喜喜燒臘茶餐廳

營業中

休息中

補充下先封面果張相好似唔係咁…22蚊…兩拼燒味 連汽水。一字之日，抵食味道真係一時時。湯有時要鹹到加水，但有時又好ok上落最大都係呢間。最印象深的一次就係幫屋企人買半隻鴨唔錯喎，有鴨味。 賣的都係50 到。d 肉都幾入味，同埋唔算好肥…少脂肪。最差一次返而係買燒鴨叉河。個湯超鹹…結果要加熱水先覺得ok ...一睇就見到d 湯好深色... 深色過平時……但係d 餸就多，同埋真係唔錯叉燒唔太鹹，肉仲要係白色.. 同埋肉質鬆化…鴨就平時貨色，少肥多肉，仲幾香口。 但係都係一句灣仔區食lunch 都幾貴。呢一間已經唔差但係只限燒味同埋外賣餸<唔係樣樣好食，真係好睇下果日>果度最唔好食的係wu 冬... 酸既,--.-"" 好怪。咪叫我下次叫wu 冬呢間野時好時壞，真係好講彩數。但係燒味的質素都算穩定。

今日同朋友因趕時間隨便走入了這餐廳~囧一入到去~坐左唔夠一陣就要我地轉位=-=之後好快就有個人好急咁問要食咩~我地講佢個陣佢又叫等等wo~心想最安全應該是食燒味/.\叫左個招牌四寶飯點知碟飯一黎就嚇死左~一望落去D叉燒濃到暈~D燒肉甩甩下=-=~D豬耳有Dcut左等於無cut~然後食落就oh my god~>^<全部都凍的~都唔知放左幾耐==再看看四周~數隻烏英同你打招呼~我朋左叫左個炒粉~D粉咩味都無~又凍~(不過唔知點解都要等囉~用冰黎炒？)唔食好過食~唉~頌要唔係平~加買凍飲36架~去食快餐都好過佢~

灣仔既茶餐廳都係好貴!!!物價高漲~都唔洗搶!入到去~!都唔知食咩好~~午餐都36蚊~~加凍飲仲要加2蚊!!!既然係咁~~就試下燒味啦~~~34蚊有雙拼~~食了叉燒加燒肉飯~~2樣都好瘦~~肉都幾un 下~~真係唔好食~~~佢地真係主打燒臘?!

一星期食足四日, 禮貌唔使講, 梗係衰到暈啦, 所有員工都好落力地摧, 摧你落單, 摧你食快些, 摧你埋單, 禁落力可能老闆有獎金分比佢地, 每次食完就過對面pacific 飲咖啡睇報紙, 來來去去都係食三味, 一是咸蛋肉餅飯, 乳豬三寶飯, 或肥义雞飯, 咸蛋肉餅幾好味, 肥肉唔太多, 最好加多些蔥, 乳豬三寶與乳豬雙併同價, 梗係三寶啦, 我只要切雞加肥义, 佢地的燒鵝唔掂, 皮柴肉硬, 見佢放係櫃個的又幾靚個喎, 但係唔知點解咬落都好似隔夜禁,

六月三日 (星期二)今日出街有嘢做, 搞到兩點幾成三點先返到公司, 晏都未食.心血來潮想食叉燒飯, 呢頭附近唔係 "喜喜" 就係 "再興", 最後揀咗 "喜喜" 因為佢近啲.行到去收銀叫外賣, 比完錢跟住就企起門口等等咗三分鐘都冇盒飯就準備好, 仲有例湯送都只係廿蚊, 認真抵食.返到公司打開盒飯, 以廿蚊飯計叉燒都唔算少, 仲有兩條青菜叉燒尚算鬆化, 外層唔會太甜耶耶, 不足之處係豉油唔夠例湯都係例湯咁, 但味精不多總結係今時今日起灣仔用廿蚊去茶餐廳都未必夠但去 "喜喜" 就可以買到一盒唔錯嘅叉燒飯同例湯 (兩點前去好似仲有汽水添)

今日中午到了灣仔辨事, 等同事來救, 就係喜喜等埋一齊食飯.先坐低, 唔order, 佢地都俾我等左一陣, 之後開始催我order, 催食完吹水既人走....催促之下, 我先落order, 慢用等人, 來餐來得非常快, 呢頭order 完, 果頭斬好出飯. 野飲仲要即叫即到. 拍一聲, 放在我檯面.燒味質素一向都保持良好水準, 惟獨是繁時服務, 趕客乎???最好係夜晚黎食, 唔會未食完就怒"bea"你, 睇住你食完最後一啖, 收碟!

