座小巴座位，那邊見到吊扇同香港舊冰室的格局，而牆上更有陳年的明星照，真是懷舊味十足，打卡一流。這兒供應的午餐有四款$59-$66，而茶餐則全曰供應。今日試一下茶餐。喜喜茶餐$54這個茶餐有叉燒湯意粉、火腿炒蛋同多士。火腿軟滑，炒旦雖然不算極之滑溜，但仍然保持大部分半熟，味道唔差。多士是厚切，脆脆地，但只有少量牛油。湯意粉的叉燒味道唔錯，是半肥瘦，帶一點肉香；意粉口感煙韌，加上淡淡然的雞湯，簡單而飽肚。奶茶真係唔錯！奶茶醇香奶滑，有茶葉香味又唔澀，加上厚杯保持溫度，有點像大排檔奶茶。這兒的裝修有特色，打卡一流，加上餐點味道唔錯，是銅鑼灣開飯的好地方。

今日瞓覺瞓晏咗。突然間想食喜喜冰室。錯過咗早餐時段。 唯有黎食下午茶。位置舒服。 講左黎新舖，舖位大好多。裝修舒服左。有好多卡位。 用咗紅色小巴座位嘅設計。都幾特別。舖入面亦都有好多懷舊嘅擺設。茶餐有叉燒意粉火腿炒滑蛋同埋油多士。佢嘅多士真係好好食。滑蛋都好香。意粉質素就正常。不過逢公眾假期同埋星期日，就要加一。但位置舒服，我估大家都未必會介意比多少少錢。食物質素可以，主要係食佢嘅環境。大家不妨黎試一試。