喜喜冰室

營業中

休息中

我住係附近，所以成日都來食，由其係夜晚，講真句，茶餐廳食野都係求快靚正啫，唔通你想有五星級酒店的service咩。來多左，的伙記開始認得我，本身態度係正常既，熟左後咪再好的囉。講野大聲或者粗鄙的唔代表冇禮貌既，都係打份工啫，有時忙起上來冇辦法啦，我又真係冇遇過好差既態度喎。

依排突然口痕想食番啲港式野近幾年懷舊冰室咁hit 我地都唔執輸 試番間喜喜冰室-喜喜三寶飯 $56其實係一般既餐蛋飯加叉燒 但味道相當唔一般粒太陽蛋好靚 叉燒份量十分足 蜜汁相當惹味 肥瘦適中 好似我女朋友咁餐肉幾厚 但略嫌唔夠脆 同埋醬汁亦都太過甜 有少少功高蓋主既感覺整體黎講味道同賣相都唔錯既-法蘭西多士 $34呢間冰室沿用返傳統既煎多士既方法所以同坊間依家食到既炸西多口感唔同製作需時亦都較長 大概要等12-15分鐘 想食既要比啲耐性一黎就比佢嚇親 因為個西多士真係好厚 差唔多5~6cm而且每一面都煎到金黃色 賣相吸引 麵包亦都好鬆軟 配埋糖漿牛油 啖啖滋味佢地用既糖漿係楓糖漿 食落去有淡淡既楓糖味 不過由於佢唔似平時既西多咁 兩塊薄方包中間夾住一層花生醬 所以佢既甜度唔係好夠鐘意食甜啲既朋友可能要落多啲糖漿-蛋撻 $9 味道淡淡地 蛋心質地較實 唔夠滑 麻麻-總括黎講 食物水準唔錯 餐廳環境都好懷舊 貼滿70 、80年代既海報 同埋60年代既新聞、古董玩具等 大家鐘意食冰室/茶記既可以試下

假日休息晏左起身，但又想食左早餐醒一醒神，於是就去左附近既喜喜冰室。喜喜冰室唔係第一次食，一直都覺得佢既早餐好大份，份量好足， 果然，一人叫人份係會食唔晒叫左雞排炒蛋多士，仲有蕃茄牛腩湯通粉。牛油多士又香又脆唔洗講，炒蛋滑雞排香；仲有食唔晒既大大碗通粉。 今次真係good morning 了。

雖然野食好味，地方有特色，但一坐底冇人落單，已經向超過3位服務員示意，佢地明明唔忙又有直視我，但就直行直過，見到熟客先行過去幫手，呢種只理熟客嘅態度極度不知所謂。

由舊喜喜食到黎新舖位，一個月總會黎一兩次，都食左幾年。啲嘢食唔錯幾好食，由其是個咸牛脷出前一丁同芝士火腿菠蘿包堅好食，第二道食唔到。但係近年侍應態度越來越差。自己都係老粗一名，明白去茶餐廳食野唔會要求五星級酒店招呼。不過今日去到食野，坐底前想執下啲凳之制，有一個金髮黑框眼鏡姐姐侍應沖埋黎好似好喝犯咁，大叫我小心佢張地氈唔好攪！大佬當時又唔係人多，我又沒阻到你，其實我黎食嘢姐⋯⋯啲嘢食幾好食都沒用，咁樣比你呼呼喝喝，直頭趕客，我下次食第間好過。

伙記態度差到不得了, 特别有ㄧ位伙記超大聲講嘢，成間荼餐廳只聽到佢把聲,不時又用粗囗問候d客人, 又話如果不滿就打電話俾佢佬細投訴, 真不明白佢老闆点解會請佢?食物其實真是ㄧ般，無論如何以後都唔會再去了。

今日我哋去食下午茶， 我哋兩個人食先跟住有一個朋友來，咁我哋幫佢叫野啦點知嚟到唔係要嗰啲嘢！跟住就話我講錯囉錯啦、我朋友話唔緊要食啦咁照食唔使改啦、咁我就行入去搵佢啦話唔使改啦佢話唔好啦我幫你改咗啦又改又唔改搞到我地俾人扣分㗎！百思不得其解！我都知做飲食業辛苦但係你哋嘅態度係咪真係可以咁架呢？有冇聽清楚人哋落單叫啲咩嘅呢！以前我同我啲同事都好鍾意去食一路都覺得佢哋態度係有問題㗎啦、不過諗住食嘢算！今日真係太過分啦仲要有崆峒派嘅眼神！啲夥計好似老闆咁唔知係咪呢 我諗我以後都唔會再去囉

上年銅鑼灣加寧街嘅喜喜冰室，就搬咗入較為隱蔽嘅位置，有室外座位，仲係出邊放咗一張乒乓波枱，今人諗起電影《食神》用瀨尿牛丸打乒乓波嘅一幕，裏面嘅卡位佈置成紅色小巴外型，更加有香港味道！喜喜茶餐 $49火腿炒蛋、牛油多士、叉燒湯意粉，都係一貫茶餐廳嘅配搭，多士烤得特別脆奄列都好香，奶茶都好滑。喜喜冰室星期一至日:08:00-23:00地址: 銅鑼灣Fashion Walk百德新街57號地下C&D號舖電話: 28680363平均消費$50/位