今天lunch 時間很想去買燒味飯吃,想起這家燒爉店,買了一盒叉燒燒肉飯,叫那遞飯盒給我的那個女人給我一包酸梅醬,怎知她心不在焉聽錯我要加薑蔥油,叫我應該早o的話比佢知,好不滿意加了一匙薑蔥油給我,我來不及制止她,我跟她說我是要酸梅醬,不是薑蔥油,她又在很不滿意的情況下給了我一包酸梅醬,我真的很想知道,這個既不禮貌加上聽覺有問題的女人,是伙計還是老闆娘呢,若果她是伙計的話,我想這家店舖的老闆要跟她談談態度的問題了。再講講那些叉燒及燒肉,叉燒非常un,燒肉又鹹到飛起,是不是下錯調味料呀,又或者是否現在任何野都加加加,卻唯獨是鹽最平宜,我跟我自己說,我不會再幫襯這家舖頭了,又受氣,舌頭加上腎臟又受罪,肥老闆話解,"so bad"

2008年1月22日，喜喜。以前吃過灣仔近世紀酒店的喜喜，唔知同呢間係咪同一老細。叫了一碗燒鴨瀨粉，一食就覺得個湯好鹹，心想這裏一定不能常來，不然個腎好受罪。而且27元都幾貴，後來知道附近有更便宜的，有點呻苯。其實最慘係食食下對面來了一男一女，個男人唔小心掃跌了夥記拿來的茶，D茶飛到我邊，真係飛來橫禍，D夥記有說對不起，但無D紙俾我抹下喞。倒楣。

半夜兩點，從公司走出來，肚子空虛，要吃點東西去充實一下。忽然想吃叉蛋飯，方圓十里，選擇不多。而這裡的叉蛋飯有一定的信心保證的，因為叉燒了得的關係。這裡的叉燒飯賣相很對辦，兩隻太陽蛋，加一字排開的半肥叉，一看已知味道不差。幸運地，叉燒都是枚頭的部份，又腍又鬆軟，帶肥的部份又甘香，加上豐腴稠結的蛋汁，再撈熱飯，簡直是人間美味。尤其是在這個深宵時份，能吃到如此像樣的叉燒飯，實在令人感動。另加芥蘭一碗，凍啡一杯，埋單48蚊。有什麼比吃得飽飽的，更令人感覺心滿意足？

叉燒好一般如果要食，可以行去再興仲好!價錢唔平乳豬雙拼連野飲要$37叉燒雙拼連野飲要$32普通一個常餐\都要$28唉物價高漲最想提醒各位呢度衛生程度麻麻食到一半見到小強.....爬來爬去

今日唔太肚餓,走去買碗濑粉食,平時見老細鍾意叫肥叉,一次半次無所謂啦,就叫咗肥叉濑食,湯底濃,漱粉粗粗幾有口感,肥叉淋中帶爽,真係好好味,我諗我下次都會再叫"肥叉".連汽水$20

夜晚黑同朋友飲野, 之後想去食少少野, 但係又唔想落麥記, 咪去呢間, 就腳嘛. 我真係唔單止失望, 因為本來入去就只為了醫肚, 沒有任何期望. 但估唔到, D 野食難食到呢個地步! 我當時要左個餐, 有出前一丁配幾樣菜(五香肉丁等) 同埋一杯凍啡. 凍啡變酸了! 肉丁麵好似落左四斤鹽, 好鹹, 好難食. 出前一丁似乎係五毫子一個的茶餐廳專用即食麵, 麵質好粉, 出前一丁點會係咁? 你寫到明係出前一丁, 就唔該畀出前一丁啦, 個餐又唔係10蚊個, 差唔多成40蚊, 駛唔駛咁慳?不過你有你慳, 總之我以後都唔會再去.

I order a plate of 四寶飯, half of duck's egg, sausages, assorted of 燒味also, they were all salty, what's that? i say i don't want the goose and then the waitress says that she don't know what will the chef gave to me. At last my plate have two pieces of char siu, chicken legs, pig's stomach, luncheon meat, chicken; oh my goodness, am i eating rubbish, no next time again for this shop.

去完書展已經十一點幾,黎左就近0既喜喜醫肚兩個人叫左:腿蛋麵+凍檸水餐肉,五香牛肉麵+凍檸茶唔知係咪又累又餓,覺得呢碗麵特別好味...

都成年無去過探外公外婆，難得星期日有空，就和爸爸媽媽一齊去探佢地老人家。本想陪佢地去飲茶，但老人家又唔鐘意出去，只吩咐我買d燒吁上去做午飯。既然老人家喜歡吃燒味，咁就燒味啦！一心走去再興買正叉燒俾佢地試，誰知星期日再興是沒有開門做生意的。咁唯有過鈄對面的喜喜買。乳豬飯、叉燒飯、油雞飯各一，買完之後的士往外公家去也。由於路程不遠，到埗時飯盒仍時熱的。乳豬飯，我恨食好耐，就算做得一般我都會俾笑面佢。可是，實在太差，肉太乾太瘦，毫無肥肉在內，皮也是硬而不鬆化，慶幸溫度仍可。叉燒飯，話明要半肥瘦，結果來個全瘦。硬柴柴，又勁咸，我都幾乎咬唔到，叫老人家點食呀?!眼見外公死咬爛咬都切唔開，真有點心酸。油雞叫做好些少，雖然久雞味，總算叫做吞得落肚；薑茸送飯也可以。咁既質素，仲要開在再興附近，恐怕都難以突圍。