行街行到攰，諗住入去坐下，一入去無人理我地，唯有自己搵個位坐啦，點知後面突然有個侍應大叫：「個度有人坐架啦！人地叫晒野食有張單係度架咁都睇唔到咩！」好啦，唔緊要啦，咁我地再行入去同人搭檯啦。我地叫左兩個茶餐，其中打算將叉燒意粉+$5改使茄腩，點知另一個光頭眼鏡的叔叔突然破口大罵：「我話你知，呢度係無得咁樣加錢！呢度係唔會有茄腩！」😂😂😂😂真實情況好好笑，我地望著餐牌呆左跟著打算急急腳食埋就走啦，點知聽到個光頭眼鏡的叔叔又大叫：「有人埋單，叫門口果個麻甩佬入黎！」隔離有其他侍應都忍不住話：「你咪咁啦，咁多客係度聽到」「怕咩！叫個麻甩佬滾進來！」我見到入黎既明明係一位後生仔。打死我以後都唔再去。

今日到選這餐廳食餐，原因系餐廳的麵包烤得香在餐廳竟然見到：寫明四人座卡位需要消費150元～隔離檯被安排坐左三位客人，他們無叫正餐只叫左飲品，坐在不到半小時，收銀阿姐走過來叫他們盡快離開，理由系由於餐廳午時較繁忙這三位客人離開後，安排坐左兩公婆及一位小男孩，他們叫兩個餐，都不超過100元，侍應生無要求他們叫餐一定要150元以上太陽蛋煎得好香，麵包焗得脆口叉燒意粉：叉燒太硬，不好食，意粉都彈牙不喜歡太陽蛋，可以轉炒蛋奶茶不太滑，加多少少奶會香濃些快速食才不俾人趕

今日同個friend傾下啲工作野，星期日周圍都多人搵個靜靜地嘅地方坐低慢慢傾，就入咗呢間喜喜冰室，一坐低就見到個牌寫住四人枱最低消費$150。明嘅～租金貴，但都俾返啲質素...叫咗個牛腩番茄湯通粉常餐，多士係整定先...嚟到都軟哂，普通炒蛋，個番茄湯通粉仲衰過羅宋湯通粉，溝希起左嘅羅宋湯湯底...奶茶10分嘅話都有6分嘅唯一讚嘅係間店嘅裝修創意，係唔錯嘅，門口張乒乓波枱，同埋好多懷舊嘅錄音帶，仲有着到好 classic feel嘅夥記

環境一流，地點又好。裝修有舊香港的感覺。員工服務亦都保持舊香港水準，大聲講粗口，無禮貌，建議小朋友唔好去，大人都ok,食物質素一般，食物衛生情況要多注意，腸胃好先得，我腸胃麻麻食完就肚疴

話說學校前排有份功課，係要拍一條推廣香港既片，我地好快就決定左做美食主題，寓學習於娛樂係人生一大樂事👻係網上面見到呢間冰室既格局同設計幾得意，就揀左佢做其中一個拍攝場地🎬果然室外有張乒乓球檯🏓️室內又有紅色小巴座位，見小巴有位我地二話不說就坐左上去😎呢度既野食有啲都真係第一次見，夠曬有新意👏🏻野食上檯之際，當然係要相機食先，店員見到比建議我地點影，以冰室黎講服務態度都算係咁👁‍🗨 脆皮菠蘿油（7/10）💲18呢個菠蘿油烘到金黃色，都靚靚仔仔架🤭表皮尚算酥脆，但稍微易散碎，配埋大舊牛油，脂肪爆標🐷👁‍🗨 黑白多士（6.5/10）💲26黑芝麻醬配煉奶既多士，應該係比較少見啦掛😳食落都有香濃芝麻味，而且又唔會太甜，味道同創意7分😍不過睇相都應該知，個多士唔多掂頂盡6分，偏腍同韌身，同我期望中既烘多士脆底有出入👉🏻👈🏻👁‍🗨 雞批浮台（6.5/10）💲33青豆蓉湯配雞批，又係另一大膽挑戰👀食落出奇地唔會突兀，青豆蓉湯既青豆味都真係幾重，不過要預左雞批濕濕地，外皮唔會好腍，但就必定唔會好香脆，個人始終都係鍾意傳統雞批嗰種食法多啲😂👁‍🗨 出爐蛋撻（6.5/10）💲9其實個人鍾意酥皮蛋撻多一點，但係

環境:餐廳主打懷舊冰室風味, 室內室外環境都經過設計, 好有心思. 餐廳門前擺左一張乒乓波枱, 仲有幾個懷舊擺設, 未入去都有d 80年代感覺, 入到餐廳, 當然唔少得佢出名既小巴卡位, 的確整得幾靚, 都難怪咁多遊客專程黎到呢間冰室打卡.食物: 第一次黎喜喜冰室, 叫左佢個招牌黑白多士, 雞肶西炒飯同冰室必食既紅豆冰. 首先講講佢個黑白多士, 我個人認為味道一般, 唔係特別好食, 同平日茶餐廳既多士差唔多, 可能用番花生醬會好食d. 至於雞肶炒飯, 我覺得整得唔錯, 不過不失, 雞肶炸得脆口, 炒飯底亦唔錯, 茄汁味濃. 最後要講下呢間既紅豆冰, 本身見佢用刨冰整紅豆冰都有期待, 但飲完覺得味道一般, 仲有少少怪味, 可能蓮子或紅豆唔夠新鮮, 所以紅豆冰係有d 令人失望.價錢:價錢比坊間茶餐廳貴, 紅豆冰$36, 多士同炒飯$20-$50, 可能名氣既關係, 不過論餐廳設計的確有心思, 可以黎試試, 至於食物質素, 我認為要花多點心思先對得住個價錢.

What happen for that waiter? His attitudes really terrible. Looks like we kill his parents before. Bad face, bad spoken attitude and horrible put down two cup of water to us. My friend and me feel scare and very not happy. By the way, their table utensils not clean enough. Still has some rice on spoon and fork. Ah!!!